2010-ലെ പ്രത്യേക സമ്മേള​ന​ദിന പരിപാ​ടി

1. (എ) മുൻ വർഷങ്ങ​ളി​ലെ ചില പ്രത്യേ​ക​ദിന സമ്മേള​ന​ങ്ങ​ളു​ടെ വിഷയങ്ങൾ ഏതൊ​ക്കെ​യാ​യി​രു​ന്നു? (ബി) മുൻ വർഷങ്ങ​ളി​ലെ പ്രത്യേ​ക​ദിന സമ്മേളന പരിപാ​ടി​യിൽനി​ന്നുള്ള ഏതു വിവര​ങ്ങ​ളാണ്‌ ശുശ്രൂ​ഷ​യിൽ നിങ്ങളെ സഹായി​ച്ചത്‌?

¹ “ഒറ്റ ആട്ടിൻകൂ​ട്ട​മെ​ന്ന​നി​ല​യിൽ ഉറച്ചു​നിൽക്കുക,” ‘പ്രാധാ​ന്യ​മേ​റിയ കാര്യങ്ങൾ ഉറപ്പാ​ക്കുക,’ “സത്യത്തി​നു സാക്ഷ്യം​വ​ഹി​ച്ചു​കൊ​ണ്ടേ​യി​രിക്ക,” ‘നാം കളിമ​ണ്ണും യഹോവ മനയു​ന്ന​വ​നും ആകുന്നു.’ (ഫിലി. 1:9, 10, 27; യോഹ. 18:37; യെശ. 64:8) മുൻ വർഷങ്ങ​ളി​ലെ ചില പ്രത്യേ​ക​ദിന സമ്മേള​ന​ങ്ങ​ളു​ടെ വിഷയ​ങ്ങ​ളാ​യി​രു​ന്നു അവ. 2010-ലെ പ്രത്യേ​ക​ദിന സമ്മേള​ന​ത്തിൽ സംബന്ധി​ക്കാ​നാ​യി നിങ്ങൾ ആകാം​ക്ഷ​യോ​ടെ നോക്കി​യി​രി​ക്കു​ക​യാ​ണോ? “സമയം ചുരു​ങ്ങി​യി​രി​ക്കു​ന്നു” എന്നായി​രി​ക്കും ഈ സമ്മേള​ന​ത്തി​ന്റെ വിഷയം. 1 കൊരി​ന്ത്യർ 7:29-നെ ആധാര​മാ​ക്കി​യു​ള്ള​താണ്‌ ഇത്‌.

2. ഈ പരിപാ​ടി​ക്കാ​യി കുടും​ബാം​ഗ​ങ്ങ​ളിൽ ഉത്സാഹം ജനിപ്പി​ക്കാൻ എങ്ങനെ കഴിയും?

² സഭയിൽ പ്രത്യേ​ക​ദിന പരിപാ​ടി​യു​ടെ തീയതി അറിയി​ച്ചാൽ ഉടനെ​തന്നെ ഉത്സാഹ​ത്തോ​ടെ അതേക്കു​റിച്ച്‌ സംസാ​രി​ച്ചു​തു​ട​ങ്ങുക. സമ്മേള​ന​ദി​ന​ത്തി​നാ​യി നോക്കി​പ്പാർത്തി​രി​ക്കാൻ കുട്ടി​കളെ സഹായി​ക്കു​ന്ന​തി​നാ​യി ചില മാതാ​പി​താ​ക്കൾ ആ തീയതി കലണ്ടറിൽ കുറി​ച്ചി​ടു​ന്നു; അതോ​ടൊ​പ്പം സമ്മേള​ന​ത്തി​നു കൊണ്ടു​പോ​കേണ്ട സാധന​ങ്ങ​ളു​ടെ ഒരു ലിസ്റ്റും. ഓരോ ദിവസം കഴിയു​മ്പോ​ഴും സമ്മേള​ന​ത്തിന്‌ ഇനി എത്ര ദിവസം​കൂ​ടെ ഉണ്ടെന്ന്‌ അവർ കണക്കു​കൂ​ട്ടും. മുൻ സമ്മേള​ന​ദി​ന​ങ്ങ​ളിൽ എഴുതി​യെ​ടു​ത്തി​ട്ടുള്ള കുറി​പ്പു​കൾ കുടുംബ ആരാധ​ന​യു​ടെ സമയത്ത്‌ പുനര​വ​ലോ​കനം ചെയ്യാ​നാ​യേ​ക്കും. ദിവ്യാ​ധി​പത്യ ശുശ്രൂ​ഷാ​സ്‌കൂൾ വിദ്യാ​ഭ്യാ​സ​ത്തിൽനി​ന്നു പ്രയോ​ജനം നേടുക പുസ്‌ത​ക​ത്തി​ന്റെ 13-16 പേജുകൾ പുനര​വ​ലോ​കനം ചെയ്യു​ന്നത്‌, “എങ്ങനെ കേൾക്കു​ന്നു എന്നതിനു ശ്രദ്ധ”നൽകാൻ നിങ്ങ​ളെ​യും കുടും​ബ​ത്തെ​യും സഹായി​ക്കും; അങ്ങനെ ആ പരിപാ​ടി​ക്കു​വേണ്ടി നിങ്ങളു​ടെ ഹൃദയത്തെ ഒരുക്കാ​നാ​കും.—ലൂക്കോ. 8:18.

3. സമ്മേള​ന​ത്തിൽനിന്ന്‌ പൂർണ പ്രയോ​ജനം അനുഭ​വി​ക്കാൻ എന്തു ചെയ്യേ​ണ്ട​തുണ്ട്‌?

³ പഠിക്കുന്ന കാര്യങ്ങൾ പ്രാവർത്തി​ക​മാ​ക്കുക: “പരിപാ​ടി​കൾ എത്ര നന്നായി​രു​ന്നു!” സമ്മേള​ന​ത്തി​നു​ശേഷം പലപ്പോ​ഴും പറഞ്ഞു​കേൾക്കാ​റുള്ള വാക്കു​ക​ളാണ്‌ അവ. അത്‌ സത്യമാണ്‌; കാരണം യഹോ​വ​യിൽനി​ന്നുള്ള അനു​ഗ്ര​ഹ​ങ്ങ​ളി​ലൊ​ന്നാണ്‌ ഇങ്ങനെ​യുള്ള സമ്മേള​നങ്ങൾ. (സദൃ. 10:22) എന്നാൽ അതിൽനി​ന്നു പ്രയോ​ജനം ലഭിക്ക​ണ​മെ​ങ്കിൽ കേൾക്കുന്ന കാര്യ​ങ്ങ​ളെ​ക്കു​റിച്ച്‌ നാം ധ്യാനി​ക്കു​ക​യും അത്‌ ഓർത്തി​രി​ക്കു​ക​യും വേണം. (ലൂക്കോ. 8:15) സമ്മേളനം കഴിഞ്ഞ്‌ തിരികെ പോരു​മ്പോൾ കുടും​ബാം​ഗ​ങ്ങ​ളു​മാ​യും കൂടെ യാത്ര​ചെ​യ്യു​ന്ന​വ​രു​മാ​യും പരിപാ​ടി​ക​ളെ​ക്കു​റിച്ച്‌ ചർച്ച​ചെ​യ്യുക. സമ്മേള​ന​ത്തിൽനി​ന്നു ലഭിച്ച വിവരങ്ങൾ വ്യക്തി​ജീ​വി​ത​ത്തി​ലും ശുശ്രൂ​ഷ​യി​ലും എങ്ങനെ പ്രയോ​ജ​ന​പ്പെ​ടു​ത്താൻ ഉദ്ദേശി​ക്കു​ന്നു​വെന്ന്‌ ഓരോ​രു​ത്തർക്കും പറയാ​വു​ന്ന​താണ്‌. അങ്ങനെ സമ്മേള​നം​ക​ഴി​ഞ്ഞും വളരെ കാല​ത്തേക്ക്‌ അതിന്റെ പ്രയോ​ജ​നങ്ങൾ നിങ്ങൾക്ക്‌ അനുഭ​വി​ക്കാൻ കഴിയും.—യാക്കോ. 1:25.

4. ഈ സമ്മേളനം നമുക്ക്‌ പ്രത്യേക പ്രയോ​ജനം ചെയ്‌തേ​ക്കാ​വു​ന്നത്‌ ഏതുവി​ധ​ത്തിൽ?

⁴ ഉപയോ​ഗ​മുള്ള എന്തെങ്കി​ലും സമ്മാന​മാ​യി ലഭിക്കു​മ്പോൾ നമുക്ക്‌ ഒരു പ്രത്യേക സന്തോഷം തോന്നാ​റി​ല്ലേ? അടുത്ത പ്രത്യേ​ക​ദിന സമ്മേള​ന​ത്തിൽ യഹോവ നമുക്കാ​യി എന്താണ്‌ കരുതി​യി​രി​ക്കു​ന്ന​തെ​ന്ന​റി​യാൻ നാമെ​ല്ലാം ആകാം​ക്ഷ​യോ​ടെ​യി​രി​ക്കു​ക​യാണ്‌. അതിലെ വിവരങ്ങൾ എല്ലാവി​ധ​ത്തി​ലും നമുക്ക്‌ ഉപകാ​ര​പ്പെ​ടു​മെന്ന്‌ ഉറപ്പു​ണ്ടാ​യി​രി​ക്കാ​നാ​കും. നമ്മുടെ വേല നിർവ​ഹി​ക്കാൻവേണ്ട പ്രോ​ത്സാ​ഹ​ന​വും പരിശീ​ല​ന​വും ഈ സമ്മേള​ന​ത്തി​ലൂ​ടെ യഹോവ നമുക്ക്‌ നൽകും. നമ്മുടെ സ്വർഗീയ പിതാ​വിൽനി​ന്നുള്ള ആ സമ്മാന​ത്തി​നാ​യി നമുക്ക്‌ നോക്കി​പ്പാർത്തി​രി​ക്കാം.—2 തിമൊ. 4:2; യാക്കോ. 1:17.