വ്യക്തിഗത താത്‌പ​ര്യം പ്രകട​മാ​ക്കുക—മുഖപക്ഷം കൂടാതെ സാക്ഷീ​ക​രി​ച്ചു​കൊണ്ട്‌

¹ ‘സകലജാ​തി​യി​ലും ഗോ​ത്ര​ത്തി​ലും ഭാഷയി​ലും വംശത്തി​ലും’ പെട്ടവ​രോ​ടു നിത്യ​സു​വി​ശേഷം ഘോഷി​ച്ചു​കൊണ്ട്‌ ഒരു ദൂതൻ ആകാശ​മ​ധ്യേ പറക്കു​ന്നത്‌ അപ്പൊ​സ്‌ത​ല​നായ യോഹ​ന്നാൻ ഒരു ദർശന​ത്തിൽ കണ്ടു. (വെളി. 14:6) മുഖപക്ഷം കൂടാതെ പ്രസം​ഗി​ച്ചു​കൊണ്ട്‌ നാം ആ ദൂതനെ അനുക​രി​ക്കു​ന്നു​വോ? നാം പോലും അറിയാ​തെ നമ്മിൽ മുൻവി​ധി​യു​ടേ​തായ മനോ​ഭാ​വം ഉണ്ടായി​രു​ന്നേ​ക്കാം. കണ്ടുമു​ട്ടു​ന്ന​വ​രോ​ടുള്ള നമ്മുടെ മനോ​ഭാ​വ​ത്തി​നു നാം അവരോ​ടു സുവാർത്ത അവതരി​പ്പി​ക്കുന്ന വിധത്തെ ബാധി​ക്കാൻ കഴിയും. അതു​കൊണ്ട്‌ വ്യത്യസ്‌ത പശ്ചാത്ത​ല​ങ്ങ​ളി​ലു​ള്ള​വ​രോ​ടു പ്രസം​ഗി​ക്കു​മ്പോൾ നാം യഥാർഥ​മായ സ്‌നേഹം പ്രകട​മാ​ക്കേ​ണ്ടത്‌ ആവശ്യ​മാണ്‌.

² പ്രദേശത്തുള്ളവരെ അറിയുക: അന്യസം​സ്ഥാ​ന​ങ്ങ​ളിൽനി​ന്നു​ള്ളവർ നിങ്ങളു​ടെ പ്രദേ​ശത്തു താമസി​ക്കു​ന്നു​ണ്ടോ? അല്ലെങ്കിൽ, മറ്റു ഭാഷക്കാർ കൂട്ടമാ​യി താമസി​ക്കുന്ന ചില സ്ഥലങ്ങൾ നിങ്ങളു​ടെ പ്രദേ​ശ​ത്തു​ണ്ടോ? അവരെ സന്ദർശി​ക്കാ​നും അവരോ​ടു സംസാ​രി​ക്കാ​നും മുൻ​കൈ​യെ​ടു​ക്കുക. കൂടാതെ അവരെ അടുത്ത​റി​യാ​നും ശ്രമി​ക്കുക. അവരുടെ ആവശ്യ​ങ്ങ​ളും ഉത്‌ക​ണ്‌ഠ​ക​ളും ഇഷ്ടാനി​ഷ്ട​ങ്ങ​ളും ആകുല​ത​ക​ളും മുൻവി​ധി​ക​ളും എന്താണ്‌? അതിന​നു​സ​രിച്ച്‌ രാജ്യ​സ​ന്ദേശം അവതരി​പ്പി​ക്കുന്ന രീതി​യിൽ പൊരു​ത്ത​പ്പെ​ടു​ത്തൽ വരുത്തുക. (1 കൊരി. 9:19-23) അപ്പൊ​സ്‌ത​ല​നായ പൗലൊ​സി​നെ​പ്പോ​ലെ, സമുദാ​യ​മോ സംസ്‌കാ​ര​മോ ഭാഷയോ സാമ്പത്തി​ക​സ്ഥി​തി​യോ ഗണ്യമാ​ക്കാ​തെ നമ്മുടെ പ്രദേ​ശ​ത്തുള്ള സകലരു​മാ​യും സുവാർത്ത പങ്കു​വെ​ക്കാൻ നമുക്കും കടപ്പാടു തോന്നണം.—റോമ. 1:14, NW അടിക്കു​റിപ്പ്‌.

³ എന്നാൽ മറ്റു ഭാഷക്കാ​രോ​ടു നിങ്ങൾക്ക്‌ എങ്ങനെ സാക്ഷീ​ക​രി​ക്കാൻ കഴിയും? സകല ജനതകൾക്കും വേണ്ടി​യുള്ള സുവാർത്ത എന്ന ചെറു​പു​സ്‌തകം നന്നായി ഉപയോ​ഗി​ക്കുക. നിങ്ങളു​ടെ പ്രദേ​ശത്തു സാധാ​ര​ണ​മാ​യി സംസാ​രി​ക്കുന്ന ഭാഷക​ളി​ലുള്ള ചില ലഘു​ലേ​ഖ​ക​ളോ ലഘുപ​ത്രി​ക​ക​ളോ കൂടെ കരുതാൻ കഴിയും. (2003 ജൂലൈ നമ്മുടെ രാജ്യ ശുശ്രൂഷ, പേ. 8, ഖ. 2-3 കാണുക.) കൂടാതെ ചില പ്രസാ​ധകർ മറ്റു ഭാഷക​ളി​ലുള്ള അഭിവാ​ദ​ന​മോ ലളിത​മായ ഒരു അവതര​ണ​മോ പഠിക്കാൻ ശ്രമി​ച്ചി​രി​ക്കു​ന്നു. പരിമി​ത​മായ അളവി​ലാ​ണെ​ങ്കി​ലും ആരെങ്കി​ലും വീട്ടു​കാ​രന്റെ ഭാഷയിൽ സംസാ​രി​ക്കാൻ ശ്രമി​ക്കു​ന്നതു പലപ്പോ​ഴും അവരിൽ മതിപ്പു​ള​വാ​ക്കും. സുവാർത്ത​യ്‌ക്കു ചെവി​കൊ​ടു​ക്കാൻ ഇത്‌ അവരെ പ്രചോ​ദി​പ്പി​ച്ചേ​ക്കാം.

⁴ യഹോവയെ അനുക​രി​ക്കുക: “സകലമ​നു​ഷ്യ​രും രക്ഷപ്രാ​പി​പ്പാ​നും സത്യത്തി​ന്റെ പരിജ്ഞാ​ന​ത്തിൽ എത്തുവാ​നും ഇച്ഛിക്കുന്ന” മുഖപ​ക്ഷ​മി​ല്ലാത്ത നമ്മുടെ ദൈവ​മായ യഹോ​വയെ അനുക​രി​ച്ചു​കൊണ്ട്‌ വ്യത്യസ്‌ത പശ്ചാത്ത​ല​ങ്ങ​ളി​ലുള്ള ആളുക​ളു​ടെ അടുക്കൽ എത്തി​ച്ചേ​രാൻ നമുക്കു ശ്രമി​ക്കാം.—1 തിമൊ. 2:3, 4.