നിങ്ങളു​ടെ കണ്ണ്‌ ലളിത​മാ​യി സൂക്ഷി​ക്കു​ക

¹ ആലങ്കാരിക കണ്ണുകൾക്ക്‌ അഥവാ ആത്മീയ കണ്ണുകൾക്ക്‌ നമ്മുടെ മുഴു ജീവി​ത​ത്തി​ലും ചെലു​ത്താൻ കഴിയുന്ന അതിശ​യ​ക​ര​മായ സ്വാധീ​നത്തെ കുറിച്ച്‌ യേശു തന്റെ ഗിരി​പ്ര​ഭാ​ഷ​ണ​ത്തിൽ പ്രസ്‌താ​വി​ച്ചു. “കണ്ണു ചൊവ്വു​ള​ള​തെ​ങ്കിൽ നിന്റെ ശരീരം മുഴു​വ​നും പ്രകാ​ശി​ത​മാ​യി​രി​ക്കും. കണ്ണു കേടു​ള​ള​തെ​ങ്കി​ലോ നിന്റെ ശരീരം മുഴു​വ​നും ഇരുണ്ട​താ​യി​രി​ക്കും,” അവൻ പറഞ്ഞു. (മത്താ. 6:22, 23) ചൊവ്വുള്ള അല്ലെങ്കിൽ, ലളിത​മായ കണ്ണ്‌ ദൈ​വേഷ്ടം ചെയ്യുക എന്ന ഏക ലക്ഷ്യത്തിൽ കേന്ദ്രീ​കൃ​ത​മാ​യി​രി​ക്കും. ഭൗതിക വസ്‌തു​വ​കകൾ സംബന്ധി​ച്ചുള്ള അനുചി​ത​മായ ഉത്‌ക​ണ്‌ഠകൾ അതിനെ ലക്ഷ്യത്തിൽനി​ന്നു പതറി​ക്കു​ക​യില്ല. (മത്താ. 6:19-21, 24-33) ലളിത​മായ കണ്ണുള്ളവർ ആയിരി​ക്കാൻ നമ്മെ എന്തു സഹായി​ക്കും?

² തൃപ്‌തരായിരിക്കാൻ പഠിക്കൽ: കുടും​ബത്തെ നന്നായി പരിപാ​ലി​ക്കുക എന്നത്‌ ഒരുവന്റെ തിരു​വെ​ഴു​ത്തു​പ​ര​മായ കടപ്പാ​ടാണ്‌. (1 തിമൊ. 5:8) എന്നാൽ, ഏറ്റവും നല്ല, അത്യാ​ധു​നിക വസ്‌തു​ക്കൾക്കാ​യി നാം പരക്കം പായണം എന്ന്‌ അത്‌ അർഥമാ​ക്കു​ന്നില്ല. (സദൃ. 27:20; 30:8, 9) അടിസ്ഥാന ആവശ്യങ്ങൾ നിറ​വേ​റ്റാൻ മതിയായ വസ്‌തു​ക്കൾ നമുക്ക്‌ ഉണ്ടെങ്കിൽ, അതായത്‌ “ഉണ്മാനും ഉടുപ്പാ​നും” ഉണ്ടെങ്കിൽ, അതു​കൊ​ണ്ടു തൃപ്‌തി​പ്പെ​ടാൻ തിരു​വെ​ഴു​ത്തു​കൾ നമ്മെ പ്രോ​ത്സാ​ഹി​പ്പി​ക്കു​ന്നു. (1 തിമൊ. 6:8; എബ്രാ. 13:5, 6) ശരിയായ കാര്യ​ത്തിൽ ദൃഷ്ടി പതിപ്പി​ച്ചു​നി​റു​ത്താൻ ഈ ബുദ്ധി​യു​പ​ദേശം നമ്മെ സഹായി​ക്കും.

³ അനാവശ്യ കടബാ​ധ്യ​ത​കൾകൊ​ണ്ടും ധാരാളം സമയവും ശ്രദ്ധയും ആവശ്യ​മാ​ക്കി​ത്തീർക്കുന്ന വസ്‌തു​വ​ക​ക​ളോ അനുധാ​വ​ന​ങ്ങ​ളോ​കൊ​ണ്ടും നാം സ്വയം ഭാര​പ്പെ​ടു​ത്താ​തി​രി​ക്കു​ന്നതു ജ്ഞാനമാണ്‌. (1 തിമൊ. 6:9, 10) ഇത്‌ എങ്ങനെ സാധി​ക്കും? ഒരു സംരം​ഭത്തെ കുറിച്ച്‌ ആലോ​ചി​ക്കു​മ്പോൾ, പ്രാർഥ​നാ​പൂർവം അതു വിശക​ലനം ചെയ്യു​ക​യും ആത്മീയ ലക്ഷ്യങ്ങളെ അവ തകിടം മറിക്കു​മോ എന്നു സത്യസ​ന്ധ​മാ​യി വിലയി​രു​ത്തു​ക​യും ചെയ്യുക. ആത്മീയ കാര്യ​ങ്ങൾക്കു ജീവി​ത​ത്തിൽ ഒന്നാം സ്ഥാനം നൽകാൻ ദൃഢനി​ശ്ചയം ഉള്ളവർ ആയിരി​ക്കുക.—ഫിലി. 1:10; 4:6, 7.

⁴ ജീവിതരീതി ലളിത​മാ​ക്കുക: ഭൗതി​ക​ത്വ​ത്തി​ന്റെ മാസ്‌മ​രി​ക​തയെ ചെറു​ക്കാ​നുള്ള മറ്റൊരു മാർഗം, നിങ്ങളു​ടെ ജീവി​ത​രീ​തി കഴിവ​തും ലളിത​മാ​ക്കുക എന്നതാണ്‌. ഏറെ ഭൗതിക വസ്‌തു​ക്കൾ ഇല്ലാ​തെ​തന്നെ തന്റെ കുടും​ബ​ത്തി​നു സുഗമ​മാ​യി മുന്നോ​ട്ടു പോകാൻ സാധി​ക്കു​മെന്നു കണ്ടെത്തിയ ഒരു സഹോ​ദരൻ ഇപ്രകാ​രം പറഞ്ഞു: “സഭയിലെ എന്റെ സഹോ​ദ​ര​ങ്ങളെ സേവി​ക്കു​ന്ന​തി​നാ​യി കൂടുതൽ സമയം കണ്ടെത്താൻ ഇപ്പോൾ എനിക്കു കഴിയു​ന്നു. ദൈവ​ദാ​സ​ന്മാർ സ്വന്ത താത്‌പ​ര്യ​ങ്ങ​ളെ​ക്കാൾ സത്യാ​രാ​ധ​ന​യ്‌ക്കു പ്രാധാ​ന്യം നൽകു​മ്പോൾ, യഹോവ അവരെ അനു​ഗ്ര​ഹി​ക്കും എന്ന്‌ എനിക്ക്‌ ഉറപ്പുണ്ട്‌.” ജീവി​ത​രീ​തി ലളിത​മാ​ക്കി​ക്കൊണ്ട്‌ വർധിച്ച അനു​ഗ്രഹം ആസ്വദി​ക്കാൻ നിങ്ങൾക്കു കഴിയു​മോ?

⁵ സാത്താന്റെയും അവന്റെ ഭൗതി​കത്വ ലോക​ത്തി​ന്റെ​യും നമ്മുടെ സ്വന്തം അപൂർണ ജഡത്തി​ന്റെ​യും സ്വാധീ​ന​ങ്ങളെ ചെറു​ക്കാൻ സ്ഥിരപ​രി​ശ്രമം ആവശ്യ​മാണ്‌. ദൃഷ്ടി പതറാൻ ഇടവരാ​തെ, നമുക്ക്‌ ദൈ​വേഷ്ടം ചെയ്യു​ന്ന​തി​ലും നിത്യ​ജീ​വന്റെ അമൂല്യ പ്രത്യാ​ശ​യി​ലും നമ്മുടെ കണ്ണുകളെ കേന്ദ്രീ​ക​രി​ച്ചു​നി​റു​ത്താം.—സദൃ. 4:25; 2 കൊരി. 4:18.

[അധ്യയന ചോദ്യ​ങ്ങൾ]

1. ലളിത​മായ കണ്ണ്‌ ഉണ്ടായി​രി​ക്കുക എന്നതിന്റെ അർഥ​മെന്ത്‌, ഇതു പ്രധാനം ആയിരി​ക്കു​ന്നത്‌ എന്തു​കൊണ്ട്‌?

2. ഭൗതിക വസ്‌തു​ക്കൾ സംബന്ധിച്ച്‌ ഏതു വീക്ഷണം പുലർത്താൻ ദൈവ​വ​ചനം പ്രോ​ത്സാ​ഹി​പ്പി​ക്കു​ന്നു?

3. അനാവ​ശ്യ​മാ​യി സ്വയം ഭാര​പ്പെ​ടു​ത്തു​ന്നത്‌ ഒഴിവാ​ക്കാൻ നമ്മെ എന്തു സഹായി​ക്കും?

4. നമ്മുടെ ജീവി​ത​രീ​തി ലളിത​മാ​ക്കാ​നുള്ള വഴികളെ കുറിച്ചു നാം ചിന്തി​ക്കേ​ണ്ടത്‌ എന്തു​കൊണ്ട്‌?

5. കണ്ണ്‌ ലളിത​മാ​യി സൂക്ഷി​ക്കാൻ സ്ഥിരപ​രി​ശ്രമം ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?