പുതിയ പ്രത്യേക സമ്മേളന ദിന പരിപാ​ടി

അപകടത്തെ സൂചി​പ്പി​ക്കുന്ന ഒരു മുന്നറി​യിപ്പ്‌ കാണു​ക​യോ കേൾക്കു​ക​യോ ചെയ്‌തിട്ട്‌ നാം അതിനു​ചേർച്ച​യിൽ പ്രവർത്തി​ക്കാ​തി​രു​ന്നാൽ ഫലം വിനാ​ശ​ക​ര​മാ​യി​രി​ക്കും. യഹോവ പ്രദാനം ചെയ്യുന്ന ആത്മീയ മാർഗ​നിർദേ​ശ​ങ്ങൾക്കു ചേർച്ച​യിൽ പ്രവർത്തി​ക്കു​ന്നത്‌ അതിലും പ്രധാ​ന​മാണ്‌. അടുത്ത സേവന​വർഷ​ത്തി​ലെ പ്രത്യേക സമ്മേളന ദിന പരിപാ​ടി ഇക്കാര്യ​ത്തിന്‌ ഊന്നൽനൽകും. പിൻവ​രു​ന്ന​താണ്‌ അതിന്റെ പ്രതി​പാ​ദ്യ​വി​ഷയം: “നിങ്ങൾ എങ്ങനെ കേൾക്കു​ന്നു എന്നതിനു ശ്രദ്ധ നൽകുക.”—ലൂക്കൊ. 8:18, NW.

പൗലൊസ്‌ എബ്രാ​യർക്കെ​ഴു​തിയ നിശ്വസ്‌ത ലേഖന​ത്തി​ന്റെ പ്രാരംഭ അധ്യാ​യ​ങ്ങ​ളി​ലെ ബുദ്ധി​യു​പ​ദേശം ഇന്നു നമുക്കു ബാധക​മാ​കു​ന്നത്‌ എങ്ങനെ​യെന്ന്‌ തന്റെ ആദ്യ പ്രസം​ഗ​ത്തിൽ സന്ദർശക പ്രസം​ഗകൻ പരിചി​ന്തി​ക്കും. “ദിവ്യ​പ്ര​ബോ​ധ​ന​ത്തി​നു നിരന്ത​ര​ശ്രദ്ധ നൽകുക” എന്ന ഉപസം​ഹാര പ്രസം​ഗ​ത്തിൽ, യഹോ​വ​യ്‌ക്കും അവന്റെ പുത്ര​നും ‘വിശ്വ​സ്‌ത​നും വിവേ​കി​യും ആയ അടിമ​യ്‌ക്കും’ ആത്മാർഥ ശ്രദ്ധ കൊടു​ക്കു​ന്നു​ണ്ടോ​യെന്നു പരി​ശോ​ധി​ക്കാൻ അദ്ദേഹം എല്ലാവ​രെ​യും സഹായി​ക്കും.—മത്താ. 24:45, NW.

പരിപാ​ടി​യി​ലെ പല ഭാഗങ്ങ​ളും കുടും​ബ​ങ്ങൾക്കു വിശേ​ഷാൽ പ്രയോ​ജ​ന​പ്ര​ദ​മാ​യി​രി​ക്കും. “ശൈഥി​ല്യം കൂടാതെ ദൈവ​വ​ച​ന​ത്തി​നു ശ്രദ്ധ കൊടു​ക്കുന്ന കുടും​ബങ്ങൾ” എന്ന പ്രസംഗം ലൗകിക കാര്യാ​ദി​കൾ നമ്മുടെ ആത്മീയ​തയെ ഞെരു​ക്കി​ക്ക​ള​യാ​തെ സൂക്ഷി​ക്കാൻ നമ്മെ സഹായി​ക്കും. ആത്മീയ കാര്യങ്ങൾ ഒന്നാമതു വെക്കാൻ ജീവി​ത​ത്തിൽ മാറ്റങ്ങൾ വരുത്തി​യി​രി​ക്കു​ന്ന​വ​രു​മാ​യുള്ള അഭിമു​ഖങ്ങൾ ഇതിൽ ഉണ്ടായി​രി​ക്കും. “ദൈവ​വ​ച​ന​ത്തി​നു സൂക്ഷ്‌മ​ശ്രദ്ധ നൽകു​ന്നത്‌ യുവജ​ന​ങ്ങളെ ബലപ്പെ​ടു​ത്തുന്ന വിധം” എന്ന പരിപാ​ടി, സ്‌കൂ​ളി​ലോ സമപ്രാ​യ​ക്കാ​രോ​ടൊ​പ്പ​മോ ശുശ്രൂ​ഷ​യി​ലോ ആയിരി​ക്കെ വിശ്വ​സ്‌ത​ത​യോ​ടെ സത്യ​ത്തോ​ടു പറ്റിനിന്ന യുവജ​ന​ങ്ങ​ളു​മാ​യുള്ള അഭിമു​ഖങ്ങൾ അടങ്ങി​യ​താ​യി​രി​ക്കും. “ദൈവ​ത്തി​നു ശ്രദ്ധ നൽകു​ക​യും പഠിക്കു​ക​യും ചെയ്യുന്ന കൊച്ചു​കു​ട്ടി​കൾ” എന്ന ഭാഗം കുട്ടി​ക​ളു​ടെ പഠന​പ്രാ​പ്‌തി താഴ്‌ത്തി​മ​തി​ക്കാ​തി​രി​ക്കാൻ നമ്മെ സഹായി​ക്കും. കുട്ടി​ക​ളു​മാ​യും അവരുടെ മാതാ​പി​താ​ക്ക​ളു​മാ​യും നടത്തുന്ന അഭിമു​ഖങ്ങൾ, കുട്ടി​കളെ ശൈശ​വം​മു​തൽ യഹോ​വ​യു​ടെ വഴിക​ളിൽ പരിശീ​ലി​പ്പി​ക്കു​ന്ന​തി​ന്റെ പ്രയോ​ജ​നങ്ങൾ കാണാൻ നമ്മെ സഹായി​ക്കും.

സാത്താൻ “ഭൂതലത്തെ മുഴുവൻ [വഴി]തെറ്റിച്ചു”കൊണ്ടി​രി​ക്കേ, യഹോവ തന്റെ വിശ്വസ്‌ത ദാസന്മാർക്ക്‌ അവർ നടക്കേണ്ട ശരിയായ വഴി കാണിച്ചു കൊടു​ക്കു​ന്നു. (വെളി. 12:9; യെശ. 30:21) അവന്റെ ബുദ്ധി​യു​പ​ദേ​ശ​ത്തി​നു സൂക്ഷ്‌മ​ശ്രദ്ധ നൽകു​ക​യും അനുസ​ര​ണ​യോ​ടെ അതു ജീവി​ത​ത്തിൽ ബാധക​മാ​ക്കു​ക​യും ചെയ്യു​ന്നത്‌ നമ്മെ ജ്ഞാനി​ക​ളും സന്തുഷ്ട​രും ആക്കിത്തീർക്കു​ക​യും നിത്യ​ജീ​വ​നി​ലേക്കു നയിക്കു​ക​യും ചെയ്യും.—സദൃ. 8:32-35.