സുവാർത്ത പങ്കു​വെ​ക്കാ​നുള്ള യോഗ്യത എനിക്കു​ണ്ടോ?

1. സുവാർത്ത പങ്കു​വെ​ക്കാൻ നമുക്കു യോഗ്യ​ത​യി​ല്ലെന്നു ചിന്തി​ക്ക​രു​താ​ത്തത്‌ എന്തു​കൊണ്ട്‌?

¹ നിങ്ങൾക്ക്‌ എപ്പോ​ഴെ​ങ്കി​ലും അങ്ങനെ തോന്നി​യി​ട്ടു​ണ്ടെ​ങ്കിൽ അതിൽ വിഷമി​ക്കേണ്ട! നമ്മെ ശുശ്രൂ​ഷ​യ്‌ക്ക്‌ യോഗ്യ​രാ​ക്കു​ന്നത്‌ നമ്മുടെ വിദ്യാ​ഭ്യാ​സ​മോ ജന്മസി​ദ്ധ​മായ ഏതെങ്കി​ലും പ്രത്യേക കഴിവു​ക​ളോ അല്ല. “പഠിപ്പി​ല്ലാ​ത്ത​വ​രും സാധാ​ര​ണ​ക്കാ​രും” എന്നാണ്‌ ചില ആദിമ ശിഷ്യ​ന്മാ​രെ​ക്കു​റി​ച്ചു പറഞ്ഞി​രി​ക്കു​ന്നത്‌. എങ്കിലും യേശു​വി​ന്റെ മാതൃക പിൻപ​റ്റി​യ​തി​നാൽ അവർ സമർഥ​രായ സുവാർത്താ ഘോഷ​ക​രാ​യി​ത്തീർന്നു.—പ്രവൃ. 4:13; 1 പത്രോ. 2:21.

2. യേശു​വി​ന്റെ പഠിപ്പി​ക്കൽരീ​തി​യു​ടെ ചില പ്രത്യേ​ക​തകൾ എന്തായി​രു​ന്നു?

² യേശു പഠിപ്പിച്ച വിധം: ലളിത​വും ഗ്രഹി​ക്കാൻ എളുപ്പ​മു​ള്ള​തു​മാ​യി​രു​ന്നു യേശു​വി​ന്റെ പഠിപ്പി​ക്കൽ രീതികൾ. അവൻ പഠിപ്പിച്ച കാര്യങ്ങൾ ജീവി​ത​ത്തിൽ ബാധക​മാ​ക്കാൻ കഴിയു​ന്ന​തു​മാ​യി​രു​ന്നു. യേശു ഉപയോ​ഗിച്ച ചോദ്യ​ങ്ങൾ, ദൃഷ്ടാ​ന്തങ്ങൾ, ലളിത​മായ മുഖവു​രകൾ എന്നിവ​യെ​ല്ലാം ശ്രോ​താ​ക്ക​ളു​ടെ ശ്രദ്ധ പിടി​ച്ചു​പറ്റി. (മത്താ. 6:26) ആളുക​ളിൽ അവന്‌ ആത്മാർഥ താത്‌പ​ര്യ​വു​മു​ണ്ടാ​യി​രു​ന്നു. (മത്താ. 14:14) യേശു ആത്മവി​ശ്വാ​സ​ത്തോ​ടും ആധികാ​രി​ക​ത​യോ​ടും കൂടെ​യാ​ണു പ്രസം​ഗി​ച്ചത്‌. കാരണം, ആ നിയോ​ഗം തനിക്കു നൽകി​യത്‌ യഹോ​വ​യാ​ണെ​ന്നും അതു നിറ​വേ​റ്റാൻ അവൻ തന്നെ ശക്തനാ​ക്കു​മെ​ന്നും യേശു​വിന്‌ ഉറപ്പു​ണ്ടാ​യി​രു​ന്നു.—ലൂക്കോ. 4:18.

3. ശുശ്രൂഷ നിർവ​ഹി​ക്കാൻ യഹോവ നമ്മെ സഹായി​ക്കു​ന്നത്‌ എങ്ങനെ?

³ യഹോവ സഹായ​മേ​കു​ന്നു: ഫലകര​മാ​യി സുവാർത്ത പങ്കു​വെ​ക്കാൻവേണ്ട പരിശീ​ലനം തന്റെ വചനത്തി​ലൂ​ടെ​യും സംഘട​ന​യി​ലൂ​ടെ​യും മഹാ​പ്ര​ബോ​ധ​ക​നായ യഹോവ നമുക്കു നൽകുന്നു. (യെശ. 54:13) യേശു​വി​ന്റെ പഠിപ്പി​ക്കൽരീ​തി​യെ​ക്കു​റി​ച്ചുള്ള ഒരു രേഖ എഴുതി​വെ​ക്കാൻ യഹോവ ഇടയാ​ക്കി​യി​രി​ക്കു​ന്ന​തി​നാൽ, നമുക്ക്‌ അതു പരി​ശോ​ധി​ക്കാ​നും ആ രീതികൾ അനുക​രി​ക്കാ​നും കഴിയും. കൂടാതെ, യഹോവ നമുക്കു പരിശു​ദ്ധാ​ത്മാ​വി​നെ നൽകുന്നു, സഭാ​യോ​ഗ​ങ്ങ​ളി​ലൂ​ടെ നമ്മെ പരിശീ​ലി​പ്പി​ക്കു​ക​യും ചെയ്യുന്നു. (യോഹ. 14:26) ഇതി​നെ​ല്ലാം പുറമേ, പരിച​യ​സ​മ്പ​ന്ന​രായ പ്രസാ​ധ​ക​രെ​യും യഹോവ നൽകുന്നു. സുവാർത്താ വേലയി​ലെ നമ്മുടെ കഴിവു വർധി​പ്പി​ക്കാൻ അവർക്കു നമ്മെ സഹായി​ക്കാ​നാ​കും.

4. മറ്റുള്ള​വ​രോ​ടു സുവാർത്ത അറിയി​ക്കാൻ നമുക്കു യോഗ്യ​ത​യു​ള്ളത്‌ എന്തു​കൊണ്ട്‌?

⁴ സുവാർത്ത പ്രസം​ഗി​ക്കാൻ നാം യോഗ്യ​രാ​ണെ​ന്ന​തിന്‌ തെല്ലും സംശയം വേണ്ട. കാരണം, നമ്മുടെ “യോഗ്യത ദൈവ​ത്തിൽനി​ന്നാ​ണു വരുന്നത്‌.” (2 കൊരി. 3:5) യഹോ​വ​യിൽ ആശ്രയി​ക്കു​ക​യും ദിവ്യ​ക​രു​ത​ലു​കൾ നന്നായി പ്രയോ​ജ​ന​പ്പെ​ടു​ത്തു​ക​യും ചെയ്യു​ന്നെ​ങ്കിൽ, നാം ‘സകല സത്‌പ്ര​വൃ​ത്തി​ക​ളും ചെയ്യാൻ പര്യാ​പ്‌ത​രാ​യി തികഞ്ഞവർ ആയിത്തീ​രും.’—2 തിമൊ. 3:17.