‘സകലവും സുവി​ശേഷം നിമിത്തം ചെയ്യു​വിൻ’

1. ഒരു രാജ്യ​ഘോ​ഷകൻ മറ്റുള്ള​വർക്കാ​യി എന്തു ചെയ്യാൻ സന്നദ്ധനാ​യി​രി​ക്കണം, എന്തു​കൊണ്ട്‌?

¹ മറ്റുള്ള​വ​രോട്‌ സുവി​ശേഷം ഘോഷി​ക്കാ​നുള്ള കടപ്പാട്‌ തനിക്കു​ണ്ടെന്ന്‌ അപ്പൊ​സ്‌ത​ല​നായ പൗലൊ​സി​നു തോന്നി. (1 കൊരി. 9:16, 19, 23) സമാന​മാ​യി, മറ്റാളു​കൾക്കു നിത്യ​ജീ​വൻ ലഭിക്ക​ണ​മെന്ന നമ്മുടെ ആഗ്രഹം, എന്തു ശ്രമം ചെയ്‌തി​ട്ടാ​യാ​ലും അവരു​മാ​യി സുവി​ശേഷം പങ്കു​വെ​ക്കാൻ നമ്മെ പ്രേരി​പ്പി​ക്കും.

2. പ്രസം​ഗ​വേ​ല​യിൽ ഏതെല്ലാം പൊരു​ത്ത​പ്പെ​ടു​ത്ത​ലു​കൾ വരുത്താൻ നമുക്കാ​കും, എന്തു​കൊണ്ട്‌?

² ആളുകളെ കണ്ടെത്താൻ കഴിയുന്ന സ്ഥലത്തും സമയത്തും പ്രസം​ഗി​ക്കുക: ഒരു നല്ല മീൻപി​ടി​ത്ത​ക്കാ​രൻ തനിക്ക്‌ സൗകര്യ​മുള്ള സ്ഥലത്തും സമയത്തും ആയിരി​ക്കില്ല വലയി​റ​ക്കു​ന്നത്‌; മറിച്ച്‌ മത്സ്യത്തെ കണ്ടെത്താൻ ഏറ്റവും സാധ്യ​ത​യുള്ള സ്ഥലത്തും സമയത്തു​മാ​യി​രി​ക്കും. “മനുഷ്യ​രെ പിടി​ക്കുന്ന”വരായ നാമും, നമ്മുടെ പ്രദേ​ശത്തെ ആളുകളെ കണ്ടെത്താൻ തക്കവിധം ചില പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ട​തു​ണ്ടാ​യി​രി​ക്കാം. അങ്ങനെ​യാ​കു​മ്പോൾ “എല്ലാവക മീനും” ശേഖരി​ച്ചു​കൊണ്ട്‌ നമ്മുടെ പ്രസം​ഗ​വേല ആസ്വദി​ക്കാൻ നമുക്കാ​കും. (മത്താ. 4:19; 13:47) സായാ​ഹ്ന​ങ്ങ​ളിൽ ആളുകൾ വീട്ടിൽ കാണാൻ ഏറെ സാധ്യ​ത​യു​ള്ള​തു​കൊണ്ട്‌ ആ സമയത്ത്‌ നിങ്ങൾക്ക്‌ സാക്ഷീ​ക​ര​ണ​വേ​ല​യിൽ ഏർപ്പെ​ടാൻ കഴിയു​മോ? അതു​പോ​ലെ രാവിലെ സമയങ്ങ​ളിൽ റെയിൽവേ സ്റ്റേഷനു​ക​ളി​ലും ബസ്സ്‌ സ്റ്റാൻഡു​ക​ളി​ലും അനൗപ​ചാ​രി​ക​മാ​യി സാക്ഷീ​ക​രി​ക്കാൻ നിങ്ങൾക്കു സാധി​ക്കു​മോ? സുവി​ശേ​ഷ​ത്തി​നു സമഗ്ര​സാ​ക്ഷ്യം വഹിക്കുക എന്നതാ​യി​രു​ന്നു പൗലൊ​സി​ന്റെ ലക്ഷ്യം. ലഭ്യമായ അവസര​ങ്ങ​ളെ​ല്ലാം അവൻ ഉചിത​മാ​യി ഉപയോ​ഗി​ക്കു​ക​യും ചെയ്‌തു.—പ്രവൃ. 17:17; 20:20, 24.

3, 4. ശുശ്രൂ​ഷ​യി​ലാ​യി​രി​ക്കെ അവതര​ണ​ങ്ങ​ളോ​ടുള്ള ബന്ധത്തിൽ എന്തു ചെയ്യാൻ കഴിയും, അതിന്‌ എന്തു ഫലങ്ങൾ ഉണ്ടാകും?

³ ആവശ്യാ​നു​സ​രണം അവതര​ണ​ങ്ങ​ളിൽ മാറ്റം​വ​രു​ത്തുക: ഏതുതരം മത്സ്യത്തെ പിടി​ക്കണം എന്നതനു​സ​രിച്ച്‌ മീൻപി​ടി​ത്ത​ക്കാർ മീൻ പിടി​ക്കുന്ന രീതിക്കു മാറ്റം​വ​രു​ത്താ​റുണ്ട്‌. നമ്മുടെ പ്രദേ​ശത്തെ ആളുകൾക്ക്‌ ആകർഷ​ക​മായ വിധത്തിൽ നമു​ക്കെ​ങ്ങനെ രാജ്യ​സു​വാർത്ത അവതരി​പ്പി​ക്കാൻ കഴിയും? ആളുകൾക്ക്‌ പൊതു​വെ താത്‌പ​ര്യ​മുള്ള വിഷയ​ത്തെ​ക്കു​റിച്ച്‌ പരാമർശി​ച്ച​ശേഷം അവരുടെ അഭി​പ്രാ​യം ശ്രദ്ധി​ച്ചു​കേൾക്കുക. (യാക്കോ. 1:19) അവരുടെ മനസ്സി​ലു​ള്ളത്‌ അറിയാൻ ഒരു വീക്ഷണ​ചോ​ദ്യം ചോദി​ക്കുക. (സദൃ. 20:5) അതനു​സ​രിച്ച്‌ വ്യക്തി​പ​ര​മാ​യി അവരെ ആകർഷി​ക്കുന്ന വിധത്തിൽ നമ്മുടെ അവതര​ണ​ത്തിൽ മാറ്റം​വ​രു​ത്താൻ കഴിയും. നാം സംസാ​രി​ച്ചു​തു​ട​ങ്ങു​മ്പോൾത്തന്നെ വീട്ടു​കാ​രൻ അസ്വസ്ഥത പ്രകടി​പ്പി​ക്കു​ന്ന​താ​യി തോന്നു​ന്നെ​ങ്കിൽ സൗഹൃ​ദ​ത്തോ​ടെ സംഭാ​ഷണം അവസാ​നി​പ്പിച്ച്‌ പെട്ടെന്ന്‌ അവി​ടെ​നി​ന്നു പോകുക. താൻ “എല്ലാവർക്കും എല്ലാമാ​യി​ത്തീർന്നു” എന്ന്‌ പൗലൊസ്‌ പറയു​ക​യു​ണ്ടാ​യി. (1 കൊരി. 9:22) മേൽപ്പ​റ​ഞ്ഞ​വി​ധം അവതര​ണ​ത്തിൽ മാറ്റം​വ​രു​ത്തു​ന്നത്‌ ആളുക​ളു​ടെ ഹൃദയത്തെ സ്‌പർശി​ക്കു​ക​തന്നെ ചെയ്യും.

⁴ ആളുക​ളോട്‌ ‘നന്മ സുവി​ശേ​ഷി​ക്കു​ന്നത്‌’ എത്ര ആനന്ദദാ​യ​ക​മായ ഒരു വേലയാണ്‌! (യെശ. 52:7) “സകലവും സുവി​ശേഷം നിമിത്തം” ചെയ്‌തു​കൊണ്ട്‌ നമുക്ക്‌ കഴിയു​ന്നത്ര ആളുക​ളു​ടെ പക്കൽ ആ സദ്വാർത്ത എത്തിക്കാം.—1 കൊരി. 9:23.