മുൻനിരസേവനം

ആത്മീയ​ല​ക്ഷ്യ​ങ്ങൾ വെക്കു​ന്നത്‌, നമ്മുടെ ആരോ​ഗ്യ​വും സമയവും ഏറ്റവും നന്നായി ഉപയോ​ഗി​ക്കാൻ സഹായി​ക്കും. ഓർക്കുക, അന്ത്യം വരാൻ ഇനി കുറച്ച്‌ സമയമേ ബാക്കി​യു​ള്ളൂ. (1കൊ 9:26; എഫ 5:15, 16) വരുന്ന സേവന​വർഷ​ത്തേക്കു ലക്ഷ്യങ്ങൾ വെക്കു​ന്ന​തി​നെ​ക്കു​റിച്ച്‌ കുടും​ബാ​രാ​ധ​ന​യു​ടെ സമയത്ത്‌ നിങ്ങൾക്കു ചിന്തി​ക്കാ​നാ​കു​മോ? അതിനു സഹായി​ക്കുന്ന ചില ലേഖനങ്ങൾ ഈ പഠനസ​ഹാ​യി​യി​ലുണ്ട്‌. നിങ്ങൾക്ക്‌ ആ ലക്ഷ്യങ്ങ​ളെ​ക്കു​റിച്ച്‌ പ്രാർഥ​നാ​പൂർവം ചിന്തി​ക്കാം.—യാക്ക 1:5.

ഉദാഹ​ര​ണ​ത്തിന്‌, കുടും​ബ​ത്തി​ലെ ബാക്കി​യു​ള്ള​വ​രു​ടെ​യെ​ല്ലാം സഹായ​ത്തോ​ടെ ഒരാൾക്കെ​ങ്കി​ലും സാധാരണ മുൻനി​ര​സേ​വനം തുടങ്ങാ​നാ​കു​മോ? മണിക്കൂർ വ്യവസ്ഥ​യിൽ എത്തി​ച്ചേ​രു​മോ എന്നു നിങ്ങൾക്കു സംശയ​മു​ണ്ടെ​ങ്കിൽ നിങ്ങളു​ടെ അതേ സാഹച​ര്യ​ത്തി​ലുള്ള മുൻനി​ര​സേ​വ​ക​രോട്‌ സംസാ​രി​ക്കുക. (സുഭ 15:22) വേണ​മെ​ങ്കിൽ നിങ്ങളു​ടെ കുടും​ബാ​രാ​ധ​ന​യിൽ ഒരു മുൻനി​ര​സേ​വ​കനെ ക്ഷണിച്ച്‌ അദ്ദേഹ​ത്തോ​ടു കാര്യങ്ങൾ ചോദി​ച്ച​റി​യാം. എന്നിട്ട്‌ നിങ്ങൾക്ക്‌ എങ്ങനെ മണിക്കൂ​റിൽ എത്തി​ച്ചേ​രാൻ പറ്റും എന്ന്‌ അറിയാൻ പലപല പട്ടികകൾ ഉണ്ടാക്കി​നോ​ക്കുക. നിങ്ങൾ മുമ്പ്‌ ഒരു മുൻനി​ര​സേ​വ​ക​നാ​യി​രു​ന്നെ​ങ്കിൽ അതു വീണ്ടും തുടങ്ങാൻ സാഹച​ര്യം അനുവ​ദി​ക്കു​ന്നു​ണ്ടോ എന്നും ചിന്തി​ക്കാം.

കുടും​ബ​ത്തി​ലെ ചിലർക്കൊ​ക്കെ ഒന്നോ അതില​ധി​ക​മോ മാസങ്ങ​ളിൽ സഹായ മുൻനി​ര​സേ​വനം ചെയ്യാൻ കഴിയു​മോ? നിങ്ങൾക്ക്‌ അധിക​സ​മയം വയൽസേ​വനം ചെയ്യാ​നുള്ള ആരോ​ഗ്യ​മി​ല്ലെ​ങ്കിൽ ഓരോ ദിവസ​വും കുറച്ച്‌ സമയം പ്രവർത്തി​ച്ചാൽ ഒരുപക്ഷേ സഹായ മുൻനി​ര​സേ​വനം ചെയ്യാ​നാ​കും. നിങ്ങൾ മുഴു​സ​മയം ജോലി ചെയ്യുന്ന ഒരാളാ​ണോ? അതോ സ്‌കൂ​ളിൽ പഠിക്കുന്ന ഒരാളാ​ണോ? എങ്കിൽ അവധി​ദി​വ​സ​മുള്ള മാസമോ അഞ്ചു വാരാ​ന്ത​ങ്ങ​ളുള്ള ഒരു മാസമോ നിങ്ങൾക്കു തിര​ഞ്ഞെ​ടു​ക്കാ​നാ​യേ​ക്കും. നിങ്ങൾ മുൻനി​ര​സേ​വനം ചെയ്യാൻ ഉദ്ദേശി​ക്കുന്ന മാസവും അതിനുള്ള പട്ടിക​യും കലണ്ടറിൽ എഴുതി​വെ​ക്കുക.—സുഭ 21:5.

ധൈര്യമുള്ള . . . മുൻനി​ര​സേ​വകർ എന്ന വീഡി​യോ കാണുക. എന്നിട്ട്‌ ഈ ചോദ്യ​ത്തിന്‌ ഉത്തരം കണ്ടെത്തുക:

• മുൻനി​ര​സേ​വ​ന​ത്തി​നു​വേണ്ടി ത്യാഗങ്ങൾ ചെയ്യു​ന്ന​വരെ യഹോവ പരിപാ​ലി​ക്കു​മെന്ന്‌ ആമൻഡ്‌ സഹോ​ദ​രി​യു​ടെ അനുഭവം കാണി​ക്കു​ന്നത്‌ എങ്ങനെ?