“ലോക​ത്തി​ന്റെ വെളിച്ച”ത്തിലേക്കു ശ്രദ്ധ ക്ഷണിക്കുക

1. ഏതു വലിയ വെളി​ച്ച​ത്തെ​ക്കു​റിച്ച്‌ ദൈവ​വ​ചനം മുൻകൂ​ട്ടി​പ്പ​റഞ്ഞു, ഈ വെളി​ച്ച​ത്തി​ലേക്കു പ്രത്യേക ശ്രദ്ധ ക്ഷണിക്കു​ന്ന​തി​നുള്ള അവസരം ഏത്‌?

¹ പ്രവാചകനായ യെശയ്യാവ്‌ മുഖാ​ന്തരം യഹോവ മുൻകൂ​ട്ടി​പ്പ​റഞ്ഞു: “ഇരുട്ടിൽ നടന്ന ജനം വലി​യൊ​രു വെളിച്ചം കണ്ടു; അന്ധതമ​സ്സുള്ള ദേശത്തു പാർത്ത​വ​രു​ടെ മേൽ പ്രകാശം ശോഭി​ച്ചു.” (യെശ. 9:2) ആ ‘വലിയ വെളിച്ചം’ ദൈവ​ത്തി​ന്റെ സ്വന്തം പുത്ര​നായ യേശു​ക്രി​സ്‌തു​വി​ന്റെ പ്രവർത്ത​ന​ത്തിൽ ദൃശ്യ​മാ​യി. ഭൂമി​യി​ലാ​യി​രു​ന്ന​പ്പോൾ അവൻ ചെയ്‌ത വേലയും അവന്റെ യാഗത്തി​ന്റെ പ്രയോ​ജ​ന​ങ്ങ​ളും ആത്മീയ അന്ധകാ​ര​ത്തിൽ ആയിരു​ന്ന​വ​രു​ടെ അവസ്ഥ മെച്ച​പ്പെ​ടു​ത്തി. ഈ അന്ധകാ​ര​യു​ഗ​ത്തിൽ ജീവി​ക്കുന്ന ആളുകൾക്കും ആവശ്യ​മാ​യി​രി​ക്കു​ന്നത്‌ അത്തരം വെളി​ച്ച​മാണ്‌. കർത്താ​വി​ന്റെ സന്ധ്യാ​ഭ​ക്ഷണം “ലോക​ത്തി​ന്റെ വെളിച്ച”ത്തിലേക്കു ശ്രദ്ധ ക്ഷണിക്കു​ന്ന​തി​നുള്ള പ്രത്യേക അവസര​മാണ്‌ നമുക്കു പ്രദാനം ചെയ്യു​ന്നത്‌. (യോഹ. 8:12) “എന്റെ ഓർമ്മെ​ക്കാ​യി ഇതു ചെയ്‌വിൻ” എന്ന യേശു​വി​ന്റെ കൽപ്പന അനുസ​രി​ക്കു​ന്ന​തിൽ നമ്മോടു ചേർന്നു​കൊണ്ട്‌ കഴിഞ്ഞ വർഷം ദശലക്ഷങ്ങൾ ഒരളവി​ലുള്ള വിശ്വാ​സം പ്രകട​മാ​ക്കി. (ലൂക്കൊ. 22:19) ഈ വർഷത്തെ സ്‌മാ​ര​കാ​ച​രണം സമീപി​ക്കവേ, യഹോവ ചൊരി​ഞ്ഞി​രി​ക്കുന്ന ആ വലിയ വെളി​ച്ച​ത്തി​ലേക്ക്‌ ആളുക​ളു​ടെ ശ്രദ്ധ തിരി​ക്കു​ന്ന​തിൽ നമുക്ക്‌ എപ്രകാ​രം പങ്കുപ​റ്റാം?—ഫിലി. 2:15.

2. മറുവി​ല​യാ​ഗ​ത്തോ​ടുള്ള വിലമ​തിപ്പ്‌ നമുക്ക്‌ എങ്ങനെ വർധി​പ്പി​ക്കാം, അങ്ങനെ ചെയ്യു​ന്ന​തി​ന്റെ ഫലം എന്തായി​രി​ക്കും?

² ഹൃദയത്തിൽ വിലമ​തി​പ്പു വളർത്തുക: മനുഷ്യ​വർഗ​ത്തി​നു​വേണ്ടി മറുവി​ല​യാ​ഗം പ്രദാനം ചെയ്യു​ക​വഴി യഹോ​വ​യും യേശു​വും പ്രകട​മാ​ക്കിയ വലിയ സ്‌നേ​ഹ​ത്തെ​ക്കു​റി​ച്ചു ധ്യാനി​ക്കു​ന്ന​തി​നുള്ള ഉചിത​മായ സമയമാണ്‌ സ്‌മാ​ര​ക​കാ​ലം. (യോഹ. 3:16; 2 കൊരി. 5:14, 15) അങ്ങനെ ചെയ്യു​ന്നത്‌ പരിപാ​വ​ന​മായ ഈ വേള​യോ​ടുള്ള നമ്മുടെ വിലമ​തി​പ്പു വർധി​പ്പി​ക്കു​മെ​ന്ന​തി​നു സംശയ​മില്ല. മുഴു ദൈവ​ജ​ന​വും, തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്ക​ലിൽ കൊടു​ത്തി​രി​ക്കുന്ന പ്രത്യേക സ്‌മാരക ബൈബിൾ വായന​ഭാ​ഗം വായിച്ചു ധ്യാനി​ക്കു​ന്ന​തി​നു സമയം മാറ്റി​വെ​ക്കാൻ ആഗ്രഹി​ക്കും. മറുവി​ല​യെന്ന കരുത​ലി​ലൂ​ടെ യഹോ​വ​യു​ടെ അതുല്യ​മായ ഗുണങ്ങൾ മഹത്തായ രീതി​യിൽ വെളി​പ്പെ​ട്ടി​രി​ക്കു​ന്നു. ഈ ഗുണങ്ങ​ളെ​ക്കു​റി​ച്ചു ചിന്തി​ക്കു​ന്നത്‌ അവൻ ദൈവ​മാ​യി​രി​ക്കു​ന്ന​തിൽ നാം അഭിമാ​നം​കൊ​ള്ളാൻ ഇടയാ​ക്കു​ന്നു. വ്യക്തി​പ​ര​മാ​യി മറുവില നമുക്ക്‌ എന്തർഥ​മാ​ക്കു​ന്നു എന്നതി​നെ​ക്കു​റി​ച്ചു ധ്യാനി​ക്കു​ന്നത്‌ ദൈവ​ത്തോ​ടും അവന്റെ പുത്ര​നോ​ടു​മുള്ള നമ്മുടെ ഹൃദയം​ഗ​മ​മായ സ്‌നേഹം വർധി​പ്പി​ക്കു​ക​യും ദൈ​വേഷ്ടം ചെയ്യു​ന്ന​തിൽ പരമാ​വധി പ്രവർത്തി​ക്കാൻ നമ്മെ പ്രേരി​പ്പി​ക്കു​ക​യും ചെയ്യുന്നു.—ഗലാ. 2:20.

3. സ്‌മാ​ര​ക​ത്തോ​ടുള്ള വിലമ​തിപ്പ്‌ നമുക്ക്‌ എങ്ങനെ പ്രകടി​പ്പി​ക്കാം?

³ രക്ഷയ്‌ക്കായി യഹോവ ചെയ്‌തി​രി​ക്കുന്ന കരുത​ലി​നോ​ടുള്ള വിലമ​തിപ്പ്‌ നാം ആഴമു​ള്ള​താ​ക്കു​ന്നെ​ങ്കിൽ, സ്‌മാ​ര​ക​ത്തോ​ടു ബന്ധപ്പെട്ട നമ്മുടെ ഉത്സാഹം ഈ പ്രത്യേക അവസര​ത്തി​നാ​യി നാം ക്ഷണിക്കുന്ന ബൈബിൾ വിദ്യാർഥി​കൾ, മടക്കസ​ന്ദർശ​ന​ത്തി​ലു​ള്ളവർ, ബന്ധുക്കൾ, അയൽക്കാർ, സഹപാ​ഠി​കൾ, സഹജോ​ലി​ക്കാർ തുടങ്ങി​യ​വരെ സ്വാധീ​നി​ക്കും. (ലൂക്കൊ. 6:45) അതു​കൊണ്ട്‌ അത്തരത്തി​ലുള്ള എല്ലാവ​രെ​യും ക്ഷണിക്കാൻ പ്രത്യേ​ക​ശ്രമം ചെയ്യുക; ഒരു ഓർമി​പ്പി​ക്ക​ലാ​യി ഉതകു​ന്ന​തിന്‌ അച്ചടിച്ച സ്‌മാരക ക്ഷണക്കത്ത്‌ അവർക്കു നൽകുക. ആരു​ടെ​യും കാര്യം മറന്നു​പോ​കാ​തി​രി​ക്കാൻ സ്‌മാ​ര​ക​ത്തിന്‌ എല്ലാ വർഷവും ക്ഷണിക്കാ​നു​ള്ള​വ​രു​ടെ ഒരു പട്ടിക സൂക്ഷി​ക്കു​ക​യും വർഷം​തോ​റും ആ പട്ടിക​യിൽ പുതിയ പേരുകൾ ചേർക്കു​ക​യും ചെയ്യു​ന്നതു പ്രാ​യോ​ഗി​ക​മാ​ണെന്ന്‌ അനേകർ കണ്ടെത്തി​യി​രി​ക്കു​ന്നു. ഇങ്ങനെ ചിട്ട​യോ​ടു കൂടി, താത്‌പ​ര്യ​ക്കാ​രെ ക്ഷണിക്കാൻ കഴിയു​ന്ന​തെ​ല്ലാം ചെയ്യു​ന്നത്‌ യഹോ​വ​യാം ദൈവം പ്രദാനം ചെയ്‌തി​രി​ക്കുന്ന “പറഞ്ഞു​തീ​രാത്ത ദാന”ത്തോട്‌ അഥവാ വാക്കു​ക​ളാൽ വിവരി​ക്കാ​നാ​വാത്ത ദാന​ത്തോ​ടുള്ള നമ്മുടെ വിലമ​തി​പ്പു പ്രകടി​പ്പി​ക്കു​ന്ന​തി​നുള്ള ഒരു ഉത്തമ മാർഗ​മാണ്‌.—2 കൊരി. 9:15.

4. മാർച്ച്‌, ഏപ്രിൽ മാസങ്ങ​ളിൽ ശുശ്രൂ​ഷ​യി​ലെ നമ്മുടെ പങ്കു വർധി​പ്പി​ക്കാൻ എന്തു നമ്മെ സഹായി​ക്കും?

⁴ ശുശ്രൂഷയിൽ വർധിച്ച പങ്ക്‌: മാർച്ച്‌, ഏപ്രിൽ മാസങ്ങ​ളിൽ ശുശ്രൂ​ഷ​യി​ലെ പങ്കു വർധി​പ്പി​ക്കാൻ നിങ്ങൾക്കു കഴിയു​മോ? “ക്രിസ്‌തു​വി​ന്റെ തേജസ്സുള്ള സുവിശേ”ഷം മറ്റുള്ള​വ​രു​മാ​യി പങ്കു​വെ​ക്കാ​നുള്ള ശ്രമത്തി​ന്മേൽ തീർച്ച​യാ​യും ദൈവ​ത്തി​ന്റെ അനു​ഗ്രഹം ഉണ്ടായി​രി​ക്കും. എല്ലാ ആത്മീയ പ്രബു​ദ്ധ​ത​യു​ടെ​യും ഉറവായ യഹോവ ഇങ്ങനെ കൽപ്പി​ച്ചി​രി​ക്കു​ന്നു: “ഇരുട്ടിൽനി​ന്നു വെളിച്ചം പ്രകാ​ശി​ക്കേണം.” (2 കൊരി. 4:4-6) ശുശ്രൂ​ഷ​യിൽ കൂടുതൽ സമയം പ്രവർത്തി​ക്കാൻ ആഗ്രഹി​ക്കുന്ന പ്രസാ​ധ​കരെ പിന്തു​ണ​യ്‌ക്കു​ന്ന​തിൽ നേതൃ​ത്വം വഹിച്ചു​കൊണ്ട്‌ മൂപ്പന്മാർ ആവശ്യാ​നു​സൃ​തം മറ്റു സമയങ്ങ​ളി​ലും സ്ഥലങ്ങളി​ലും വയൽസേവന യോഗങ്ങൾ ക്രമീ​ക​രി​ക്കും. അതിൽ അതിരാ​വി​ലെ തെരു​വു​സാ​ക്ഷീ​ക​രണം നടത്തു​ന്ന​തോ ഉച്ചകഴി​ഞ്ഞോ വൈകു​ന്നേ​ര​മോ വ്യാപാര പ്രദേ​ശത്തു പ്രവർത്തി​ക്കു​ന്ന​തി​നും ടെലി​ഫോൺ സാക്ഷീ​ക​രണം നടത്തു​ന്ന​തി​നും ക്രമീ​ക​രി​ക്കു​ന്ന​തോ ഉൾപ്പെ​ട്ടേ​ക്കാം. ശുശ്രൂ​ഷ​യി​ലെ നിങ്ങളു​ടെ പങ്കു വർധി​പ്പി​ക്കാ​നുള്ള ഒരു സഹായ​മെന്ന നിലയിൽ, ന്യായ​മായ മണിക്കൂർലാ​ക്കു​കൾ വെക്കു​ക​യും അതിൽ എത്തി​ച്ചേ​രു​ന്ന​തി​നു പ്രയത്‌നി​ക്കു​ക​യും ചെയ്യുക. അനേക​രു​ടെ​യും കാര്യ​ത്തിൽ യഹോ​വ​യ്‌ക്ക്‌ തങ്ങളുടെ ഏറ്റവും നല്ലതു നൽകു​ന്ന​തിൽ സഹായ പയനി​യ​റിങ്‌ ചെയ്യു​ന്നത്‌ ഉൾപ്പെ​ടു​ന്നു.—കൊലൊ. 3:23, 24.

5. സഹായ പയനി​യ​റി​ങ്ങി​നുള്ള കുറഞ്ഞ മണിക്കൂർ വ്യവസ്ഥ​യിൽനിന്ന്‌ അനേകർ പ്രയോ​ജനം നേടു​ന്നത്‌ എങ്ങനെ?

⁵ നിങ്ങൾക്കു സഹായ പയനി​യ​റിങ്‌ ചെയ്യാ​നാ​കു​മോ? സഹായ പയനി​യ​റി​ങ്ങി​നുള്ള മണിക്കൂർ വ്യവസ്ഥ​യിൽ ഇളവു വരുത്തി​യിട്ട്‌ ഇപ്പോൾ ഏഴില​ധി​കം വർഷമാ​യി​രി​ക്കു​ന്നു. കൂടുതൽ പേർക്ക്‌ സഹായ പയനിയർ സേവന​ത്തി​ന്റെ സന്തോ​ഷ​വും പ്രയോ​ജ​ന​ങ്ങ​ളും ആസ്വദി​ക്കു​ന്ന​തിന്‌ ഈ പൊരു​ത്ത​പ്പെ​ടു​ത്തൽ സഹായി​ച്ചി​രി​ക്കു​ന്നു. നിങ്ങൾ അതു പരീക്ഷി​ച്ചു​നോ​ക്കി​യി​ട്ടു​ണ്ടോ? ചിലർ ഓരോ വർഷവും അങ്ങനെ ചെയ്യു​ന്നത്‌ ശീലമാ​ക്കി​യി​രി​ക്കു​ന്നു. പല സഭകളി​ലും അനേകം പ്രസാ​ധകർ ഒരുമിച്ച്‌ ഈ സേവന​ത്തിൽ ഏർപ്പെ​ടു​ന്നു. അങ്ങനെ അത്‌ സഭയുടെ ആ വർഷത്തെ പ്രവർത്ത​ന​ത്തി​ന്റെ പ്രതി​ഫ​ല​ദാ​യ​ക​മായ സവി​ശേ​ഷ​ത​യാ​യി​ത്തീ​രു​ന്നു. സ്‌മാ​ര​ക​കാ​ലത്ത്‌ ഒരു മാസം സഹായ പയനി​യ​റിങ്‌ ചെയ്യാൻ നിങ്ങൾക്കു സാധി​ക്കു​മോ? അതു തീർച്ച​യാ​യും സന്തോ​ഷ​ദാ​യ​ക​മായ അനുഭ​വ​മാ​യി​രി​ക്കും. അഞ്ചു പൂർണ വാരാ​ന്ത​ങ്ങ​ളു​ള്ള​തി​നാൽ ഏപ്രിൽ പലർക്കും വിശേ​ഷാൽ നല്ല ഒരു മാസമാ​യി​രി​ക്കും.

6. ആവേശ​ജ​ന​ക​മായ ഏതു കരുത​ലു​കൾ ലഭ്യമാ​ക്കി​യി​രി​ക്കു​ന്നു?

⁶ മാർച്ചിലോ ഏപ്രി​ലി​ലോ നിങ്ങളു​ടെ സഭയിൽ സർക്കിട്ട്‌ മേൽവി​ചാ​ര​കന്റെ സന്ദർശനം പട്ടിക​പ്പെ​ടു​ത്തി​യി​ട്ടു​ണ്ടോ? കൂടു​ത​ലായ ഒരു അനു​ഗ്രഹം നിങ്ങൾക്ക്‌ ആസ്വദി​ക്കാ​നാ​കും. നേരത്തേ അറിയി​ച്ചി​രു​ന്ന​തു​പോ​ലെ, സേവന​വർഷം 2006-ൽ സർക്കിട്ട്‌ മേൽവി​ചാ​ര​കന്റെ സന്ദർശ​ന​മുള്ള മാസം സഹായ പയനി​യർമാ​രാ​യി സേവി​ക്കു​ന്ന​വർക്ക്‌ സന്ദർശ​ന​വാ​ര​ത്തിൽ പയനി​യർമാ​രു​മാ​യി നടത്തുന്ന യോഗ​ത്തി​ന്റെ ആദ്യപ​കു​തി​യിൽ സംബന്ധി​ക്കു​ന്ന​തി​നുള്ള അവസരം ഉണ്ടായി​രി​ക്കും. ഈ യോഗ​ത്തിൽ പ്രദാനം ചെയ്യ​പ്പെ​ടുന്ന ആത്മീയ​മാ​യി ബലിഷ്‌ഠ​മാ​ക്കുന്ന വിവരങ്ങൾ സഹായ പയനി​യർമാ​രാ​യി സേവി​ക്കുന്ന പലരെ​യും സാധാരണ പയനിയർ സേവനം ഏറ്റെടു​ക്കു​ന്ന​തി​നു സഹായി​ക്കും. കൂടാതെ മാർച്ച്‌ മാസത്തിൽ, ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുതിയ അധ്യയന പ്രസി​ദ്ധീ​ക​രണം ഉപയോ​ഗിച്ച്‌ ആത്മീയ വെളി​ച്ച​ത്തി​ലേക്കു വരാൻ ആളുകളെ സഹായി​ക്കു​ന്ന​തി​ന്റെ സന്തോ​ഷ​വും നമുക്ക്‌ ഉണ്ടായി​രി​ക്കും. പുതിയ പുസ്‌തകം ഉപയോ​ഗിച്ച്‌ ഒരു ബൈബി​ള​ധ്യ​യനം തുടങ്ങാൻ എന്തു​കൊണ്ട്‌ ലക്ഷ്യം​വെ​ച്ചു​കൂ​ടാ?

7, 8. (എ) സഹായ പയനി​യ​റിങ്‌ ചെയ്യു​ന്ന​തിന്‌ ഒരു പട്ടിക തയ്യാറാ​ക്കാൻ നമ്മെ എന്തു സഹായി​ക്കും? (ബി) കുടും​ബാം​ഗ​ങ്ങ​ളു​ടെ സഹകര​ണ​ത്തിന്‌ എങ്ങനെ സഹായി​ക്കാ​നാ​കും, മുഴു​കു​ടും​ബ​വും പ്രയോ​ജനം അനുഭ​വി​ക്കു​ന്നത്‌ എങ്ങനെ?

⁷ സഹായ പയനി​യ​റി​ങ്ങി​നുള്ള 50 മണിക്കൂർ എന്ന വ്യവസ്ഥ​യിൽ എത്തി​ച്ചേ​രു​ന്ന​തിന്‌ പ്രതി​വാ​രം 12 മണിക്കൂർ വീതം പ്രവർത്തി​ക്കാൻ സഹായി​ക്കുന്ന ഏതു പട്ടിക പിൻപ​റ്റ​ണ​മെന്നു തീരു​മാ​നി​ക്കുക. സത്യത്തി​ന്റെ വെളിച്ചം പ്രകാ​ശി​പ്പി​ക്കു​ന്ന​തിൽ വിജയ​ക​ര​മാ​യി അങ്ങനെ ചെയ്‌തി​ട്ടു​ള്ള​വ​രു​മാ​യും മറ്റുള്ള​വ​രു​മാ​യും അതേക്കു​റി​ച്ചു ചർച്ച​ചെ​യ്യുക. അത്‌ നിങ്ങ​ളോ​ടൊ​പ്പം ചേരാൻ അവരെ പ്രോ​ത്സാ​ഹി​പ്പി​ച്ചേ​ക്കാം. നല്ല ആസൂ​ത്ര​ണ​മു​ണ്ടെ​ങ്കിൽ അഭിന​ന്ദ​നാർഹ​മായ ഈ ലാക്കിൽ എത്തി​ച്ചേ​രാൻ അത്ര ബുദ്ധി​മു​ട്ടി​ല്ലെന്ന്‌ ചെറു​പ്പ​ക്കാ​രും പ്രായ​മാ​യ​വ​രു​മായ സ്‌നാ​പ​ന​മേറ്റ പ്രസാ​ധകർ കണ്ടെത്തി​യി​രി​ക്കു​ന്നു. അതേക്കു​റി​ച്ചു പ്രാർഥി​ക്കുക. അതിനു​ശേഷം സാധ്യ​മെ​ങ്കിൽ കാര്യങ്ങൾ ആസൂ​ത്രണം ചെയ്യുക, സഹായ പയനി​യ​റിങ്‌ ആസ്വദി​ക്കുക!—മലാ. 3:10.

⁸ മുഴു കുടും​ബ​ത്തി​ന്റെ​യും സഹകര​ണ​ത്തി​ലൂ​ടെ ഒരു കുടും​ബാം​ഗ​ത്തി​നെ​ങ്കി​ലും ഈ ലാക്കിൽ എത്തി​ച്ചേ​രുക സാധ്യ​മാ​ണെന്ന്‌ പല കുടും​ബ​ങ്ങ​ളും കണ്ടെത്തി​യി​രി​ക്കു​ന്നു. ഒരു കുടും​ബ​ത്തി​ലെ സ്‌നാ​പ​ന​മേറ്റ അഞ്ചു പേരും സഹായ പയനി​യ​റിങ്‌ ചെയ്യാൻ തീരു​മാ​നി​ച്ചു. സ്‌നാ​പ​ന​മേ​റ്റി​ട്ടി​ല്ലാത്ത രണ്ടു കുട്ടികൾ തങ്ങളുടെ പ്രവർത്തനം വർധി​പ്പി​ക്കു​ന്ന​തി​നു പ്രത്യേക ശ്രമം ചെയ്‌തു. കൂടു​ത​ലായ ശ്രമം ചെയ്‌ത​തി​ന്റെ പ്രയോ​ജനം ആ കുടും​ബം ആസ്വദി​ച്ചത്‌ എങ്ങനെ? അവർ എഴുതി: “അതു ഞങ്ങൾക്ക്‌ വളരെ സന്തോഷം നൽകിയ ഒരു മാസമാ​യി​രു​ന്നു. ഞങ്ങൾക്കി​ട​യി​ലെ ബന്ധം ബലിഷ്‌ഠ​മാ​യ​താ​യി ഞങ്ങൾക്ക്‌ അനുഭ​വ​പ്പെട്ടു. ഈ മഹത്തായ അനു​ഗ്ര​ഹ​ത്തിന്‌ ഞങ്ങൾ യഹോ​വ​യ്‌ക്കു നന്ദി പറയുന്നു!”

9. ഈ സ്‌മാ​ര​ക​കാ​ലത്ത്‌ നമുക്ക്‌ എങ്ങനെ നമ്മുടെ വെളിച്ചം പ്രകാ​ശി​പ്പി​ക്കാം?

⁹ മാർച്ച്‌, ഏപ്രിൽ മാസങ്ങ​ളി​ലെ പ്രത്യേക പ്രവർത്തനം നമ്മുടെ സ്വർഗീയ പിതാ​വി​ലേക്കു നമ്മെ അടുപ്പി​ച്ചു​കൊണ്ട്‌ പ്രോ​ത്സാ​ഹ​ജ​ന​ക​മാ​ണെന്നു തെളി​യു​മോ? ഇക്കാര്യ​ത്തി​ലുള്ള നമ്മുടെ വിജയം ഏറെയും ദൈവ​ത്തോ​ടും യേശു​വി​നോ​ടു​മുള്ള സ്‌നേഹം തീവ്ര​മാ​ക്കു​ന്ന​തി​നും ശുശ്രൂ​ഷ​യി​ലെ പങ്കു വർധി​പ്പി​ക്കു​ന്ന​തി​നു​മാ​യി നാം ചെയ്യുന്ന ശ്രമത്തെ ആശ്രയി​ച്ചാ​ണി​രി​ക്കു​ന്നത്‌. പിൻവ​രു​ന്ന​പ്ര​കാ​രം പാടിയ സങ്കീർത്ത​ന​ക്കാ​ര​ന്റേ​തു​പോ​ലെ ആയിരി​ക്കട്ടെ നമ്മു​ടെ​യും ഉറച്ച തീരു​മാ​നം: “ഞാൻ എന്റെ വായ്‌കൊ​ണ്ടു യഹോ​വയെ അത്യന്തം സ്‌തു​തി​ക്കും; അതേ, ഞാൻ പുരു​ഷാ​ര​ത്തി​ന്റെ നടുവിൽ അവനെ പുകഴ്‌ത്തും.” (സങ്കീ. 109:30) ഈ സ്‌മാ​ര​ക​കാ​ലത്തെ നമ്മുടെ തീക്ഷ്‌ണ​മായ പ്രവർത്ത​നത്തെ യഹോവ അനു​ഗ്ര​ഹി​ക്കും. അതു​കൊണ്ട്‌ നമുക്ക്‌ യഹോ​വ​യിൽനി​ന്നുള്ള വലിയ വെളിച്ചം പ്രകാ​ശി​പ്പി​ക്കു​ന്ന​തിൽ തുടരാം. അങ്ങനെ അനേകർക്ക്‌ അന്ധകാ​ര​ത്തിൽനി​ന്നു പുറത്തു​വ​രു​ന്ന​തി​നും “ജീവന്റെ വെളി​ച്ച​മുള്ള”വരായി​രി​ക്കു​ന്ന​തി​നും കഴിയട്ടെ.—യോഹ. 8:12.