സമ്മേളന പരിപാ​ടി​കൾ പുനര​വ​ലോ​കനം ചെയ്യു​ന്ന​തി​നുള്ള പുതിയ ക്രമീ​ക​ര​ണം

സാത്താന്റെ ലോകം ഒന്നി​നൊന്ന്‌ അധഃപ​തി​ച്ചു​കൊ​ണ്ടി​രി​ക്കെ, ‘ഭക്തി​കേ​ടും പ്രപഞ്ച​മോ​ഹ​ങ്ങ​ളും വർജ്ജി​ച്ചി​ട്ടു ഈ ലോക​ത്തിൽ സുബോ​ധ​ത്തോ​ടും നീതി​യോ​ടും ദൈവ​ഭ​ക്തി​യോ​ടും​കൂ​ടെ ജീവി​ക്കാൻ’ ആവശ്യ​മായ കരുത്ത്‌ യഹോവ നമുക്കു പ്രദാനം ചെയ്യുന്നു. (തീത്തൊ. 2:13) “വിശ്വ​സ്‌ത​നും വിവേ​കി​യും ആയ അടിമ” മുഖാ​ന്തരം അവൻ ചെയ്‌തി​രി​ക്കുന്ന കരുത​ലു​ക​ളിൽപ്പെ​ട്ട​താണ്‌ നമ്മുടെ വാർഷിക സർക്കിട്ട്‌ സമ്മേള​ന​വും പ്രത്യേക സമ്മേളന ദിനവും. (മത്താ. 24:45, NW) ഈ ആത്മീയ കൂടി​വ​ര​വു​കൾ നമ്മെ എത്ര ശക്തീക​രി​ക്കു​ന്നു!

സേവന​വർഷം 2005-ൽ ഒരു പുതിയ ക്രമീ​ക​ര​ണ​ത്തി​ലൂ​ടെ ഈ സമ്മേളന പരിപാ​ടി​കൾ പുനര​വ​ലോ​കനം ചെയ്യു​ന്ന​താ​യി​രി​ക്കും. ലഭിക്കുന്ന പ്രബോ​ധ​നങ്ങൾ ഓർത്തി​രി​ക്കാ​നും ബാധക​മാ​ക്കാ​നും ഇതു നമ്മെ സഹായി​ക്കും. രണ്ടു സമ്മേളന പരിപാ​ടി​ക​ളു​ടെ​യും പൂർവാ​വ​ലോ​ക​ന​വും പുനര​വ​ലോ​കന ചോദ്യ​ങ്ങ​ളും അടങ്ങിയ ലേഖനങ്ങൾ ഈ അനുബ​ന്ധ​ത്തി​ന്റെ 5-6 പേജു​ക​ളിൽ കൊടു​ത്തി​രി​ക്കു​ന്നു. സമ്മേള​ന​ങ്ങൾക്കു തൊട്ടു​മു​മ്പും തൊട്ടു​പി​മ്പും നടത്തുന്ന സേവന​യോ​ഗ​ങ്ങ​ളിൽ സഭകൾ ഈ വിവരങ്ങൾ പരിചി​ന്തി​ക്കും. ഇത്‌ എങ്ങനെ നടത്താൻ കഴിയും?

സർക്കിട്ട്‌ സമ്മേള​ന​ത്തിന്‌ ഒന്നോ രണ്ടോ വാരങ്ങൾക്കു​മു​മ്പുള്ള സേവന​യോ​ഗ​ത്തിൽ “പുതിയ സർക്കിട്ട്‌ സമ്മേളന പരിപാ​ടി” എന്ന ലേഖനത്തെ ആസ്‌പ​ദ​മാ​ക്കി​യുള്ള പത്ത്‌ മിനി​ട്ടു​നേ​രത്തെ പ്രസംഗം നടത്തേ​ണ്ട​താണ്‌. പരിപാ​ടി​ക​ളിൽ ആകാംക്ഷ ജനിപ്പി​ക്കുക എന്നതാണ്‌ അതിന്റെ ലക്ഷ്യം. പുനര​വ​ലോ​കന ചോദ്യ​ങ്ങ​ളി​ലേ​ക്കും പ്രസം​ഗകൻ ശ്രദ്ധ ക്ഷണിക്കു​ന്ന​താ​യി​രി​ക്കും. സമ്മേളനം കഴിഞ്ഞ്‌ ഏതാനും വാരങ്ങൾക്കു​ശേഷം നടത്തുന്ന പുനര​വ​ലോ​ക​ന​ത്തി​നുള്ള തയ്യാ​റെ​ടു​പ്പെന്ന നിലയിൽ കുറി​പ്പു​കൾ എടുക്കാൻ അദ്ദേഹം എല്ലാവ​രെ​യും പ്രോ​ത്സാ​ഹി​പ്പി​ക്കും.

സമ്മേളനം കഴിഞ്ഞ്‌ ഏതാനും വാരങ്ങൾക്കു​ള്ളിൽ, സമ്മേള​ന​ത്തി​ന്റെ ആദ്യദി​വ​സത്തെ പരിപാ​ടി​ക​ളു​ടെ 15 മിനി​ട്ടു​നേ​രത്തെ ഒരു പുനര​വ​ലോ​കനം സേവന​യോ​ഗ​ത്തിൽ ഉൾപ്പെ​ടു​ത്തുക. തുടർന്നുള്ള ആഴ്‌ച​യിൽ രണ്ടാം ദിവസത്തെ പരിപാ​ടി​ക​ളു​ടെ പുനര​വ​ലോ​കനം നടത്തും. ഈ അനുബ​ന്ധ​ത്തിൽ നൽകി​യി​രി​ക്കുന്ന പുനര​വ​ലോ​കന ചോദ്യ​ങ്ങ​ളാ​യി​രി​ക്കും ചർച്ചകൾക്ക്‌ ആധാരം. പുനര​വ​ലോ​കനം നടത്തു​മ്പോൾ വിവര​ങ്ങ​ളു​ടെ പ്രാ​യോ​ഗിക മൂല്യ​ത്തിൽ ശ്രദ്ധ കേന്ദ്രീ​ക​രി​ക്കണം. തദവസ​ര​ത്തിൽ സേവന​യോ​ഗ​ത്തി​ലെ മറ്റു ചില പരിപാ​ടി​കൾ ഒഴിവാ​ക്കാ​നോ മറ്റൊരു വാരത്തി​ലേക്ക്‌ അവ മാറ്റി​വെ​ക്കാ​നോ അവയുടെ സമയം ചുരു​ക്കാ​നോ മൂപ്പന്മാർക്കു കഴിയും.

പ്രത്യേക സമ്മേളന ദിന പരിപാ​ടി​ക്കുള്ള ക്രമീ​ക​ര​ണ​വും ഇങ്ങനെ​തന്നെ ആയിരി​ക്കും. എന്നാൽ മുഴു സമ്മേള​ന​വും 15 മിനി​ട്ടു​നേ​രത്തെ ഒരു പരിപാ​ടി​യിൽ പുനര​വ​ലോ​കനം ചെയ്യു​ന്ന​താ​യി​രി​ക്കും. ഈ അനുബന്ധം സൂക്ഷി​ച്ചു​വെ​ക്കാ​നും യഹോവ പ്രദാനം ചെയ്യുന്ന പ്രബോ​ധ​ന​ങ്ങ​ളിൽനി​ന്നു പൂർണ​മാ​യി പ്രയോ​ജനം നേടു​ന്ന​തിന്‌ ഇത്‌ ഉപയോ​ഗി​ക്കാ​നും നമ്മളെ​ല്ലാ​വ​രും ആഗ്രഹി​ക്കും.—യെശ. 48:17, 18.