ബ്രാഞ്ചിൽനി​ന്നുള്ള കത്ത്‌

പ്രിയ രാജ്യ​ഘോ​ഷ​കരേ,

സേവന​വർഷം 2007-ൽ ഇന്ത്യാ ബ്രാഞ്ചി​നു​കീ​ഴി​ലുള്ള പ്രദേ​ശത്തെ പ്രവർത്ത​ന​ത്തി​ലു​ണ്ടായ പുരോ​ഗതി കാണു​ന്ന​തിൽ ഞങ്ങൾക്കു സന്തോ​ഷ​മുണ്ട്‌! മാർച്ചിൽ നാം 1,628 സാധാരണ പയനി​യർമാ​രു​ടെ​യും ഏപ്രി​ലിൽ 4,212 സഹായ പയനി​യർമാ​രു​ടെ​യും സർവകാല അത്യുച്ചം കണ്ടു. പയനി​യർമാ​രു​ടെ എണ്ണത്തി​ലുള്ള ഈ കുതി​ച്ചു​ക​യറ്റം പ്രസം​ഗ​വേ​ല​യ്‌ക്കു പൂർവാ​ധി​കം കരുത്തു​പ​ക​രു​ന്നു. മാർച്ചിൽ 27,153 പ്രസാ​ധകർ റിപ്പോർട്ടു​ചെ​യ്‌തു. ബൈബി​ള​ധ്യ​യ​ന​ങ്ങ​ളു​ടെ എണ്ണം 25,390 ആയിരു​ന്നു. ചില സ്ഥലങ്ങളിൽ സഹോ​ദ​രങ്ങൾ, എതിർപ്പു​കൾ ഗണ്യമാ​ക്കാ​തെ രാജ്യ​പ്ര​സം​ഗ​വേ​ല​യിൽ മുന്നേ​റു​ക​യാണ്‌.

“മതത്തിന്റെ പേരിൽ ചെയ്യ​പ്പെ​ടുന്ന ഹീനകൃ​ത്യ​ങ്ങൾ അവസാ​നി​ക്കു​മോ?” എന്ന ശീർഷ​ക​ത്തി​ലുള്ള രാജ്യ​വാർത്ത നമ്പർ 37-ന്റെ, ഉദ്ദേശം ഒമ്പതര ലക്ഷം കോപ്പി​കൾ ഇന്ത്യാ ബ്രാഞ്ചി​നു​കീ​ഴി​ലുള്ള പ്രദേ​ശ​ത്തു​ട​നീ​ളം നാം വിതരണം ചെയ്‌തു. താത്‌പ​ര്യം തോന്നി​യവർ രാജ്യ​വാർത്ത​യു​ടെ മറുപു​റ​ത്തുള്ള കൂപ്പൺ ഉപയോ​ഗിച്ച്‌ ജാഗരൂ​കർ ആയിരി​ക്കു​വിൻ! എന്ന ലഘുപ​ത്രി​ക​യ്‌ക്കും ബൈബി​ള​ധ്യ​യ​ന​ങ്ങൾക്കു​മാ​യി അപേക്ഷി​ക്കു​ക​യും ചെയ്‌തു. സ്‌മാരക ക്ഷണക്കത്തി​ന്റെ വിതരണം വൻവി​ജ​യ​മാ​യി​രു​ന്നു, 73,193 പേരാണ്‌ തത്‌ഫ​ല​മാ​യി ഈ വർഷം സ്‌മാ​ര​ക​ത്തി​നു ഹാജരാ​യത്‌.

ബൈബിൾ യഥാർഥ​ത്തിൽ എന്താണു പഠിപ്പി​ക്കു​ന്ന​തെന്നു മനസ്സി​ലാ​ക്കാൻ ആത്മാർഥ​ഹൃ​ദ​യരെ സഹായി​ക്കു​ക​യെ​ന്ന​താണ്‌ ഇത്തരം സംരം​ഭ​ങ്ങ​ളു​ടെ ലക്ഷ്യം. (മത്താ. 28:19, 20) രാജ്യ​സ​ന്ദേ​ശ​ത്തിൽ താത്‌പ​ര്യം കാണി​ക്കു​ന്ന​വ​രു​ടെ പേരു​വി​വ​രങ്ങൾ കുറി​ച്ചെ​ടു​ക്കാ​നും ബൈബി​ള​ധ്യ​യനം ആരംഭി​ക്കു​ക​യെന്ന ലക്ഷ്യത്തിൽ മടങ്ങി​ച്ചെ​ല്ലാ​നും ഓർക്കുക. ഈ സുപ്ര​ധാന വേലയിൽ നിങ്ങ​ളോ​ടൊ​പ്പം പ്രവർത്തി​ക്കാൻ കഴിയു​ന്ന​തിൽ ഞങ്ങൾ സന്തോ​ഷ​മു​ള്ള​വ​രാണ്‌. ഞങ്ങളുടെ ഊഷ്‌മ​ള​മായ ക്രിസ്‌തീയ സ്‌നേഹം നിങ്ങളെ അറിയി​ക്കു​ന്നു.

നിങ്ങളുടെ സഹോ​ദ​രങ്ങൾ,

ബ്രാഞ്ചോഫീസ്‌, ഇന്ത്യ