നിങ്ങൾ സായാഹ്ന സാക്ഷീ​ക​രണം പരീക്ഷി​ച്ചു​നോ​ക്കി​യി​ട്ടു​ണ്ടോ?

¹ നമ്മുടെ വേലയിൽ ഫലോ​ത്‌പാ​ദ​ക​രാ​യി​രി​ക്കു​ന്ന​തിൽ നാമെ​ല്ലാ​വ​രും സന്തോഷം കണ്ടെത്തു​ന്നു. നേരേ​മ​റിച്ച്‌, നമുക്കു ക്രിയാ​ത്മക ഫലങ്ങൾ കാണാൻ കഴിയാ​തെ വരു​മ്പോൾ വേല വിരസ​വും അസംതൃ​പ്‌തി​ക​ര​വു​മാ​യി​ത്തീർന്നേ​ക്കാം. അർഥവ​ത്തായ വേല വ്യക്തി​പ​ര​മാ​യി പ്രതി​ഫ​ല​ദാ​യ​ക​മാണ്‌, അതൊരു അനു​ഗ്ര​ഹ​മാണ്‌. (സഭാ​പ്ര​സം​ഗി 3:10-13 താരത​മ്യം ചെയ്യുക.) നമ്മുടെ പ്രസം​ഗ​വേ​ല​യ്‌ക്ക്‌ ഈ തത്ത്വം ബാധക​മാ​ക്കാൻ കഴിയും. നാം വാതിൽതോ​റും പോകു​മ്പോ​ഴും ആളുക​ളോ​ടു ബൈബി​ളി​നെ​ക്കു​റി​ച്ചു സംസാ​രി​ക്കാൻ സാധി​ക്കു​മ്പോ​ഴും ആത്മീയ​മാ​യി നവോ​ന്മേ​ഷി​ത​രാ​യി ഭവനത്തി​ലേക്കു മടങ്ങു​ന്നു​വെന്നു നമ്മൾ അനുഭ​വ​ത്തിൽനിന്ന്‌ അറിയു​ന്നു. നമ്മൾ യഥാർഥ​ത്തിൽ എന്തോ ഒന്നു നിർവ​ഹി​ച്ച​താ​യി നമുക്കു തോന്നു​ന്നു.

² ചില പ്രദേ​ശ​ങ്ങ​ളിൽ, ദിവസ​ത്തി​ന്റെ ചില മണിക്കൂ​റു​ക​ളിൽ ആളുകളെ ഭവനത്തിൽ കണ്ടെത്തുക വളരെ വിഷമ​ക​ര​മാ​യി​ത്തീർന്നി​രി​ക്കു​ന്നു. ചില സ്ഥലങ്ങളിൽ ദിവസ​ത്തി​ന്റെ പ്രാരം​ഭ​ത്തിൽ നാം സന്ദർശി​ക്കു​മ്പോൾ 50 ശതമാ​ന​ത്തി​ല​ധി​കം ആളുകൾ ഭവനങ്ങ​ളി​ലി​ല്ലെന്നു റിപ്പോർട്ടു​കൾ സൂചി​പ്പി​ക്കു​ന്നു. സായാഹ്ന സാക്ഷീ​ക​ര​ണ​ത്തി​നു ക്രമീ​ക​ര​ണങ്ങൾ ചെയ്‌തു​കൊണ്ട്‌ അനേകം സഭകൾ ഈ പ്രശ്‌നത്തെ നേരി​ടു​ക​യും നല്ല വിജയം കൈവ​രി​ക്കു​ക​യും ചെയ്‌തി​രി​ക്കു​ന്നു. ദിവസ​ത്തി​ന്റെ വൈകി​യ​വേ​ള​യിൽ സന്ദർശി​ക്കു​മ്പോൾ കൂടുതൽ ആളുകൾ ഭവനങ്ങ​ളി​ലു​ണ്ടെ​ന്നും പൊതു​വേ ആളുകൾ അധികം പിരി​മു​റു​ക്ക​മി​ല്ലാ​ത്ത​വ​രും രാജ്യ​സ​ന്ദേശം ശ്രദ്ധി​ക്കാൻ കൂടുതൽ ചായ്‌വു​ള്ള​വ​രു​മാ​ണെ​ന്നും പ്രസാ​ധകർ റിപ്പോർട്ടു​ചെ​യ്യു​ന്നു. നിങ്ങളു​ടെ പ്രദേ​ശത്തു നിങ്ങൾ സായാഹ്ന സാക്ഷീ​ക​രണം പരീക്ഷി​ച്ചു​നോ​ക്കി​യി​ട്ടു​ണ്ടോ?—മർക്കൊ. 1:32-34 താരത​മ്യം ചെയ്യുക.

³ മൂപ്പൻമാർ സായാഹ്ന സാക്ഷീ​ക​രണം സംഘടി​പ്പി​ക്കു​ന്നു: ചില പ്രദേ​ശ​ങ്ങ​ളിൽ അപരാ​ഹ്ന​ത്തി​ലെ​യോ സായാ​ഹ്ന​ത്തി​ലെ​യോ വയൽസേ​വ​ന​യോ​ഗ​ങ്ങൾക്കു നല്ല പിന്തുണ ലഭിച്ചി​രി​ക്കു​ന്നു. ഉച്ചകഴി​ഞ്ഞു സ്‌കൂൾ വിട്ടു​വ​രുന്ന യുവ​പ്ര​സാ​ധ​ക​രെ​യും വൈകിട്ട്‌ ലൗകിക ജോലി കഴി​ഞ്ഞെ​ത്തുന്ന മുതിർന്ന​വ​രെ​യും പരിഗ​ണി​ക്കാ​വു​ന്ന​താണ്‌. വാരാ​ന്ത​ങ്ങ​ളിൽ വയൽസേ​വ​ന​ത്തി​നു​പോ​കാൻ സാധി​ക്കാത്ത ചില പ്രസാ​ധകർ, പ്രസം​ഗ​വേ​ല​യിൽ ഒരു ക്രമമായ പങ്കുണ്ടാ​യി​രി​ക്കാ​നുള്ള ഒരു പ്രാ​യോ​ഗിക വിധമാ​യി വാരത്തി​ലെ സായാഹ്ന സാക്ഷീ​ക​ര​ണത്തെ കാണുന്നു.

⁴ സായാഹ്ന സാക്ഷീ​കരണ സമയത്തു നിങ്ങൾക്ക്‌ ഏർപ്പെ​ടാ​വുന്ന വിവിധ പ്രവർത്ത​ന​ങ്ങ​ളുണ്ട്‌. മാസി​ക​കൾകൊണ്ട്‌ നിങ്ങൾക്കു വീടു​തോ​റും സാക്ഷീ​ക​രി​ക്കാ​വു​ന്ന​താണ്‌; അല്ലെങ്കിൽ മാസത്തെ സാഹി​ത്യ​സ​മർപ്പണം ഉപയോ​ഗി​ക്കാ​വു​ന്ന​താണ്‌. ദിവസ​ത്തി​ന്റെ പ്രാരം​ഭ​ത്തി​ലോ വാരാ​ന്ത​ങ്ങ​ളി​ലോ പ്രസാ​ധകർ സന്ദർശി​ച്ച​പ്പോൾ ഭവനത്തി​ലി​ല്ലാ​തി​രുന്ന ആളുകളെ സന്ദർശി​ക്കു​ന്ന​തിന്‌ അനു​യോ​ജ്യ​മായ സമയമാ​ണു സായാഹ്നം. ജോലി​ക​ഴി​ഞ്ഞു ഭവനത്തി​ലേക്കു വരുന്ന ആളുകളെ സമീപി​ക്കാ​വുന്ന വിധത്തി​ലുള്ള, തെരുവു സാക്ഷീ​ക​ര​ണ​ത്തി​നു​പ​റ്റിയ നല്ല പ്രദേ​ശ​വും ഉണ്ടായി​രു​ന്നേ​ക്കാം. താത്‌പ​ര്യം കാണി​ച്ചി​ട്ടു​ള്ള​വർക്കു മടക്കസ​ന്ദർശനം നടത്തു​ന്ന​തി​നു​പ​റ്റിയ ഏറ്റവും നല്ല സമയം സായാ​ഹ്ന​മാ​ണെന്ന്‌ അനേകർ കണ്ടെത്തു​ന്നു.

⁵ ജാഗ്ര​ത​യും വിവേ​ക​വും ഉള്ളവരാ​യി​രി​ക്കുക: ചില പ്രദേ​ശ​ങ്ങ​ളിൽ സന്ധ്യ മയങ്ങി​യ​തി​നു​ശേ​ഷ​മോ ഇരുട്ടു വ്യാപി​ച്ച​തി​നു​ശേ​ഷ​മോ പുറത്തു​പോ​കു​ന്നത്‌ അപകട​ക​ര​മാ​യി​രി​ക്കാം. നല്ല വെളി​ച്ച​മുള്ള തെരു​വു​ക​ളിൽ ജോടി​ക​ളാ​യോ കൂട്ടങ്ങ​ളാ​യോ സഞ്ചരി​ക്കു​ന്ന​തും നിങ്ങൾ സുരക്ഷി​ത​രാ​യി​രി​ക്കു​മെന്നു കുറച്ച്‌ ഉറപ്പു ലഭിക്കുന്ന ഭവനങ്ങ​ളോ അപ്പാർട്ടു​മെൻറു കെട്ടി​ട​ങ്ങ​ളോ മാത്രം സന്ദർശി​ക്കു​ന്ന​തും ബുദ്ധി​യാ​യി​രി​ക്കും. നിങ്ങൾ വാതി​ലിൽ മുട്ടു​മ്പോൾ നിങ്ങളെ കാണാ​വു​ന്നി​ടത്തു നിൽക്കു​ക​യും നിങ്ങ​ളെ​ത്തന്നെ വ്യക്തമാ​യി തിരി​ച്ച​റി​യി​ക്കു​ക​യും ചെയ്യുക. വിവേ​ച​ന​യു​ള്ള​വ​രാ​യി​രി​ക്കുക. നിങ്ങൾ സന്ദർശി​ച്ചി​രി​ക്കു​ന്നത്‌ അവസ​രോ​ചി​ത​മായ സമയത്ത​ല്ലെന്ന്‌—കുടും​ബം ഭക്ഷണം കഴിച്ചു​കൊ​ണ്ടി​രി​ക്കു​ന്ന​തു​പോ​ലെ​യുള്ള സമയത്താ​ണെന്ന്‌—നിങ്ങൾ നിരീ​ക്ഷി​ക്കു​മ്പോൾ, മറ്റൊരു സമയത്തു വരാ​മെന്നു പറയുക. വീട്ടു​കാർ ഉറക്കത്തി​നു വട്ടംകൂ​ട്ടുന്ന വൈകിയ സമയങ്ങ​ളി​ലെ സന്ദർശ​ന​ങ്ങൾക്കു​പ​കരം പ്രാരംഭ സായാഹ്ന മണിക്കൂ​റു​ക​ളിൽ നിങ്ങളു​ടെ സാക്ഷീ​ക​രണം ഒതുക്കി​നിർത്തു​ന്ന​താണ്‌ സാധാ​ര​ണ​മാ​യി ഏറ്റവും നല്ലത്‌.

⁶ ദൈർഘ്യ​മേ​റിയ വേനൽക്കാല സായാ​ഹ്നങ്ങൾ സാക്ഷീ​ക​ര​ണ​ത്തി​നു പ്രത്യേ​കി​ച്ചും അനു​യോ​ജ്യ​മാണ്‌. നാം ദൈവ​ത്തി​നു “രാപകൽ വിശു​ദ്ധ​സേ​വനം” അർപ്പി​ക്കു​മ്പോൾ യഹോവ തീർച്ച​യാ​യും നമ്മുടെ ശ്രമങ്ങളെ അനു​ഗ്ര​ഹി​ക്കും.—വെളി. 7:15, NW.