ഏറ്റവും മികച്ച വൈദ്യ​ചി​കി​ത്സ

“രക്തരഹിത വൈദ്യ​ചി​കിത്സ സ്വീക​രി​ക്കുന്ന ഏതൊരു രോഗി​യും അടിസ്ഥാ​ന​പ​ര​മാ​യി, സാധ്യ​മാ​യി​രി​ക്കു​ന്ന​തിൽവെച്ച്‌ ഏറ്റവും മികച്ച ശസ്‌ത്ര​ക്രി​യ​യ്‌ക്കാ​ണു വിധേ​യ​മാ​കു​ന്നത്‌” എന്ന്‌ മെഡിക്കൽ ഡയറക്ട​റും അനസ്‌തേ​ഷ്യാ വിദഗ്‌ധ​നു​മായ ഡോ. മൈക്കിൾ റോസ്‌ പറയുന്നു. “രക്തരഹിത വൈദ്യ​ചി​കിത്സ”യിൽ ഏതെല്ലാം നടപടി​ക്ര​മ​ങ്ങ​ളും രക്തപ്പകർച്ച​യ്‌ക്കു പകരമുള്ള ചികി​ത്സാ​രീ​തി​ക​ളും ഉൾപ്പെ​ടു​ത്താൻ കഴിയും? വൈദ്യ​ചി​കി​ത്സ​യും ശസ്‌ത്ര​ക്രി​യ​യും ഉൾപ്പെ​ട്ടി​രി​ക്കുന്ന സാഹച​ര്യ​ങ്ങ​ളിൽ കാര്യ​ജ്ഞാ​ന​ത്തോ​ടെ തീരു​മാ​ന​ങ്ങ​ളെ​ടു​ക്കാൻ നിങ്ങൾ ഇത്‌ അറിഞ്ഞി​രി​ക്കേ​ണ്ട​തുണ്ട്‌. രക്തരഹിത ചികിത്സ—വൈദ്യ​ശാ​സ്‌ത്രം വെല്ലു​വി​ളി​യെ വിജയ​ക​ര​മാ​യി നേരി​ടു​ന്നു എന്ന വീഡി​യോ കാണുക. അതിനു​ശേഷം പിൻവ​രുന്ന ചോദ്യ​ങ്ങ​ളു​ടെ സഹായ​ത്താൽ നിങ്ങളു​ടെ അറിവു പരി​ശോ​ധി​ക്കുക.—കുറിപ്പ്‌: വീഡി​യോ​യിൽ ശസ്‌ത്ര​ക്രി​യ​യു​ടെ ഹ്രസ്വ രംഗങ്ങൾ ഉൾപ്പെ​ടു​ത്തി​യി​ട്ടു​ള്ള​തി​നാൽ കൊച്ചു​കു​ട്ടി​ക​ളോ​ടൊ​പ്പം ഈ വീഡി​യോ കാണു​ന്ന​തിൽ മാതാ​പി​താ​ക്കൾ വിവേചന ഉപയോ​ഗി​ക്കണം.

(1) യഹോ​വ​യു​ടെ സാക്ഷികൾ രക്തപ്പകർച്ച നിരസി​ക്കു​ന്ന​തി​ന്റെ മുഖ്യ കാരണം എന്ത്‌? (2) മെഡിക്കൽ ചികിത്സ തേടു​മ്പോൾ യഹോ​വ​യു​ടെ സാക്ഷികൾ എന്താണ്‌ ആഗ്രഹി​ക്കു​ന്നത്‌? (3) രോഗി​കൾക്ക്‌ എന്ത്‌ അടിസ്ഥാന അവകാശം ഉണ്ട്‌? (4) രക്തപ്പകർച്ച നടത്താ​തി​രി​ക്കു​ന്നത്‌ യുക്തി​സ​ഹ​വും ഉത്തരവാ​ദി​ത്വ​ബോ​ധ​ത്തോ​ടു കൂടി​യ​തു​മായ ഒരു തീരു​മാ​നം ആയിരി​ക്കു​ന്നത്‌ എന്തു​കൊണ്ട്‌? (5) ഗുരു​ത​ര​മായ രക്തനഷ്ടം ഉണ്ടാകു​മ്പോൾ ഡോക്ടർമാർ ഏതു രണ്ടു സംഗതി​കൾക്ക്‌ അടിയ​ന്തിര ശ്രദ്ധ നൽകുന്നു? (6) രക്തപ്പകർച്ച​യ്‌ക്കു പകരമുള്ള ചികി​ത്സാ​രീ​തി​ക​ളിൽ ഉൾപ്പെ​ട്ടി​രി​ക്കുന്ന നാലു തത്ത്വങ്ങൾ ഏവ? (7) ഡോക്ടർമാർക്ക്‌ എങ്ങനെ (എ) രക്തനഷ്ടം പരമാ​വധി കുറയ്‌ക്കാ​നും (ബി) ചുവന്ന രക്താണു​ക്കൾ പരിര​ക്ഷി​ക്കാ​നും (സി) രക്തത്തിന്റെ ഉത്‌പാ​ദനം ഉത്തേജി​പ്പി​ക്കാ​നും (ഡി) നഷ്ടമായ രക്തം വീണ്ടെ​ടു​ക്കാ​നും കഴിയും? (8) എന്താണ്‌ (എ) ഹീമോ​ഡൈ​ലൂ​ഷൻ (ബി) സെൽ സാൽവേജ്‌. (9) രക്തപ്പകർച്ച​യ്‌ക്കു പകരം സ്വീക​രി​ക്കുന്ന ഏതൊരു മാർഗ​ത്തെ​യും കുറിച്ചു നിങ്ങൾ എന്ത്‌ അറിഞ്ഞി​രി​ക്കണം? (10) വലുതും സങ്കീർണ​വു​മായ ശസ്‌ത്ര​ക്രി​യകൾ രക്തപ്പകർച്ച കൂടാതെ നിർവ​ഹി​ക്കാൻ സാധി​ക്കു​മോ? (11) ഡോക്ടർമാർക്കി​ട​യിൽ ക്രിയാ​ത്മ​ക​മായ എന്തു പ്രവണത ദൃശ്യ​മാ​യി​ക്കൊ​ണ്ടി​രി​ക്കു​ന്നു?

ഈ വീഡി​യോ​യിൽ അവതരി​പ്പി​ച്ചി​ട്ടുള്ള ചില ചികി​ത്സകൾ സ്വീക​രി​ക്ക​ണോ വേണ്ടയോ എന്നത്‌ ഓരോ വ്യക്തി​യു​ടെ​യും ബൈബിൾ പരിശീ​ലിത മനസ്സാക്ഷി അനുസ​രി​ച്ചു തീരു​മാ​നി​ക്കേ​ണ്ട​താണ്‌. നിങ്ങൾക്കും മക്കൾക്കും​വേണ്ടി, രക്തപ്പകർച്ച​യ്‌ക്കു പകരമുള്ള ഏതു ചികി​ത്സാ​രീ​തി​കൾ സ്വീക​രി​ക്ക​ണ​മെ​ന്നതു സംബന്ധിച്ച്‌ നിങ്ങൾ ഒരു തീരു​മാ​ന​മെ​ടു​ത്തി​ട്ടു​ണ്ടോ? നിങ്ങളു​ടെ തീരു​മാ​ന​ങ്ങ​ളും അതിന്റെ കാരണ​വും സംബന്ധിച്ച്‌ സാക്ഷി​ക​ള​ല്ലാത്ത നിങ്ങളു​ടെ കുടും​ബാം​ഗ​ങ്ങ​ളെ​യും പറഞ്ഞു മനസ്സി​ലാ​ക്കി​യി​രി​ക്കണം.—വീക്ഷാ​ഗോ​പു​ര​ത്തി​ന്റെ 2004 ജൂൺ 15, 2000 ഒക്ടോബർ 15 ലക്കങ്ങളി​ലെ “വായന​ക്കാ​രിൽനി​ന്നുള്ള ചോദ്യ​ങ്ങൾ” കാണുക.