നമ്മൾ സദാ സമയവും സാക്ഷി​ക​ളാണ്‌

1. യേശു കിണറ്റു​ക​ര​യി​ലെ സ്‌ത്രീ​യോ​ടു സാക്ഷീ​ക​രി​ച്ച​തി​ന്റെ രേഖയിൽനിന്ന്‌ നമുക്ക്‌ എന്തു പഠിക്കാം?

¹ മണിക്കൂ​റു​കൾ നടന്ന്‌ യേശു നന്നേ ക്ഷീണി​ത​നാ​യി​രു​ന്നു. നല്ല ദാഹവും. ശിഷ്യ​ന്മാർ ഭക്ഷണം വാങ്ങാൻ പോയ നേരത്ത്‌ അവൻ, ഒരു ശമര്യ​ന​ഗ​ര​ത്തി​നു വെളി​യി​ലുള്ള കിണറി​നു സമീപം ഇരുന്നു വിശ്ര​മി​ക്കാൻ തീരു​മാ​നി​ച്ചു. ശമര്യ​യിൽ പ്രസം​ഗി​ക്കാൻ യേശു​വിന്‌ ഉദ്ദേശ​മൊ​ന്നും ഉണ്ടായി​രു​ന്നില്ല; കാരണം, ഗലീല​യിൽ തന്റെ ശുശ്രൂഷ തുടരു​ന്ന​തി​നാ​യി അവൻ അപ്പോൾ അങ്ങോട്ടു പോകു​ക​യാ​യി​രു​ന്നു. എന്നിരു​ന്നാ​ലും വെള്ളം കോരാൻ വന്ന ഒരു സ്‌ത്രീ​യോ​ടു സാക്ഷീ​ക​രി​ക്കാൻ അവൻ ആ അവസരം ഉപയോ​ഗ​പ്പെ​ടു​ത്തി. (യോഹ. 4:5-14) എന്തു​കൊണ്ട്‌? യേശു എല്ലായ്‌പോ​ഴും യഹോ​വ​യു​ടെ “വിശ്വ​സ്‌ത​നും സത്യവാ​നു​മായ സാക്ഷി”യായി​രു​ന്നു. (വെളി. 3:14) സദാ യഹോ​വ​യു​ടെ സാക്ഷികൾ ആയിരു​ന്നു​കൊണ്ട്‌ നാം യേശു​വി​നെ അനുക​രി​ക്കു​ന്നു.—1 പത്രോ. 2:21.

2. അനൗപ​ചാ​രിക സാക്ഷീ​ക​ര​ണ​ത്തി​നാ​യി നമുക്ക്‌ എങ്ങനെ തയ്യാറാ​യി​രി​ക്കാം?

² തയ്യാറാ​യി​രി​ക്കുക: എല്ലായ്‌പോ​ഴും സാഹി​ത്യ​ങ്ങൾ കൂടെ കരുതി​ക്കൊണ്ട്‌ അനൗപ​ചാ​രി​ക​മാ​യി സാക്ഷീ​ക​രി​ക്കാൻ നമുക്ക്‌ ഒരുങ്ങി​യി​രി​ക്കാം. പല പ്രസാ​ധ​ക​രും ലഘു​ലേ​ഖ​ക​ളോ മാസി​ക​ക​ളു​ടെ അനു​യോ​ജ്യ​മായ ലക്കങ്ങളോ കൈവശം വെക്കു​ക​യും കടയിൽ സാധനം എടുത്തു തരുന്ന​വർക്കോ പെ​ട്രോൾ അടിച്ചു​ത​രു​ന്ന​വർക്കോ കണ്ടുമു​ട്ടുന്ന മറ്റാർക്കെ​ങ്കി​ലു​മോ ഒക്കെ അവ കൊടു​ക്കു​ക​യും ചെയ്യുന്നു. (സഭാ. 11:6) എന്നാൽ പ്രശ്‌നം ഉണ്ടാകാൻ സാധ്യ​ത​യുള്ള പ്രദേ​ശ​ങ്ങ​ളിൽ ശരിക്കും താത്‌പ​ര്യ​മു​ള്ള​വർക്കു മാത്രമേ സാഹി​ത്യ​ങ്ങൾ നൽകു​ന്നു​ള്ളു​വെന്ന്‌ ഉറപ്പു​വ​രു​ത്താൻ നാം പ്രത്യേ​കം ശ്രദ്ധി​ക്കണം.

3. നമുക്ക്‌ എങ്ങനെ സംഭാ​ഷ​ണ​ത്തി​നു തുടക്ക​മി​ടാ​നാ​യേ​ക്കും?

³ സംഭാ​ഷ​ണ​ത്തി​നു തുടക്ക​മി​ടുക: അനൗപ​ചാ​രി​ക​മാ​യി സാക്ഷീ​ക​രി​ക്കു​മ്പോൾ ആദ്യം​തന്നെ ഒരു തിരു​വെ​ഴു​ത്തു വിഷയം അവതരി​പ്പി​ക്കേ​ണ്ട​തില്ല. താൻ മിശി​ഹാ​യാ​ണെന്നു പറഞ്ഞു​കൊ​ണ്ടല്ല യേശു കിണറി​ങ്കൽവെച്ച്‌ ആ സ്‌ത്രീ​യോ​ടു സംസാ​രി​ച്ചു തുടങ്ങി​യത്‌. വെറുതെ കുടി​ക്കാൻ വെള്ളം ചോദി​ച്ചു​കൊണ്ട്‌ അവൻ അവളിൽ ജിജ്ഞാസ ഉണർത്തി. (യോഹ. 4:7-9) ഒരു സംഭാ​ഷ​ണ​ത്തി​നു തുടക്ക​മി​ടു​ന്ന​തിന്‌ സമാന​മായ ഒരു സമീപനം ഫലകര​മാ​ണെന്ന്‌ ഒരു സഹോ​ദരി കണ്ടെത്തി. ഏതെങ്കി​ലും ഒരു വിശേ​ഷ​ദി​വ​സ​ത്തി​ന്റെ ആഘോഷം എങ്ങനെ​യു​ണ്ടാ​യി​രു​ന്നു എന്ന്‌ ആരെങ്കി​ലും ചോദി​ക്കു​മ്പോൾ താൻ യഹോ​വ​യു​ടെ സാക്ഷി​യാ​യ​തു​കൊണ്ട്‌ ഇത്തരം ആഘോ​ഷ​ങ്ങ​ളൊ​ന്നും തനിക്കില്ല എന്നു പറയു​ന്ന​തി​നു പകരം, “ഇത്തരം ആഘോ​ഷ​ങ്ങ​ളൊ​ന്നും നടത്തേണ്ട എന്നതാണ്‌ എന്റെ വ്യക്തി​പ​ര​മായ തീരു​മാ​നം” എന്ന്‌ അവർ പറയും. അതു കേൾക്കു​ന്ന​യാൾ സ്വാഭാ​വി​ക​മാ​യും ‘അതെന്താ അങ്ങനെ’ എന്നു ചോദി​ക്കും. അത്‌ സാക്ഷീ​ക​ര​ണ​ത്തി​നുള്ള അവസര​മേ​കു​ന്നു.

4. മത്തായി 28:18-20 നിങ്ങൾക്കു പ്രചോ​ദ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁴ യേശു തന്റെ തീക്ഷ്‌ണ​മായ ഭൗമിക ശുശ്രൂഷ അവസാ​നി​പ്പി​ച്ചെ​ങ്കി​ലും താൻ ചെയ്‌ത​തു​പോ​ലെ പ്രസം​ഗ​വേല നടക്കു​ന്നതു കാണാൻ അവൻ അതിയാ​യി ആഗ്രഹി​ക്കു​ന്നു. (മത്താ. 28:18-20) അതു​കൊണ്ട്‌ നമ്മുടെ നായക​നായ യേശു​വി​നെ​പ്പോ​ലെ, ഏതു സമയത്തും നമ്മുടെ വിശ്വാ​സം പരസ്യ​മാ​യി ഘോഷി​ക്കാൻ തയ്യാറുള്ള സാക്ഷി​ക​ളാ​യി​രി​ക്കാം നമുക്കും.—എബ്രാ. 10:23.