അടിയ​ന്തി​ര​താ​ബോ​ധം നിലനി​റു​ത്തുക!

¹ പിതാവിന്റെ ഹിതം ചെയ്യാ​നാ​യി ഈ ഭൂമി​യിൽ തനിക്കുള്ള സമയം പരിമി​ത​മാ​ണെന്ന്‌ യേശു​വിന്‌ അറിയാ​മാ​യി​രു​ന്നു. (യോഹ. 9:4) അതു​കൊണ്ട്‌, അടിയ​ന്തി​ര​താ​ബോ​ധ​ത്തോ​ടെ അവൻ തന്റെ ശുശ്രൂഷ നിർവ​ഹി​ക്കു​ക​യും അതുതന്നെ ചെയ്യാൻ ശിഷ്യ​ന്മാ​രെ പരിശീ​ലി​പ്പി​ക്കു​ക​യും ചെയ്‌തു. (ലൂക്കൊ. 4:42-44; 8:1, 2; 10:2-4) ലൗകിക സുഖസൗ​ക​ര്യ​ങ്ങൾക്ക്‌ അവന്റെ ജീവി​ത​ത്തിൽ രണ്ടാം സ്ഥാനമേ ഉണ്ടായി​രു​ന്നു​ള്ളൂ. (മത്താ. 8:20) തന്നിമി​ത്തം, യഹോവ ഭരമേൽപ്പിച്ച വേല പൂർത്തീ​ക​രി​ക്കാൻ അവനു സാധിച്ചു.—യോഹ. 17:4.

² പരിമിത സമയം: സുവാർത്ത “ഭൂലോ​ക​ത്തിൽ ഒക്കെയും” പ്രസം​ഗി​ക്കാ​നുള്ള സമയവും പരിമി​ത​മാണ്‌. (മത്താ. 24:14) ബൈബിൾ പ്രവച​നങ്ങൾ വെളി​പ്പെ​ടു​ത്തു​ന്നത്‌ അനുസ​രിച്ച്‌, അന്ത്യകാ​ല​ത്തി​ന്റെ അവസാന ഘട്ടത്തി​ലാ​ണു നാം ജീവി​ക്കു​ന്നത്‌. ‘ദൈവത്തെ അറിയാ​ത്ത​വ​രും നമ്മുടെ കർത്താ​വായ യേശു​വി​ന്റെ സുവി​ശേഷം അനുസ​രി​ക്കാ​ത്ത​വ​രും പ്രതി​കാ​രം’ അനുഭ​വി​ക്കുന്ന സമയം പെട്ടെ​ന്നു​തന്നെ ആഗതമാ​കും. (2 തെസ്സ. 1:6-9) ആ ന്യായ​വി​ധി നമ്മെ അതിശ​യി​പ്പി​ക്കു​മാറ്‌ വളരെ പെട്ടെ​ന്നാ​യി​രി​ക്കും സംഭവി​ക്കുക. (ലൂക്കൊ. 21:34, 35; 1 തെസ്സ. 5:2, 3) തങ്ങൾ ആയിരി​ക്കുന്ന അപകടാ​വസ്ഥ ആളുകൾ തിരി​ച്ച​റി​യേ​ണ്ട​തുണ്ട്‌. അവശേ​ഷി​ച്ചി​രി​ക്കുന്ന സമയത്ത്‌ യഹോ​വ​യു​ടെ പ്രീതി തേടാ​നാ​യി അവരെ സഹായി​ക്കാ​നുള്ള ഉത്തരവാ​ദി​ത്വം നമുക്കുണ്ട്‌.—സെഫ. 2:2, 3.

³ ആവുന്നതെല്ലാം ചെയ്യുക: “കാലം ചുരു​ങ്ങി​യി​രി​ക്കു​ന്നു” എന്ന തിരി​ച്ച​റി​വോ​ടെ ദൈവ​ദാ​സർ പ്രസം​ഗ​വേ​ല​യ്‌ക്കു പ്രഥമ​സ്ഥാ​നം നൽകുന്നു. (1 കൊരി. 7:29-31; മത്താ. 6:33) ശുശ്രൂ​ഷ​യി​ലുള്ള തങ്ങളുടെ പങ്ക്‌ വർധി​പ്പി​ക്കാൻ ചിലർ സാമ്പത്തി​ക​മാ​യി മുന്നേ​റാ​നുള്ള അവസര​ങ്ങ​ളോ വ്യക്തി​പ​ര​മായ മറ്റു കാര്യ​ങ്ങ​ളോ ത്യജി​ച്ചി​രി​ക്കു​ന്നു. (മർക്കൊ. 10:29, 30) മറ്റു ചിലർ പരി​ശോ​ധ​ന​ക​ളി​ന്മ​ധ്യേ​യും ‘കർത്താ​വി​ന്റെ വേലയിൽ വർധിച്ചു’വന്നു​കൊ​ണ്ടി​രി​ക്കു​ന്നു. (1 കൊരി. 15:58) അനേകർ ദശാബ്ദ​ങ്ങ​ളാ​യി സുവാർത്ത​യു​ടെ അചഞ്ചല​രായ പരസ്യ​ഘോ​ഷ​ക​രാണ്‌. (എബ്രാ. 10:23) രാജ്യ​താ​ത്‌പ​ര്യ​ങ്ങ​ളു​ടെ ഉന്നമനാർഥ​മുള്ള അത്തരം എല്ലാ ത്യാഗ​ങ്ങ​ളെ​യും യഹോവ അങ്ങേയറ്റം വിലമ​തി​ക്കു​ന്നു.—എബ്രാ. 6:10.

⁴ നമ്മുടെ ജീവിതം പ്രസം​ഗ​വേല ഉൾപ്പെ​ടെ​യുള്ള യഹോ​വ​യു​ടെ ആരാധ​ന​യിൽ കേന്ദ്രീ​ക​രി​ക്കു​ന്നത്‌, യഹോ​വ​യു​ടെ ദിവസം മനസ്സിൽ അടുപ്പി​ച്ചു നിറു​ത്താൻ നമ്മെ സഹായി​ക്കു​ന്നു. ഇത്‌, സാത്താന്റെ ലോകം നിമിത്തം ശ്രദ്ധ പതറു​ന്ന​തിൽനി​ന്നു നമ്മെ സംരക്ഷി​ക്കു​ക​യും വിശുദ്ധ നടത്ത ഉള്ളവരാ​യി​രി​ക്കാ​നുള്ള നമ്മുടെ തീരു​മാ​നത്തെ ശക്തി​പ്പെ​ടു​ത്തു​ക​യും ചെയ്യുന്നു. (2 പത്രൊ. 3:11-14) അടിയ​ന്തി​ര​താ​ബോ​ധ​ത്തോ​ടെ ശുശ്രൂഷ നിർവ​ഹി​ക്കു​ന്നത്‌ നമുക്കും അതു​പോ​ലെ​തന്നെ നമ്മുടെ ശ്രോ​താ​ക്കൾക്കും ജീവര​ക്ഷാ​ക​ര​മാ​യി​രി​ക്കും.—1 തിമൊ. 4:16.