വായി​ക്കാൻ പ്രയാ​സ​മു​ള്ള​വരെ എങ്ങനെ സഹായി​ക്കാം?

1. വായി​ക്കാൻ പ്രയാ​സ​മു​ള്ള​വരെ ബൈബിൾ പഠിപ്പി​ക്കു​ന്ന​തിൽ എന്തു വെല്ലു​വി​ളി​യാണ്‌ ഉള്ളത്‌?

¹ ചില വീട്ടു​കാർക്കു വായി​ക്കാൻ പ്രയാ​സ​മു​ണ്ടെ​ങ്കി​ലും ആത്മീയ​കാ​ര്യ​ങ്ങ​ളിൽ താത്‌പ​ര്യം കണ്ടേക്കാം. എന്നാൽ ബൈബി​ളും മറ്റു പുസ്‌ത​ക​ങ്ങ​ളും കാണു​ന്നത്‌ അവരെ ഭയപ്പെ​ടു​ത്തി​യേ​ക്കാം. ഇങ്ങനെ​യു​ള്ള​വർക്കു ബൈബിൾ പഠിപ്പി​ക്കു​ന്നു പുസ്‌തകം സമർപ്പി​ക്കു​ന്ന​തു​കൊണ്ട്‌ തുടക്ക​ത്തിൽ വലിയ ഫലം ലഭി​ച്ചേ​ക്കില്ല. അത്തരക്കാ​രെ ആത്മീയ​മാ​യി നമു​ക്കെ​ങ്ങനെ സഹായി​ക്കാം? 20 രാജ്യ​ങ്ങ​ളിൽനി​ന്നുള്ള അനുഭ​വ​പ​രി​ച​യ​മുള്ള പ്രസാ​ധ​ക​രോട്‌ അവർ ചെയ്യു​ന്ന​തെ​ന്താ​ണെന്നു ഞങ്ങൾ ചോദി​ച്ചു. അവരുടെ അഭി​പ്രാ​യങ്ങൾ താഴെ കൊടു​ത്തി​രി​ക്കു​ന്നു.

2. വായി​ക്കാൻ പ്രയാ​സ​മുള്ള ഒരുവനെ സഹായി​ക്കു​ന്ന​തിൽ ഏത്‌ ഉപകര​ണ​ങ്ങ​ളാണ്‌ ഫലപ്രദം?

² ഒരു വിദ്യാർഥി​ക്കു വായനാ​പ്രാ​പ്‌തി കുറവാ​യി​രി​ക്കു​ക​യോ തീർത്തും ഇല്ലാതി​രി​ക്കു​ക​യോ ആണെങ്കിൽ, ദൈവം പറയു​ന്നതു കേൾക്കു​വിൻ!, ദൈവം പറയു​ന്നതു കേൾക്കു​വിൻ! എന്നേക്കും ജീവി​ക്കു​വിൻ! എന്നതിൽ ഏതെങ്കി​ലും ഒരു ലഘുപ​ത്രിക ഉപയോ​ഗി​ച്ചു​കൊണ്ട്‌ തുടങ്ങാ​വു​ന്ന​താണ്‌. ഐക്യ​നാ​ടു​ക​ളിൽനി​ന്നുള്ള ഒരു പയനിയർ ഈ രണ്ടു ലഘുപ​ത്രി​ക​ക​ളും കാണി​ച്ചിട്ട്‌ ഏതാണ്‌ അവർക്കു കൂടുതൽ ഇഷ്ടപ്പെ​ട്ടത്‌ എന്നു ചോദി​ക്കു​ന്നു. കെനി​യ​യി​ലെ ബ്രാ​ഞ്ചോ​ഫീസ്‌ റിപ്പോർട്ട്‌ ചെയ്യുന്ന പ്രകാരം ഈ ഉപകര​ണങ്ങൾ ആഫ്രിക്കൻ സമൂഹ​ത്തിൽ വളരെ ഫലപ്ര​ദ​മാണ്‌, കാരണം പരമ്പരാ​ഗ​ത​മാ​യി ആളുകൾ പഠിപ്പി​ക്ക​പ്പെ​ട്ടി​രി​ക്കു​ന്നത്‌ ചോ​ദ്യോ​ത്തര ചർച്ചക​ളി​ലൂ​ടെയല്ല മറിച്ച്‌ കഥ പറച്ചി​ലി​ലൂ​ടെ​യാണ്‌. വിദ്യാ​സ​മ്പ​ന്ന​നായ ഒരുവൻ വായന​യും ചോ​ദ്യോ​ത്ത​ര​രീ​തി​യും എളുപ്പ​ത്തിൽ സ്വീക​രി​ച്ചേ​ക്കാ​മെ​ങ്കി​ലും അത്‌, കാര്യ​മായ വിദ്യാ​ഭ്യാ​സ​മി​ല്ലാത്ത വ്യക്തിക്ക്‌ അസ്വസ്ഥത ഉളവാ​ക്കി​യേ​ക്കാം. വിദ്യാർഥി​ക്കു കുറ​ച്ചെ​ങ്കി​ലും വായനാ​പ്രാ​പ്‌തി ഉണ്ടെങ്കിൽ തുടക്ക​ത്തിൽത്തന്നെ പല പ്രസാ​ധ​ക​രും ദൈവ​ത്തിൽനി​ന്നുള്ള സുവാർത്ത!, എന്റെ ബൈബിൾ കഥാപു​സ്‌തകം എന്നീ പ്രസി​ദ്ധീ​ക​ര​ണങ്ങൾ ഉപയോ​ഗി​ക്കാൻ ഇഷ്ടപ്പെ​ടു​ന്നു.

3. വായി​ക്കാൻ കഴിയാ​ത്ത​വരെ സംബന്ധിച്ച്‌ എന്ത്‌ മനസ്സി​ലാ​ക്കു​ന്ന​താണ്‌ ഫലപ്ര​ദ​മാ​യി പഠിപ്പി​ക്കാൻ നമ്മെ സഹായി​ക്കു​ന്നത്‌?

³ അഭിന​ന്ദി​ക്കുക: വായി​ക്കാൻ പഠിച്ചി​ട്ടി​ല്ലാ​ത്ത​വർക്കു ലജ്ജ തോന്നി​യേ​ക്കാം, അവരിൽ അനേക​രും ആത്മവി​ശ്വാ​സം ഇല്ലാത്ത​വ​രു​മാണ്‌. സത്യം പഠിപ്പി​ക്കു​ന്ന​തി​ലെ ആദ്യ പടി അവരുടെ ഭയങ്ങൾ അകറ്റാൻ സഹായി​ക്കു​ക​യെ​ന്ന​താണ്‌. വായി​ക്കാൻ അറിയാത്ത മിക്കവ​രും ബുദ്ധി​യു​ള്ള​വ​രും പഠിക്കാൻ കഴിവു​ള്ള​വ​രും ആണ്‌. അർഹി​ക്കുന്ന ബഹുമാ​നം കൊടു​ത്തു​കൊണ്ട്‌ അവരോ​ടു മാന്യ​മാ​യി പെരു​മാ​റുക. (1 പത്രോ. 3:15) തങ്ങളുടെ ശ്രമങ്ങൾ അർഥപൂർണ​വും ആത്മീയ പുരോ​ഗതി കൈവ​രു​ത്തു​ന്ന​തും ആണെന്നു കാണു​മ്പോൾ അവർ അധ്യയനം തുടരാൻ പ്രേരി​ത​രാ​കും. അതിനാൽ അവരെ അകമഴിഞ്ഞ്‌ അഭിന​ന്ദി​ക്കുക.

4. വായനാ​പ്രാ​പ്‌തി കുറഞ്ഞ​വരെ അധ്യയ​ന​ത്തി​നു തയ്യാറാ​കാൻ നമുക്ക്‌ എങ്ങനെ പ്രോ​ത്സാ​ഹി​പ്പി​ക്കാ​നാ​കും?

⁴ വിദ്യാർഥി​ക്കു വായനാ​പ്രാ​പ്‌തി പരിമി​ത​മാ​ണെ​ങ്കി​ലും അധ്യയ​ന​ത്തിന്‌ തയ്യാറാ​കാൻ പ്രോ​ത്സാ​ഹി​പ്പി​ക്കുക. നന്നായി വായി​ക്കാൻ അറിയുന്ന ഒരു കുടും​ബാം​ഗ​ത്തി​ന്റെ​യോ സുഹൃ​ത്തി​ന്റെ​യോ സഹായം തേടാൻ സൗത്ത്‌ ആഫ്രി​ക്ക​യി​ലെ ചില പ്രസാ​ധകർ വിദ്യാർഥി​കളെ പ്രോ​ത്സാ​ഹി​പ്പി​ക്കു​ന്നു. ബ്രിട്ട​നി​ലുള്ള ഒരു പ്രസാ​ധകൻ അധ്യയ​ന​ത്തി​നി​ടെ ഏതാനും ഖണ്ഡികകൾ നോക്കാ​നാ​യി അടിവ​ര​യിട്ട തന്റെ പുസ്‌തകം വിദ്യാർഥി​ക്കു കൊടു​ക്കു​ന്നു. അങ്ങനെ, അടിവര ഇട്ടിരി​ക്കു​മ്പോൾ ഉത്തരങ്ങൾ കണ്ടെത്തുക എത്ര എളുപ്പ​മാ​ണെന്നു വിദ്യാർഥി​കളെ കാണി​ച്ചു​കൊ​ടു​ത്തു​കൊണ്ട്‌ അതു​പോ​ലെ തയ്യാറാ​കാൻ പ്രചോ​ദി​പ്പി​ക്കു​ന്നു. ഇന്ത്യയി​ലുള്ള ഒരു സഹോ​ദരൻ, പിറ്റെ ആഴ്‌ച​യിൽ പഠിക്കേണ്ട പാഠത്തി​ലെ ചിത്രങ്ങൾ നോക്കി​ക്കൊ​ണ്ടു​വ​രാ​നും അവയെ​ക്കു​റി​ച്ചു മുന്നമേ ധ്യാനി​ക്കാ​നും തന്റെ വിദ്യാർഥി​കളെ പ്രോ​ത്സാ​ഹി​പ്പി​ക്കു​ന്നു.

5. അധ്യയനം നിർവ​ഹി​ക്കു​മ്പോൾ നമുക്ക്‌ എങ്ങനെ ക്ഷമ കാണി​ക്കാ​നാ​കും?

⁵ ക്ഷമ കാണി​ക്കുക: നിങ്ങൾ ഏത്‌ പ്രസി​ദ്ധീ​ക​രണം ഉപയോ​ഗി​ച്ചാ​ലും, മുഖ്യ ആശയങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കുക, അത്‌ നന്നായി മനസ്സി​ലാ​ക്കാൻ വിദ്യാർഥി​യെ സഹായി​ക്കുക. തുടക്ക​ത്തിൽ, 10 മുതൽ 15 മിനിറ്റു വരെയുള്ള ചർച്ചക​ളാണ്‌ ഉചിതം. ഓരോ അധ്യയ​ന​ത്തി​ലും കൂടുതൽ പഠന ഭാഗം ഉൾപ്പെ​ടു​ത്താ​തെ കുറച്ചു ഖണ്ഡികകൾ മാത്രം പഠിപ്പി​ക്കുക. വിദ്യാർഥി സാവധാ​ന​മാ​ണു വായി​ക്കു​ന്ന​തെ​ങ്കിൽ ക്ഷമ കാണി​ക്കുക. യഹോ​വ​യോ​ടുള്ള വിലമ​തിപ്പ്‌ വർധിച്ചു വരുന്ന​ത​നു​സ​രിച്ച്‌ തന്റെ വായനാ​പ്രാ​പ്‌തി മെച്ച​പ്പെ​ടു​ത്താൻ അദ്ദേഹം പ്രചോ​ദി​ത​നാ​യേ​ക്കാം. അതിന്‌ അദ്ദേഹത്തെ സഹായി​ക്കാൻ ആരംഭ​ത്തിൽതന്നെ യോഗ​ങ്ങൾക്കു ക്ഷണിക്കു​ന്നതു നല്ലതാണ്‌.

6. വായി​ക്കാൻ പഠിക്കാൻ വ്യക്തി​കളെ നമു​ക്കെ​ങ്ങനെ സഹായി​ക്കാ​നാ​കും?

⁶ ബൈബിൾ വിദ്യാർഥി​കൾ വായി​ക്കാൻ പഠിക്കു​മ്പോൾ, വേഗത്തിൽ ആത്മീയ പുരോ​ഗതി കൈവ​രി​ക്കും. (സങ്കീ. 1:1-3) പലരും തങ്ങളുടെ വിദ്യാർഥി​കളെ ഓരോ അധ്യയ​ന​ത്തി​നു​ശേ​ഷ​വും ഏതാനും മിനി​റ്റു​കൾ എടുത്തു​കൊണ്ട്‌ എഴുത്തും വായന​യും പഠിക്കാൻ സഹായി​ക്കും. എഴുത്തും വായന​യും പഠിക്കു​ന്ന​തിൽ ഉത്സുക​രാ​യി​രി​ക്കുക (ഇംഗ്ലീഷ്‌) എന്ന പ്രസി​ദ്ധീ​ക​രണം തങ്ങളുടെ ഭാഷയിൽ ഉണ്ടെങ്കിൽ അതോ മറ്റേ​തെ​ങ്കി​ലും ലൗകിക പ്രസി​ദ്ധീ​ക​ര​ണ​മോ ഇതിനാ​യി ഉപയോ​ഗി​ക്കും. വിദ്യാർഥി നിരു​ത്സാ​ഹി​ത​നാ​കു​ന്നെ​ങ്കിൽ, ആത്മവി​ശ്വാ​സം വർധി​പ്പി​ക്കാ​നാ​യി, ഇപ്പോൾത്തന്നെ അദ്ദേഹം ചെയ്യാൻ പഠിച്ച കാര്യങ്ങൾ കാണി​ച്ചു​കൊ​ടു​ക്കുക. അദ്ദേഹ​ത്തി​ന്റെ ശ്രമങ്ങളെ യഹോവ അനു​ഗ്ര​ഹി​ക്കു​മെന്ന്‌ ഉറപ്പു​കൊ​ടു​ക്കുക, സഹായ​ത്തി​നാ​യി പ്രാർഥി​ക്കാൻ അദ്ദേഹത്തെ പ്രോ​ത്സാ​ഹി​പ്പി​ക്കുക. (സദൃ. 16:3; 1 യോഹ. 5:14, 15) ബ്രിട്ട​നി​ലെ ചില പ്രസാ​ധകർ ന്യായ​യു​ക്ത​വും എന്നാൽ പുരോ​ഗ​മ​നാ​ത്മ​ക​മായ ലക്ഷ്യങ്ങൾവെച്ചു പ്രവർത്തി​ക്കാൻ തങ്ങളുടെ വിദ്യാർഥി​കളെ പ്രോ​ത്സാ​ഹി​പ്പി​ക്കു​ന്നു—തുടക്ക​ത്തിൽ ഒരുപക്ഷേ അക്ഷരമാ​ല​യിൽ പ്രാവീ​ണ്യം നേടാ​നും തുടർന്ന്‌ തിര​ഞ്ഞെ​ടുത്ത തിരു​വെ​ഴു​ത്തു​കൾ കണ്ടെത്താ​നും വായി​ക്കാ​നും അവസാ​ന​മാ​യി ലളിത​വ​ത്‌ക​രി​ക്ക​പ്പെട്ട ബൈബിൾ പ്രസി​ദ്ധീ​ക​രണം വായി​ക്കാ​നും. വായി​ക്കാൻ പഠിപ്പി​ക്കു​ന്ന​തിൽ, അത്‌ എങ്ങനെ ചെയ്യണം എന്ന്‌ പഠിപ്പി​ക്കു​ന്ന​തി​നെ​ക്കാൾ വായി​ക്കാ​നുള്ള ആഗ്രഹം ജനിപ്പി​ക്കു​ന്ന​താണ്‌ ഉൾപ്പെ​ട്ടി​രി​ക്കു​ന്നത്‌.

7. വായി​ക്കാൻ പ്രയാ​സ​മു​ള്ള​വ​രു​ടെ മുമ്പാകെ സത്യം അവതരി​പ്പി​ക്കു​ന്ന​തിൽനി​ന്നും പിന്മാ​റ​രു​താ​ത്തത്‌ എന്തു​കൊണ്ട്‌?

⁷ ലൗകിക വിദ്യാ​ഭ്യാ​സം കുറവു​ള്ള​വരെ യഹോവ താഴ്‌ന്ന​വ​രാ​യി കാണു​ന്നില്ല. (ഇയ്യോ. 34:19) യഹോവ പരി​ശോ​ധി​ക്കു​ന്നത്‌ വ്യക്തി​ക​ളു​ടെ ഹൃദയ​ത്തെ​യാണ്‌. (1 ദിന. 28:9) അതു​കൊണ്ട്‌ വായി​ക്കാൻ പ്രയാ​സ​മു​ള്ള​വ​രു​ടെ മുമ്പാകെ സത്യം അവതരി​പ്പി​ക്കു​ന്ന​തിൽനി​ന്നും പിന്മാ​റ​രുത്‌. നിങ്ങൾക്കു തുടക്കം കുറി​ക്കാ​നാ​യി അനേകം ഫലപ്ര​ദ​മായ ഉപകര​ണ​ങ്ങ​ളുണ്ട്‌. ക്രമേണ ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ലേക്ക്‌ അധ്യയനം മാറ്റി​ക്കൊണ്ട്‌ തിരു​വെ​ഴു​ത്തു​ക​ളെ​ക്കു​റിച്ച്‌ ആകമാന ഗ്രാഹ്യം നൽകാ​നു​മാ​കും.

[6-ാം പേജിലെ ആകർഷക വാക്യം]

വായിക്കാൻ പഠിച്ചി​ട്ടി​ല്ലാ​ത്ത​വർക്കു ലജ്ജ തോന്നി​യേ​ക്കാം, അവരിൽ അനേക​രും ആത്മവി​ശ്വാ​സം ഇല്ലാത്ത​വ​രു​മാണ്‌. സത്യം പഠിപ്പി​ക്കു​ന്ന​തി​ലെ ആദ്യ പടി അവരുടെ ഭയങ്ങൾ അകറ്റാൻ സഹായി​ക്കു​ക​യെ​ന്ന​താണ്‌

[6-ാം പേജിലെ ചതുരം]

വീട്ടുകാരന്‌ വായി​ക്കാ​നാ​കു​ന്നി​ല്ലെ​ങ്കിൽ, ഇതു പരീക്ഷി​ക്കുക:

• തുടക്ക​ത്തിൽ ദൈവം പറയു​ന്നതു കേൾക്കു​വിൻ!, ദൈവം പറയു​ന്നതു കേൾക്കു​വിൻ! എന്നേക്കും ജീവി​ക്കു​വിൻ! എന്നതോ അല്ലെങ്കിൽ മറ്റ്‌ ഉചിത​മായ പ്രസി​ദ്ധീ​ക​ര​ണ​മോ ഉപയോ​ഗി​ക്കുക.

• അദ്ദേഹ​ത്തോ​ടു മാന്യ​മാ​യി പെരു​മാ​റുക, അകമഴിഞ്ഞ്‌ അഭിന​ന്ദി​ക്കു​ക​യും ചെയ്യുക.

• ചർച്ച ഹ്രസ്വ​മാ​യി നടത്തുക, കൂടുതൽ പാഠഭാ​ഗങ്ങൾ ഉൾപ്പെ​ടു​ത്താ​തി​രി​ക്കുക.

• അദ്ദേഹ​ത്തി​ന്റെ വായനാ​പ്രാ​പ്‌തി വികസി​പ്പി​ക്കാൻ സഹായി​ക്കുക.

അദ്ദേഹം സത്യ​ത്തോ​ടു വിലമ​തി​പ്പും പഠിക്കാ​നുള്ള വാഞ്‌ഛ​യും പ്രകട​മാ​ക്കു​മ്പോൾ ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ലേക്ക്‌ അധ്യയനം മാറ്റാ​നാ​കും.