സദാ മാറി​ക്കൊ​ണ്ടി​രി​ക്കുന്ന ഒരു ലോക​ത്തിൽ പ്രസം​ഗി​ക്കൽ

¹ എത്ര പെട്ടെ​ന്നാണ്‌ കാര്യ​ങ്ങൾക്കു മാറ്റം വരുന്നത്‌! ഒരൊറ്റ രാത്രി​കൊ​ണ്ടാ​യി​രി​ക്കും ഒരു പ്രകൃ​തി​വി​പ​ത്തോ സാമ്പത്തിക പ്രതി​സ​ന്ധി​യോ രാഷ്‌ട്രീയ പ്രക്ഷോ​ഭ​മോ അല്ലെങ്കിൽ വലിയ വാർത്ത സൃഷ്ടിച്ച ഒരു ദുരന്ത​മോ സംസാ​ര​വി​ഷ​യ​മാ​യി മാറു​ന്നത്‌. എന്നാൽ അതേ വേഗത്തിൽത്തന്നെ അവ മാറി പുതിയ സംഭവ വികാ​സങ്ങൾ ആളുക​ളു​ടെ ശ്രദ്ധ പിടി​ച്ചെ​ടു​ത്തേ​ക്കാം. (പ്രവൃ. 17:21; 1 കൊരി. 7:31) സദാ മാറി​ക്കൊ​ണ്ടി​രി​ക്കുന്ന ഈ ലോക​ത്തിൽ ആളുക​ളു​മാ​യി രാജ്യ​സ​ന്ദേശം പങ്കു​വെ​ക്കാൻ കഴിയും​വി​ധം നമുക്ക്‌ എങ്ങനെ അവരുടെ ശ്രദ്ധ ആകർഷി​ക്കാ​നാ​കും?

² മറ്റുള്ളവരുടെ ഉത്‌ക​ണ്‌ഠകൾ വിവേ​ചി​ച്ച​റി​യുക: ആളുക​ളു​ടെ ശ്രദ്ധ ആകർഷി​ക്കാൻ കഴിയുന്ന ഒരു മാർഗം ആനുകാ​ലിക സംഭവ​ങ്ങളെ കുറിച്ചു പരാമർശി​ക്കു​ന്ന​താണ്‌. ഒരു സന്ദർഭ​ത്തിൽ യേശു, ദൈവ​മു​മ്പാ​കെ​യുള്ള തങ്ങളുടെ നില സംബന്ധിച്ച്‌ ഗൗരവ​മാ​യി ചിന്തി​ക്കാൻ തന്റെ ശ്രോ​താ​ക്കളെ ഉദ്‌ബോ​ധി​പ്പി​ക്കവേ, അവർക്ക്‌ അറിയാ​മാ​യി​രുന്ന, ആയിടെ നടന്ന ദുരന്ത​ങ്ങളെ കുറിച്ചു പരാമർശി​ക്കു​ക​യു​ണ്ടാ​യി. (ലൂക്കൊ. 13:1-5) സമാന​മാ​യി, നാം സുവാർത്ത അവതരി​പ്പി​ക്കു​മ്പോൾ നമ്മുടെ പ്രദേ​ശത്തെ ആളുക​ളു​ടെ ജീവി​തത്തെ സ്‌പർശിച്ച ഒരു ആനുകാ​ലിക വാർത്ത​യെ​യോ പ്രാ​ദേ​ശിക സംഭവ​ത്തെ​യോ കുറിച്ചു പ്രതി​പാ​ദി​ക്കു​ന്നതു നന്നായി​രി​ക്കും. എന്നിരു​ന്നാ​ലും, അത്തരം കാര്യ​ങ്ങളെ കുറിച്ചു സംസാ​രി​ക്കവേ രാഷ്‌ട്രീ​യ​മോ സാമൂ​ഹി​ക​മോ ആയ സംഗതി​ക​ളിൽ നിഷ്‌പ​ക്ഷ​രാ​യി​രി​ക്കാൻ നാം ശ്രദ്ധി​ക്കേ​ണ്ട​തുണ്ട്‌.—യോഹ. 17:16.

³ ആളുകൾ അപ്പോൾ എന്തിനെ കുറി​ച്ചാ​ണു ചിന്തി​ക്കു​ന്ന​തെന്ന്‌ നമുക്ക്‌ എങ്ങനെ അറിയാൻ കഴിയും? ഒരുപക്ഷേ ഏറ്റവും മെച്ചമായ മാർഗം ഒരു ചോദ്യം ചോദി​ച്ചിട്ട്‌ അവർക്കു പറയാ​നു​ള്ളതു ശ്രദ്ധി​ക്കുക എന്നതാ​യി​രി​ക്കും. (മത്താ. 12:34) ആളുക​ളി​ലുള്ള താത്‌പ​ര്യം അവരുടെ വീക്ഷണം ശ്രദ്ധി​ക്കു​ന്ന​തി​നും നയപൂർവം കൂടുതൽ കാര്യങ്ങൾ ചോദി​ച്ച​റി​യു​ന്ന​തി​നും നമ്മെ പ്രചോ​ദി​പ്പി​ക്കും. അധിക​മൊ​ന്നും ആലോ​ചി​ക്കാ​തെ പെട്ടെന്ന്‌ ഒരു വീട്ടു​കാ​രൻ പറയുന്ന കാര്യങ്ങൾ ആ പ്രദേ​ശത്തെ പലരു​ടെ​യും മനസ്സിനെ അലട്ടു​ന്നത്‌ എന്താ​ണെന്ന്‌ വെളി​പ്പെ​ടു​ത്തു​ക​യും സാക്ഷ്യം നൽകാ​നുള്ള വഴി ഒരുക്കു​ക​യും ചെയ്‌തേ​ക്കാം.

⁴ ഒരു അവതരണം തയ്യാറാ​കുക: സദാ മാറി​ക്കൊ​ണ്ടി​രി​ക്കുന്ന ഒരു ലോക​ത്തിൽ വയൽസേ​വ​ന​ത്തി​നാ​യി തയ്യാറാ​കു​ന്ന​തി​നു നമുക്ക്‌ ന്യായ​വാ​ദം പുസ്‌തകം ഉപയോ​ഗ​പ്പെ​ടു​ത്താൻ കഴിയും. അവതര​ണ​ത്തിൽ ആനുകാ​ലിക സംഭവങ്ങൾ ഉൾപ്പെ​ടു​ത്താൻ നമ്മെ സഹായി​ക്കുന്ന നിർദേ​ശങ്ങൾ 10-11 പേജു​ക​ളി​ലെ “കുറ്റകൃ​ത്യം/സുരക്ഷി​ത​ത്വം,” “ആനുകാ​ലിക സംഭവങ്ങൾ” എന്നീ ശീർഷ​ക​ങ്ങൾക്കു കീഴിൽ പട്ടിക​പ്പെ​ടു​ത്തി​യി​രി​ക്കു​ന്നു. 2000 ഒക്ടോബർ ലക്കം നമ്മുടെ രാജ്യ ശുശ്രൂ​ഷ​യു​ടെ 7-ാം പേജി​ലും സമാന​മായ വിവരങ്ങൾ കാണാ​വു​ന്ന​താണ്‌. അവതരണം തയ്യാറാ​കു​മ്പോൾ അനു​യോ​ജ്യ​മായ ഒരു തിരു​വെ​ഴുത്ത്‌ ഉൾപ്പെ​ടു​ത്തു​ന്നു എന്ന്‌ ഉറപ്പു​വ​രു​ത്തുക.

⁵ നമ്മുടെ പ്രദേ​ശത്തെ ആളുക​ളു​ടെ മാറി​ക്കൊ​ണ്ടി​രി​ക്കുന്ന ഉത്‌ക​ണ്‌ഠ​കൾക്ക്‌ അനുസൃ​ത​മാ​യി, നാം സുവാർത്ത അവതര​ണ​ത്തിൽ പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ട​താണ്‌. അങ്ങനെ, ആളുക​ളു​ടെ ജീവി​തത്തെ ആഴമായി ബാധി​ക്കുന്ന സംഗതി​കളെ കുറിച്ച്‌ നാം അവരോ​ടു സംസാ​രി​ക്കു​ന്നു. അതുവഴി, ഒരിക്ക​ലും മാറ്റം വരാത്ത ഗുണങ്ങ​ളും മാനദ​ണ്ഡ​ങ്ങ​ളും ഉള്ളവനെ കുറിച്ച്‌ അറിയാൻ നാം അനേകരെ സഹായി​ക്കു​ന്നു.—യാക്കോ. 1:17.