നിങ്ങൾക്കു പട്ടിക പൊരു​ത്ത​പ്പെ​ടു​ത്താ​നാ​കു​മോ?

1. സാക്ഷീ​ക​രി​ക്കാ​നുള്ള നമ്മുടെ പട്ടിക പൊരു​ത്ത​പ്പെ​ടു​ത്തേ​ണ്ടത്‌ എന്തു​കൊണ്ട്‌?

¹ “മനുഷ്യ​രെ പിടി​ക്കു​ന്ന​വരാ”കാനുള്ള ക്ഷണത്തോട്‌ സത്യ​ക്രി​സ്‌ത്യാ​നി​ക​ളായ നാം പ്രതി​ക​രി​ച്ചി​രി​ക്കു​ന്നു. (മത്താ. 4:19) നമ്മുടെ വേല മീൻപി​ടു​ത്ത​ക്കാ​രു​ടേ​തിന്‌ സമാന​മാണ്‌. ആളുകൾ വീട്ടി​ലു​ള്ള​പ്പോൾ സാക്ഷീ​ക​രി​ക്കാൻ സമയം കണ്ടെത്തു​ന്ന​പക്ഷം മനുഷ്യ​രെ പിടി​ക്കുന്ന വേലയിൽ നമുക്കു കൂടുതൽ ഫലം ലഭിക്കാൻ സാധ്യ​ത​യുണ്ട്‌. വരും​മാ​സ​ങ്ങ​ളിൽ പലയി​ട​ങ്ങ​ളി​ലും പകൽ ദൈർഘ്യ​മു​ള്ള​താ​യി​രി​ക്കും. വൈകു​ന്നേ​രത്ത്‌ മിക്കവ​രും വീട്ടിൽ കാണാ​നി​ട​യുണ്ട്‌. അപ്പോൾ അവർക്ക്‌ അത്ര തിര​ക്കൊ​ന്നും ഉണ്ടായി​രി​ക്കു​ക​യില്ല. അതു​കൊ​ണ്ടു​തന്നെ സന്ദർശ​കരെ സ്വാഗതം ചെയ്യാൻ അവർ മനസ്സു കാണി​ച്ചേ​ക്കാം. ആ സമയത്തു സാക്ഷീ​ക​രി​ക്കാ​നാ​യി പട്ടിക​യിൽ പൊരു​ത്ത​പ്പെ​ടു​ത്തൽ വരുത്താൻ നിങ്ങൾക്കാ​കു​മോ?—1 കൊരി. 9:23.

2. കൂടുതൽ ആളുക​ളു​ടെ പക്കൽ സുവാർത്ത എത്തിക്കാ​നാ​യി നമുക്ക്‌ അവലം​ബി​ക്കാ​വുന്ന ചില വിധങ്ങ​ളേവ?

² സായാഹ്ന സാക്ഷീ​ക​രണം: സായാഹ്ന സാക്ഷീ​ക​ര​ണ​ത്തി​നുള്ള ക്രമീ​ക​ര​ണങ്ങൾ കാലേ​കൂ​ട്ടി ചെയ്യു​ന്ന​പക്ഷം കൂടുതൽ ആളുക​ളു​ടെ പക്കൽ സുവാർത്ത എത്തിക്കാൻ നമുക്കു കഴി​ഞ്ഞേ​ക്കാം. (സദൃ. 21:5) സ്‌കൂ​ളിൽ പോകുന്ന യുവജ​ന​ങ്ങൾക്കു ക്ലാസ്സി​നു​ശേ​ഷ​വും മറ്റുള്ള​വർക്കു ജോലി കഴിഞ്ഞുള്ള സമയത്തും പ്രസം​ഗ​വേ​ല​യിൽ ഏർപ്പെ​ടാ​നാ​കും. ചില പുസ്‌ത​കാ​ധ്യ​യന കൂട്ടങ്ങൾക്ക്‌ അധ്യയ​ന​ത്തി​നു​മുമ്പ്‌ ഒരു മണിക്കൂർ സാക്ഷീ​ക​ര​ണ​ത്തിൽ ഏർപ്പെ​ടാ​നുള്ള ക്രമീ​ക​രണം ചെയ്യാ​വു​ന്ന​താണ്‌.

3. നിങ്ങൾക്ക്‌ ഏതെല്ലാം വിധങ്ങ​ളിൽ സായാഹ്ന സാക്ഷീ​ക​രണം നടത്താം?

³ വൈകുന്നേരങ്ങളിൽ വീടു​തോ​റു​മുള്ള സാക്ഷീ​ക​ര​ണ​ത്തിൽ ഏർപ്പെ​ട്ടാൽ സാധാ​ര​ണ​ഗ​തി​യിൽ വീട്ടിൽ കാണാത്ത വ്യക്തി​കളെ കണ്ടുമു​ട്ടാൻ കഴി​ഞ്ഞേ​ക്കാം. പല പ്രദേ​ശ​ങ്ങ​ളി​ലും, സായാ​ഹ്ന​ങ്ങ​ളിൽ തെരു​വു​സാ​ക്ഷീ​ക​ര​ണ​വും മറ്റു വിധങ്ങ​ളി​ലുള്ള പരസ്യ​സാ​ക്ഷീ​ക​ര​ണ​വും നടത്താ​വു​ന്ന​താണ്‌. മടക്കസ​ന്ദർശ​നങ്ങൾ നടത്താ​നും ബൈബിൾ അധ്യയ​നങ്ങൾ തുടങ്ങാ​നും പറ്റിയ സമയം വൈകു​ന്നേ​ര​ങ്ങ​ളാ​ണെന്ന്‌ അനേക​രും തിരി​ച്ച​റി​ഞ്ഞി​രി​ക്കു​ന്നു.

4. സായാഹ്ന സാക്ഷീ​ക​ര​ണ​ത്തി​ലാ​യി​രി​ക്കെ വിവേ​ച​ന​യും പരിഗ​ണ​ന​യും പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁴ വിവേചന ഉപയോ​ഗി​ക്കുക: സായാഹ്ന സാക്ഷീ​ക​ര​ണ​ത്തിൽ ഏർപ്പെ​ടു​മ്പോൾ നല്ല ന്യായ​ബോ​ധം ആവശ്യ​മാണ്‌. വീട്ടു​കാർ ഉറക്കത്തി​നു വട്ടംകൂ​ട്ടു​ന്ന​തി​നു​മുമ്പ്‌ അവരെ സന്ദർശി​ക്കു​ന്ന​താ​യി​രി​ക്കും ഏറ്റവും നല്ലത്‌. (ഫിലി. 4:5, NW) വാതി​ലിൽ മുട്ടി​ക്ക​ഴി​ഞ്ഞാൽ നിങ്ങളെ കാണാ​വുന്ന വിധത്തിൽ നിൽക്കു​ക​യും നിങ്ങൾ ആരാ​ണെന്നു വ്യക്തമാ​യി പറയു​ക​യും ചെയ്യുക. സന്ദർശ​ന​ത്തി​ന്റെ ഉദ്ദേശ്യം പെട്ടെ​ന്നു​തന്നെ പറയുക. വീട്ടു​കാർക്കു സൗകര്യ​പ്ര​ദ​മ​ല്ലാ​ത്ത​പ്പോൾ അതായത്‌ അവർ ഭക്ഷണം കഴിക്കു​ക​യോ മറ്റോ ചെയ്യുന്ന സമയത്താ​ണു നിങ്ങൾ ചെല്ലു​ന്ന​തെ​ങ്കിൽ പിന്നെ വരാ​മെന്നു പറയുക. എല്ലായ്‌പോ​ഴും വീട്ടു​കാ​രോ​ടു പരിഗണന കാട്ടുക.—മത്താ. 7:12.

5. പ്രസം​ഗ​വേ​ല​യിൽ ആയിരി​ക്കെ ഉണ്ടാകാ​നി​ട​യുള്ള അപകടങ്ങൾ നമു​ക്കെ​ങ്ങനെ ഒഴിവാ​ക്കാം?

⁵ ഉണ്ടാകാനിടയുള്ള അപകടങ്ങൾ സംബന്ധിച്ച്‌ നാം ജാഗരൂ​ക​രാ​യി​രി​ക്കണം. വൈകു​ന്നേ​ര​ത്തോ ഇരുട്ടു​വീ​ണ​ശേ​ഷ​മോ ആണ്‌ സാക്ഷീ​ക​ര​ണ​ത്തിൽ ഏർപ്പെ​ടു​ന്ന​തെ​ങ്കിൽ ജോഡി​ക​ളാ​യോ കൂട്ടങ്ങ​ളാ​യോ പ്രവർത്തി​ക്കു​ന്ന​താണ്‌ ഉചിതം. ആളുക​ളും വെളി​ച്ച​വു​മുള്ള, സുരക്ഷി​ത​മെന്നു തോന്നുന്ന സ്ഥലങ്ങളിൽമാ​ത്രം സാക്ഷീ​ക​രി​ക്കുക, അല്ലാത്തവ ഒഴിവാ​ക്കുക.—സദൃ. 22:3.

6. സായാഹ്ന സാക്ഷീ​ക​രണം മുഖാ​ന്തരം മറ്റെന്ത്‌ പ്രയോ​ജ​ന​വും ലഭി​ച്ചേ​ക്കാം?

⁶ സായാഹ്ന സാക്ഷീ​ക​രണം മുഖാ​ന്തരം സഹായ/സാധാരണ പയനി​യർമാ​രോ​ടൊ​ത്തു സേവന​ത്തി​ലേർപ്പെ​ടാൻ നമുക്കു സാധി​ച്ചേ​ക്കാം. (റോമ. 1:12) സേവന​ത്തി​ന്റെ ഈ മേഖല​യിൽ പങ്കുപ​റ്റാൻ കഴിയ​ത്ത​ക്ക​വി​ധം പട്ടിക പൊരു​ത്ത​പ്പെ​ടാൻ നിങ്ങൾക്കാ​കു​മോ?