നിങ്ങളു​ടെ ഭാവി നിങ്ങൾക്കു തീരു​മാ​നി​ക്കാം

ഒരു സുരക്ഷി​ത​മായ ഭാവി ഉണ്ടായി​രി​ക്കാൻ എന്താണ്‌ ചെയ്യേ​ണ്ടത്‌ എന്ന്‌ ദൈവ​മായ യഹോവ ഏതാണ്ട്‌ 3,500 വർഷങ്ങൾക്ക്‌ മുമ്പ്‌ തന്റെ ആരാധ​ക​രോ​ടു പറഞ്ഞു: “ഞാൻ നിങ്ങളു​ടെ മുമ്പാകെ ജീവനും മരണവും, അനു​ഗ്ര​ഹ​വും ശാപവും വെച്ചി​രി​ക്കു​ന്നു. . . . നിങ്ങളും നിങ്ങളു​ടെ വംശജ​രും ജീവി​ച്ചി​രി​ക്കാ​നാ​യി ജീവൻ തിര​ഞ്ഞെ​ടു​ത്തു​കൊ​ള്ളുക.”—ആവർത്തനം 30:19.

നല്ലൊരു ഭാവി കിട്ടാൻ അന്ന്‌ അവർ നല്ല തീരു​മാ​നം എടുക്ക​ണ​മാ​യി​രു​ന്നു. അവരെ​പ്പോ​ലെ തീരു​മാ​ന​മെ​ടു​ക്കാ​നുള്ള അവസരം ഇന്നു നമുക്കു​മുണ്ട്‌. എന്നാൽ ഭാവി സുരക്ഷി​ത​മാ​ക്കാൻ എന്തു തിര​ഞ്ഞെ​ടു​ക്ക​ണ​മെന്നു ബൈബിൾ പറയുന്നു: “നിങ്ങളു​ടെ ദൈവ​മായ യഹോ​വയെ സ്‌നേ​ഹി​ക്കു​ക​യും ദൈവ​ത്തി​ന്റെ വാക്കു കേൾക്കു​ക​യും . . . വേണം.”—ആവർത്തനം 30:20.

യഹോ​വയെ സ്‌നേ​ഹി​ക്കാ​നും ദൈവ​ത്തി​ന്റെ വാക്കു കേൾക്കാ​നും എങ്ങനെ കഴിയും?

ബൈബിൾ പഠിക്കുക: യഹോ​വയെ സ്‌നേ​ഹി​ക്കാൻ നിങ്ങൾ ആദ്യം ചെയ്യേ​ണ്ടത്‌ ബൈബി​ളിൽനിന്ന്‌ ദൈവ​ത്തെ​ക്കു​റിച്ച്‌ പഠിക്കുക എന്നതാണ്‌. അങ്ങനെ പഠിക്കു​മ്പോൾ, നമുക്കു നല്ലതു​വ​രാൻ ആഗ്രഹി​ക്കുന്ന സ്‌നേ​ഹ​മുള്ള ഒരു ദൈവ​മാണ്‌ യഹോവ എന്ന്‌ നിങ്ങൾ മനസ്സി​ലാ​ക്കും. “ദൈവം നിങ്ങ​ളെ​ക്കു​റിച്ച്‌ ചിന്തയു​ള്ള​വ​നാ​യ​തു​കൊണ്ട്‌” ആണ്‌ തന്നോടു പ്രാർഥി​ക്കാൻ നിങ്ങ​ളോ​ടു പറയു​ന്നത്‌. (1 പത്രോസ്‌ 5:7) നിങ്ങൾ ദൈവ​ത്തോട്‌ അടുത്ത്‌ ചെല്ലാൻ ശ്രമി​ച്ചാൽ “ദൈവം നിങ്ങ​ളോട്‌ അടുത്ത്‌ വരും” എന്ന്‌ ബൈബിൾ ഉറപ്പു​ത​രു​ന്നു.—യാക്കോബ്‌ 4:8.

പഠിച്ച​തി​നു ചേർച്ച​യിൽ പ്രവർത്തി​ക്കുക: ദൈവ​ത്തി​ന്റെ വാക്കു കേൾക്കുക എന്നു പറയു​മ്പോൾ ബൈബി​ളി​ലൂ​ടെ ദൈവം നൽകി​യി​രി​ക്കുന്ന നിർദേ​ശങ്ങൾ അനുസ​രി​ക്കുക എന്നാണ്‌. അങ്ങനെ ചെയ്‌താൽ ‘നിങ്ങൾ വിജയി​ക്കും. നിങ്ങൾ ബുദ്ധി​യോ​ടെ കാര്യങ്ങൾ ചെയ്യും.’—യോശുവ 1:8.