ശുശ്രൂ​ഷ​യി​ലെ വൈദഗ്‌ധ്യം വർധി​പ്പി​ക്കുക​—മടക്കസ​ന്ദർശ​നങ്ങൾ നടത്തുക

എന്തു​കൊണ്ട്‌ പ്രധാനം: ദൈവ​ത്തെ​ക്കു​റി​ച്ചുള്ള സത്യം കണ്ടെത്താൻ അന്വേ​ഷി​ക്കു​ന്ന​വ​രാ​ണു രാജ്യ​സ​ന്ദേ​ശ​ത്തിൽ താത്‌പ​ര്യം കാണി​ക്കുന്ന അനേക​രും. (യശ 55:6) അവരെ ദൈവ​ത്തെ​ക്കു​റി​ച്ചുള്ള സത്യം പഠിപ്പി​ക്ക​ണ​മെ​ങ്കിൽ നമ്മൾ വീണ്ടും​വീ​ണ്ടും മടങ്ങി​ച്ചെ​ന്നല്ലേ പറ്റൂ! ഓരോ വ്യക്തി​ക്കും ഓരോ പ്രശ്‌ന​ങ്ങ​ളാണ്‌. അതു​കൊണ്ട്‌ അവരിൽ താത്‌പ​ര്യം വളർത്തി​ക്കൊ​ണ്ടു​വ​രാ​നുള്ള നമ്മുടെ സമീപ​ന​വും വ്യത്യസ്‌ത​മാ​യി​രി​ക്കും. ഓരോ സന്ദർശ​ന​ത്തി​നു മുമ്പും ആ വ്യക്തിയെ മനസ്സിൽപ്പി​ടി​ച്ചു​കൊണ്ട്‌ നന്നായി തയ്യാറാ​കു​ന്നെ​ങ്കിൽ നമ്മുടെ മടക്കസ​ന്ദർശ​ന​ങ്ങ​ളു​ടെ ഗുണമേന്മ വർധി​ക്കും. നമ്മുടെ ആത്യന്തി​ക​ല​ക്ഷ്യം ഒരു ബൈബിൾപ​ഠനം ആരംഭി​ക്കു​ക​യെ​ന്ന​താണ്‌.

എങ്ങനെ ചെയ്യാം:

• പെട്ടെ​ന്നു​തന്നെ മടങ്ങി​ച്ചെ​ല്ലുക, അധികം ദിവസം കടന്നു​പോ​കു​ന്ന​തി​നു മുമ്പ്‌.​—മത്ത 13:19

• സൗഹൃ​ദ​ത്തോ​ടെ​യും ആദര​വോ​ടെ​യും ഇടപെ​ടുക, പരി​ഭ്ര​മി​ക്കേണ്ട കാര്യ​മി​ല്ല

• സന്തോ​ഷ​ത്തോ​ടെ അഭിവാ​ദനം ചെയ്‌തു​കൊണ്ട്‌ തുടങ്ങുക. സംസാ​രി​ക്കു​മ്പോൾ ആ വ്യക്തി​യു​ടെ പേര്‌ ഉപയോ​ഗി​ക്കുക. നിങ്ങൾ മടങ്ങി​വ​ന്നത്‌ എന്തിനു​വേ​ണ്ടി​യാ​ണെന്ന്‌ ഒന്നുകൂ​ടി പറയുക. ഒരുപക്ഷേ ഒരു ചോദ്യ​ത്തിന്‌ ഉത്തരം കൊടു​ക്കാ​നോ ഏറ്റവും പുതിയ മാസിക കൊടു​ക്കാ​നോ നമ്മുടെ വെബ്‌സൈറ്റ്‌ പരിച​യ​പ്പെ​ടു​ത്താ​നോ ഒരു വീഡി​യോ കാണി​ക്കാ​നോ ബൈബിൾ പഠിക്കു​ന്നത്‌ എങ്ങനെ​യെന്നു കാണി​ച്ചു​കൊ​ടു​ക്കാ​നോ മടങ്ങി​വ​രാ​മെ​ന്നാ​യി​രി​ക്കാം ആദ്യസ​ന്ദർശ​ന​ത്തിൽ പറഞ്ഞത്‌. എന്നാൽ മറ്റൊരു വിഷയ​ത്തെ​ക്കു​റി​ച്ചാണ്‌ അദ്ദേഹം സംസാ​രി​ക്കാൻ താത്‌പ​ര്യ​പ്പെ​ടു​ന്ന​തെ​ങ്കിൽ അതിന​നു​സ​രിച്ച്‌ നമ്മുടെ സംഭാ​ഷ​ണ​ത്തിൽ മാറ്റങ്ങൾ വരുത്തുക.​—ഫിലി 2:4

• ഒരു തിരു​വെ​ഴു​ത്താ​ശയം പങ്കു​വെ​ച്ചു​കൊ​ണ്ടും ഒരു പ്രസി​ദ്ധീ​ക​രണം കൊടു​ത്തു​കൊ​ണ്ടും വീട്ടു​കാ​രന്റെ ഹൃദയ​ത്തിൽ വീണ സത്യത്തി​ന്റെ വിത്തു നനയ്‌ക്കുക. (1കൊ 3:6) അദ്ദേഹ​വു​മാ​യി നല്ല ബന്ധം സ്ഥാപി​ക്കു​ക

• അടുത്ത സന്ദർശ​ന​ത്തിന്‌ അടിത്ത​റ​യി​ടു​ക