വയൽസേ​വ​ന​യോ​ഗ​ങ്ങ​ളിൽനി​ന്നു പൂർണ പ്രയോ​ജനം നേടുക

1. വയൽസേ​വ​ന​യോ​ഗ​ങ്ങ​ളിൽ സംബന്ധി​ക്കു​ന്ന​തു​കൊ​ണ്ടുള്ള പ്രയോ​ജ​നങ്ങൾ ഏവ?

¹ വയലിലേക്കു പോകു​ന്ന​തി​നു​മു​മ്പാ​യി നടത്തുന്ന ഫലപ്ര​ദ​മായ യോഗങ്ങൾ നമുക്കു യഥാർഥ പ്രോ​ത്സാ​ഹ​ന​വും പ്രാ​യോ​ഗിക നിർദേ​ശ​ങ്ങ​ളും പ്രദാനം ചെയ്യുന്നു. പരസ്‌പരം പ്രോ​ത്സാ​ഹി​പ്പി​ക്കു​ക​യും പരിശീ​ലി​പ്പി​ക്കു​ക​യും ചെയ്‌തു​കൊണ്ട്‌ മറ്റു പ്രസാ​ധ​ക​രോ​ടൊ​പ്പം സാക്ഷീ​ക​ര​ണ​ത്തിൽ പങ്കെടു​ക്കാൻ അതു നമ്മെ പ്രാപ്‌ത​രാ​ക്കു​ന്നു. (സദൃശ​വാ​ക്യ​ങ്ങൾ 27:17; സഭാ​പ്ര​സം​ഗി 4:9, 10) ഈ യോഗ​ങ്ങ​ളിൽനി​ന്നു പൂർണ പ്രയോ​ജനം നേടാൻ നമുക്ക്‌ എന്തു ചെയ്യാൻ കഴിയും?

2. വയൽസേ​വ​ന​യോ​ഗം നടത്തുന്ന വ്യക്തിക്കു ചർച്ച ചെയ്യാൻ കഴിയുന്ന ചില കാര്യങ്ങൾ ഏവ?

² നിർവാഹകൻ ശ്രദ്ധി​ക്കേണ്ട കാര്യങ്ങൾ: ഈ യോഗ​ത്തിൽ പരിചി​ന്തി​ക്കേണ്ട വിവരങ്ങൾ സാധാ​ര​ണ​ഗ​തി​യിൽ മുൻകൂ​ട്ടി നൽകാ​റില്ല. അതു​കൊണ്ട്‌ ഈ യോഗം നടത്തുന്ന സഹോ​ദരൻ നന്നായി തയ്യാറാ​കേ​ണ്ട​തുണ്ട്‌. വയൽസേ​വ​ന​യോ​ഗ​ത്തിൽ ദിനവാ​ക്യം പരിചി​ന്തി​ക്കു​ന്നത്‌ ഒരു പതിവാ​ക്ക​ണ​മെ​ന്നില്ല, എന്നാൽ ദിനവാ​ക്യം ശുശ്രൂ​ഷ​യോ​ടു നേരിട്ടു ബന്ധമു​ള്ള​താ​യി​രി​ക്കു​മ്പോൾ ചർച്ചയിൽ അത്‌ ഉൾപ്പെ​ടു​ത്താ​വു​ന്ന​താണ്‌. ആ ദിവസം സാക്ഷീ​ക​ര​ണ​ത്തിൽ ഏർപ്പെ​ടു​ന്ന​വർക്ക്‌ ഏതെല്ലാം വിധങ്ങ​ളിൽ പ്രാ​യോ​ഗിക സഹായം നൽകാൻ കഴിയു​മെ​ന്ന​തി​നെ​ക്കു​റി​ച്ചു ചിന്തി​ക്കുക. ഉദാഹ​ര​ണ​ത്തിന്‌ ഒരു അവതരണം ചർച്ച ചെയ്യു​ക​യോ പ്രകടി​പ്പി​ക്കു​ക​യോ ചെയ്യാൻ നിങ്ങൾക്കു കഴിയും. ന്യായ​വാ​ദം പുസ്‌തകം, ശുശ്രൂ​ഷാ​സ്‌കൂൾ പുസ്‌തകം, അടുത്ത കാലത്തെ ഒരു സേവന​യോഗ പരിപാ​ടി എന്നിവ​യി​ലേ​തി​ലെ​ങ്കി​ലും​നി​ന്നുള്ള വിവരങ്ങൾ പുനര​വ​ലോ​കനം ചെയ്യാ​നോ നിങ്ങൾ തീരു​മാ​നി​ച്ചേ​ക്കാം. മറ്റു ചില സന്ദർഭ​ങ്ങ​ളിൽ നിങ്ങളു​ടെ പ്രദേ​ശത്തു നേരി​ട്ടേ​ക്കാ​വുന്ന ഒരു വെല്ലു​വി​ളി തരണം ചെയ്യു​ന്നത്‌ എങ്ങനെ​യെന്നു പരിചി​ന്തി​ക്കാൻ നിങ്ങൾക്കു കഴിയും. അല്ലെങ്കിൽ താത്‌പ​ര്യം നട്ടുവ​ളർത്തു​ക​യും ബൈബി​ള​ധ്യ​യനം ആരംഭി​ക്കു​ക​യും ചെയ്യു​ന്നത്‌ എങ്ങനെ​യെന്നു ചർച്ച ചെയ്യാൻ കഴിയും, പ്രത്യേ​കിച്ച്‌ പലരും മടക്കസ​ന്ദർശനം നടത്തു​ന്നു​ണ്ടെ​ങ്കിൽ. ചർച്ച ചെയ്യുന്ന വിഷയം എന്തുത​ന്നെ​യാ​യി​രു​ന്നാ​ലും ഉത്സാഹ​പൂർവം പ്രോ​ത്സാ​ഹ​ജ​ന​ക​മായ വിധത്തിൽ നിർവ​ഹി​ക്കുക.

3. യോഗ​ത്തി​ന്റെ ദൈർഘ്യം എത്രയാ​യി​രി​ക്കണം? പ്രസ്‌തുത സമയത്തി​നു​ള്ളിൽ എന്തെല്ലാം ചെയ്യണം?

³ ചിലർ താമസി​ച്ചേ വരുക​യു​ള്ളു എന്ന്‌ നിങ്ങൾക്ക്‌ അറിയാ​മെ​ങ്കിൽപ്പോ​ലും യോഗം കൃത്യ​സ​മ​യ​ത്തു​തന്നെ തുടങ്ങുക. കൂട്ടത്തെ തിരി​ക്കു​ന്ന​തിൽ നല്ല വിവേചന പ്രകട​മാ​ക്കു​ക​യും പ്രദേശം ആവശ്യ​മു​ള്ള​വർക്ക്‌ അതു നിയമി​ച്ചു കൊടു​ക്കു​ക​യും ചെയ്യുക. യോഗം 10-15 മിനി​റ്റിൽ കൂടുതൽ നീളരുത്‌. സഭാ​യോ​ഗ​ത്തി​നു ശേഷമാ​ണു വയൽസേ​വ​ന​യോ​ഗം നടത്തു​ന്ന​തെ​ങ്കിൽ അതിന്റെ ദൈർഘ്യം പിന്നെ​യും കുറയ്‌ക്കാ​വു​ന്ന​താണ്‌. ആരോ​ടൊ​പ്പം, എവിടെ പ്രവർത്തി​ക്കാൻ പോകു​ന്നു​വെന്ന്‌ യോഗം പിരി​യു​ന്ന​തി​നു​മു​മ്പാ​യി എല്ലാവ​രും അറിഞ്ഞി​രി​ക്കണം. യോഗം പ്രാർഥ​ന​യോ​ടെ ഉപസം​ഹ​രി​ക്കു​ക​യും വേണം.

4. വയൽസേ​വ​ന​യോ​ഗ​ത്തിൽനി​ന്നു പൂർണ പ്രയോ​ജനം നേടാൻ എല്ലാവ​രെ​യും എന്തു സഹായി​ക്കും?

⁴ നിങ്ങൾക്കും സഹായി​ക്കാം: സഭാ​യോ​ഗ​ങ്ങ​ളു​ടെ കാര്യ​ത്തി​ലെ​ന്ന​പോ​ലെ, കൃത്യ​സ​മ​യ​ത്തു​തന്നെ എത്തി​ച്ചേർന്നു​കൊണ്ട്‌ യഹോ​വ​യോട്‌ ആദരവും മറ്റുള്ള​വ​രോ​ടു പരിഗ​ണ​ന​യും പ്രകടി​പ്പി​ക്കാൻ നമുക്കു കഴിയും. ചർച്ചയിൽ പങ്കുപ​റ്റാൻ ശ്രമി​ക്കുക. നിങ്ങൾ ആരു​ടെ​കൂ​ടെ പ്രവർത്തി​ക്ക​ണ​മെന്നു നിർദേ​ശി​ക്കാൻ യോഗം നടത്തുന്ന സഹോ​ദ​രനെ അനുവ​ദി​ക്കു​ക​യോ യോഗ​ത്തി​നു​മുമ്പ്‌ സ്വന്തമാ​യി ക്രമീ​ക​രി​ക്കു​ക​യോ ചെയ്യാം. സ്വന്തമാ​യി ക്രമീ​ക​രണം ചെയ്യു​ന്ന​പക്ഷം എല്ലായ്‌പോ​ഴും അടുത്ത സുഹൃ​ത്തു​ക്ക​ളോ​ടൊ​പ്പം പ്രവർത്തി​ക്കു​ന്ന​തി​നു പകരം കൂടുതൽ പേരോ​ടൊ​പ്പം പ്രവർത്തി​ച്ചു​കൊണ്ട്‌ “വിശാ​ല​ത​യു​ള്ള​വ​രാ​യി​രി”ക്കാൻ പ്രത്യേ​കം ശ്രദ്ധി​ക്കുക. (2 കൊരി​ന്ത്യർ 6:11-13) യോഗം അവസാ​നി​ച്ചു​ക​ഴി​ഞ്ഞാൽപ്പി​ന്നെ ക്രമീ​ക​ര​ണ​ങ്ങ​ളിൽ മാറ്റം​വ​രു​ത്താ​തി​രി​ക്കു​ക​യും പെട്ടെ​ന്നു​തന്നെ പ്രദേ​ശ​ത്തേക്കു പോകു​ക​യും വേണം.

5. വയൽസേ​വ​ന​യോ​ഗ​ങ്ങ​ളു​ടെ ഉദ്ദേശ്യ​മെന്ത്‌?

⁵ സഭായോഗങ്ങൾക്കുള്ള ഉദ്ദേശ്യം​ത​ന്നെ​യാ​ണു വയൽസേ​വ​ന​യോ​ഗ​ത്തി​നു​ള്ള​തും. അന്യോ​ന്യം “സ്‌നേ​ഹ​ത്തി​ന്നും സൽപ്ര​വൃ​ത്തി​കൾക്കും ഉത്സാഹം വർദ്ധി​പ്പി​പ്പാൻ” കഴി​യേ​ണ്ട​തി​നാണ്‌ അവ ക്രമീ​ക​രി​ക്ക​പ്പെ​ട്ടി​രി​ക്കു​ന്നത്‌. (എബ്രായർ 10:24, 25) അത്തരം യോഗ​ങ്ങ​ളിൽനി​ന്നു പ്രയോ​ജനം നേടാൻ നാം ഉത്സാഹി​ക്കു​ന്നു​വെ​ങ്കിൽ, നിശ്ചയ​മാ​യും ഒരു സൽപ്ര​വൃ​ത്തി​യായ നമ്മുടെ ശുശ്രൂഷ നിർവ​ഹി​ക്കാൻ അതു നമ്മെ സഹായി​ക്കും.