നിങ്ങളു​ടെ കണ്ണ്‌ തെളി​ച്ച​മു​ള്ള​താ​ണോ?

1. ‘തെളി​ച്ച​മുള്ള കണ്ണ്‌’ ഉണ്ടായി​രി​ക്കുക എന്നാൽ എന്താണ്‌ അർഥം?

¹ നാം എന്തിൽ ദൃഷ്ടി​കേ​ന്ദ്രീ​ക​രി​ക്കു​ന്നു​വോ അത്‌ നമ്മുടെ പ്രവൃ​ത്തി​കളെ സ്വാധീ​നി​ക്കും. “ശരീര​ത്തി​ന്റെ വിളക്ക്‌ കണ്ണാകു​ന്നു. നിന്റെ കണ്ണ്‌ തെളി​ച്ച​മു​ള്ള​തെ​ങ്കിൽ ശരീരം മുഴു​വ​നും പ്രകാ​ശി​ത​മാ​യി​രി​ക്കും” എന്ന യേശു​വി​ന്റെ വാക്കുകൾ എത്രയോ അർഥവ​ത്താണ്‌. (മത്താ. 6:22) ആത്മീയ അർഥത്തിൽ നമ്മുടെ കണ്ണ്‌ ‘തെളി​ച്ച​മു​ള്ള​താ​ണെ​ങ്കിൽ’ അത്‌, ഒരു കാര്യ​ത്തിൽമാ​ത്രം അതായത്‌ ദൈ​വേഷ്ടം ചെയ്യു​ന്ന​തിൽ കേന്ദ്രീ​കൃ​ത​മാ​യി​രി​ക്കും. നമ്മുടെ ജീവി​ത​ത്തിൽ നാം രാജ്യ​ത്തിന്‌ ഒന്നാം​സ്ഥാ​നം നൽകു​ക​യും ശുശ്രൂ​ഷ​യിൽനിന്ന്‌ നമ്മുടെ ശ്രദ്ധ വ്യതി​ച​ലി​പ്പി​ക്കു​ന്ന​തരം പ്രവർത്ത​ന​ങ്ങ​ളും വസ്‌തു​വ​ക​ക​ളും ഒഴിവാ​ക്കു​ക​യും ചെയ്യും.

2. നമ്മുടെ കാഴ്‌ച​പ്പാ​ടി​നെ എന്ത്‌ വികല​മാ​ക്കി​യേ​ക്കാം? എന്ത്‌ ചെയ്യു​ന്നത്‌ പ്രയോ​ജ​ന​ക​ര​മാ​യി​രി​ക്കും?

² ആത്മപരി​ശോ​ധന നടത്തുക: സകലതും അവശ്യ​വ​സ്‌തു​ക്ക​ളാ​യി അവതരി​പ്പി​ക്കുന്ന പരസ്യ​ലോ​ക​വും ‘മറ്റുള്ള​വർക്കു​ള്ള​തെ​ല്ലാം എനിക്കും വേണം’ എന്ന ചിന്തയും നമ്മുടെ കാഴ്‌ച​പ്പാ​ടി​നെ വികല​മാ​ക്കി​യേ​ക്കാം. വളരെ​യ​ധി​കം സമയവും പണവും ഊർജ​വു​മൊ​ക്കെ ചെലവ​ഴി​ക്കേ​ണ്ടി​വ​രുന്ന ഒരു സംരംഭം ഏറ്റെടു​ക്കു​ക​യോ എന്തെങ്കി​ലും വാങ്ങി​ക്കൂ​ട്ടു​ക​യോ ചെയ്യു​ന്ന​തി​നു​മുമ്പ്‌, അതിനു​വ​രുന്ന ‘ചെലവു കണക്കു​കൂ​ട്ടി’ നോക്കു​ന്നത്‌ നന്നായി​രി​ക്കും. നമുക്ക്‌ നമ്മോ​ടു​തന്നെ ഇങ്ങനെ ചോദി​ക്കാ​വു​ന്ന​താണ്‌: “ഇത്‌ എന്റെ ശുശ്രൂ​ഷ​യ്‌ക്ക്‌ പ്രയോ​ജനം ചെയ്യു​മോ അതോ അതിന്‌ വിഘാതം സൃഷ്ടി​ക്കു​മോ?” (ലൂക്കോ. 14:28; ഫിലി. 1:9-11) ശുശ്രൂ​ഷ​യി​ലുള്ള പങ്ക്‌ വർധി​പ്പി​ക്കു​ന്ന​തി​നു​വേണ്ടി ജീവിതം ഇനിയും ലളിത​മാ​ക്കാൻ കഴി​ഞ്ഞേ​ക്കു​മോ എന്ന്‌ ഇടയ്‌ക്കി​ടെ ചിന്തി​ക്കു​ന്നത്‌ ബുദ്ധി​യാ​യി​രി​ക്കും.—2 കൊരി. 13:5; എഫെ. 5:10.

3. ജീവിതം ലളിത​മാ​ക്കാ​നാ​യി ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വരുത്തിയ ഒരു സഹോ​ദ​രി​യിൽനിന്ന്‌ നമുക്ക്‌ എന്ത്‌ പഠിക്കാം?

³ സാധാരണ പയനി​യ​റിങ്‌ ആരംഭിച്ച ഒരു സഹോ​ദ​രി​യു​ടെ കാര്യ​മെ​ടു​ക്കാം. തന്റെ ആവശ്യങ്ങൾ നിറ​വേ​റ്റാൻ മതിയായ പണം ഒരു അംശകാ​ല​ജോ​ലി ചെയ്‌താ​ലും സഹോ​ദ​രി​ക്കു ലഭിക്കു​മാ​യി​രു​ന്നു. പക്ഷേ, സഹോ​ദരി മുഴു​വൻസമയ ജോലി​യിൽ തുടർന്നു​കൊ​ണ്ടു​തന്നെ പയനി​യ​റിങ്‌ ചെയ്യാൻ ശ്രമിച്ചു. ഫലമോ? സഹോ​ദരി പറയുന്നു: “ഒരേ സമയം രണ്ട്‌ യജമാ​ന​ന്മാ​രെ സേവി​ക്കാൻ ആർക്കും കഴിയില്ല. ആഗ്രഹങ്ങൾ പലതും വേണ്ടെ​ന്നു​വെച്ച്‌ ആവശ്യ​ങ്ങൾമാ​ത്രം നിറ​വേ​റ്റാൻ ഞാൻ ശ്രദ്ധി​ക്കേ​ണ്ടി​യി​രു​ന്നു. വാങ്ങി​ക്കൂ​ട്ടുന്ന വസ്‌തു​ക്ക​ളു​ടെ പുതുമ പെട്ടെ​ന്നു​തന്നെ നഷ്ടപ്പെ​ടും; അതോടെ അവയോ​ടുള്ള താത്‌പ​ര്യ​വും ഇല്ലാതാ​കും. അവ വാങ്ങി​ക്കൂ​ട്ടാ​നുള്ള പരക്കം​പാ​ച്ചി​ലി​നി​ട​യിൽ ക്ഷയിച്ചി​ല്ലാ​താ​കു​ന്നത്‌ ഞാനാ​ണെന്ന കാര്യം വൈകി​യാ​ണെ​ങ്കി​ലും ഞാൻ തിരി​ച്ച​റി​ഞ്ഞു.” ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വരുത്തി​ക്കൊണ്ട്‌ ജീവിതം ലളിത​മാ​ക്കു​ക​യും മറ്റൊരു ജോലി കണ്ടെത്തു​ക​യും ചെയ്‌ത​തു​കൊണ്ട്‌ ആ സഹോ​ദ​രിക്ക്‌ പയനി​യ​റിങ്‌ തുടരാ​നാ​യി.

4. ഈ നാളു​ക​ളിൽ നാം കണ്ണ്‌ തെളി​ച്ച​മു​ള്ള​താ​യി സൂക്ഷി​ക്കേ​ണ്ട​തി​ന്റെ പ്രാധാ​ന്യം എന്താണ്‌?

⁴ നാം ജീവി​ക്കുന്ന കാലത്തി​ന്റെ അടിയ​ന്തി​രത കണക്കി​ലെ​ടു​ക്കു​മ്പോൾ നമ്മുടെ കണ്ണ്‌ തെളി​ച്ച​മു​ള്ള​താ​യി സൂക്ഷി​ക്കേ​ണ്ട​തി​ന്റെ പ്രാധാ​ന്യം വർധി​ക്കു​ന്നു. കടന്നു​പോ​കുന്ന ഓരോ ദിവസ​വും നമ്മെ ഈ വ്യവസ്ഥി​തി​യു​ടെ അന്ത്യ​ത്തോ​ടും ദൈവ​ത്തി​ന്റെ പുതിയ ലോക​ത്തോ​ടും ഒന്നി​നൊന്ന്‌ അടുപ്പി​ക്കു​ക​യാണ്‌. (1 കൊരി. 7:29, 31) പ്രസം​ഗ​വേ​ല​യിൽ ശ്രദ്ധ കേന്ദ്രീ​ക​രി​ക്കു​ന്നെ​ങ്കിൽ നമുക്ക്‌ നമ്മെയും നമ്മുടെ വാക്കു കേൾക്കു​ന്ന​വ​രെ​യും രക്ഷിക്കാ​നാ​കും.—1 തിമൊ. 4:16.