“അങ്ങയുടെ രാജ്യം വരേണമേ” കോടിക്കണക്കിന്‌ ആളുകൾ ആവർത്തിച്ച പ്രാർഥന
ദൈവരാജ്യം വരാൻവേണ്ടി നിങ്ങൾ എന്നെങ്കിലും പ്രാർഥിച്ചിട്ടുണ്ടോ? നൂറ്റാണ്ടുകളായി കോടിക്കണക്കിന്‌ ആളുകൾ അതിനുവേണ്ടി പ്രാർഥിച്ചിരിക്കുന്നു. എന്തിന്‌? കാരണം അങ്ങനെ പ്രാർഥിക്കാൻ യേശു തന്റെ അനുഗാമികളോടു പറഞ്ഞിരുന്നു.
ദൈവരാജ്യത്തെക്കുറിച്ച്‌ യേശു പറഞ്ഞ എല്ലാ കാര്യങ്ങളൊന്നും ആദ്യമൊക്കെ യേശുവിന്റെ അനുഗാമികൾക്കു മനസ്സിലായില്ല. ഒരിക്കൽ അവർ യേശുവിനോടു ചോദിച്ചു: “കർത്താവേ, അങ്ങ്‌ ഇസ്രായേലിനു രാജ്യം പുനഃസ്ഥാപിച്ചുകൊടുക്കുന്നത്‌ ഇപ്പോഴാണോ?”എന്നാൽ യേശു അതിനുള്ള കൃത്യമായ ഉത്തരം കൊടുത്തില്ല. സാധ്യതയനുസരിച്ച്‌ അത്‌ അവരെ അതിശയിപ്പിച്ചു കാണും. (പ്രവൃത്തികൾ 1:6, 7) അതിനർഥം ദൈവരാജ്യം എന്താണെന്നും അത്‌ എപ്പോൾ വരുമെന്നും നമുക്ക്‌ അറിയാൻ കഴിയില്ല എന്നാണോ? ഒരിക്കലുമല്ല!
ഇനി പറയുന്ന ചോദ്യങ്ങൾക്കുള്ള ഉത്തരങ്ങൾക്കായി ഈ ലക്കം വീക്ഷാഗോപുരം വായിക്കൂ:
ദൈവരാജ്യം നമുക്ക്‌ ആവശ്യമായിരിക്കുന്നത്‌ എന്തുകൊണ്ട്‌?
ദൈവരാജ്യത്തിന്റെ രാജാവ്‌ ആരാണ്‌?
ദൈവരാജ്യം ഭൂമിയെ എപ്പോൾ ഭരിക്കും?
ദൈവരാജ്യം എന്തു നേട്ടം കൈവരിക്കും?
ദൈവരാജ്യത്തിന്‌ നമ്മൾ ഇപ്പോൾ പിന്തുണ കൊടുക്കേണ്ടത്‌ എന്തുകൊണ്ട്‌?
ദൈവരാജ്യം എന്താണ്‌?