അർഹരാ​യ​വരെ അന്വേ​ഷി​ച്ചു കണ്ടെത്തൽ

¹ പ്രസംഗവേല നിർവ​ഹി​ക്കാൻ യേശു നൽകിയ നിർദേ​ശങ്ങൾ വെല്ലു​വി​ളി നിറഞ്ഞ​താണ്‌. “ഏതു പട്ടണത്തി​ലോ ഗ്രാമ​ത്തി​ലോ കടക്കു​മ്പോൾ അവിടെ യോഗ്യൻ [“അർഹനാ​യവൻ,” NW] ആർ എന്നു അന്വേ​ഷി​പ്പിൻ” എന്ന്‌ അവൻ പറഞ്ഞു. (മത്താ. 10:11) ആളുകൾ വീട്ടി​ലു​ണ്ടാ​കു​ന്നത്‌ വളരെ വിരള​മാ​യി​രി​ക്കുന്ന ഇക്കാലത്ത്‌ ഈ അന്വേ​ഷണം ഫലപ്ര​ദ​മാ​യി നടത്താൻ നമുക്ക്‌ എങ്ങനെ സാധി​ക്കും?

² നിങ്ങളുടെ പ്രദേശം പഠിക്കുക: പ്രദേശം നന്നായി പഠിച്ചു​കൊണ്ട്‌ അത്‌ ആരംഭി​ക്കുക. ആളുകൾ വീട്ടിൽ കാണാൻ ഏറ്റവും സാധ്യ​ത​യു​ള്ളത്‌ എപ്പോ​ഴാണ്‌? പകൽ അവരെ എവിടെ കണ്ടെത്താം? അവർ സന്ദർശ​നത്തെ സ്വാഗതം ചെയ്യാൻ കൂടുതൽ സാധ്യ​ത​യുള്ള ഏതെങ്കി​ലും ഒരു പ്രത്യേക ദിവസ​മോ പ്രത്യേക സമയമോ ഉണ്ടോ? പ്രദേ​ശത്തെ ആളുക​ളു​ടെ സാഹച​ര്യ​ങ്ങൾക്കും ചര്യകൾക്കും അനുസ​രിച്ച്‌ നിങ്ങളു​ടെ ശുശ്രൂ​ഷ​യിൽ പൊരു​ത്ത​പ്പെ​ടു​ത്തൽ വരുത്തു​ന്നത്‌ ഏറെ ഫലം കായ്‌ക്കാൻ നിങ്ങളെ സഹായി​ക്കും.—1 കൊരി. 9:23, 26.

³ സായാഹ്നത്തിൽ ആളുകളെ സന്ദർശി​ക്കു​ന്നതു നിമിത്തം ചില പ്രസാ​ധ​കർക്കു നല്ല ഫലം ലഭിച്ചി​ട്ടുണ്ട്‌. ചില വീട്ടു​കാർ ആ സമയത്ത്‌ തിര​ക്കൊ​ഴി​ഞ്ഞ​വ​രും ശ്രദ്ധി​ക്കാൻ കൂടുതൽ ചായ്‌വു​ള്ള​വ​രു​മാണ്‌. ശൈത്യ​കാല മാസങ്ങ​ളിൽ പകലിന്‌ ദൈർഘ്യം കുറവാ​യി​രി​ക്കു​മ്പോൾ ചില പ്രദേ​ശ​ങ്ങ​ളിൽ വൈകു​ന്നേരം ടെലി​ഫോൺ സാക്ഷീ​ക​രണം (അനുവ​ദ​നീ​യം ആയിരി​ക്കു​ന്നി​ടത്ത്‌) നടത്തു​ന്നത്‌ ഫലപ്ര​ദ​മെന്നു തെളി​ഞ്ഞേ​ക്കാം. വ്യാപാ​ര​കേ​ന്ദ്രങ്ങൾ, കച്ചവട​സ്ഥ​ലങ്ങൾ, പൊതു​സ്ഥ​ലങ്ങൾ എന്നിവി​ട​ങ്ങ​ളിൽ സാക്ഷീ​ക​രി​ക്കു​ന്ന​തും സുവാർത്ത ആളുക​ളു​ടെ അടുക്കൽ എത്തിക്കാ​നുള്ള മാർഗ​ങ്ങ​ളാണ്‌.

⁴ പ്രത്യേക പ്രവർത്ത​ന​ത്തിന്‌ പദ്ധതി​യിട്ട ഒരു മാസം, ശനി, ഞായർ ദിവസ​ങ്ങ​ളിൽ ഉച്ചകഴി​ഞ്ഞും ബുധൻ, വെള്ളി ദിവസ​ങ്ങ​ളിൽ സായാ​ഹ്ന​സ​മ​യ​ത്തും ഒരു സഭ സാക്ഷീ​ക​രണം ക്രമീ​ക​രി​ച്ചു. കൂടാതെ, ടെലി​ഫോൺ സാക്ഷീ​ക​ര​ണ​ത്തി​നും കച്ചവട​സ്ഥ​ല​ങ്ങ​ളിൽ പ്രവർത്തി​ക്കു​ന്ന​തി​നും അവർ ആസൂ​ത്രണം ചെയ്‌തു. സഹോ​ദ​ര​ങ്ങ​ളു​ടെ ശുശ്രൂ​ഷ​യി​ലുള്ള ഉത്സാഹം പൂർവാ​ധി​കം വർധി​ക്കാൻ ഈ ക്രമീ​ക​ര​ണങ്ങൾ ഇടയാ​ക്കി​യ​തി​നാൽ അവ നിലനി​റു​ത്താൻ സഭ തീരു​മാ​നി​ച്ചു.

⁵ ശുഷ്‌കാന്തിയോടെ താത്‌പ​ര്യം പിന്തു​ട​രുക: മടങ്ങി​ച്ചെ​ല്ലു​മ്പോൾ ആളുകളെ വീട്ടിൽ കണ്ടെത്തുക നിങ്ങളു​ടെ പ്രദേ​ശത്ത്‌ ബുദ്ധി​മു​ട്ടാ​ണെ​ങ്കിൽ, പ്രഥമ സന്ദർശനം ഉൾപ്പെടെ ഓരോ സന്ദർശ​ന​ത്തി​ന്റെ​യും ഒടുവിൽ പുനഃ​സ​ന്ദർശ​ന​ത്തിന്‌ കൃത്യ​മായ ഒരു ദിവസ​വും സമയവും പറഞ്ഞു​വെ​ക്കുക. എന്നിട്ട്‌, പറഞ്ഞതു​പോ​ലെ മടങ്ങി​ച്ചെ​ല്ലു​ന്നു എന്ന്‌ ഉറപ്പു​വ​രു​ത്തുക. (മത്താ. 5:37) ഉചിത​മെ​ങ്കിൽ, വീട്ടു​കാ​രന്റെ ടെലി​ഫോൺ നമ്പർ വാങ്ങാ​വു​ന്ന​താണ്‌. വ്യക്തി​യു​മാ​യി വീണ്ടും സമ്പർക്കം പുലർത്താൻ ഇതും നിങ്ങളെ സഹായി​ക്കും.

⁶ അർഹരായവരെ അന്വേ​ഷി​ച്ചു കണ്ടെത്താ​നും താത്‌പ​ര്യം നട്ടുവ​ളർത്താ​നും ഉള്ള നമ്മുടെ ഉത്സാഹ​പൂർവ​മായ ശ്രമങ്ങ​ളു​ടെ മേൽ യഹോ​വ​യു​ടെ അനു​ഗ്രഹം തീർച്ച​യാ​യും ഉണ്ടായി​രി​ക്കും.—സദൃ. 21:5.