സന്തോ​ഷ​വാർത്ത പ്രസം​ഗി​ക്കു​ന്ന​തിൽ സന്തോഷം കണ്ടെത്തുക

പ്രസം​ഗ​പ്ര​വർത്ത​ന​ത്തിൽ ഏർപ്പെ​ടു​ന്നത്‌ ഒരു മടുപ്പാ​യി നിങ്ങൾക്ക്‌ എപ്പോ​ഴെ​ങ്കി​ലും തോന്നി​യി​ട്ടു​ണ്ടോ? ഉണ്ടെന്നാ​യി​രി​ക്കാം നമ്മിൽ പലരു​ടെ​യും ഉത്തരം. എന്തു​കൊണ്ട്‌? ചില​പ്പോൾ നമ്മുടെ പ്രദേ​ശത്തെ ആളുക​ളു​ടെ തണുപ്പൻ മനോ​ഭാ​വ​വും എതിർപ്പും ഒക്കെയാ​യി​രി​ക്കാം കാരണം. അല്ലെങ്കിൽ നമുക്ക്‌ അപരി​ചി​ത​രോ​ടു സംസാ​രി​ക്കാൻ ഭയമാ​യി​രി​ക്കാം. ഇതൊക്കെ നമ്മുടെ സന്തോഷം കെടു​ത്തി​ക്ക​ള​യും. എന്നിരു​ന്നാ​ലും നമ്മൾ ആരാധി​ക്കു​ന്നതു സന്തുഷ്ട​നായ ദൈവ​ത്തെ​യാണ്‌. നമ്മൾ സന്തോ​ഷ​ത്തോ​ടെ തന്നെ ആരാധി​ക്കാ​നാണ്‌ ആ ദൈവം ആഗ്രഹി​ക്കു​ന്നത്‌. (സങ്ക 100:2; 1തിമ 1:11) പ്രസം​ഗ​വേ​ല​യിൽ നമുക്കു സന്തോഷം കണ്ടെത്താൻ സഹായി​ക്കുന്ന മൂന്ന്‌ കാര്യങ്ങൾ ഏതൊ​ക്കെ​യാണ്‌?

ഒന്നാമ​താ​യി, പ്രത്യാ​ശ​യു​ടെ സന്ദേശ​മാണ്‌ നമ്മൾ ഘോഷി​ക്കു​ന്നത്‌. നമ്മൾ ജീവി​ക്കു​ന്നത്‌ പ്രത്യാശ ഒളിമ​ങ്ങി​ക്കൊ​ണ്ടി​രി​ക്കുന്ന ഒരു സമൂഹ​ത്തി​ലാണ്‌. എങ്കിലും, ‘ഏറെ മെച്ചമായ ഒന്നി​നെ​ക്കു​റി​ച്ചുള്ള ശുഭവാർത്ത’ അറിയി​ച്ചു​കൊണ്ട്‌ ആളുക​ളു​ടെ മനസ്സിൽ പ്രതീക്ഷ നിറയ്‌ക്കാൻ നമുക്കാ​കും. (യശ 52:7) ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത നമ്മളി​ലും സന്തോഷം നിറയ്‌ക്കും. പ്രസം​ഗ​പ്ര​വർത്ത​ന​ത്തി​നു പോകു​ന്ന​തി​നു മുമ്പ്‌, ദൈവ​രാ​ജ്യം ഭൂമി​യിൽ വരുത്താൻപോ​കുന്ന അനു​ഗ്ര​ഹ​ങ്ങ​ളെ​ക്കു​റിച്ച്‌ ധ്യാനി​ക്കുക.

രണ്ടാമ​താ​യി, നമ്മൾ അറിയി​ക്കുന്ന സന്തോ​ഷ​വാർത്ത ശാരീ​രി​ക​മാ​യും ആത്മീയ​മാ​യും ആളുകളെ സംരക്ഷി​ക്കും. ചീത്ത ശീലങ്ങൾ ഉപേക്ഷി​ക്കാ​നും നിത്യ​ജീ​വന്റെ പ്രത്യാ​ശ​യോ​ടെ ജീവി​ക്കാ​നും അവർ പഠിക്കും. (യശ 48:17, 18; റോമ 1:16) ആളുകളെ തിരഞ്ഞു​ക​ണ്ടു​പി​ടിച്ച്‌ നടത്തുന്ന രക്ഷാ​പ്ര​വർത്ത​ന​ത്തി​ലാണ്‌ നമ്മളെന്നു സങ്കൽപ്പി​ക്കുക. ചിലർക്കു രക്ഷപ്പെ​ടാൻ ഒരു താത്‌പ​ര്യ​വും കാണി​ല്ലാ​യി​രി​ക്കും. എങ്കിലും നമ്മൾ അന്വേ​ഷണം തുടരും.—മത്ത 10:11-14.

മൂന്നാ​മ​താ​യി, നമ്മുടെ പ്രസം​ഗ​പ്ര​വർത്തനം യഹോ​വയെ മഹത്ത്വ​പ്പെ​ടു​ത്തും. ഇതാണ്‌ ഏറ്റവും പ്രധാ​ന​പ്പെട്ട കാരണം. നമ്മുടെ സുവി​ശേ​ഷ​വേ​ലയെ യഹോവ വളരെ മൂല്യ​മു​ള്ള​താ​യി കാണുന്നു. (യശ 43:10; എബ്ര 6:10) ഇതുകൂ​ടാ​തെ ഈ പ്രവർത്തനം ചെയ്യാൻ ദൈവം ഉദാര​മാ​യി പരിശു​ദ്ധാ​ത്മാ​വി​നെ നൽകും. അതു​കൊണ്ട്‌ പരിശു​ദ്ധാ​ത്മാ​വി​ന്റെ ഫലത്തിന്റെ ഒരു വശമായ സന്തോ​ഷ​ത്തി​നു​വേണ്ടി യഹോ​വ​യോ​ടു യാചി​ക്കുക. (ഗല 5:22) ദൈവ​ത്തി​ന്റെ സഹായ​ത്തോ​ടെ നമുക്കുള്ള ഉത്‌ക​ണ്‌ഠകൾ മറിക​ട​ക്കാ​നും ധൈര്യ​ത്തോ​ടെ പ്രസം​ഗി​ക്കാ​നും നമുക്കാ​കും. (പ്രവൃ 4:31) അതു​കൊണ്ട്‌ നമ്മുടെ പ്രദേ​ശത്തെ ആളുകൾ എങ്ങനെ പ്രതി​ക​രി​ച്ചാ​ലും പ്രസം​ഗ​വേല നമുക്കു സന്തോ​ഷ​ത്തോ​ടെ ചെയ്യാൻ കഴിയും.—യഹ 3:3.

പഠനത്തി​ലൂ​ടെ​യും ധ്യാന​ത്തി​ലൂ​ടെ​യും സന്തോഷം വീണ്ടെ​ടു​ക്കുക എന്ന വീഡി​യോ കാണുക. തുടർന്ന്‌ താഴെ കൊടു​ത്തി​രി​ക്കുന്ന ചോദ്യ​ങ്ങൾക്ക്‌ ഉത്തരം കണ്ടെത്തുക:

• ഓരോ മാസവും ശുശ്രൂ​ഷ​യിൽ അനേകം മണിക്കൂർ പ്രവർത്തി​ച്ചാൽപ്പോ​ലും ആത്മീയ​ഭ​ക്ഷണം കഴിക്കു​ന്ന​തി​നു നമ്മൾ വളരെ പ്രാധാ​ന്യം കൊടു​ക്കേ​ണ്ടത്‌ എന്തു​കൊണ്ട്‌?

• ഇക്കാര്യ​ത്തിൽ നമുക്ക്‌ മറിയയെ എങ്ങനെ അനുക​രി​ക്കാം?

• ദൈവ​വ​ച​നം ധ്യാനി​ക്കാൻ നിങ്ങൾ സമയം മാറ്റി​വെ​ച്ചി​രി​ക്കു​ന്നത്‌ എപ്പോ​ഴാണ്‌?

• സന്തോ​ഷ​വാർത്ത അറിയി​ക്കു​മ്പോൾ നിങ്ങൾക്കു സന്തോഷം തോന്നു​ന്നത്‌ എന്തു​കൊ​ണ്ടാണ്‌?