ഒരു ആഭ്യന്ത​ര​ക​ലാ​പം ഉണ്ടായാൽ അതിനെ നേരി​ടാൻ നിങ്ങൾ തയ്യാറാ​ണോ?

ഈ വ്യവസ്ഥി​തി അതിന്റെ അവസാ​ന​ത്തോട്‌ അടുക്കും​തോ​റും ആഭ്യന്ത​ര​ക​ലാ​പ​വും ഭീകര​പ്ര​വർത്ത​ന​വും യുദ്ധവും ഒക്കെ കൂടി​ക്കൂ​ടി​വ​രു​മെന്ന്‌ നമുക്ക്‌ അറിയാം. (വെളി 6:4) ഇതൊക്കെ നേരി​ടാൻ നമുക്ക്‌ എങ്ങനെ തയ്യാറാ​യി​രി​ക്കാം?

• ആത്മീയ​മാ​യി ഒരുങ്ങുക: യഹോ​വ​യി​ലും യഹോ​വ​യു​ടെ സംഘട​ന​യി​ലും ഉള്ള വിശ്വാ​സം ശക്തമാ​ക്കാ​നും നിഷ്‌പ​ക്ഷ​രാ​യി തുടരാ​നും നമ്മളെ സഹായി​ക്കുന്ന തത്ത്വങ്ങ​ളും വിവര​ണ​ങ്ങ​ളും ബൈബി​ളിൽനിന്ന്‌ കണ്ടെത്തുക. (സുഭ 12:5; jr-E 125-126 ¶23-24) അതു​പോ​ലെ സഭയി​ലു​ള്ള​വരെ നമ്മുടെ അടുത്ത സുഹൃ​ത്തു​ക്ക​ളാ​ക്കേണ്ട സമയം ഇപ്പോ​ഴാണ്‌.—1പത്ര 4:7, 8

• ആരോ​ഗ്യ​വും ജീവനും കാക്കാൻ വേണ്ട​തെ​ല്ലാം ചെയ്‌തു​വെ​ക്കുക: വീട്‌ വിട്ടു​പോ​കാൻ ആകി​ല്ലെ​ങ്കിൽ ഒളിക്കാൻ പറ്റിയ ഒരു സ്ഥലം കണ്ടെത്തി​വെ​ക്കുക. അവശ്യ​സാ​ധ​ന​ങ്ങ​ളും ഉണ്ടെന്ന്‌ ഉറപ്പു​വ​രു​ത്തുക. ഇനി, വീട്‌ വിട്ടു​പോ​കേ​ണ്ടി​വ​ന്നാൽ എന്തു ചെയ്യു​മെന്നു മുന്നമേ പ്ലാൻ ചെയ്യുക. ‘ഗോ ബാഗിൽ’ (അവശ്യ​സാ​ധ​നങ്ങൾ അടങ്ങിയ ഒരു കിറ്റ്‌) എല്ലാം ഉണ്ടെന്ന്‌ ഉറപ്പു​വ​രു​ത്തുക. മാസ്‌ക്കു​പോ​ലുള്ള സുരക്ഷാ​സാ​ധ​ന​ങ്ങ​ളും ആവശ്യ​ത്തി​നു പണവും അതിന്‌ ഉള്ളിൽ വെക്കുക. ദുരന്ത​സ​മ​യത്ത്‌ നിങ്ങൾക്കു മൂപ്പന്മാ​രെ​യും അവർക്കു നിങ്ങ​ളെ​യും എങ്ങനെ വിവരങ്ങൾ അറിയി​ക്കാ​നാ​കു​മെന്നു ചിന്തി​ച്ചു​വെ​ക്കുക.—യശ 32:2; g17.5 3-7

കലാപ​മു​ണ്ടാ​കുന്ന സമയത്ത്‌ ആത്മീയ​ദി​ന​ചര്യ നിലനി​റു​ത്തുക. (ഫിലി 1:10) പുറത്തു​പോ​കേണ്ട അത്യാ​വ​ശ്യ​മി​ല്ലെ​ങ്കിൽ വീടി​നു​ള്ളിൽത്തന്നെ ഇരിക്കുക. (മത്ത 10:16) ഭക്ഷണവും മറ്റു സാധന​ങ്ങ​ളും മറ്റുള്ള​വർക്കും കൊടു​ക്കുക.—റോമ 12:13.

ഒരു ദുരന്തത്തെ നേരി​ടാൻ നിങ്ങൾ തയ്യാറാ​ണോ? എന്ന വീഡി​യോ കാണുക. എന്നിട്ട്‌ ഈ ചോദ്യ​ങ്ങൾക്ക്‌ ഉത്തരം കണ്ടെത്തുക:

• ദുരന്ത​ങ്ങ​ളു​ടെ സമയത്ത്‌ യഹോവ നമ്മളെ എങ്ങനെ സഹായി​ക്കും?

• തയ്യാറാ​യി​രി​ക്കാൻ നമുക്ക്‌ എന്തൊക്കെ ചെയ്യാം?

• ദുരന്തങ്ങൾ നേരി​ടു​ന്ന​വരെ നമുക്ക്‌ എങ്ങനെ സഹായി​ക്കാം?