സെപ്‌റ്റം​ബ​റിൽ ഉണരുക!യുടെ പ്രത്യേക പതിപ്പ്‌ വിശേ​ഷ​വ​ത്‌ക​രി​ക്കുക

¹ പക്ഷികളുടെ സ്വരമാ​ധു​ര്യ​വും മനോ​ഹ​ര​മായ സൂര്യാ​സ്‌ത​മ​യ​വും എല്ലാവ​രും​തന്നെ ആസ്വദി​ക്കാ​റുണ്ട്‌. എന്നാൽ സ്‌നേ​ഹ​വാ​നായ ഒരു സ്വർഗീയ പിതാ​വാണ്‌ ഇവയെ എല്ലാം സൃഷ്ടി​ച്ച​തെന്നു തിരി​ച്ച​റി​യാൻ അനേക​രും പരാജ​യ​പ്പെ​ടു​ന്നു. യഹോ​വ​യു​ടെ സൃഷ്ടി​കർത്തൃ​ത്വ​ത്തി​നു സാക്ഷ്യം നൽകാ​നുള്ള ഒരു അതുല്യ അവസരം ഉണരുക!യുടെ ഒരു പ്രത്യേക ലക്കം നമുക്ക്‌ ഒരുക്കി​ത്ത​രു​ന്നു. (യെശ. 40:28; 43:10) “ഒരു സ്രഷ്ടാ​വു​ണ്ടോ?” എന്ന വിഷയ​മാണ്‌ സെപ്‌റ്റം​ബർ ലക്കത്തിൽ ഉടനീളം കൈകാ​ര്യം ചെയ്യു​ന്നത്‌.

² വയലിൽ: സാധ്യ​മെ​ങ്കിൽ സഭയുടെ ക്രമീ​ക​ര​ണ​ത്തി​നു​ചേർച്ച​യിൽ ഓരോ ശനിയാ​ഴ്‌ച​യും വീടു​തോ​റു​മുള്ള വേലയിൽ ഏർപ്പെ​ടു​മ്പോൾ ഈ മാസിക സമർപ്പി​ക്കാൻ പ്രത്യേക ശ്രമം നടത്തുക. തീർച്ച​യാ​യും വാരത്തി​ലെ മറ്റു ദിവസ​ങ്ങ​ളി​ലും ഈ പ്രത്യേക പതിപ്പ്‌ സമർപ്പി​ക്കാൻ കഴിയും. അധ്യാ​പ​കർക്കും വിദ്യാ​ഭ്യാ​സ മേഖല​യിൽ പ്രവർത്തി​ക്കുന്ന മറ്റുള്ള​വർക്കും ഈ ലക്കം വിശേ​ഷാൽ താത്‌പ​ര്യ​ജ​ന​ക​മാ​യി​രി​ക്കും. അതു​കൊണ്ട്‌ അങ്ങനെ​യു​ള്ള​വരെ സന്ദർശി​ക്കാൻ പ്രത്യേക ക്രമീ​ക​ര​ണങ്ങൾ ചെയ്യാ​നാ​യേ​ക്കും.

³ താത്‌പര്യം പ്രകട​മാ​ക്കു​ന്ന​പക്ഷം അടുത്ത സന്ദർശ​ന​ത്തിൽ ഉത്തരം കൊടു​ക്കു​ന്ന​തി​നാ​യി ഒരു ചോദ്യം ചോദി​ച്ചി​ട്ടു പോരുക. ഉദാഹ​ര​ണ​ത്തിന്‌ സ്‌നേ​ഹ​വാ​നായ ഒരു സ്രഷ്ടാവ്‌ എന്തു​കൊ​ണ്ടാണ്‌ ഇത്രയ​ധി​കം കഷ്ടപ്പാട്‌ അനുവ​ദി​ച്ചി​രി​ക്കു​ന്നത്‌ എന്ന ചോദ്യം ചോദി​ക്കാൻ കഴിയും. പിന്നീട്‌ മടക്കസ​ന്ദർശ​ന​ത്തിൽ ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ന്റെ 1-ഓ 11-ഓ അധ്യാ​യങ്ങൾ വിശേ​ഷ​വ​ത്‌ക​രി​ക്കാ​നാ​കും. അല്ലെങ്കിൽ ഭൂമിയെ സംബന്ധി​ച്ചുള്ള സ്രഷ്ടാ​വി​ന്റെ ഉദ്ദേശ്യ​ത്തോ​ടു ബന്ധപ്പെട്ട ഒരു ചോദ്യം ചോദി​ക്കാൻ നിങ്ങൾ ആഗ്രഹി​ച്ചേ​ക്കാം. മടങ്ങി​ച്ചെ​ല്ലു​മ്പോൾ 3-ാം അധ്യായം പരിചി​ന്തി​ക്കാ​വു​ന്ന​താണ്‌.

⁴ സ്‌കൂളിൽ: നിങ്ങൾ ഒരു വിദ്യാർഥി​യാ​ണെ​ങ്കിൽ ഉണരുക!യുടെ ഈ ലക്കം അധ്യാ​പ​കർക്കും സഹപാ​ഠി​കൾക്കും ഒരു സമ്മാന​മാ​യി കൊടു​ക്ക​രു​തോ? നിങ്ങളു​ടെ ഡസ്‌ക്കിൽ ഈ മാസിക വെറുതെ വെക്കു​ന്ന​തു​പോ​ലും നമ്മുടെ വിശ്വാ​സ​ങ്ങ​ളെ​ക്കു​റി​ച്ചു ചോദ്യ​ങ്ങൾ ചോദി​ക്കാൻ മറ്റുള്ള​വരെ പ്രേരി​പ്പി​ച്ചേ​ക്കാം. ക്ലാസ്‌റൂം ചർച്ചക​ളിൽ നിങ്ങളു​ടെ വിശ്വാ​സം സമർഥി​ക്കാ​നും ചില പ്രത്യേക വിഷയ​ങ്ങ​ളെ​ക്കു​റി​ച്ചുള്ള റിപ്പോർട്ടു​കൾ തയ്യാറാ​ക്കാ​നും ഇതിൽനി​ന്നുള്ള വിവരങ്ങൾ ഉപയോ​ഗി​ക്കാ​നാ​യേ​ക്കും. നിങ്ങളു​ടെ സഹായ​ത്തി​നാ​യി ഈ ലക്കത്തിലെ “യുവജ​നങ്ങൾ ചോദി​ക്കു​ന്നു” എന്ന പംക്തി​യിൽ “സൃഷ്ടി​യി​ലുള്ള എന്റെ വിശ്വാ​സം എനി​ക്കെ​ങ്ങനെ സമർഥി​ക്കാൻ കഴിയും?” എന്ന ഒരു ലേഖനം ഉൾപ്പെ​ടു​ത്തി​യി​രി​ക്കു​ന്നു.

⁵ സ്രഷ്ടാവെന്ന നിലയിൽ യഹോവ മഹത്ത്വ​വും ബഹുമാ​ന​വും അർഹി​ക്കു​ന്നു. (വെളി. 4:11) സെപ്‌റ്റം​ബർ ലക്കം ഉണരുക! ഉത്സാഹ​പൂർവം സമർപ്പി​ച്ചു​കൊണ്ട്‌ നമുക്കു നമ്മുടെ സ്രഷ്ടാ​വി​നെ ബഹുമാ​നി​ക്കു​ക​യും അങ്ങനെ ചെയ്യാൻ മറ്റുള്ള​വരെ സഹായി​ക്കു​ക​യും ചെയ്യാം.