മാസി​കാ​റൂട്ട്‌—ബൈബി​ള​ധ്യ​യനം തുടങ്ങാൻ ഉതകുന്നു

1. ദീർഘ​നാ​ളാ​യി യഹോ​വ​യു​ടെ സംഘടന മാസി​കാ​റൂട്ട്‌ തുടങ്ങാൻ പ്രസാ​ധ​കരെ പ്രോ​ത്സാ​ഹി​പ്പി​ച്ചി​രി​ക്കു​ന്നത്‌ എന്തു​കൊണ്ട്‌?

¹ മിക്കയാ​ളു​കൾക്കും നമ്മോ​ടൊ​പ്പം ബൈബിൾ പഠിക്കാൻ താത്‌പ​ര്യ​മി​ല്ലെ​ങ്കി​ലും അവർ നമ്മുടെ മാസി​ക​ക​ളു​ടെ വായന ആസ്വദി​ക്കു​ന്നു. അതു​കൊണ്ട്‌, നാളു​ക​ളാ​യി യഹോ​വ​യു​ടെ സംഘടന പ്രസാ​ധ​കരെ മാസി​കാ​റൂട്ട്‌ ആരംഭി​ക്കു​ന്ന​തി​നു പ്രോ​ത്സാ​ഹി​പ്പി​ച്ചി​രി​ക്കു​ന്നു. നമ്മുടെ മാസി​കകൾ ക്രമമാ​യി വായി​ക്കു​മ്പോൾ ദൈവ​വ​ച​ന​ത്തോ​ടുള്ള വാഞ്‌ഛ വളരാൻ ഇടയാ​യേ​ക്കാം. (1 പത്രോ. 2:2) കാല​ക്ര​മ​ത്തിൽ വായി​ക്കുന്ന എന്തെങ്കി​ലും അവരെ ആകർഷി​ച്ചേ​ക്കാം, അത്‌ ഒരു ബൈബി​ള​ധ്യ​യ​ന​ത്തി​ലേക്കു നയി​ച്ചേ​ക്കാം.

2. മാസി​കാ​റൂ​ട്ടി​ലു​ള്ള​വ​രു​ടെ താത്‌പ​ര്യം എങ്ങനെ വളർത്താം?

² സത്യത്തി​ന്റെ വിത്ത്‌ ‘നനയ്‌ക്കൽ’: മാസിക വെറുതെ കൊടു​ക്കു​ന്ന​തി​നു പകരം വീട്ടു​കാ​ര​നു​മാ​യി സംഭാ​ഷ​ണ​ത്തി​ലേർപ്പെ​ട്ടു​കൊണ്ട്‌ ഒരു ബന്ധം സ്ഥാപി​ക്കുക. ഇത്‌ അദ്ദേഹ​ത്തി​ന്റെ സാഹച​ര്യ​ങ്ങൾ, താത്‌പ​ര്യ​ങ്ങൾ, വിശ്വാ​സങ്ങൾ എന്നിവ മനസ്സി​ലാ​ക്കി ഉൾക്കാ​ഴ്‌ച​യോ​ടെ സംസാ​രി​ക്കാൻ നിങ്ങളെ സഹായി​ക്കും. (സദൃ. 16:23) ഓരോ സന്ദർശ​ന​ത്തി​നു മുമ്പും തയ്യാറാ​കുക. സാധ്യ​മെ​ങ്കിൽ മാസി​ക​യി​ലുള്ള ഒരു ആശയവും ബന്ധപ്പെട്ട തിരു​വെ​ഴു​ത്തും ചുരു​ക്ക​മാ​യി വിശേ​ഷ​വ​ത്‌ക​രി​ച്ചു​കൊണ്ട്‌ അദ്ദേഹ​ത്തി​ന്റെ ഹൃദയ​ത്തി​ലുള്ള സത്യത്തി​ന്റെ വിത്ത്‌ നനയ്‌ക്കുക. (1 കൊരി. 3:6) സന്ദർശിച്ച ദിവസം, കൊടുത്ത സാഹി​ത്യം, ചർച്ച ചെയ്‌ത വിഷയങ്ങൾ, തിരു​വെ​ഴു​ത്തു​കൾ എന്നിവ​യു​ടെ രേഖ എഴുതി​യു​ണ്ടാ​ക്കുക.

3. മാസി​കാ​റൂ​ട്ടി​ലു​ള്ള​വ​രു​ടെ അടുത്ത്‌ എത്ര കൂടെ​ക്കൂ​ടെ മടങ്ങി​ച്ചെ​ല്ലണം?

³ എത്ര കൂടെ​ക്കൂ​ടെ മടങ്ങി​ച്ചെ​ല്ലണം? മാസി​കാ​റൂ​ട്ടി​ലു​ള്ള​വ​രു​ടെ അടുത്ത്‌ മാസത്തി​ലൊ​രി​ക്ക​ലോ പുതിയ ലക്കങ്ങളു​ള്ള​പ്പോ​ഴോ മടങ്ങി​ച്ചെ​ല്ലണം. എന്നിരു​ന്നാ​ലും, അതിലും കൂടെ​ക്കൂ​ടെ സന്ദർശി​ക്ക​ണ​മോ എന്നത്‌ നമ്മുടെ സാഹച​ര്യം, വീട്ടു​കാ​രന്റെ താത്‌പ​ര്യം എന്നിവയെ ആശ്രയി​ച്ചി​രി​ക്കും. ഉദാഹ​ര​ണ​ത്തിന്‌, മാസിക കൊടുത്ത്‌ ഒന്നോ രണ്ടോ ആഴ്‌ചക്കു ശേഷം മടങ്ങി​ച്ചെന്ന്‌ ഇങ്ങനെ പറയാം, “താങ്കൾക്കു നൽകിയ മാസി​ക​യി​ലെ ഒരു ആശയം ചുരു​ക്ക​മാ​യി പറയാ​നാണ്‌ ഞാൻ ഇതുവഴി വന്നത്‌.” ഇത്‌ ആ പ്രത്യേ​ക​ലേ​ഖനം വായി​ക്കാ​നുള്ള അദ്ദേഹ​ത്തി​ന്റെ താത്‌പ​ര്യം ഉണർത്തും. ആ ലേഖനം ഇതി​നോ​ടകം വായി​ച്ചു​ക​ഴി​ഞ്ഞെ​ങ്കിൽ അതി​നെ​ക്കു​റിച്ച്‌ അദ്ദേഹം എന്തു ചിന്തി​ക്കു​ന്നു​വെന്നു ചോദി​ച്ചു​കൊണ്ട്‌ ചുരു​ക്ക​മാ​യി ചർച്ച ചെയ്യുക. നമ്മുടെ സാഹി​ത്യ​ങ്ങ​ളു​ടെ വായന ആസ്വദി​ക്കുന്ന ഒരാളാ​ണു വീട്ടു​കാ​ര​നെ​ങ്കിൽ ആ മാസത്തെ സമർപ്പ​ണ​മായ ലഘു​ലേ​ഖ​യോ ലഘുപ​ത്രി​ക​യോ പുസ്‌ത​ക​മോ കൊടു​ക്കാ​നാ​യി മടങ്ങി​ച്ചെ​ല്ലാ​നാ​കും.

4. മാസി​കാ​റൂ​ട്ടി​ലു​ള്ള​വർക്ക്‌ ബൈബിൾ പഠിക്കാൻ താത്‌പ​ര്യ​മു​ണ്ടോ എന്ന്‌ തിരി​ച്ച​റി​യാൻ ഇടയ്‌ക്കി​ടെ നമുക്ക്‌ എന്തു ചെയ്യാ​നാ​കും?

⁴ വീട്ടു​കാ​രൻ ഒരു അധ്യയനം ആവശ്യ​പ്പെ​ടു​ന്ന​തു​വരെ കാത്തി​രി​ക്കു​ന്ന​തി​നു പകരം നിങ്ങൾതന്നെ അതിനു മുൻ​കൈ​യെ​ടു​ക്കുക. മുമ്പ്‌ ബൈബി​ള​ധ്യ​യനം നിരസി​ച്ചി​ട്ടുള്ള വ്യക്തി​യാ​ണെ​ങ്കി​ലും ഇടയ്‌ക്കി​ടെ വീക്ഷാ​ഗോ​പു​ര​ത്തി​ലെ “ബൈബിൾ ചോദ്യ​ങ്ങ​ളും ഉത്തരങ്ങ​ളും” എന്ന പംക്തി ഉപയോ​ഗി​ച്ചു​കൊണ്ട്‌ ചർച്ചക്കു തയ്യാറാ​ണോ എന്നു വിലയി​രു​ത്തുക. ഒരുപക്ഷേ, വീട്ടു​വാ​തിൽക്കൽവെച്ച്‌ അധ്യയനം നടത്താ​നാ​യേ​ക്കും. എന്നാൽ ഒരു ബൈബി​ള​ധ്യ​യനം തുടങ്ങാൻ കഴിയു​ന്നി​ല്ലെ​ങ്കിൽ അദ്ദേഹ​ത്തി​ന്റെ താത്‌പ​ര്യം വളർത്താൻ തുടർന്നും മാസി​കകൾ നൽകാ​നാ​കും.