‘വലിയ​തും സഫലവു​മാ​യോ​രു വാതി​ലി​ലൂ​ടെ’ നിങ്ങൾക്കു പ്രവേ​ശി​ക്കാ​നാ​കു​മോ?

1. നമുക്ക്‌ മുമ്പാകെ തുറന്നു​കി​ട​ക്കുന്ന “വലിയ​തും സഫലവു​മാ​യോ​രു വാതിൽ” ഏതാണ്‌?

¹ പല എതിരാ​ളി​കൾ ഉണ്ടായി​രു​ന്നി​ട്ടും അപ്പൊ​സ്‌ത​ല​നായ പൗലൊ​സിന്‌ “വലിയ​തും സഫലവു​മാ​യോ​രു വാതിൽ” തുറന്നു​കി​ട്ടി​യ​പ്പോൾ, ലഭിച്ച അവസരം പാഴാ​ക്കാ​തെ അവൻ രാജ്യ​താ​ത്‌പ​ര്യ​ങ്ങൾ ഉന്നമി​പ്പി​ച്ചു. (1 കൊരി. 16:9) ലോക​വ്യാ​പ​ക​മാ​യി ഇപ്പോൾ ഏകദേശം 6,42,000 രാജ്യ​പ്ര​സാ​ധകർ സാധാരണ പയനിയർ സേവനം ഏറ്റെടു​ത്തു​കൊണ്ട്‌ വലിയ​തും സഫലവു​മാ​യോ​രു വാതി​ലി​ലൂ​ടെ പ്രവേ​ശി​ച്ചി​രി​ക്കു​ന്നു.

2. ഇടയ്‌ക്കി​ടെ നമ്മുടെ സാഹച​ര്യം വിലയി​രു​ത്തു​ന്നതു പ്രതി​ഫ​ല​ദാ​യ​ക​മാ​യി​രി​ക്കു​ന്നത്‌ എന്തു​കൊണ്ട്‌?

² മാറുന്ന സാഹച​ര്യ​ങ്ങൾ: ഒരുപക്ഷേ ഇപ്പോ​ഴത്തെ നമ്മുടെ സാഹച​ര്യം അധികം പ്രവർത്തി​ക്കു​ന്ന​തി​നു നമ്മെ അനുവ​ദി​ക്കു​ന്നി​ല്ലാ​യി​രി​ക്കാം, എന്നാൽ സാഹച​ര്യ​ങ്ങൾ മാറി​ക്കൊ​ണ്ടി​രി​ക്കും. അതു​കൊണ്ട്‌ പയനി​യ​റി​ങ്ങി​നു പറ്റിയ അവസര​ത്തി​നാ​യി കയ്യും​കെട്ടി കാത്തി​രി​ക്കു​ന്ന​തി​നു പകരം ഇടയ്‌ക്കി​ടെ നമ്മുടെ സാഹച​ര്യ​ങ്ങൾ വിലയി​രു​ത്തു​ന്നതു നല്ലതാണ്‌. (സഭാ. 11:4) സ്‌കൂൾ വിദ്യാ​ഭ്യാ​സം പൂർത്തി​യാ​ക്കാൻ പോകുന്ന ഒരു യുവവ്യ​ക്തി​യാ​ണോ നിങ്ങൾ? സ്‌കൂ​ളിൽ വിടാ​റായ കുട്ടി​ക​ളുള്ള ഒരു മാതാ​വോ പിതാ​വോ ആണോ നിങ്ങൾ? ജോലി​യിൽനി​ന്നു നിങ്ങൾ വിരമി​ക്കാൻ പോകു​ക​യാ​ണോ? ഇത്തരം മാറ്റങ്ങൾ സാധാരണ പയനിയർ സേവന​ത്തി​നു വേണ്ട സമയം പ്രദാ​നം​ചെ​യ്‌തേ​ക്കാം. മുമ്പ്‌ ആരോ​ഗ്യ​പ്ര​ശ്‌നങ്ങൾ നേരി​ട്ടി​രുന്ന ഒരു സഹോ​ദരി 89-ാമത്തെ വയസ്സിൽ പയനി​യ​റിങ്‌ ചെയ്യാൻ തീരു​മാ​നി​ച്ചു. എന്തായി​രു​ന്നു കാരണം? കഴിഞ്ഞ ഒരു വർഷത്തി​നി​ട​യിൽ ഒരിക്കൽപ്പോ​ലും ആശുപ​ത്രി​യിൽ പോ​കേ​ണ്ടി​വ​ന്നി​ട്ടില്ല; അതു​കൊണ്ട്‌ ഇപ്പോൾ തനിക്ക്‌ പയനി​യ​റിങ്‌ ചെയ്യാ​നുള്ള ആരോ​ഗ്യം ഉണ്ടെന്ന്‌ ആ സഹോ​ദ​രി​ക്കു തോന്നി.

3. സാധാരണ പയനി​യ​റിങ്‌ നടത്താ​നാ​യി ചിലർ എന്തു പൊരു​ത്ത​പ്പെ​ടു​ത്ത​ലു​കൾ വരുത്തി​യി​രി​ക്കു​ന്നു?

³ കൊരിന്തിലെ സഹോ​ദ​ര​ങ്ങളെ സന്ദർശി​ക്കാ​നാണ്‌ പൗലൊസ്‌ ആദ്യം ഉദ്ദേശി​ച്ചി​രു​ന്നത്‌. എന്നാൽ സുവാർത്ത​യെ​പ്രതി അവൻ തന്റെ പദ്ധതി​യിൽ ചില മാറ്റങ്ങൾ വരുത്തി. സമാന​മാ​യി, നിരവധി പൊരു​ത്ത​പ്പെ​ടു​ത്ത​ലു​കൾ വരുത്തിയ ശേഷമാണ്‌ ഇന്നു സാധാരണ പയനി​യ​റിങ്‌ ചെയ്യുന്ന പലർക്കും അതിനു സാധി​ച്ചി​രി​ക്കു​ന്നത്‌. വെറു​മൊ​രു പാർട്ട്‌-ടൈം ജോലി​കൊണ്ട്‌ ജീവി​ത​ച്ചെ​ല​വു​കൾ താങ്ങാൻ കഴിയ​ത്ത​ക്ക​വി​ധം ചിലർ അവരുടെ ജീവിതം അത്ര ലളിത​മാ​ക്കി​യി​രി​ക്കു​ന്നു. തങ്ങളുടെ സേവന പദവി​ക​ളിൽ അവർ ആനന്ദം കണ്ടെത്തി​യി​രി​ക്കു​ന്നു. (1 തിമൊ. 6:6-8) ഒരാളു​ടെ വരുമാ​നം​കൊ​ണ്ടു കഴിയ​ത്ത​ക്ക​വി​ധം ചില ദമ്പതികൾ കാര്യാ​ദി​കൾ ക്രമീ​ക​രി​ച്ച​തി​ന്റെ ഫലമായി ഭാര്യക്കു പയനിയർ സേവനം ഏറ്റെടു​ക്കാ​നാ​യി​രി​ക്കു​ന്നു.

4. മണിക്കൂർ വ്യവസ്ഥ​യിൽ എത്തി​ച്ചേ​രു​മോ എന്ന സന്ദേഹ​മു​ണ്ടെ​ങ്കിൽ എന്തു ചെയ്യാ​നാ​കും?

⁴ മണിക്കൂർ വ്യവസ്ഥ​യിൽ എത്തി​ച്ചേ​രാൻ കഴിയില്ല എന്നു ഭയപ്പെട്ട്‌ പയനി​യ​റിങ്‌ എന്ന ആശയം പെട്ടെന്നു തള്ളിക്ക​ള​യ​രുത്‌. ഓരോ ദിവസ​വും രണ്ടു മണിക്കൂ​റിൽ ഒരൽപ്പം കൂടുതൽ മതിയാ​കും ഈ ലക്ഷ്യത്തി​ലെ​ത്താൻ. ഇതു സാധി​ക്കു​മോ എന്ന സംശയം നിങ്ങൾക്കു​ണ്ടെ​ങ്കിൽ 70 മണിക്കൂർ ലക്ഷ്യം വെച്ചു​കൊണ്ട്‌ ഒന്നോ രണ്ടോ മാസം സഹായ പയനി​യ​റിങ്‌ നടത്തി നോക്കുക. പയനി​യ​റി​ങി​ലെ സന്തോഷം രുചി​ച്ച​റി​യാൻ ഇതു നിങ്ങൾക്ക്‌ അവസര​മേ​കും. (സങ്കീ. 34:8) ഇപ്പോൾ പയനി​യ​റിങ്‌ ചെയ്യു​ന്ന​വ​രു​മാ​യി സംസാ​രി​ക്കുക. നിങ്ങൾ നേരി​ടു​ന്ന​തു​പോ​ലുള്ള പ്രശ്‌നങ്ങൾ അവർ തരണം ചെയ്‌തി​ട്ടു​ണ്ടാ​കാം. (സദൃ. 15:22) ശുശ്രൂഷ വികസി​പ്പി​ക്കാ​നുള്ള നിങ്ങളു​ടെ ശ്രമത്തി​ന്മേൽ യഹോ​വ​യു​ടെ അനു​ഗ്ര​ഹ​ത്തി​നാ​യി പ്രാർഥി​ക്കുക.—1 യോഹ. 5:14.

5. സാധാരണ പയനി​യ​റിങ്‌ മൂല്യ​വ​ത്തായ ഒരു ഉദ്യമ​മാ​യി​രി​ക്കു​ന്നത്‌ എന്തു​കൊണ്ട്‌?

⁵ മൂല്യവത്തായ ഉദ്യമം: സാധാരണ പയനി​യ​റാ​യി സേവി​ക്കു​ന്നത്‌ അനേകം അനു​ഗ്ര​ഹ​ങ്ങൾക്കി​ട​യാ​ക്കും. ധാരാ​ള​മാ​യി കൊടു​ക്കു​ന്ന​തിൽനി​ന്നു​ണ്ടാ​കുന്ന അതിയായ സന്തോഷം നിങ്ങൾ ആസ്വദി​ക്കും. (പ്രവൃ. 20:35) ദൈവ​ത്തി​ന്റെ സത്യവ​ചനം ശരിയാ​യി കൈകാ​ര്യം ചെയ്യാ​നുള്ള നിങ്ങളു​ടെ വൈദ​ഗ്‌ധ്യം വർധി​ക്കും. (2 തിമൊ. 2:15) യഹോ​വ​യു​ടെ കരങ്ങൾ നിങ്ങളെ താങ്ങു​ന്നത്‌ അനുഭ​വി​ച്ച​റി​യാ​നുള്ള ഒട്ടനവധി അവസര​ങ്ങൾക്ക്‌ ഇത്‌ ഇടനൽകും. (പ്രവൃ. 11:21; ഫിലി. 4:11-13) സഹിഷ്‌ണുത പോലുള്ള ആത്മീയ ഗുണങ്ങൾ വളർത്തി​യെ​ടു​ക്കു​ന്ന​തി​നും യഹോ​വ​യോട്‌ ഏറെ അടുത്തു​ചെ​ല്ലു​ന്ന​തി​നും പയനി​യ​റിങ്‌ നിങ്ങളെ സഹായി​ക്കും. (യാക്കോ. 4:8) വലിയ​തും സഫലവു​മായ ഈ വാതി​ലി​ലൂ​ടെ പ്രവേ​ശിച്ച്‌ ഒരു സാധാരണ പയനി​യ​റാ​യി സേവി​ക്കാൻ നിങ്ങൾക്കാ​കു​മോ?