നവംബ​റിൽ ഉണരുക!യുടെ പ്രത്യേക പതിപ്പ്‌ സമർപ്പി​ക്കു​ന്നു!

¹ ബൈബിളിന്റെ മൂല്യ​ത്തെ​ക്കു​റിച്ച്‌ പലർക്കും ആത്മാർഥ​മായ ചോദ്യ​ങ്ങ​ളുണ്ട്‌. മനുഷ്യ​രാണ്‌ അത്‌ എഴുതി​യ​തെ​ങ്കിൽ അതിനെ ദൈവ​വ​ചനം എന്ന്‌ എങ്ങനെ വിളി​ക്കാ​നാ​കും? മാർഗ​നിർദേ​ശ​ത്തി​നാ​യി ഞാൻ എന്തിന്‌ ബൈബി​ളിൽ ആശ്രയി​ക്കണം? ബൈബിൾ വായി​ക്കാ​നും പഠിക്കാ​നും സമയം ചെലവ​ഴി​ക്കു​ന്ന​തു​കൊണ്ട്‌ എനി​ക്കെന്ത്‌ പ്രയോ​ജനം? ഏതു ബൈബിൾ ഭാഷാ​ന്തരം ഞാൻ ഉപയോ​ഗി​ക്കണം? “ബൈബിൾ വിശ്വാ​സ​യോ​ഗ്യ​മോ?” എന്ന തലക്കെ​ട്ടി​ലുള്ള നവംബർ ലക്കം ഉണരുക!യുടെ പ്രത്യേക പതിപ്പ്‌ ഉത്തരം നൽകുന്ന ചില ചോദ്യ​ങ്ങ​ളാ​ണവ. ഇത്‌ ഇംഗ്ലീഷ്‌, തമിഴ്‌, മലയാളം എന്നീ ഭാഷക​ളിൽ ലഭ്യമാണ്‌. മറ്റു ഭാഷക​ളി​ലുള്ള ഉണരുക!യാണു സമർപ്പി​ക്കു​ന്ന​തെ​ങ്കിൽ ഒക്ടോബർ-ഡിസംബർ ലക്കത്തിലെ “കുട്ടി​കളെ വളർത്താൻ ഏഴു വഴികൾ” എന്ന ലേഖന​ത്തിന്‌ ഊന്നൽ നൽകുക.

² ഉണരുക!യുടെ ഈ പ്രത്യേക പതിപ്പോ ഒക്ടോബർ-ഡിസംബർ ലക്കമോ നമ്മുടെ പ്രദേ​ശത്തു വ്യാപ​ക​മാ​യി വിതരണം ചെയ്യു​ന്ന​തിന്‌ നാം ഊർജി​ത​മാ​യി ശ്രമി​ക്കണം. സാധ്യ​മാ​കു​ന്നെ​ങ്കിൽ നവംബർ മാസത്തെ എല്ലാ ശനിയാ​ഴ്‌ച​യും സഭയോ​ടൊത്ത്‌ വീടു​തോ​റു​മുള്ള പ്രവർത്ത​ന​ത്തിൽ പങ്കെടു​ക്കുക. നിങ്ങളു​ടെ ബന്ധുക്ക​ളെ​യും അയൽക്കാ​രെ​യും സഹപ്ര​വർത്ത​ക​രെ​യും അധ്യാ​പ​ക​രെ​യും സഹപാ​ഠി​ക​ളെ​യും ഉണരുക!യുടെ ഈ വിശേഷ പതിപ്പ്‌ കാണി​ക്കാൻ മറക്കരുത്‌. അതു​പോ​ലെ മടക്കസ​ന്ദർശ​ന​ങ്ങ​ളു​ടെ സമയത്തും കടയിൽ പോകു​മ്പോ​ഴും യാത്ര​യി​ലും നവംബർ ലക്കം ഉണരുക!യുടെ കോപ്പി​കൾ കൂടെ കരുതുക. ഈ പതിപ്പി​ന്റെ മതിയായ കോപ്പി​കൾ സഭയിൽ ലഭ്യമാ​യി​രി​ക്കും, അതിനു വേണ്ട ക്രമീ​ക​ര​ണങ്ങൾ മൂപ്പന്മാർ ചെയ്‌തി​ട്ടുണ്ട്‌.

³ ബൈബിളധ്യയനം ആരംഭി​ക്കുക: മാസിക സമർപ്പി​ച്ചാൽ, സംഭാ​ഷണം അവസാ​നി​പ്പി​ക്കു​ന്ന​തി​നു മുമ്പു​തന്നെ ഒരു ബൈബി​ള​ധ്യ​യനം ആരംഭി​ക്കു​ന്ന​തി​നുള്ള അടിത്തറ നിങ്ങൾക്കി​ടാ​നാ​കും. ഉദാഹ​ര​ണ​ത്തിന്‌ നവംബ​റി​ലെ പ്രത്യേക പതിപ്പാ​ണു സമർപ്പി​ക്കു​ന്ന​തെ​ങ്കിൽ നിങ്ങൾക്ക്‌ ഇങ്ങനെ പറയാ​നാ​യേ​ക്കും, “‘ഭൂമിയെ സംബന്ധിച്ച ദൈ​വോ​ദ്ദേ​ശ്യം എന്ത്‌?’ എന്ന ചോദ്യ​ത്തിന്‌ ബൈബിൾ നൽകുന്ന ഉത്തരം എന്താ​ണെന്ന്‌ അടുത്ത പ്രാവ​ശ്യം നമുക്കു സംസാ​രി​ക്കാം.” പിന്നീട്‌ ബൈബിൾ പഠിപ്പി​ക്കു​ന്നു പുസ്‌ത​ക​വു​മാ​യി മടങ്ങി​ച്ചെന്ന്‌ അതിന്റെ 4-ഉം 5-ഉം പേജുകൾ വീട്ടു​കാ​രനെ കാണി​ക്കുക, അല്ലെങ്കിൽ 3-ാമത്തെ അധ്യാ​യ​ത്തി​ലെ 1 മുതൽ 3 വരെയുള്ള ഖണ്ഡികകൾ പരിചി​ന്തി​ക്കുക. അല്ലെങ്കിൽ വീട്ടു​കാ​ര​നോട്‌, “പലരും ബൈബിൾ വായി​ക്കു​ന്നു​ണ്ടെ​ങ്കി​ലും അതു ശരിയാ​യി ഗ്രഹി​ക്കാൻ അവർക്കാ​കു​ന്നില്ല. അടുത്ത തവണ വരു​മ്പോൾ, ബൈബിൾ നന്നായി മനസ്സി​ലാ​ക്കാൻ സാധി​ക്കു​ന്ന​തെ​ങ്ങ​നെ​യെന്ന്‌ പറഞ്ഞു​ത​രാം” എന്നു പറയുക. മടങ്ങി​ച്ചെ​ല്ലു​മ്പോൾ ബൈബിൾ പഠിപ്പി​ക്കു​ന്നു പുസ്‌തകം സമർപ്പി​ക്കുക, അധ്യയനം നടത്തു​ന്ന​തെ​ങ്ങ​നെ​യെന്നു കാണി​ച്ചു​കൊ​ടു​ക്കുക. ഒക്ടോബർ-ഡിസംബർ ലക്കമാണു സമർപ്പി​ക്കു​ന്ന​തെ​ങ്കിൽ നിങ്ങൾക്കി​ങ്ങനെ പറയാ​നാ​യേ​ക്കും: “ബൈബിൾത​ത്ത്വ​ങ്ങൾക്കു നിങ്ങളു​ടെ കുടും​ബ​ജീ​വി​തം സന്തോ​ഷ​ക​ര​മാ​ക്കാൻ സാധി​ക്കു​ന്ന​തെ​ങ്ങ​നെ​യെന്ന്‌ അടുത്ത തവണ ഞാൻ കാണി​ച്ചു​ത​രാം.” മടങ്ങി​ച്ചെ​ല്ലു​മ്പോൾ ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ന്റെ 14-ാം അധ്യായം വീട്ടു​കാ​രനെ കാണി​ക്കുക, തുടർന്ന്‌ അതിന്റെ ഒന്നും രണ്ടും ഖണ്ഡികകൾ അദ്ദേഹ​വു​മൊത്ത്‌ ചർച്ച ചെയ്യുക.

⁴ നമ്മെ “രക്ഷെക്കു ജ്ഞാനി​യാ​ക്കു​വാൻ മതിയായ തിരു​വെ​ഴു​ത്തു​കൾ” ബൈബി​ളിൽ മാത്ര​മേ​യു​ള്ളൂ. (2 തിമൊ. 3: 14) അതു​കൊണ്ട്‌ ആളുകൾക്ക്‌ ബൈബി​ളി​ലുള്ള വിശ്വാ​സം വളർത്തു​ന്ന​തിന്‌ ഉണരുക!യുടെ ഈ പതിപ്പു​ക​ളു​ടെ വിതരണം നമു​ക്കേ​വർക്കും തീക്ഷ്‌ണ​ത​യോ​ടെ ഏറ്റെടു​ക്കാം.