ചോദ്യ​പ്പെ​ട്ടി

◼ ദിവ്യാ​ധി​പത്യ ശുശ്രൂ​ഷാ​സ്‌കൂൾ, സേവന​യോ​ഗം, പരസ്യ​യോ​ഗം, വീക്ഷാ​ഗോ​പുര അധ്യയനം എന്നിവ​യു​ടെ പ്രാരംഭ ഗീതം അവതരി​പ്പി​ക്കേ​ണ്ടത്‌ ആരാണ്‌, എപ്രകാ​രം?

ഒക്ടോ​ബ​റി​ലെ നമ്മുടെ രാജ്യ ശുശ്രൂ​ഷ​യു​ടെ അനുബ​ന്ധ​മാ​യി ലഭിക്കുന്ന ദിവ്യാ​ധി​പത്യ ശുശ്രൂ​ഷാ​സ്‌കൂൾ പട്ടിക​യിൽ ഓരോ വാരത്തി​ലെ​യും ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ന്റെ പ്രാരംഭ ഗീതം നൽകി​യി​ട്ടുണ്ട്‌. നമ്മുടെ രാജ്യ ശുശ്രൂ​ഷ​യു​ടെ 2-ാം പേജിൽ ഓരോ വാരത്തി​ലെ​യും സേവന​യോ​ഗ​ത്തി​ന്റെ പ്രാരംഭ, ഉപസം​ഹാര ഗീതങ്ങൾ കാണാ​നാ​കും. അതു​പോ​ലെ, ഓരോ വാരത്തി​ലെ​യും വീക്ഷാ​ഗോ​പുര അധ്യയ​ന​ത്തിന്‌ ഉപയോ​ഗി​ക്കേണ്ട ഗീതങ്ങൾ വീക്ഷാ​ഗോ​പു​ര​ത്തി​ന്റെ 2-ാം പേജിൽ ഉൾപ്പെ​ടു​ത്തി​യി​രി​ക്കു​ന്നു. ഈ ഗീതങ്ങൾ പ്രസ്‌തുത യോഗ​ങ്ങ​ളു​ടെ ഭാഗമാ​യ​തി​നാൽ അതു നടത്തുന്ന സഹോ​ദ​ര​നാണ്‌ ഗീതവും സദസ്സിനെ അറിയി​ക്കേ​ണ്ടത്‌, അല്ലാതെ അതിനു​മു​മ്പു നടന്ന പരിപാ​ടി​യു​ടെ അധ്യക്ഷനല്ല.

ഉദാഹ​ര​ണ​ത്തിന്‌, ദിവ്യാ​ധി​പത്യ ശുശ്രൂ​ഷാ​സ്‌കൂൾ മേൽവി​ചാ​രകൻ സദസ്സിനെ സ്വാഗതം ചെയ്‌ത്‌ പ്രാരംഭ ഗീതം ആലപി​ക്കാ​നുള്ള ആഹ്വാ​ന​ത്തോ​ടെ സ്‌കൂൾ ആരംഭി​ക്കു​ന്നു. സ്‌കൂ​ളി​ലെ പരിപാ​ടി​കൾ അവസാ​നി​ച്ച​ശേഷം അദ്ദേഹം സേവന​യോ​ഗ​ത്തി​ലെ ആദ്യ പരിപാ​ടി നിർവ​ഹി​ക്കുന്ന സഹോ​ദ​രനെ സ്റ്റേജി​ലേക്കു ക്ഷണിക്കു​ന്നു. സേവന​യോ​ഗ​ത്തി​ലെ പരിപാ​ടി നിർവ​ഹി​ക്കുന്ന ഈ സഹോ​ദ​ര​നാണ്‌ സേവന​യോ​ഗ​ത്തി​ലെ പ്രാരംഭ ഗീതം ആലപി​ക്കാൻ സദസ്സിനെ ക്ഷണിക്കു​ന്നത്‌.

അധ്യക്ഷ​നാണ്‌ പരസ്യ​യോ​ഗം ആരംഭി​ക്കു​ന്നത്‌. അദ്ദേഹം, സന്നിഹി​ത​രാ​യി​രി​ക്കുന്ന ഏവരെ​യും സ്വാഗതം ചെയ്‌ത​ശേഷം പ്രസം​ഗകൻ തിര​ഞ്ഞെ​ടുത്ത ഗീതം ആലപി​ക്കു​ന്ന​തി​നാ​യി സദസ്സിനെ ക്ഷണിക്കും. തുടർന്ന്‌ പ്രാരംഭ പ്രാർഥ​ന​യും അധ്യക്ഷൻ (അല്ലെങ്കിൽ മുന്നമേ നിയമിച്ച യോഗ്യ​ത​യുള്ള മറ്റൊരു സഹോ​ദരൻ) നിർവ​ഹി​ക്കും. അദ്ദേഹം പ്രസം​ഗ​കനെ പരിച​യ​പ്പെ​ടു​ത്തി പ്രസം​ഗ​വി​ഷയം പ്രതി​പാ​ദി​ക്കും. പരസ്യ​പ്ര​സം​ഗ​ത്തി​നു​ശേഷം അധ്യക്ഷൻ പ്രസം​ഗ​ത്തി​ലെ പ്രധാന വിവരങ്ങൾ എടുത്തു​പ​റ​യു​ക​യില്ല, പകരം ലഭിച്ച പ്രബോ​ധ​ന​ത്തി​നു ഹ്രസ്വ​മാ​യി നന്ദി രേഖ​പ്പെ​ടു​ത്തും. പിറ്റേ വാരത്തി​ലെ പരസ്യ​പ്ര​സം​ഗ​ത്തി​ന്റെ വിഷയം അറിയി​ച്ച​ശേഷം വീക്ഷാ​ഗോ​പുര അധ്യയ​ന​ത്തി​നു ശ്രദ്ധനൽകാൻ അദ്ദേഹം എല്ലാവ​രെ​യും പ്രോ​ത്സാ​ഹി​പ്പി​ക്കു​ന്നു. സന്ദർശന പ്രസം​ഗ​ക​നാ​ണു പരസ്യ​പ്ര​സം​ഗം നടത്തി​യ​തെ​ങ്കിൽ സഭയുടെ സ്‌നേ​ഹ​വും ആശംസ​ക​ളും അദ്ദേഹ​ത്തി​ന്റെ സഭയെ അറിയി​ക്കാൻ ആഗ്രഹി​ക്കു​ന്നു​വോ എന്നു സദസ്സി​നോ​ടു ചോദി​ക്കേ​ണ്ട​തില്ല. തുടർന്ന്‌ അധ്യക്ഷൻ വീക്ഷാ​ഗോ​പുര അധ്യയനം നിർവ​ഹി​ക്കുന്ന സഹോ​ദ​രനെ സ്റ്റേജി​ലേക്കു ക്ഷണിക്കും.

അധ്യയ​ന​ത്തി​ന്റെ പ്രാരംഭ ഗീതം ആലപി​ക്കാൻ വീക്ഷാ​ഗോ​പുര അധ്യയനം നിർവ​ഹി​ക്കുന്ന സഹോ​ദരൻ സദസ്സിനെ ക്ഷണിക്കും. പ്രസി​ദ്ധീ​ക​രി​ക്ക​പ്പെട്ട നിർദേ​ശ​ങ്ങ​ള​നു​സ​രിച്ച്‌ അധ്യയനം നടത്തി​യ​ശേഷം അദ്ദേഹം ഉപസം​ഹാര ഗീതം അറിയി​ക്കും. സാധാ​ര​ണ​ഗ​തി​യിൽ വീക്ഷാ​ഗോ​പുര അധ്യയന നിർവാ​ഹകൻ ഉപസം​ഹാര പ്രാർഥ​ന​യ്‌ക്കാ​യി പരസ്യ​പ്ര​സം​ഗം നടത്തിയ സഹോ​ദ​ര​നെ​യാ​ണു ക്ഷണിക്കുക.

പൊതു​വാ​യ ഈ നിർദേ​ശങ്ങൾ പിൻപ​റ്റു​ന്നത്‌ ഏകീകൃ​ത​മായ വിധത്തിൽ നമ്മുടെ യോഗങ്ങൾ നടത്ത​പ്പെ​ടു​ന്നു​വെന്ന്‌ ഉറപ്പു​വ​രു​ത്തും.