പുതിയ പ്രത്യേക സമ്മേളന ദിന പരിപാ​ടി

പരിശു​ദ്ധാ​ത്മാ​വി​നാൽ ശക്തരാ​ക്ക​പ്പെട്ട ആദിമ ക്രിസ്‌ത്യാ​നി​കൾ സാധ്യ​മാ​കു​ന്നത്ര വ്യാപ​ക​മാ​യി സുവാർത്ത പ്രസം​ഗി​ക്കു​ന്ന​തിന്‌ അങ്ങേയറ്റം ശ്രമം ചെയ്‌തു. (പ്രവൃ. 1:8; കൊലൊ. 1:23) സേവന വർഷം 2007-ലെ ‘വചന​ഘോ​ഷ​ണ​ത്തിൽ ശുഷ്‌കാ​ന്തി ഉള്ളവരാ​യി​രി​ക്കുക’ എന്ന പ്രതി​പാ​ദ്യ​വി​ഷ​യ​ത്തോ​ടു​കൂ​ടിയ പ്രത്യേക സമ്മേളന ദിന പരിപാ​ടി അവരുടെ ഉത്തമ മാതൃക പിൻപ​റ്റാൻ നമ്മെ സഹായി​ക്കും.—പ്രവൃ. 18:5.

ദൈവ​ത്തി​ന്റെ വചന​ത്തെ​ക്കു​റിച്ച്‌ ദാവീദു രാജാവ്‌ ഇങ്ങനെ പറഞ്ഞു: “യഹോ​വ​യു​ടെ സാക്ഷ്യം വിശ്വാ​സ്യ​മാ​കു​ന്നു; അതു അല്‌പ​ബു​ദ്ധി​യെ ജ്ഞാനി​യാ​ക്കു​ന്നു.” (സങ്കീ. 19:7) ശ്രദ്ധാ​പൂർവം തയ്യാറാ​ക്കി​യി​രി​ക്കുന്ന, 2007-ലെ പ്രത്യേക സമ്മേളന ദിന പരിപാ​ടി ‘ഗുണീ​ക​ര​ണ​ത്തിന്‌’ അഥവാ കാര്യങ്ങൾ നേരെ​യാ​ക്കു​ന്ന​തിന്‌ തിരു​വെ​ഴു​ത്തു​കൾ എത്ര മൂല്യ​വ​ത്താ​ണെന്നു വിശദീ​ക​രി​ക്കും; കൂടാതെ, അടിയ​ന്തി​ര​താ​ബോ​ധ​ത്തോ​ടെ പ്രസം​ഗി​ക്കു​ന്ന​തി​നും പഠിപ്പി​ക്കു​ന്ന​തി​നും ദൈവ​വ​ചനം ഉപയോ​ഗി​ക്കാൻ നമ്മെ പ്രോ​ത്സാ​ഹി​പ്പി​ക്കു​ക​യും ചെയ്യും. (2 തിമൊ. 3:16, 17) ദൈനം​ദിന ജീവി​ത​ത്തിൽ ബൈബിൾ തത്ത്വങ്ങൾ ബാധക​മാ​ക്കു​ന്ന​തി​ലൂ​ടെ അപകടങ്ങൾ ഒഴിവാ​ക്കാ​നും പ്രയോ​ജ​നങ്ങൾ കൈവ​രി​ക്കാ​നും എങ്ങനെ കഴിയു​മെന്ന്‌ ഈ പുതിയ പരിപാ​ടി നമുക്കു കാണി​ച്ചു​ത​രും. ആത്മീയ പുരോ​ഗതി വരുത്താൻ യുവജ​ന​ങ്ങ​ളെ​യും പുതി​യ​വ​രെ​യും സഹായി​ക്കു​ന്ന​തി​നാ​യി ദൈവ​വ​ചനം ഉപയോ​ഗി​ക്കാൻ അതു നമ്മെ പ്രാപ്‌ത​രാ​ക്കു​ക​യും ചെയ്യും.

പരിപാ​ടി തുടങ്ങു​മ്പോൾ അവിടെ ഉണ്ടായി​രി​ക്കു​ന്നു​വെന്ന്‌ ഉറപ്പു​വ​രു​ത്തു​ക​യും പരിപാ​ടി​കൾക്ക്‌ അടുത്ത ശ്രദ്ധ നൽകു​ക​യും ചെയ്യുക. നിങ്ങൾക്ക്‌ വ്യക്തി​പ​ര​മാ​യി ബാധക​മാ​ക്കാൻ കഴിയുന്ന ആശയങ്ങൾ കുറി​ച്ചെ​ടു​ക്കുക. അവിടെ കേൾക്കുന്ന പ്രബോ​ധ​ന​ങ്ങ​ളോ​ടും ഓർമി​പ്പി​ക്ക​ലു​ക​ളോ​ടും വിലമ​തി​പ്പു പ്രകടി​പ്പി​ക്കുക, പഠിക്കുന്ന കാര്യങ്ങൾ എങ്ങനെ ബാധക​മാ​ക്കാ​നാണ്‌ നിങ്ങൾ ഉദ്ദേശി​ക്കു​ന്നത്‌ എന്നതി​നെ​ക്കു​റി​ച്ചു ചിന്തി​ക്കുക.

പ്രത്യേക സമ്മേളന ദിന പരിപാ​ടി ദൈവ​വ​ച​ന​ത്തോ​ടുള്ള നമ്മുടെ വിലമ​തി​പ്പു വർധി​പ്പി​ക്കു​ക​യും തീക്ഷ്‌ണ​ത​യോ​ടെ രാജ്യ​സു​വാർത്ത പ്രസം​ഗി​ക്കു​ന്ന​തിൽ സ്ഥിരോ​ത്സാ​ഹം പ്രകട​മാ​ക്കാൻ നമ്മെ ഓർമി​പ്പി​ക്കു​ക​യും അങ്ങനെ ചെയ്യു​ന്ന​തിന്‌ മറ്റുള്ള​വരെ നമുക്ക്‌ എങ്ങനെ സഹായി​ക്കാ​മെന്നു കാണി​ച്ചു​ത​രു​ക​യും ചെയ്യും. അതു​കൊണ്ട്‌, ഈ രീതി​യിൽ യഹോവ പ്രദാ​നം​ചെ​യ്യുന്ന ആത്മീയ മാർഗ​നിർദേ​ശ​ങ്ങ​ളും പ്രബോ​ധ​ന​ങ്ങ​ളും ഒട്ടും നഷ്ടപ്പെ​ടു​ത്താ​തി​രി​ക്കാൻ ദൃഢനി​ശ്ചയം ഉള്ളവരാ​യി​രി​ക്കുക!—യെശ. 30:20ബി, 21.