പുരോ​ഗ​മി​ക്കുന്ന ശുശ്രൂ​ഷ​ക​നാ​യി​രി​ക്കുക

¹ തന്റെ ദാസന്മാർ ആത്മീയ പുരോ​ഗതി വരുത്തു​മ്പോൾ നമ്മുടെ സ്വർഗീയ പിതാവ്‌ സന്തോ​ഷി​ക്കു​ന്നു. പക്വത​യും ഫലപ്രാ​പ്‌തി​യു​മുള്ള സുവാർത്താ​ഘോ​ഷ​ക​രാ​യി​ത്തീ​രു​ന്നത്‌ ആ പുരോ​ഗ​തി​യിൽ ഉൾപ്പെ​ടു​ന്നു. തന്റെ “അഭിവൃ​ദ്ധി എല്ലാവർക്കും പ്രസി​ദ്ധ​മാ​യി​ത്തീ​രേ​ണ്ട​തി​ന്നു” തുടർന്നും പരി​ശ്ര​മി​ക്കാൻ മേൽവി​ചാ​ര​ക​നായ തിമൊ​ഥെ​യൊ​സി​നെ പൗലൊസ്‌ പ്രോ​ത്സാ​ഹി​പ്പി​ച്ചു. (1 തിമൊ. 4:13-15) നാം അനുഭ​വ​സ​മ്പ​ന്ന​രായ പ്രസാ​ധ​ക​രാ​ണെ​ങ്കിൽപ്പോ​ലും വ്യക്തി​പ​ര​മായ ശുശ്രൂ​ഷ​യു​ടെ ഗുണനി​ല​വാ​രം മെച്ച​പ്പെ​ടു​ത്താൻ നാമോ​രോ​രു​ത്ത​രും ശ്രമി​ക്കണം.

² ലാക്കുകൾ വെക്കുക: പുരോ​ഗതി വരുത്താൻ വ്യക്തി​പ​ര​മായ ലാക്കുകൾ വെക്കേ​ണ്ടത്‌ ആവശ്യ​മാണ്‌. അത്തരം ചില ലാക്കുകൾ എന്തൊ​ക്കെ​യാണ്‌? നമ്മുടെ ആത്മീയ വാളാ​കുന്ന ബൈബിൾ ഉപയോ​ഗി​ക്കു​ന്ന​തിൽ കൂടുതൽ വിദഗ്‌ധ​രാ​യി​ത്തീ​രാൻ ശ്രമി​ക്കാ​വു​ന്ന​താണ്‌. (എഫെ. 6:17) തെരുവു സാക്ഷീ​ക​രണം, ടെലി​ഫോൺ സാക്ഷീ​ക​രണം, ബിസി​നസ്സ്‌ പ്രദേ​ശ​ത്തുള്ള സാക്ഷീ​ക​രണം എന്നിവ​പോ​ലെ ശുശ്രൂ​ഷ​യു​ടെ ഏതെങ്കി​ലു​മൊ​രു വശത്തു നാം പുരോ​ഗ​മി​ക്കേ​ണ്ട​തു​ണ്ടാ​യി​രി​ക്കാം. കൂടുതൽ ഫലപ്ര​ദ​മായ മടക്കസ​ന്ദർശ​നങ്ങൾ നടത്തു​ന്ന​തിൽ നമുക്കു പുരോ​ഗ​മി​ക്കാ​നാ​യേ​ക്കും. ബൈബി​ള​ധ്യ​യ​നങ്ങൾ തുടങ്ങാ​നും നടത്താ​നു​മുള്ള പ്രാപ്‌തി മെച്ച​പ്പെ​ടു​ത്തു​ക​യെ​ന്ന​താണ്‌ ഉത്തമമായ മറ്റൊരു ലക്ഷ്യം.

³ സഹായങ്ങൾ: ശുശ്രൂ​ഷ​ക​രെന്ന നിലയിൽ വളരു​ന്ന​തി​നു നമ്മെ സഹായി​ക്കാൻ ഉദ്ദേശി​ച്ചു​ള്ള​താണ്‌ സഭാ​യോ​ഗങ്ങൾ, പ്രത്യേ​കിച്ച്‌ ദിവ്യാ​ധി​പത്യ ശുശ്രൂ​ഷാ​സ്‌കൂ​ളും സേവന​യോ​ഗ​വും. ആ യോഗ​ങ്ങൾക്കാ​യി തയ്യാറാ​കാ​നും അവയിൽ പങ്കെടു​ക്കാ​നും അതിലൂ​ടെ ലഭിക്കുന്ന നിർദേ​ശങ്ങൾ ബാധക​മാ​ക്കാ​നും നാം എത്രയ​ധി​കം ശ്രമി​ക്കു​ന്നു​വോ അത്രയ​ധി​കം പ്രയോ​ജ​നങ്ങൾ നമുക്കു ലഭിക്കും.—2 കൊരി. 9:6.

⁴ പുരോ​ഗ​മി​ക്കാൻ നാം അന്യോ​ന്യം സഹായി​ക്കു​ക​യും വേണം. (സദൃ. 27:17) ശുശ്രൂ​ഷ​യിൽ നമ്മോ​ടൊ​പ്പം പ്രവർത്തി​ക്കു​ന്ന​വ​രു​ടെ അവതരണം സുസൂ​ക്ഷ്‌മം ശ്രദ്ധി​ക്കു​ന്നത്‌ പുരോ​ഗ​മി​ക്കാൻ നമ്മെ സഹായി​ക്കും. കൂടാതെ നമുക്കു വ്യക്തി​പ​ര​മായ സഹായം ലഭിക്കാൻ പുസ്‌ത​കാ​ധ്യ​യന നിർവാ​ഹകൻ ക്രമീ​ക​രണം ചെയ്‌തേ​ക്കാം. ശുശ്രൂ​ഷ​യിൽ കൂടുതൽ ഫലപ്ര​ദ​രാ​യി​രി​ക്കാ​നും പൂർവാ​ധി​കം സന്തോഷം കണ്ടെത്താ​നും അനുഭ​വ​സ​മ്പ​ന്ന​നായ ഒരു പയനി​യ​റോ മറ്റൊരു പ്രസാ​ധ​ക​നോ നമ്മെ സഹായി​ക്കാ​നു​ണ്ടാ​യി​രി​ക്കു​ന്നത്‌ എന്തൊ​ര​നു​ഗ്ര​ഹ​മാണ്‌! നമ്മുടെ പുസ്‌ത​കാ​ധ്യ​യ​ന​ക്കൂ​ട്ട​ത്തിൽ ഒരു പുതിയ പ്രസാ​ധ​ക​നു​ണ്ടോ? നമ്മോ​ടൊ​പ്പം പ്രവർത്തി​ക്കാൻ ഒരുപക്ഷേ അദ്ദേഹത്തെ ക്ഷണിക്കാ​നാ​കും.

⁵ ഇന്നു ചെയ്യ​പ്പെ​ടുന്ന ഏറ്റവും പ്രധാ​ന​പ്പെട്ട വേലയാണ്‌ ക്രിസ്‌തീയ ശുശ്രൂഷ. യഹോ​വ​യ്‌ക്കു “സ്‌തോ​ത്ര​യാ​ഗം” അർപ്പി​ക്കവേ നമുക്കു​ള്ള​തിൽ ഏറ്റവും നല്ലത്‌ അവനു കൊടു​ക്കാൻ നാമാ​ഗ്ര​ഹി​ക്കു​ന്നു. (എബ്രാ. 13:15) ശുശ്രൂ​ഷ​യിൽ പുരോ​ഗ​മി​ക്കാൻ പരി​ശ്ര​മി​ക്കു​ന്നെ​ങ്കിൽ “സത്യവ​ച​നത്തെ യഥാർത്ഥ​മാ​യി പ്രസം​ഗി​ച്ചു​കൊ​ണ്ടു ലജ്ജിപ്പാൻ സംഗതി​യി​ല്ലാത്ത വേലക്കാ​ര​നാ​യി”ത്തീരാൻ നമു​ക്കോ​രോ​രു​ത്തർക്കും കഴിയും.—2 തിമൊ. 2:15.