നിങ്ങൾക്കും ബൈബിൾ പഠിപ്പി​ക്കാം!

1. ഓരോ രാജ്യ​പ്ര​സാ​ധ​ക​നും എന്തിനുള്ള വിശിഷ്ട അവസര​മാ​ണു​ള്ളത്‌?

¹ ശുശ്രൂ​ഷ​യി​ലെ ഏറ്റവും പ്രതി​ഫ​ല​ദാ​യ​ക​മായ കാര്യ​ങ്ങ​ളിൽ ഒന്നാണ്‌ ഒരാളെ സത്യം പഠിപ്പി​ക്കുക എന്നത്‌. അദ്ദേഹം രാജ്യ​സ​ന്ദേശം സ്വീക​രി​ക്കു​ന്നത്‌ കാണു​ന്ന​തും അഖിലാണ്ഡ പരമാ​ധി​കാ​രി​യോട്‌ അടുത്തു​ചെ​ല്ലാൻ അദ്ദേഹത്തെ സഹായി​ക്കു​ന്ന​തും ഹൃദ്യ​മായ ഒരു അനുഭ​വ​മാണ്‌. (യാക്കോ. 4:8) സത്യത്തി​നാ​യി ദാഹി​ക്കുന്ന ഒരാളെ പഠിപ്പി​ക്കു​ക​യെ​ന്ന​തും അദ്ദേഹം വ്യക്തി​ത്വ​ത്തി​ലും വീക്ഷണ​ത്തി​ലും നടത്തയി​ലും സമൂല​മായ മാറ്റം​വ​രു​ത്തു​ന്നത്‌ കാണു​ക​യെ​ന്ന​തും ഓരോ രാജ്യ​പ്ര​സാ​ധ​ക​ന്റെ​യും ലക്ഷ്യമാ​യി​രി​ക്കണം.—മത്താ. 28:19, 20.

2. ബൈബി​ള​ധ്യ​യനം നടത്തു​ന്ന​തിൽനിന്ന്‌ ചിലർ പിന്മാറി നിൽക്കു​ന്നത്‌ എന്തു​കൊണ്ട്‌, ഈ പ്രശ്‌നം മറിക​ട​ക്കാൻ എന്തു സഹായി​ക്കും?

² യഹോ​വ​യിൽ ആശ്രയി​ക്കുക: മുൻകാ​ല​ങ്ങ​ളിൽ, യഹോവ നൽകിയ നിയമനം നിറ​വേ​റ്റാ​നുള്ള പ്രാപ്‌തി തങ്ങൾക്കി​ല്ലെന്ന്‌ വിശ്വസ്‌ത ദൈവ​ദാ​സർക്ക്‌ തോന്നി​യി​രു​ന്നു. യഹോ​വ​യി​ലുള്ള ആശ്രയ​മാണ്‌ മോ​ശെ​യെ​യും യിരെ​മ്യാ​വി​നെ​യും ആമോ​സി​നെ​യും മറ്റു സാധാ​ര​ണ​ക്കാ​രായ ആളുക​ളെ​യും അവരുടെ സംശയ​ങ്ങ​ളെ​യും അരക്ഷി​ത​ത്വ​ത്തെ​യും മറിക​ട​ന്നു​കൊണ്ട്‌ സുപ്ര​ധാ​ന​മായ ആ വേല നിർവ​ഹി​ക്കാൻ സഹായി​ച്ചത്‌. (പുറ. 4:10-12; യിരെ. 1:6, 7; ആമോ. 7:14, 15) പൗലൊ​സും സുവി​ശേഷം പ്രസം​ഗി​ക്കാൻ ധൈര്യം സംഭരി​ച്ചു. എങ്ങനെ​യാണ്‌ അവനത്‌ സാധി​ച്ചത്‌? ‘ദൈവ​ത്തി​ന്റെ സഹായ​ത്താൽ’ എന്ന്‌ അവൻ വെളി​പ്പെ​ടു​ത്തി. (1 തെസ്സ. 2:2, NW) അതെ, ഫലപ്ര​ദ​മായ ബൈബി​ള​ധ്യ​യ​നങ്ങൾ നടത്താൻ ആവശ്യ​മായ സഹായ​ത്തി​നും ജ്ഞാനത്തി​നും ശക്തിക്കു​മാ​യി നമുക്ക്‌ യഹോ​വ​യിൽ ആശ്രയി​ക്കാ​നാ​കും.—യെശ. 41:10; 1 കൊരി. 1:26, 27; 1 പത്രൊ. 4:11.

3, 4. ദൈവ​വ​ചനം പഠിപ്പി​ക്കാൻ ഏതു പരിശീ​ലനം നമ്മെ സജ്ജരാ​ക്കും?

³ പരിശീ​ലനം നേടുക: അധ്യാ​പ​ക​രെ​ന്ന​നി​ല​യിൽ നാം തികവു​റ്റ​വ​രാ​കാൻ മഹാ​പ്ര​ബോ​ധ​ക​നായ യഹോ​വ​യാം ദൈവം തുടർച്ച​യായ ബൈബി​ള​ധി​ഷ്‌ഠിത വിദ്യാ​ഭ്യാ​സ പരിപാ​ടി​യി​ലൂ​ടെ നമുക്കു പരിശീ​ലനം നൽകുന്നു. (യെശ. 54:13; 2 തിമൊ. 3:16, 17) തിരു​വെ​ഴു​ത്തു​ഗ്രാ​ഹ്യം വർധി​പ്പി​ക്കാ​നും ബൈബിൾ സത്യം പഠിപ്പി​ക്കാ​നുള്ള പ്രാപ്‌തി മെച്ച​പ്പെ​ടു​ത്താ​നു​മാ​യി ലഭിക്കുന്ന അവസരങ്ങൾ പൂർണ​മാ​യി പ്രയോ​ജ​ന​പ്പെ​ടു​ത്തി​ക്കൊണ്ട്‌ പരിശീ​ലനം നേടുക. ഇത്തരം പരിശീ​ലനം നൽകാ​നാണ്‌ ദിവ്യാ​ധി​പത്യ ശുശ്രൂ​ഷാ​സ്‌കൂ​ളും സേവന​യോ​ഗ​വും മുഖ്യ​മാ​യി നടത്തു​ന്നത്‌. എങ്കിലും, ദൈവ​വ​ചനം പഠിപ്പി​ക്കാ​നുള്ള പരിശീ​ലനം മറ്റു യോഗ​ങ്ങ​ളിൽനി​ന്നും നമുക്കു ലഭിക്കു​ന്നു.

⁴ ആഴമേ​റിയ തിരു​വെ​ഴു​ത്തു സത്യങ്ങൾ ലളിത​മായ രീതി​യിൽ പഠിപ്പി​ക്കാൻ ശ്രമി​ക്കുക. ശുശ്രൂ​ഷാ​സ്‌കൂൾ പുസ്‌ത​ക​ത്തി​ന്റെ 227-ാം പേജ്‌ ഇങ്ങനെ വിശദീ​ക​രി​ക്കു​ന്നു: “വിഷയം മറ്റുള്ള​വർക്കു മനസ്സി​ലാ​കുന്ന വിധത്തിൽ അവതരി​പ്പി​ക്കാൻ നിങ്ങൾക്കു കഴിയ​ണ​മെ​ങ്കിൽ നിങ്ങൾതന്നെ അതു വ്യക്തമാ​യി മനസ്സി​ലാ​ക്കേ​ണ്ട​തുണ്ട്‌.” യോഗ​ങ്ങ​ളിൽ അഭി​പ്രാ​യം പറയു​ന്നത്‌ പ്രധാന ആശയങ്ങൾ മനസ്സിൽ പതിയാൻ ഇടയാ​ക്കും. അതു പിന്നീട്‌ നമുക്ക്‌ പ്രയോ​ജ​ന​പ്പെ​ടു​ത്താ​നാ​കും. അതു​കൊണ്ട്‌ നന്നായി തയ്യാറാ​കുക, അപ്പോൾ മറ്റുള്ള​വരെ പഠിപ്പി​ക്കാ​നുള്ള നമ്മുടെ ആത്മവി​ശ്വാ​സം വർധി​ക്കും.

5. അധ്യാ​പ​ക​രെന്ന നിലയിൽ പുരോ​ഗ​മി​ക്കാൻ നമ്മെ സഹായി​ക്കു​ന്ന​തിന്‌ സഭയിൽനി​ന്നു മറ്റെന്തു പരിശീ​ല​ന​വും ലഭ്യമാണ്‌?

⁵ ആദ്യകാ​ലം തുടങ്ങി, ശിഷ്യ​രാ​ക്കൽ വേലയിൽ ഏർപ്പെ​ടവേ ക്രിസ്‌തീയ ശുശ്രൂ​ഷകർ സഹപ്ര​വർത്ത​ക​രിൽനി​ന്നു പലതും പഠിച്ചി​രു​ന്നു. (ലൂക്കൊ. 10:1) സാധി​ക്കു​മെ​ങ്കിൽ, പയനി​യർമാ​രും മൂപ്പന്മാ​രും സഞ്ചാര മേൽവി​ചാ​ര​ക​ന്മാ​രും ഉൾപ്പെടെ അനുഭ​വ​സ​മ്പ​ന്ന​രായ പ്രസാ​ധ​ക​രോ​ടൊ​പ്പം ബൈബി​ള​ധ്യ​യ​ന​ത്തിന്‌ പോകുക. തിരു​വെ​ഴു​ത്തു സത്യങ്ങൾ വിശദീ​ക​രി​ക്കാൻ പഠന പ്രസി​ദ്ധീ​ക​ര​ണ​ങ്ങ​ളി​ലെ ലളിത​മായ ദൃഷ്ടാ​ന്ത​ങ്ങ​ളും മറ്റു പഠനസ​ഹാ​യി​ക​ളും അവർ ഉപയോ​ഗി​ക്കു​ന്നത്‌ എങ്ങനെ​യെന്ന്‌ നിങ്ങൾക്കു ശ്രദ്ധി​ക്കാ​നാ​കും. പഠിപ്പി​ക്കൽ പ്രാപ്‌തി മെച്ച​പ്പെ​ടു​ത്താൻ നിങ്ങൾക്ക്‌ എന്തു​ചെ​യ്യാ​നാ​കും എന്ന്‌ അവരോ​ടു ചോദി​ക്കുക. (സദൃ. 1:5; 27:17) അത്തരം പരിശീ​ലനം ദൈവ​ത്തിൽനി​ന്നു​ള്ള​താ​ണെന്നു കരുതി അവയെ വിലമ​തി​ക്കുക.—2 കൊരി. 3:5.

6. ദൈവ​വ​ച​ന​ത്തി​ന്റെ ഒരു അധ്യാ​പ​ക​നാ​കാൻ എന്തു​ചെ​യ്യണം?

⁶ യഹോ​വ​യിൽ ആശ്രയി​ക്കുക, അവൻ നൽകുന്ന പരിശീ​ല​ന​ത്തിൽനി​ന്നു പ്രയോ​ജനം നേടുക. അഭിവൃ​ദ്ധി​പ്പെ​ടാ​നുള്ള നിങ്ങളു​ടെ ആഗ്രഹം പ്രാർഥ​ന​യിൽ ഉൾപ്പെ​ടു​ത്തുക. (സങ്കീ. 25:4, 5) അങ്ങനെ, നിങ്ങ​ളെ​പ്പോ​ലെ​തന്നെ, ദൈവ​വ​ച​ന​ത്തി​ന്റെ ഒരു അധ്യാ​പ​ക​നാ​കാൻ മറ്റൊ​രാ​ളെ സഹായി​ക്കു​ന്ന​തി​ലുള്ള സന്തോഷം നിങ്ങൾക്കും അനുഭ​വി​ക്കാ​നാ​കും!