വ്യക്തിഗത താത്‌പ​ര്യം പ്രകട​മാ​ക്കുക—ദൃഷ്ടി​സ​മ്പർക്ക​ത്താൽ

¹ പൊതുസ്ഥലങ്ങളിലും വീടു​തോ​റും സാക്ഷീ​ക​രി​ക്കവേ, പലപ്പോ​ഴും ആളുക​ളോ​ടു സംസാ​രി​ക്കു​ന്ന​തി​നു മുമ്പ്‌ നാം അവരു​മാ​യി ദൃഷ്ടി​സ​മ്പർക്ക​ത്തിൽ വരുന്നു. ആ ചുരു​ങ്ങിയ സമയം​കൊണ്ട്‌ നാം അവിടെ ചെന്നതി​നെ​ക്കു​റിച്ച്‌ അവർക്ക്‌ എന്തു തോന്നു​ന്നെ​ന്നും എന്തിന്‌, അവർ ഏതു മാനസിക അവസ്ഥയി​ലാ​ണെന്നു പോലും അവരുടെ മുഖഭാ​വ​ത്തിൽനി​ന്നു നമുക്കു മനസ്സി​ലാ​ക്കാൻ കഴി​ഞ്ഞേ​ക്കും. അതു​പോ​ലെ​തന്നെ അവർക്കു നമ്മെക്കു​റി​ച്ചും പലതും മനസ്സി​ലാ​ക്കാ​നാ​കും. തന്നെ സന്ദർശിച്ച ഒരു സാക്ഷി​യെ​ക്കു​റിച്ച്‌ ഒരു സ്‌ത്രീ പറഞ്ഞത്‌ ഇതാണ്‌: “അവരുടെ പുഞ്ചിരി തൂകുന്ന മുഖത്തു നിഴലിച്ച ശാന്തത​യാ​ണു ഞാൻ ഓർക്കു​ന്നത്‌. അത്‌ എന്നെ ആകർഷി​ച്ചു.” ഇത്‌ അവർ സുവാർത്ത ശ്രദ്ധി​ക്കു​ന്ന​തിന്‌ ഇടയാക്കി.

² തെരുവിലോ മറ്റു പൊതു​സ്ഥ​ല​ങ്ങ​ളി​ലോ സാക്ഷീ​ക​രി​ക്കു​മ്പോൾ സാക്ഷീ​ക​രണം തുടങ്ങാ​നുള്ള ഒരു ഫലപ്ര​ദ​മായ മാർഗ​മാണ്‌ മറ്റുള്ള​വ​രു​മാ​യി ദൃഷ്ടി​സ​മ്പർക്ക​ത്തിൽ വരുന്നത്‌. ഒരു സഹോ​ദരൻ ചെയ്യാ​റു​ള്ളത്‌ എന്താ​ണെന്നു ശ്രദ്ധി​ക്കുക. അദ്ദേഹം തന്റെ അടു​ത്തേക്കു വരുന്ന​വ​രു​ടെ കണ്ണി​ലേക്കു നോക്കും; മറ്റെയാ​ളു​മാ​യി ദൃഷ്ടി​സ​മ്പർക്ക​ത്തിൽ വന്നുക​ഴി​ഞ്ഞാൽ അദ്ദേഹം പുഞ്ചി​രി​ച്ചു​കൊണ്ട്‌ മാസി​കകൾ കാണി​ക്കും. ഈ വിധത്തിൽ അദ്ദേഹ​ത്തി​നു പലരു​മാ​യി രസകര​മായ സംഭാ​ഷ​ണ​ങ്ങ​ളിൽ ഏർപ്പെ​ടാ​നും ധാരാളം പ്രസി​ദ്ധീ​ക​ര​ണങ്ങൾ നൽകാ​നും കഴിയു​ന്നു.

³ മറ്റുള്ളവരുടെ വികാ​രങ്ങൾ മനസ്സി​ലാ​ക്കുക: ദൃഷ്ടി​സ​മ്പർക്കം നിലനി​റു​ത്തു​ന്നത്‌ മറ്റുള്ള​വ​രു​ടെ വികാ​രങ്ങൾ മനസ്സി​ലാ​ക്കി​യെ​ടു​ക്കാൻ നമ്മെ സഹായി​ക്കും. ഉദാഹ​ര​ണ​ത്തിന്‌, ആർക്കെ​ങ്കി​ലും നാം പറയു​ന്നതു മനസ്സി​ലാ​ക്കാൻ ബുദ്ധി​മു​ട്ടാ​ണെ​ങ്കിൽ അല്ലെങ്കിൽ അതി​നോ​ടു യോജി​ക്കാൻ കഴിയു​ന്നി​ല്ലെ​ങ്കിൽ സാധാ​ര​ണ​ഗ​തി​യിൽ അദ്ദേഹ​ത്തി​ന്റെ മുഖത്ത്‌ അതു നിഴലി​ക്കും. ഇനി, ഒരു വ്യക്തി തിരക്കി​ലാ​ണെ​ങ്കിൽ അല്ലെങ്കിൽ അക്ഷമനാ​യി​ത്തീ​രു​ന്നെ​ങ്കിൽ, അദ്ദേഹ​ത്തി​ന്റെ മുഖഭാ​വ​ത്തിൽനി​ന്നു നമുക്കതു മനസ്സി​ലാ​കും. അപ്പോൾ അതനു​സ​രി​ച്ചു നമ്മുടെ അവതര​ണ​ത്തി​നു മാറ്റം വരുത്താ​നോ പറയാ​നു​ള്ളതു ചുരു​ക്കി​പ്പ​റ​യാ​നോ കഴിയും. മറ്റുള്ള​വ​രു​ടെ വികാ​രങ്ങൾ കണക്കി​ലെ​ടു​ക്കു​ന്നത്‌ അവരിൽ നമുക്കു വ്യക്തി​പ​ര​മായ താത്‌പ​ര്യം ഉണ്ടെന്നു കാണി​ക്കു​ന്ന​തി​നുള്ള ഒരു നല്ല മാർഗ​മാണ്‌.

⁴ ആത്മാർഥതയും ബോധ്യ​വും: പല സംസ്‌കാ​ര​ങ്ങ​ളി​ലും ഒരു വ്യക്തി​യു​ടെ കണ്ണി​ലേക്കു നോക്കു​ന്നത്‌ ആത്മാർഥ​ത​യു​ടെ ലക്ഷണമാ​യി കണക്കാ​ക്ക​പ്പെ​ടു​ന്നു. “രക്ഷിക്ക​പ്പെ​ടു​വാൻ ആർക്കു കഴിയും” എന്നു ശിഷ്യ​ന്മാർ യേശു​വി​നോ​ടു ചോദി​ച്ച​പ്പോൾ അവൻ പ്രതി​ക​രിച്ച വിധം ശ്രദ്ധി​ക്കുക: “യേശു അവരെ നോക്കി: അതു മനുഷ്യർക്കു അസാദ്ധ്യം എങ്കിലും ദൈവ​ത്തി​ന്നു സകലവും സാദ്ധ്യം എന്നു പറഞ്ഞു.” (മത്താ. 19:25, 26) യേശു​വി​ന്റെ കണ്ണുക​ളിൽ പ്രതി​ഫ​ലി​ച്ചു​കണ്ട ബോധ്യം അവന്റെ വാക്കു​കൾക്കു കൂടുതൽ അർഥം പകർന്നു. ദൃഷ്ടി​സ​മ്പർക്കം നിലനി​റു​ത്തു​ന്നത്‌ ആത്മാർഥ​ത​യോ​ടും ബോധ്യ​ത്തോ​ടും കൂടെ രാജ്യ​സ​ന്ദേശം അറിയി​ക്കാൻ നമ്മെയും സഹായി​ക്കും.—2 കൊരി. 2:17, ന്യൂ ഇൻഡ്യ ബൈബിൾ ഭാഷാ​ന്തരം; 1 തെസ്സ. 1:5.