നിങ്ങളു​ടെ മനസ്സാക്ഷി കാത്തു​കൊ​ള്ളുക!

1. സേവന​വർഷം 2013-ലെ നമ്മുടെ പ്രത്യേക സമ്മേളന ദിന പരിപാ​ടി​യു​ടെ വിഷയം എന്താണ്‌, എന്ത്‌ ഉദ്ദേശ്യ​ത്തി​ലാണ്‌ അത്‌ തയ്യാറാ​ക്കി​യി​രി​ക്കു​ന്നത്‌?

¹ നമ്മുടെ മനസ്സാ​ക്ഷിക്ക്‌ വിരു​ദ്ധ​മാ​യി പ്രവർത്തി​ക്കാൻ ഇടയാ​ക്കുന്ന സാഹച​ര്യ​ങ്ങ​ളാണ്‌ നാം എന്നും അഭിമു​ഖീ​ക​രി​ക്കു​ന്നത്‌. അതു​കൊ​ണ്ടു​തന്നെ 2012 സെപ്‌റ്റം​ബർ 1-ന്‌ ആരംഭി​ക്കുന്ന സേവന​വർഷം 2013-ലെ നമ്മുടെ പ്രത്യേക സമ്മേളന ദിന പരിപാ​ടി​യു​ടെ പ്രതി​പാ​ദ്യ​വി​ഷയം “നിങ്ങളു​ടെ മനസ്സാക്ഷി കാത്തു​കൊ​ള്ളുക!” എന്നതാണ്‌. (1 തിമൊ. 1:19) സ്രഷ്ടാ​വിൽനി​ന്നുള്ള അതിവി​ശി​ഷ്ട​സ​മ്മാ​ന​മായ നമ്മുടെ മനസ്സാക്ഷി എത്ര കരുത​ലോ​ടെ നാം ഓരോ​രു​ത്ത​രും കൈകാ​ര്യം ചെയ്യണം എന്നു മനസ്സി​ലാ​ക്കാൻ സഹായി​ക്കുക എന്നതാണ്‌ ഈ സമ്മേള​ന​പ​രി​പാ​ടി​യു​ടെ ഉദ്ദേശ്യം.

2. ഏതു സുപ്ര​ധാന ചോദ്യ​ങ്ങൾ നാം സമ്മേള​ന​ത്തിൽ പരിചി​ന്തി​ക്കും?

² നമ്മെ കാത്തി​രി​ക്കു​ന്നത്‌: മനസ്സാ​ക്ഷി​യോ​ടു ബന്ധപ്പെട്ട ഏഴു പ്രധാ​ന​പ്പെട്ട ചോദ്യ​ങ്ങൾ ഈ സമ്മേള​ന​പ​രി​പാ​ടി​യിൽ പരിചി​ന്തി​ക്കു​ന്ന​താ​യി​രി​ക്കും.

• എന്തെല്ലാം സംഗതി​കൾ മനസ്സാ​ക്ഷിക്ക്‌ അപകടം​ചെ​യ്യും?

• മനസ്സാ​ക്ഷി​യെ നമുക്ക്‌ എങ്ങനെ പരിശീ​ലി​പ്പി​ക്കാ​നാ​കും?

• ആരു​ടെ​യും രക്തം സംബന്ധിച്ച്‌ കുറ്റക്കാ​ര​ല്ലാ​തി​രി​ക്കാൻ എങ്ങനെ സാധി​ക്കും?

• ബൈബിൾത​ത്ത്വ​ങ്ങ​ളു​ടെ അടിസ്ഥാ​ന​ത്തിൽ ചിന്തി​ക്കു​ക​യും പ്രവർത്തി​ക്കു​ക​യും ചെയ്യു​ന്നത്‌ നമ്മെക്കു​റിച്ച്‌ എന്തു വെളി​പ്പെ​ടു​ത്തും?

• മനസ്സാ​ക്ഷി​ക്കു വിട്ടി​രി​ക്കുന്ന കാര്യ​ങ്ങ​ളിൽ മറ്റുള്ള​വരെ വ്രണ​പ്പെ​ടു​ത്തു​ന്നത്‌ ഒഴിവാ​ക്കാൻ നമുക്ക്‌ എങ്ങനെ സാധി​ക്കും?

• യുവ​പ്രാ​യ​ക്കാ​രേ, വിട്ടു​വീഴ്‌ച ചെയ്യാൻ സമ്മർദ​മു​ണ്ടാ​കു​മ്പോൾ പിടി​ച്ചു​നിൽക്കാൻ നിങ്ങൾക്ക്‌ എങ്ങനെ കഴിയും?

• ദൈവാ​ത്മാ​വി​നാൽ നയിക്ക​പ്പെ​ടുന്ന മനസ്സാ​ക്ഷി​ക്കു ചെവി​കൊ​ടു​ക്കു​ന്ന​തി​ന്റെ പ്രയോ​ജ​നങ്ങൾ എന്തെല്ലാം?

3. സമ്മേള​ന​പ​രി​പാ​ടി നമുക്ക്‌ എങ്ങനെ പ്രയോ​ജനം ചെയ്യും?

³ യഹോ​വ​യു​ടെ സഹായ​ത്താൽ, നമ്മുടെ മനസ്സാ​ക്ഷി​യെ കളങ്ക​പ്പെ​ടു​ത്താ​നുള്ള സാത്താന്റെ ശ്രമങ്ങളെ ചെറു​ത്തു​നിൽക്കാൻ നമുക്കാ​കും. ദൈവ​വ​ച​ന​ത്തി​ലൂ​ടെ​യും സംഘട​ന​യി​ലൂ​ടെ​യും സ്‌നേ​ഹ​വാ​നായ നമ്മുടെ സ്വർഗീ​യ​പി​താവ്‌ നമ്മോട്‌ പറയു​ന്നത്‌ ഇതാണ്‌: “വഴി ഇതാകു​ന്നു, ഇതിൽ നടന്നു​കൊൾവിൻ.” (യെശ. 30:21) യഹോവ നമ്മെ വഴിന​യി​ക്കുന്ന ഒരു വിധമാണ്‌ ഈ സമ്മേള​ന​പ​രി​പാ​ടി. അതു​കൊണ്ട്‌, പരിപാ​ടി​യിൽ മുഴുവൻ പങ്കെടു​ക്കാ​നുള്ള ക്രമീ​ക​ര​ണങ്ങൾ ചെയ്യുക. കേൾക്കുന്ന കാര്യ​ങ്ങൾക്ക്‌ നല്ല ശ്രദ്ധ കൊടു​ക്കു​ക​യും വ്യക്തി​പ​ര​മാ​യി അവ എങ്ങനെ ബാധക​മാ​ക്കാ​നാ​കു​മെന്ന്‌ ചിന്തി​ക്കു​ക​യും ചെയ്യുക. പരിപാ​ടി​ക​ളെ​ക്കു​റിച്ച്‌ കുടും​ബ​വു​മൊത്ത്‌ ചർച്ച ചെയ്യാ​നാ​കും. ലഭിക്കുന്ന നിർദേ​ശങ്ങൾ ബാധക​മാ​ക്കു​ന്ന​തി​ലൂ​ടെ “മനസ്സാ​ക്ഷി​യെ നിർമ​ല​മാ​യി സൂക്ഷി”ക്കാനും സാത്താന്റെ ഈ ലോകം വെച്ചു​നീ​ട്ടുന്ന സന്തോ​ഷ​ങ്ങൾക്കു പിന്നാ​ലെ​പോ​യി വഴി​തെ​റ്റാ​തി​രി​ക്കാ​നും നമുക്കു കഴിയും.—1 പത്രോ. 3:16.