മറുവി​ല​യാ​ഗം നന്ദി​യോ​ടെ സ്‌മരി​ക്കു​ക

1, 2. മറുവി​ല​യാ​ഗത്തെ നാം നന്ദി​യോ​ടെ സ്‌മരി​ക്കേ​ണ്ട​തി​ന്റെ കാരണങ്ങൾ എന്തൊ​ക്കെ​യാണ്‌?

¹ യേശു​വി​ന്റെ കൽപ്പന​യ്‌ക്കു ചേർച്ച​യിൽ, ലോക​മെ​മ്പാ​ടു​മുള്ള ക്രിസ്‌ത്യാ​നി​കൾ അവന്റെ മരണത്തി​ന്റെ സ്‌മാ​രകം 2008 മാർച്ച്‌ 22 ശനിയാഴ്‌ച സൂര്യാ​സ്‌ത​മ​യ​ശേഷം ആചരി​ക്കു​ന്ന​താ​യി​രി​ക്കും. (ലൂക്കൊ. 22:19; 1 കൊരി. 11:23-26) 1,975 വർഷം മുമ്പാ​യി​രു​ന്നു ആ ത്യാഗ​പൂർണ​മായ മരണം. അത്‌ സാധ്യ​മാ​ക്കി​ത്തീർത്ത സകലതി​നോ​ടു​മുള്ള അകമഴിഞ്ഞ നന്ദിയാണ്‌ സ്‌മാ​ര​കാ​ച​ര​ണ​ത്തി​നു കൂടി​വ​രാൻ നമ്മെ പ്രേരി​പ്പി​ക്കു​ന്നത്‌. ദണ്ഡനസ്‌തം​ഭ​ത്തി​ലെ മരണം അങ്ങേയറ്റം വേദനാ​ക​ര​മാ​യി​രു​ന്നി​ട്ടും യേശു നിർമലത കൈവി​ട്ടില്ല. അങ്ങനെ, സാത്താന്റെ പരിഹാ​സ​ങ്ങൾക്ക്‌ ആത്യന്തി​ക​മായ ഉത്തരം നൽകി​ക്കൊണ്ട്‌ അവൻ തന്റെ പിതാ​വി​ന്റെ നാമം വിശു​ദ്ധീ​ക​രി​ച്ചു.—ഇയ്യോ. 1:11; സദൃ. 27:11.

² യേശു​വി​ന്റെ ചൊരി​യ​പ്പെട്ട രക്തമാണ്‌ പുതിയ ഉടമ്പടി​യെ സാധൂ​ക​രി​ച്ചത്‌. അപൂർണ മനുഷ്യർക്ക്‌ ദൈവ​ത്തി​ന്റെ ദത്തുപു​ത്ര​ന്മാ​രാ​യി​ത്തീ​രു​ന്ന​തി​നും സ്വർഗ​രാ​ജ്യ​ത്തിൽ യേശു​വി​നോ​ടൊ​പ്പം ഭരിക്കു​ന്ന​തി​നു​മുള്ള അവസരം അത്‌ തുറന്നു​കൊ​ടു​ത്തു. (യിരെ. 31:31-34; മർക്കൊ. 14:24) മാത്രമല്ല, പ്രിയ പുത്രനെ ബലിയാ​യി നൽകി​യ​തി​ലൂ​ടെ ദൈവ​ത്തി​നു മനുഷ്യ​വർഗ​ത്തോ​ടുള്ള സ്‌നേ​ഹ​ത്തി​ന്റെ ആഴമാണ്‌ വെളി​വാ​യത്‌. നിക്കോ​ദേ​മൊ​സി​നോ​ടുള്ള യേശു​വി​ന്റെ വാക്കുകൾ തെളി​യി​ക്കു​ന്നത്‌ അതാണ്‌.—യോഹ. 3:16.

3. സ്‌മാ​ര​കാ​ച​ര​ണ​ത്തിൽ സംബന്ധി​ക്കു​ന്ന​വർക്കു എന്തു പ്രയോ​ജനം ലഭിക്കും?

³ മറ്റുള്ള​വരെ ക്ഷണിക്കുക: പരിച​യ​ക്കാ​രു​ടെ ഒരു ലിസ്റ്റ്‌ തയ്യാറാ​ക്കി, അവരെ വ്യക്തി​പ​ര​മാ​യി ക്ഷണിക്കാ​നുള്ള ഒരു നിർദേശം ഈ ലക്കത്തി​ലെ​തന്നെ “‘സുവി​ശേ​ഷ​ത്തി​നു സമഗ്ര​സാ​ക്ഷ്യം’ നൽകുക” എന്ന ലേഖന​ത്തി​ലുണ്ട്‌. നിങ്ങൾ അത്തര​മൊ​രു ലിസ്റ്റ്‌ തയ്യാറാ​ക്കി, ആളുകളെ ക്ഷണിച്ചു​തു​ട​ങ്ങി​യോ? സ്‌മാ​ര​കാ​ച​ര​ണ​ത്തിൽ സംബന്ധി​ക്കാൻ ആളുകളെ ക്ഷണിക്കു​ന്ന​തി​നാ​യി മാർച്ച്‌ 1 മുതൽ ആരംഭി​ക്കുന്ന പ്രത്യേക പരിപാ​ടി​യിൽ ഒരു പൂർണ പങ്കുണ്ടാ​യി​രി​ക്കാൻ നിങ്ങൾ ആസൂ​ത്രണം ചെയ്യു​ന്നു​ണ്ടോ? മറുവി​ല​യി​ലുള്ള വിശ്വാ​സ​മാണ്‌ ഒരാളെ നിത്യ​ജീ​വ​നി​ലേക്കു നയിക്കു​ന്നത്‌. ആ വിശ്വാ​സം വളർത്തി​യെ​ടു​ക്കാൻ സഹായി​ക്കുന്ന തിരു​വെ​ഴുത്ത്‌ ആശയങ്ങൾ സ്‌മാ​ര​ക​ത്തി​നു ഹാജരാ​കു​ന്ന​വർക്കു കേൾക്കാ​നാ​കും.—റോമ. 10:17.

4. സ്‌മാ​ര​കാ​ച​ര​ണ​ത്തിന്‌ നേരത്തെ എത്തേണ്ടത്‌ എന്തു​കൊണ്ട്‌?

⁴ ക്ഷണം സ്വീക​രി​ച്ചെ​ത്തു​ന്ന​വരെ സ്വാഗതം ചെയ്യാ​നാ​യി സാധ്യ​മാ​കുന്ന എല്ലാവ​രും നേര​ത്തെ​തന്നെ ഹാളിൽ എത്തി​ച്ചേ​രാൻ ശ്രമി​ക്കണം. സാധാ​ര​ണ​ഗ​തി​യിൽ, സ്‌മാ​ര​കാ​ച​ര​ണ​ത്തി​നു കൂടുതൽ ആളുകൾ വരു​മെ​ന്ന​തി​നാൽ പുതി​യ​വർക്കും വല്ലപ്പോ​ഴും മാത്രം യോഗ​ങ്ങൾക്കു വരുന്ന​വർക്കും പ്രത്യേക ശ്രദ്ധ നൽകേ​ണ്ട​തുണ്ട്‌.

5. ഈ ആചരണ​ത്തി​നാ​യി നമ്മുടെ മനസ്സിനെ എങ്ങനെ ഒരുക്കാം?

⁵ നിങ്ങളു​ടെ മനസ്സിനെ ഒരുക്കുക: തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ—2008-ലും കലണ്ടർ—2008-ലും, മാർച്ച്‌ 17-ന്‌ ആരംഭി​ക്കുന്ന ഒരു പ്രത്യേക ബൈബിൾ വായനാ പട്ടിക നൽകി​യി​ട്ടുണ്ട്‌. ഭൂമി​യിൽ യേശു​വി​ന്റെ അവസാന നാളു​ക​ളിൽ നടന്ന സുപ്ര​ധാന സംഭവങ്ങൾ പരിചി​ന്തി​ക്കു​ന്നതു സ്‌മാ​ര​കാ​ച​ര​ണ​ത്തി​നാ​യി നമ്മുടെ മനസ്സിനെ ഒരുക്കാൻ സഹായി​ക്കും. (എസ്രാ 7:10) ഈ ബൈബിൾ വിവര​ണ​ങ്ങ​ളെ​ക്കു​റി​ച്ചു പ്രാർഥ​നാ​പൂർവം ധ്യാനി​ക്കു​ന്നത്‌, മറുവില പ്രദാനം ചെയ്‌ത​തി​ലൂ​ടെ യഹോ​വ​യും യേശു​ക്രി​സ്‌തു​വും കാണിച്ച സ്‌നേ​ഹ​ത്തോ​ടുള്ള നമ്മുടെ വിലമ​തിപ്പ്‌ വർധി​പ്പി​ക്കും.—സങ്കീ. 143:5.

6. മറുവി​ല​യോ​ടുള്ള വിലമ​തിപ്പ്‌ വർധി​പ്പി​ക്കു​ന്നത്‌ എന്തു പ്രയോ​ജനം ചെയ്യും?

⁶ ഈ സുപ്ര​ധാന ആചരണം അടുത്തു​വ​രവേ, നമുക്ക്‌ അതിനാ​യി ഒരുങ്ങാം, മറ്റുള്ള​വരെ അതിന്‌ സഹായി​ക്കു​ക​യും ചെയ്യാം. നന്ദി​യോ​ടെ മറുവി​ല​യെ​ക്കു​റി​ച്ചു സ്‌മരി​ക്കു​ന്നത്‌ യഹോ​വ​യു​മാ​യും യേശു​ക്രി​സ്‌തു​വു​മാ​യു​മുള്ള നമ്മുടെ ബന്ധം ശക്തി​പ്പെ​ടു​ത്തും. (2 കൊരി. 5:14, 15) അവരെ അനുക​രി​ച്ചു​കൊണ്ട്‌ മറ്റുള്ള​വ​രോട്‌ ആത്മത്യാഗ സ്‌നേഹം കാണി​ക്കാ​നും അതു നമ്മെ പ്രേരി​പ്പി​ക്കും.—1 യോഹ. 4:11.