മാസികാ റൂട്ടുകൾ വഴി “രാജ്യ​വി​ത്തു വിതയ്‌ക്കൽ”

¹ യഹോ​വയ്‌ക്കു സ്‌തു​തി​ഗീ​തങ്ങൾ പാടുക എന്ന പാട്ടു​പുസ്‌ത​ക​ത്തി​ലെ 133-ാമത്തെ ഗീതത്തി​ന്റെ വിഷയം “രാജ്യ​വി​ത്തു വിതയ്‌ക്കൽ” എന്നാണ്‌. ശിഷ്യ​രാ​ക്കൽ വേലയെ വിത്തു വിതയ്‌ക്ക​ലി​നോട്‌ ഉപമി​ക്കുന്ന യേശു​വി​ന്റെ ദൃഷ്ടാ​ന്തത്തെ ആസ്‌പ​ദ​മാ​ക്കി​യു​ള്ള​താണ്‌ പ്രസ്‌തുത ഗീതം. (മത്താ. 13:4-8, 19-23) അതിലെ ഒരു വരി ഇങ്ങനെ വായി​ക്കു​ന്നു: “നല്ല മണ്ണിൽ വീഴും വിത്തെ​ത്ര​യെന്ന്‌/ആശ്രിതം ഹാ നിന്നിൽ തന്നെ.” ശുശ്രൂ​ഷ​യു​ടെ ഫലപ്ര​ദ​ത്വം നമുക്ക്‌ എങ്ങനെ വർധി​പ്പി​ക്കാ​നാ​കും? ഒരു മാസികാ റൂട്ട്‌ തുടങ്ങി അതു നിലനിർത്തു​ന്നത്‌ ഒരു മാർഗ​മാണ്‌.

² ഒരു മാസികാ റൂട്ടി​ലൂ​ടെ നിരവധി ലക്ഷ്യങ്ങൾ എത്തിപ്പി​ടി​ക്കാ​നാ​കും. (1) രണ്ടാഴ്‌ച കൂടു​മ്പോ​ഴുള്ള ക്രമമായ സന്ദർശനം താത്‌പ​ര്യ​ക്കാ​ര​നു​മാ​യി ഒരു സൗഹൃദ ബന്ധം വളർത്തി​യെ​ടു​ക്കു​ന്ന​തി​നു നിങ്ങളെ സഹായി​ക്കു​ന്നു. (2) വീക്ഷാ​ഗോ​പു​ര​ത്തി​ലും ഉണരുക!യിലും അടങ്ങി​യി​രി​ക്കുന്ന ജീവര​ക്ഷാ​ക​ര​മായ വിവരങ്ങൾ ആ വ്യക്തിക്ക്‌ ക്രമമാ​യി എത്തിച്ചു കൊടു​ക്കു​ന്ന​തിൽ തുടരാൻ നിങ്ങൾക്കു സാധി​ക്കു​ന്നു. (3) ബൈബിൾ അധ്യയ​ന​ത്തി​ലേക്കു നയി​ച്ചേ​ക്കാ​വുന്ന, തിരു​വെ​ഴു​ത്തു സത്യങ്ങ​ളോ​ടുള്ള ഒരു വാഞ്‌ഛ വളർത്തി​യെ​ടു​ക്കാൻ അദ്ദേഹത്തെ സഹായി​ക്കാൻ നിങ്ങൾക്കു നിങ്ങളു​ടെ സംഭാ​ഷ​ണ​ത്തി​ലൂ​ടെ ഒരുപക്ഷേ സാധി​ച്ചേ​ക്കും.—1 പത്രൊ. 2:2, 3

³ മാസികാ റൂട്ട്‌ തുടങ്ങേണ്ട വിധം: ഒരു വ്യക്തി മാസി​ക​യിൽ താത്‌പ​ര്യം കാണി​ക്കു​മ്പോൾ, ഓരോ ലക്കത്തി​ലും വളരെ നല്ല ലേഖനങ്ങൾ പ്രസി​ദ്ധീ​ക​രി​ക്ക​പ്പെ​ടു​ന്നെ​ന്നും രണ്ടാഴ്‌ച​യിൽ ഒരിക്കൽ അവ അയാൾക്ക്‌ എത്തിച്ചു​കൊ​ടു​ക്കാൻ നിങ്ങൾക്കു സന്തോ​ഷ​മു​ണ്ടെ​ന്നും വിശദ​മാ​ക്കുക. അവി​ടെ​നി​ന്നു പോന്ന ശേഷം ആ വ്യക്തി​യു​ടെ പേര്‌, വിലാസം, സന്ദർശിച്ച തീയതി, സമർപ്പിച്ച മാസികാ ലക്കങ്ങൾ, വിശേ​ഷ​വത്‌ക​രിച്ച ലേഖനം, ആ വ്യക്തി വിശേ​ഷാൽ താത്‌പ​ര്യം കാട്ടിയ വിഷയങ്ങൾ എന്നിവ കുറി​ച്ചു​വെ​ക്കുക.

⁴ വളരെ കുറച്ച്‌ ആളുകളെ ഉൾപ്പെ​ടു​ത്തി​ക്കൊണ്ട്‌ നിങ്ങൾക്ക്‌ ഒരു മാസികാ റൂട്ട്‌ തുടങ്ങാ​നാ​കും. തുടർന്ന്‌, നിങ്ങൾ മാസിക സമർപ്പി​ക്കുന്ന മറ്റുള്ള​വരെ ഉൾപ്പെ​ടു​ത്തി അതു വിപു​ല​പ്പെ​ടു​ത്താൻ ശ്രമി​ക്കുക. മാസികാ റൂട്ടു വളരു​ന്ന​തോ​ടെ നിങ്ങൾക്ക്‌ അത്‌ പ്രദേശ അടിസ്ഥാ​ന​ത്തിൽ ചിട്ട​പ്പെ​ടു​ത്താൻ സാധി​ക്കും. അപ്പോൾ അതു കൈകാ​ര്യം ചെയ്യാൻ എളുപ്പ​മാ​യി​രി​ക്കും. ഓരോ സന്ദർശന സമയത്തും സമർപ്പിച്ച ലക്കങ്ങളു​ടെ​യും സന്ദർശന സമയത്തി​ന്റെ​യും കൃത്യ​മായ രേഖ സൂക്ഷി​ക്കുക. നിങ്ങളു​ടെ സംഭാ​ഷ​ണ​ങ്ങളെ കുറി​ച്ചും വ്യക്തിക്കു സത്യത്തി​ലുള്ള താത്‌പ​ര്യം അടുത്ത സന്ദർശ​ന​ത്തിൽ എങ്ങനെ വർധി​പ്പി​ക്കാം എന്നതിനെ കുറി​ച്ചും ഉള്ള കുറി​പ്പു​കൾ അതിൽ ചേർക്കുക.

⁵ വ്യാപാ​രി​ക​ളെ​യും തൊഴി​ലാ​ളി​ക​ളെ​യും ഉൾപ്പെ​ടു​ത്തുക: കടക്കാ​രും മറ്റു തൊഴി​ലാ​ളി​ക​ളും നമ്മുടെ മാസി​കകൾ ഒരു ക്രമമായ അടിസ്ഥാ​ന​ത്തിൽ സ്വീക​രി​ക്കാൻ സാധ്യ​ത​യു​ണ്ടെന്ന്‌ അനുഭ​വങ്ങൾ തെളി​യി​ക്കു​ന്നു. ഒരു മൂപ്പൻ സഹോ​ദ​രന്റെ മാസികാ റൂട്ടിൽ അദ്ദേഹ​ത്തി​ന്റെ നഗരത്തി​ലെ മേയറും ഉണ്ടായി​രു​ന്നു. കെട്ടിട നിർമാണ സാമ​ഗ്രി​കൾ വിൽക്കുന്ന ഒരു കമ്പനി​യു​ടെ 80 വയസ്സുള്ള ഉടമയ്‌ക്ക്‌ പത്തു വർഷം ക്രമമാ​യി മാസി​കകൾ എത്തിച്ചു കൊടുത്ത ശേഷമാണ്‌ ഒരു പ്രസാ​ധകൻ അദ്ദേഹ​ത്തിന്‌ ഒരു അധ്യയനം ആരംഭി​ച്ചത്‌!

⁶ ഒരു കടയിൽ ചെന്ന ഒരു പയനിയർ സഹോ​ദരി തന്നെ ഊഷ്‌മ​ള​മാ​യി സ്വീക​രി​ക്കാ​തി​രുന്ന ഒരു ദമ്പതി​കളെ കണ്ടുമു​ട്ടി. എന്നിരു​ന്നാ​ലും അവർ മാസിക സ്വീക​രി​ച്ച​തി​നാൽ അവരെ തന്റെ മാസികാ റൂട്ടിൽ ഉൾപ്പെ​ടു​ത്താൻ ഈ സഹോ​ദരി തീരു​മാ​നി​ച്ചു. എന്നാൽ, അവർ വളരെ പരുക്കൻ രീതി​യിൽ ഇടപെ​ട്ട​തി​നാ​ലും വീക്ഷണ ചോദ്യ​ങ്ങൾ ചോദി​ച്ചി​ട്ടു​കൂ​ടി മറുപടി പറയാ​തി​രു​ന്ന​തി​നാ​ലും അവരെ സന്ദർശി​ക്കു​ന്നത്‌ നിർത്തു​ന്ന​തി​നെ കുറിച്ച്‌ ആ സഹോ​ദരി ആലോ​ചി​ച്ചു. എന്നാൽ ഈ കാര്യ​ത്തെ​ക്കു​റിച്ച്‌ സഹോ​ദരി പ്രാർഥി​ക്കു​ക​യും ഒടുവിൽ എന്നേക്കും ജീവി​ക്കാൻ പുസ്‌തകം അവർക്കു സമർപ്പി​ക്കു​ക​യും ചെയ്‌തു. അതു വായിച്ച ശേഷം ഭാര്യ ആശ്ചര്യ​പ്പെ​ട്ടു​കൊണ്ട്‌ ഇങ്ങനെ പറഞ്ഞു: “അവസാനം ഞാൻ സത്യം കണ്ടെത്തി​യി​രി​ക്കു​ന്നു!” ഒരു ബൈബിൾ അധ്യയനം ആരംഭി​ക്കു​ക​യും തുടർന്ന്‌ അവർ സ്‌നാ​പ​ന​മേൽക്കു​ക​യും ചെയ്‌തു. ആ പയനിയർ സഹോ​ദ​രി​യു​ടെ സ്ഥിരോ​ത്സാ​ഹം തീർച്ച​യാ​യും നല്ല ഫലം ഉളവാക്കി.

⁷ മടക്ക സന്ദർശ​നങ്ങൾ നടത്തൽ: ഒരു പുതിയ ലക്കം മാസിക ലഭിക്കു​മ്പോൾ എല്ലാ ലേഖന​ങ്ങ​ളും വായി​ക്കുക. നിങ്ങളു​ടെ മാസികാ റൂട്ടി​ലുള്ള ഓരോ വ്യക്തി​ക്കും ആകർഷ​ക​മായ ആശയങ്ങൾക്കാ​യി നോക്കുക. തുടർന്ന്‌ മടങ്ങി​ച്ചെ​ല്ലു​മ്പോൾ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌: “ഈ ലേഖനം വായി​ച്ച​പ്പോൾ നിങ്ങ​ളെ​ക്കു​റി​ച്ചും ഇത്‌ നിങ്ങൾക്ക്‌ എത്ര​ത്തോ​ളം താത്‌പ​ര്യ​ജ​ന​ക​മാ​യി​രി​ക്കും എന്നതി​നെ​ക്കു​റി​ച്ചും ഞാൻ ചിന്തി​ക്കു​ക​യു​ണ്ടാ​യി.” എല്ലാ പ്രായ​ത്തി​ലുള്ള പ്രസാ​ധ​കർക്കും ഒരു മാസികാ റൂട്ട്‌ ഉണ്ടായി​രി​ക്കു​ന്നത്‌ ആസ്വദി​ക്കാ​നാ​കും. പ്രായം കുറഞ്ഞ ഒരു കുട്ടി​ക്കു​പോ​ലും ഇങ്ങനെ പറയാ​നാ​കും: “നിങ്ങളെ വീണ്ടും കാണാൻ കഴിഞ്ഞ​തിൽ എനിക്കു സന്തോ​ഷ​മുണ്ട്‌. നിങ്ങൾക്കുള്ള വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും ഏറ്റവും പുതിയ പ്രതികൾ എത്തി​ച്ചേർന്നി​രി​ക്കു​ന്നു. . . . എന്ന ഈ ലേഖനം താങ്കൾക്ക്‌ ഇഷ്ടപ്പെ​ടു​മെ​ന്നാണ്‌ ഞാൻ കരുതു​ന്നത്‌.”

⁸ “ഞങ്ങളുടെ അടുത്ത ലക്കത്തിൽ” എന്ന ചതുര​ത്തി​ലേക്കു ശ്രദ്ധ ആകർഷി​ച്ചു​കൊണ്ട്‌ വരാൻ പോകുന്ന ലക്കങ്ങളിൽ താത്‌പ​ര്യം ജനിപ്പി​ക്കുക. ലേഖനങ്ങൾ ഒരു പരമ്പര ആണെങ്കിൽ അതു ചൂണ്ടി​ക്കാ​ട്ടി അതിന്റെ യാതൊ​രു ഭാഗവും വിട്ടു​ക​ള​യാ​തി​രി​ക്കാൻ വായന​ക്കാ​രനെ പ്രോ​ത്സാ​ഹി​പ്പി​ക്കുക. നിങ്ങളു​ടെ മാസികാ റൂട്ടി​ലുള്ള ഒരു വ്യക്തിക്ക്‌ മാസിക എത്തിച്ചു കൊടു​ക്കുന്ന ഓരോ അവസര​വും ഒരു മടക്കസ​ന്ദർശ​ന​മാ​യി കണക്കാ​ക്കാ​മെ​ന്നതു മറക്കരുത്‌. സർവോ​പരി, ഈ സന്ദർശ​നങ്ങൾ ഭവന ബൈബിൾ അധ്യയ​ന​ങ്ങ​ളാ​യി വളർത്തി​യെ​ടു​ക്കു​ക​യാണ്‌ നമ്മുടെ ലക്ഷ്യം എന്നതും വിസ്‌മ​രി​ക്ക​രുത്‌.

⁹ നിങ്ങളു​ടെ റൂട്ടി​ലുള്ള ആളുകളെ ക്രമമാ​യി സന്ദർശി​ക്കുക: പ്രാ​യോ​ഗി​ക​മായ ഏതൊരു സമയത്തും—ഒരു പ്രവൃത്തി ദിവസം രാവി​ലെ​യോ ഉച്ചകഴി​ഞ്ഞോ സായാ​ഹ്ന​ത്തി​ലോ അല്ലെങ്കിൽ, വാരാ​ന്ത​ത്തിൽ വീടു​തോ​റു​മുള്ള വേലയിൽ സമയം ചെലവ​ഴിച്ച ശേഷമോ—നിങ്ങൾക്കു നിങ്ങളു​ടെ മാസികാ റൂട്ടി​ലു​ള്ള​വരെ സന്ദർശി​ക്കാൻ സാധി​ക്കും. അസുഖം മൂലമോ അവധിക്കു പോകു​ന്ന​തി​നാ​ലോ നിങ്ങൾക്ക്‌ മാസികാ റൂട്ടി​ലു​ള്ള​വരെ സന്ദർശി​ക്കാൻ സാധി​ക്കു​ന്നി​ല്ലെ​ങ്കിൽ നിങ്ങളു​ടെ കുടും​ബ​ത്തി​ലോ സഭയി​ലോ ഉള്ള ഒരു പ്രസാ​ധ​ക​നോട്‌ നിങ്ങൾക്കാ​യി മാസിക എത്തിച്ചു​കൊ​ടു​ക്കാൻ അഭ്യർഥി​ക്കാ​വു​ന്ന​താണ്‌. അങ്ങനെ ചെയ്യുക വഴി, നിങ്ങളു​ടെ റൂട്ടി​ലുള്ള ആളുകൾക്ക്‌ യഥാസ​മയം മാസിക ലഭിക്കും.

¹⁰ രാജ്യ​വി​ത്തു വിതയ്‌ക്കാ​നുള്ള ഒരു മാർഗം മാസികാ റൂട്ടി​ലുള്ള എല്ലാവർക്കും ക്രമമാ​യി വീക്ഷാ​ഗോ​പു​ര​വും ഉണരുക!യും എത്തിച്ചു​കൊ​ടു​ക്കുക എന്നതാണ്‌. അവരെ തിരു​വെ​ഴു​ത്തു സത്യം പഠിപ്പി​ക്കു​മ്പോൾ, രാജ്യ വചനത്തി​ന്റെ അർഥം ഗ്രഹി​ക്കാ​നും ഒടുവിൽ നിങ്ങ​ളോ​ടൊ​പ്പം രാജ്യ ഫലം പുറ​പ്പെ​ടു​വി​ക്കാ​നും അവർക്കു സാധി​ക്കും.—മത്താ. 13:8, 23.