താത്‌പ​ര്യ​മു​ണർത്താൻ ആനുകാ​ലിക സംഭവങ്ങൾ ഉപയോ​ഗി​ക്കു​ക

¹ ശുശ്രൂഷയെ പുതു​മ​യു​ള്ള​താ​ക്കി നിറു​ത്താ​നും ആളുകൾക്ക്‌ ബൈബിൾ സന്ദേശ​ത്തി​ലുള്ള താത്‌പ​ര്യ​ത്തെ ഉണർത്താ​നും പര്യാ​പ്‌ത​മായ നല്ല ആശയങ്ങൾ എല്ലായ്‌പോ​ഴും ഉണ്ടായി​രി​ക്കാൻ നിങ്ങൾ ആഗ്രഹി​ക്കു​ന്നു​വോ? എങ്കിൽ ലോക​രം​ഗ​ത്തും നിങ്ങളു​ടെ പ്രദേ​ശ​ത്തും നടക്കുന്ന സംഭവങ്ങൾ ഒരു സംഭാ​ഷണം തുടങ്ങാ​നാ​യി ഉപയോ​ഗി​ക്കുക. പ്രാ​ദേ​ശി​ക​വും ദേശീ​യ​വു​മായ ആനുകാ​ലിക സംഭവ​ങ്ങ​ളോ അന്തർദേ​ശീയ വാർത്ത​ക​ളോ നിങ്ങൾക്ക്‌ ഉപയോ​ഗി​ക്കാ​വു​ന്ന​താണ്‌. ഇവയ്‌ക്ക്‌ എപ്പോ​ഴും മാറ്റം സംഭവി​ച്ചു​കൊ​ണ്ടി​രി​ക്കു​ന്നു. പിൻവ​രുന്ന ഉദാഹ​ര​ണങ്ങൾ പരിചി​ന്തി​ക്കുക.

² സാമ്പത്തിക പ്രശ്‌ന​ങ്ങ​ളും ജീവിത ചെലവു​ക​ളും ആളുകളെ ശരിക്കും അലട്ടു​ന്നുണ്ട്‌. അതു​കൊണ്ട്‌ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼ വീണ്ടും വിലക്ക​യറ്റം ഉണ്ടാകു​ന്ന​തി​നെ കുറി​ച്ചുള്ള വാർത്ത [അത്‌ എന്താ​ണെന്ന്‌ പറയുക] നിങ്ങൾ കേട്ടോ? അല്ലെങ്കിൽ, വലി​യൊ​രു കമ്പനി ധാരാളം തൊഴി​ലാ​ളി​കളെ പിരി​ച്ചു​വി​ട്ടി​രി​ക്കുന്ന ഒരു സാഹച​ര്യ​മാ​ണെ​ങ്കിൽ അതിന്റെ ഫലമായി ഉണ്ടായി​രി​ക്കുന്ന തൊഴി​ലി​ല്ലാ​യ്‌മ​യെ​ക്കു​റിച്ച്‌ നിങ്ങൾക്കു പറയാ​വു​ന്ന​താണ്‌. ചർച്ച എങ്ങനെ മുന്നോട്ട്‌ കൊണ്ടു​പോ​കാൻ ഉദ്ദേശി​ക്കു​ന്നു എന്നതിന്റെ അടിസ്ഥാ​ന​ത്തിൽ, “ജീവി​ച്ചു​പോ​കാൻ ഇത്ര ബുദ്ധി​മു​ട്ടാ​യി​രി​ക്കു​ന്നത്‌ എന്തു​കൊ​ണ്ടാ​ണെന്നു താങ്കൾ ചിന്തി​ച്ചി​ട്ടു​ണ്ടോ?” എന്നോ “എക്കാല​വും ഇങ്ങനെ കഷ്ടപ്പെട്ടു ജീവി​ക്കേ​ണ്ടി​വ​രു​മെ​ന്നാ​ണോ താങ്കൾ കരുതു​ന്നത്‌?” എന്നോ ചോദി​ച്ചു​കൊണ്ട്‌ നിങ്ങൾക്കു തുടരാ​വു​ന്ന​താണ്‌.

³ കുടുംബങ്ങളിലോ സ്‌കൂൾ കുട്ടി​കൾക്കി​ട​യി​ലോ ഉണ്ടായ അക്രമത്തെ കുറി​ച്ചുള്ള റിപ്പോർട്ടു​കൾ സംഭാ​ഷ​ണ​ത്തി​നുള്ള മറ്റൊരു അടിസ്ഥാ​ന​മാണ്‌. നിങ്ങൾക്ക്‌ ഈ വിധം ചോദി​ക്കാം:

◼ നിങ്ങൾ [പ്രദേ​ശ​ത്തു​ണ്ടായ ഒരു ദുരന്ത​ത്തെ​ക്കു​റിച്ച്‌ പറയുക] പത്രത്തിൽ വായി​ച്ചോ? തുടർന്ന്‌, “ലോക​ത്തിൽ അക്രമം പെരു​കി​യി​രി​ക്കു​ന്ന​തി​ന്റെ കാരണം എന്താ​ണെ​ന്നാണ്‌ താങ്കൾ വിചാ​രി​ക്കു​ന്നത്‌?” എന്നോ “സ്വൈ​ര്യ​മാ​യി ജീവി​ക്കാ​നാ​വുന്ന ഒരു കാലം എന്നെങ്കി​ലും വരു​മെന്ന്‌ താങ്കൾ കരുതു​ന്നു​ണ്ടോ?” എന്നോ ചോദി​ക്കുക.

⁴ ലോകത്തിന്റെ വിവിധ ഭാഗങ്ങ​ളി​ലെ നാശക​ര​മായ വെള്ള​പ്പൊ​ക്കങ്ങൾ, ഭൂകമ്പങ്ങൾ, ആഭ്യന്തര കലാപങ്ങൾ എന്നിവ​യും താത്‌പ​ര്യം ഉണർത്താൻ പറ്റിയ വിഷയ​ങ്ങ​ളാണ്‌. ഉദാഹ​ര​ണ​മാ​യി നിങ്ങൾക്ക്‌ ഇങ്ങനെ ചോദി​ക്കാം:

◼ “ദൈവ​മാ​ണോ ഇതിന്‌ [പ്രകൃതി വിപത്തി​ന്റെ പേർ പറയുക] ഉത്തരവാ​ദി?” അല്ലെങ്കിൽ, ഈയിടെ പൊട്ടി​പ്പു​റ​പ്പെട്ട ആഭ്യന്തര കലാപ​ത്തി​ലേക്കു ശ്രദ്ധ ക്ഷണിച്ചിട്ട്‌ നിങ്ങൾക്കു പിൻവ​രുന്ന വിധം പറയാം: “എല്ലാവ​രും സമാധാ​നം ആഗ്രഹി​ച്ചി​ട്ടും അതു നേടി​യെ​ടു​ക്കുക എന്നത്‌ ഇത്ര ബുദ്ധി​മു​ട്ടാ​യി​രി​ക്കു​ന്നത്‌ എന്തു​കൊ​ണ്ടാണ്‌?”

⁵ നിങ്ങളുടെ അവതര​ണ​ത്തിൽ ഉപയോ​ഗി​ക്കാൻ കഴിയുന്ന ആനുകാ​ലിക സംഭവങ്ങൾ സംബന്ധിച്ച്‌ ശ്രദ്ധയു​ള്ള​വ​രാ​യി​രി​ക്കുക. ന്യായ​വാ​ദം പുസ്‌ത​ക​ത്തി​ന്റെ 11-ാം പേജിലെ “ആനുകാ​ലിക സംഭവങ്ങൾ” എന്നതിൻ കീഴിൽ സഹായ​ക​മായ നിർദേ​ശങ്ങൾ നിങ്ങൾക്കു കാണാൻ കഴിയും. എന്നാൽ, സാമൂ​ഹി​ക​മോ രാഷ്‌ട്രീ​യ​മോ ആയ കാര്യ​ങ്ങ​ളിൽ പക്ഷം പിടി​ക്കാ​തി​രി​ക്കുക. പകരം, മനുഷ്യ​വർഗ​ത്തി​ന്റെ പ്രശ്‌ന​ങ്ങൾക്കുള്ള സ്ഥായി​യായ ഏക പരിഹാ​രം എന്നനി​ല​യിൽ തിരു​വെ​ഴു​ത്തു​ക​ളി​ലേ​ക്കും ദൈവ​രാ​ജ്യ​ത്തി​ലേ​ക്കും വ്യക്തി​യു​ടെ ശ്രദ്ധ തിരി​ക്കുക.