വായനാ​പ്രാ​പ്‌തി കുറവു​ള്ള​വരെ പഠിപ്പി​ക്കു​ക

1. ശുശ്രൂ​ഷ​യിൽ നാം എന്തു വെല്ലു​വി​ളി നേരി​ട്ടേ​ക്കാം?

¹ ശുശ്രൂ​ഷ​യി​ലാ​യി​രി​ക്കെ, വായി​ക്കാൻ ബുദ്ധി​മു​ട്ടു​ള്ള​വരെ സത്യം പഠിപ്പി​ക്കു​ക​യെന്ന വെല്ലു​വി​ളി ചില​പ്പോ​ഴൊ​ക്കെ നാം നേരി​ട്ടേ​ക്കാം. നമു​ക്കെന്തു ചെയ്യാൻ കഴിയും?

2. പരിമി​ത​മായ വായനാ​പ്രാ​പ്‌തി​യു​ള്ള​വ​രോട്‌ നാം എങ്ങനെ, എന്തു​കൊണ്ട്‌ ആദരവ്‌ കാണി​ക്കു​ന്നു?

² ആദര​വോ​ടെ: ഒരു വ്യക്തി​യു​ടെ വിദ്യാ​ഭ്യാ​സമല്ല, പിന്നെ​യോ ഹൃദയ​നി​ല​യാണ്‌ യഹോ​വ​യ്‌ക്കു പ്രധാനം. (1 ശമൂ. 16:7; സദൃ. 21:2) അതു​കൊണ്ട്‌ പരിമി​ത​മായ വായനാ​പ്രാ​പ്‌തി​യു​ള്ള​വരെ നാം കുറഞ്ഞ​വ​രാ​യി വീക്ഷി​ക്കു​ന്നില്ല. ഒരു വാക്യ​മോ ഖണ്ഡിക​യോ വായി​ക്കാൻ നിർബ​ന്ധി​ക്കാ​തി​രു​ന്നു​കൊ​ണ്ടും മറ്റും ആദര​വോ​ടെ​യും ക്ഷമയോ​ടെ​യും ഇടപെ​ടു​ന്ന​പക്ഷം അത്തരക്കാർ എളുപ്പം നമ്മുടെ സഹായം സ്വീക​രി​ച്ചേ​ക്കാം. (1 പത്രോ. 3:15) വില​യേ​റിയ ബൈബിൾസ​ത്യ​ങ്ങൾ ഒന്നൊ​ന്നാ​യി പഠിക്കവേ, വായനാ​പ്രാ​പ്‌തി മെച്ച​പ്പെ​ടു​ത്താ​നും ദൈവ​വ​ചനം “രാപ്പകൽ മന്ദസ്വ​ര​ത്തിൽ” (NW) വായി​ക്കു​ന്ന​തി​ന്റെ സന്തോഷം രുചി​ച്ച​റി​യാ​നും ഒരാൾ കൂടുതൽ പ്രേരി​ത​നാ​യേ​ക്കാം.—സങ്കീ. 1:2, 3.

3. പരിമി​ത​മായ വായനാ​പ്രാ​പ്‌തി​യു​ള്ള​വരെ പഠിപ്പി​ക്കാൻ ഏത്‌ അധ്യയന രീതികൾ ഉപയോ​ഗി​ക്കാം?

³ വിവിധ അധ്യയന രീതികൾ: പഠിക്കാ​നും കാര്യങ്ങൾ ഓർത്തി​രി​ക്കാ​നും ചിത്രങ്ങൾ വലിയ സഹായ​മാണ്‌. അധ്യയ​ന​ത്തിന്‌ ഉപയോ​ഗി​ക്കുന്ന പ്രസി​ദ്ധീ​ക​ര​ണ​ത്തി​ലെ ഒരു ചിത്ര​ത്തെ​ക്കു​റിച്ച്‌ വിദ്യാർഥി​യോട്‌ അഭി​പ്രാ​യം ചോദി​ക്കാ​വു​ന്ന​താണ്‌. തുടർന്ന്‌, അത്‌ എന്താണു പഠിപ്പി​ക്കു​ന്ന​തെന്നു കാണാൻ സഹായി​ക്കുന്ന ചോദ്യ​ങ്ങൾ ചോദി​ക്കുക. കൂടാതെ, ചിത്ര​ത്തി​ന്റെ ചില വശങ്ങൾ വ്യക്തമാ​ക്കുന്ന തിരു​വെ​ഴു​ത്തു​കൾ ഉപയോ​ഗി​ക്കുക. അധ്യാ​യ​ത്തി​ന്റെ പുനര​വ​ലോ​ക​ന​ത്തി​നും ചിത്രങ്ങൾ ഉപയോ​ഗി​ക്കാ​വു​ന്ന​താണ്‌. ഒരു അധ്യയ​ന​ത്തിൽ വളരെ​ക്കൂ​ടു​തൽ പാഠ്യ​ഭാ​ഗം ഉൾപ്പെ​ടു​ത്ത​രുത്‌. പാഠത്തി​ന്റെ വിഷയ​വും മുഖ്യ​പോ​യി​ന്റു​ക​ളും ഊന്നി​പ്പ​റ​യു​ക​യും പാഠ്യ​ഭാ​ഗ​ത്തോ​ടു പറ്റിനിൽക്കു​ക​യും ചെയ്യുക. തിരു​വെ​ഴു​ത്തു​കൾ ബൈബി​ളിൽനി​ന്നു നേരിട്ടു വായി​ക്കു​ക​യും വായി​ക്കുന്ന കാര്യങ്ങൾ വിദ്യാർഥി​ക്കു മനസ്സി​ലാ​കു​ന്നു​ണ്ടെന്ന്‌ ഉറപ്പു​വ​രു​ത്താൻ ചോദ്യ​ങ്ങൾ ചോദി​ക്കു​ക​യും ചെയ്യുക. വായനാ​പ്രാ​പ്‌തി മെച്ച​പ്പെ​ടു​ത്തി​ക്കൊണ്ട്‌ കൂടുതൽ ബൈബിൾസ​ത്യ​ങ്ങൾ സ്വന്തമാ​യി തേടി​ക്ക​ണ്ടെ​ത്താ​നുള്ള വിദ്യാർഥി​യു​ടെ ആഗ്രഹത്തെ അതു ശക്തമാ​ക്കി​യേ​ക്കാം.

4. വായനാ​പ്രാ​പ്‌തി മെച്ച​പ്പെ​ടു​ത്താൻ വിദ്യാർഥി​യെ നമു​ക്കെ​ങ്ങനെ സഹായി​ക്കാം?

⁴ വായന മെച്ച​പ്പെ​ടു​ത്താ​നുള്ള സഹായി​കൾ: പരിമി​ത​മായ വായനാ​പ്രാ​പ്‌തി​യു​ള്ള​വ​രോ ഒഴു​ക്കോ​ടെ വായി​ക്കാൻ പഠിക്കു​ന്ന​തിന്‌ അവസരം ലഭിച്ചി​ട്ടി​ല്ലാ​ത്ത​വ​രോ ആയവർക്ക്‌ വിവരങ്ങൾ എളുപ്പം ഗ്രഹി​ക്കാ​നും ഓർത്തി​രി​ക്കാ​നും കഴി​ഞ്ഞെ​ന്നു​വ​രും. നമ്മുടെ പ്രസി​ദ്ധീ​ക​ര​ണ​ങ്ങ​ളു​ടെ ലഭ്യമാ​യി​ട്ടുള്ള ഓഡി​യോ റെക്കോർഡി​ങ്ങു​കൾ ഉപയോ​ഗി​ക്കാൻ നിങ്ങൾക്ക​വരെ പ്രോ​ത്സാ​ഹി​പ്പി​ക്കാ​വു​ന്ന​താണ്‌. പ്രസി​ദ്ധീ​ക​ര​ണ​ത്തിൽ നോക്കി​ക്കൊണ്ട്‌ വായന ശ്രദ്ധി​ക്കു​ന്ന​തും—അതോ​ടൊ​പ്പം മന്ദസ്വ​ര​ത്തിൽ അത്‌ വായി​ക്കു​ന്ന​തും—വായനാ​പ്രാ​പ്‌തി മെച്ച​പ്പെ​ടു​ത്താൻ സഹായി​ക്കും. ചില സഭകളിൽ മൂപ്പന്മാർ വായനാ​ക്ലാ​സ്സു​കൾ ഏർപ്പെ​ടു​ത്താ​റുണ്ട്‌. “രക്ഷ പ്രാപി​ക്കു​ന്ന​തി​നു . . . ജ്ഞാനി​യാ​ക്കാൻ പര്യാ​പ്‌ത​മായ തിരു​വെ​ഴു​ത്തു​കൾ” മനസ്സി​ലാ​ക്കു​ന്ന​തിന്‌ പരിമി​ത​മായ വായനാ​പ്രാ​പ്‌തി​യു​ള്ള​വരെ സഹായി​ക്കാൻ ഈ പ്രാ​യോ​ഗിക നിർദേ​ശങ്ങൾ പരീക്ഷി​ച്ചു​നോ​ക്കുക.—2 തിമൊ. 3:15.