ശുശ്രൂ​ഷ​യി​ലെ വൈദ​ഗ്‌ധ്യം വർധി​പ്പി​ക്കുക—സമർപ്പ​ണ​വും സ്‌നാ​ന​വും എന്ന പടിയി​ലേക്കു വരാൻ ബൈബിൾവി​ദ്യാർഥി​കളെ സഹായി​ക്കു​ക

എന്തു​കൊണ്ട്‌ പ്രധാനം?: യഹോ​വ​യു​ടെ അംഗീ​കാ​രം നേടു​ന്ന​തിന്‌ ബൈബിൾവി​ദ്യാർഥി​കൾ തങ്ങളുടെ ജീവിതം യഹോ​വ​യ്‌ക്കു സമർപ്പി​ക്കു​ക​യും സ്‌നാ​ന​മേൽക്കു​ക​യും ചെയ്യേ​ണ്ട​തുണ്ട്‌. (1 പത്രോ. 3:21) ആ സമർപ്പ​ണ​ത്തി​നു ചേർച്ച​യിൽ ജീവി​ക്കു​ന്ന​വർക്ക്‌ ആത്മീയ​സു​ര​ക്ഷി​ത​ത്വം ലഭിക്കും. (സങ്കീ. 91:1, 2) ഒരു ക്രിസ്‌ത്യാ​നി ജീവിതം സമർപ്പി​ക്കു​ന്നത്‌ യഹോ​വ​യ്‌ക്കാണ്‌, ഒരു മനുഷ്യ​നോ തൊഴി​ലി​നോ സംഘട​ന​യ്‌ക്കോ അല്ല. അതു​കൊണ്ട്‌ ദൈവ​ത്തോ​ടുള്ള സ്‌നേ​ഹ​വും വിലമ​തി​പ്പും വർധി​പ്പി​ക്കാൻ വിദ്യാർഥി​കൾ ശ്രമി​ക്കണം.—റോമ. 14:7, 8.

എങ്ങനെ ചെയ്യാം?:

• പഠനസ​മ​യത്ത്‌, അതിലെ വിവരങ്ങൾ യഹോ​വ​യെ​ക്കു​റിച്ച്‌ എന്താണു വെളി​പ്പെ​ടു​ത്തു​ന്ന​തെന്നു ചർച്ച ചെയ്യുക. ബൈബിൾ ദിവസ​വും വായി​ക്കേ​ണ്ട​തി​ന്റെ​യും യഹോ​വ​യോട്‌ “ഇടവി​ടാ​തെ” പ്രാർഥി​ക്കേ​ണ്ട​തി​ന്റെ​യും പ്രാധാ​ന്യം എടുത്തു​പ​റ​യുക.—1 തെസ്സ. 5:17; യാക്കോ. 4:8.

• സമർപ്പ​ണ​വും സ്‌നാ​ന​വും എന്ന ആത്മീയ​ല​ക്ഷ്യം വെക്കാൻ നിങ്ങളു​ടെ വിദ്യാർഥി​യെ പ്രോ​ത്സാ​ഹി​പ്പി​ക്കുക. യോഗ​ങ്ങ​ളിൽ ഉത്തരം പറയുക, അയൽക്കാ​രോ​ടും കൂടെ ജോലി ചെയ്യു​ന്ന​വ​രോ​ടും സാക്ഷീ​ക​രി​ക്കുക തുടങ്ങിയ ചില ഇടക്കാ​ല​ല​ക്ഷ്യ​ങ്ങൾ വെക്കാ​നും വിദ്യാർഥി​യെ സഹായി​ക്കുക. തന്നെ ആരാധി​ക്കാൻ യഹോവ ആരെയും നിർബ​ന്ധി​ക്കു​ന്നി​ല്ലെന്ന്‌ ഓർക്കുക. സമർപ്പണം എന്നതു വ്യക്തി​പ​ര​മായ ഒരു തീരു​മാ​ന​മാണ്‌.—ആവ. 30:19, 20.

• യഹോ​വയെ പ്രസാ​ദി​പ്പി​ക്കാ​നും സ്‌നാ​ന​ത്തി​നു യോഗ്യത നേടാ​നും വേണ്ട മാറ്റങ്ങൾ വരുത്താൻ വിദ്യാർഥി​യെ പ്രചോ​ദി​പ്പി​ക്കുക. (സദൃ. 27:11) എന്നാൽ ചില ശീലങ്ങ​ളും ന്യൂന​ത​ക​ളും വിദ്യാർഥി​യു​ടെ ഉള്ളിൽ വേരു​റ​ച്ചി​ട്ടു​ണ്ടാ​കാം. ആ പഴയ വ്യക്തി​ത്വം വേരോ​ടെ പിഴു​തെ​ടുത്ത്‌ തത്‌സ്ഥാ​നത്ത്‌ പുതിയ വ്യക്തി​ത്വം ഉൾനടാൻ വിദ്യാർഥി​ക്കു തുടർച്ച​യായ സഹായം നൽകേ​ണ്ട​തു​ണ്ടാ​യി​രു​ന്നേ​ക്കാം. (എഫെ. 4:22-24) “ബൈബിൾ ജീവി​ത​ത്തി​നു മാറ്റം​വ​രു​ത്തു​ന്നു” എന്ന വീക്ഷാ​ഗോ​പു​ര​പ​ര​മ്പ​ര​യി​ലെ ലേഖന​ങ്ങ​ളിൽ വരുന്ന അനുഭ​വങ്ങൾ അവരു​മാ​യി പങ്കു​വെ​ക്കുക.

• യഹോ​വയെ സേവി​ച്ച​പ്പോൾ നിങ്ങൾക്കു ലഭിച്ച സന്തോ​ഷ​ത്തെ​ക്കു​റിച്ച്‌ അവരോ​ടു പറയുക.—യശ. 48:17, 18.