നിങ്ങളു​ടെ വിശ്വ​സ്‌തത പരീക്ഷി​ക്ക​പ്പെ​ടു​മ്പോൾ സുബോധമുള്ളവരായിരിക്കുക

1. സുബോ​ധ​മു​ള്ള​വ​രാ​യി​രി​ക്കുക എന്നു പറയു​ന്ന​തി​ന്റെ അർഥം എന്താണ്‌? (1 പത്രോസ്‌ 5:8)

വിഷമി​പ്പി​ക്കുന്ന എന്തെങ്കി​ലും ജീവി​ത​ത്തിൽ ഉണ്ടാകു​മ്പോൾ യഹോ​വ​യോ​ടും സംഘട​ന​യോ​ടും ഉള്ള നമ്മുടെ വിശ്വ​സ്‌തത പരീക്ഷി​ക്ക​പ്പെ​ട്ടേ​ക്കാം. നമുക്ക്‌ എങ്ങനെ അത്തരം പ്രശ്‌ന​ങ്ങളെ നേരി​ടാം? അതിനു​വേണ്ടി നമ്മൾ സുബോ​ധ​മു​ള്ള​വ​രാ​യി ഉണർന്നി​രി​ക്കു​ക​യും വിശ്വാ​സ​ത്തിൽ ഉറച്ചു​നിൽക്കു​ക​യും വേണം. (1 പത്രോസ്‌ 5:8 വായി​ക്കുക.) ശാന്തരാ​യി​രുന്ന്‌ കാര്യ​ങ്ങളെ ശരിയാ​യി വിലയി​രു​ത്തു​ക​യും യഹോവ കാര്യ​ങ്ങളെ കാണു​ന്ന​തു​പോ​ലെ കാണു​ക​യു​മാ​ണെ​ങ്കിൽ നമ്മൾ സുബോ​ധ​മു​ള്ള​വ​രാ​ണെന്നു തെളി​യി​ക്കു​ക​യാണ്‌. അങ്ങനെ ചെയ്യു​ന്നെ​ങ്കിൽ നമ്മൾ വികാ​ര​ത്തി​ന്റെ പുറത്ത്‌ തീരു​മാ​ന​ങ്ങ​ളെ​ടു​ക്കില്ല. പകരം നന്നായി ചിന്തിച്ച്‌ പ്രവർത്തി​ക്കും.

2. ഈ ലേഖന​ത്തിൽ നമ്മൾ എന്താണു പഠിക്കാൻപോ​കു​ന്നത്‌?

² കഴിഞ്ഞ ലേഖന​ത്തിൽ, സഭയ്‌ക്കു വെളി​യിൽനിന്ന്‌ ഉണ്ടാ​യേ​ക്കാ​വുന്ന മൂന്നു പ്രശ്‌ന​ങ്ങ​ളെ​ക്കു​റി​ച്ചാ​ണു നമ്മൾ പഠിച്ചത്‌. എന്നാൽ ചില സന്ദർഭ​ങ്ങ​ളിൽ സഭയി​ലെ​യോ സംഘട​ന​യി​ലെ​യോ ചില സാഹച​ര്യ​ങ്ങൾ യഹോ​വ​യോ​ടുള്ള നമ്മുടെ വിശ്വ​സ്‌ത​ത​യ്‌ക്ക്‌ ഒരു പരീക്ഷ​ണ​മാ​യേ​ക്കാം. അത്തരം മൂന്നു സാഹച​ര്യ​ങ്ങ​ളെ​ക്കു​റി​ച്ചാണ്‌ ഈ ലേഖന​ത്തിൽ പഠിക്കാൻപോ​കു​ന്നത്‌. ഏതൊ​ക്കെ​യാണ്‌ അവ? (1) സഹോ​ദ​ര​ങ്ങ​ളിൽ ആരെങ്കി​ലും നമ്മളെ ദ്രോ​ഹി​ച്ച​താ​യി തോന്നു​മ്പോൾ, (2) നമുക്ക്‌ ഒരു ശിക്ഷണം കിട്ടു​മ്പോൾ, (3) സംഘട​ന​യിൽ വരുന്ന മാറ്റങ്ങ​ളോ​ടു പൊരു​ത്ത​പ്പെ​ടാൻ ബുദ്ധി​മു​ട്ടു തോന്നു​മ്പോൾ. ഇത്തരം പ്രശ്‌ന​ങ്ങ​ളൊ​ക്കെ ഉണ്ടാകു​മ്പോൾ നമുക്ക്‌ എങ്ങനെ യഹോ​വ​യോ​ടും സംഘട​ന​യോ​ടും വിശ്വ​സ്‌ത​രാ​യി​രു​ന്നു​കൊണ്ട്‌ സുബോ​ധ​മു​ള്ള​വ​രാ​ണെന്നു തെളി​യി​ക്കാം?

സഹോ​ദ​ര​ങ്ങ​ളിൽ ആരെങ്കി​ലും നമ്മളെ ദ്രോ​ഹി​ച്ച​താ​യി തോന്നുമ്പോൾ

3. സഹോ​ദ​ര​ങ്ങ​ളിൽ ആരെങ്കി​ലും ദ്രോ​ഹി​ച്ച​താ​യി തോന്നു​മ്പോൾ നിങ്ങൾ എങ്ങനെ പ്രതി​ക​രി​ച്ചേ​ക്കാം?

³ സഹോ​ദ​ര​ങ്ങ​ളിൽ ആരെങ്കി​ലും, പ്രത്യേ​കിച്ച്‌ ഉത്തരവാ​ദി​ത്വ​സ്ഥാ​ന​ത്തുള്ള ആരെങ്കി​ലും, നിങ്ങളെ ദ്രോ​ഹി​ച്ച​താ​യി എപ്പോ​ഴെ​ങ്കി​ലും തോന്നി​യി​ട്ടു​ണ്ടോ? സാധ്യ​ത​യ​നു​സ​രിച്ച്‌, ആ സഹോ​ദരൻ നിങ്ങളെ വിഷമി​പ്പി​ക്കാ​നൊ​ന്നും ഉദ്ദേശി​ച്ചി​ട്ടു​ണ്ടാ​കില്ല. (റോമ. 3:23; യാക്കോ. 3:2) പക്ഷേ, അദ്ദേഹം ചെയ്‌ത കാര്യം നിങ്ങളെ ഒരുപാ​ടു വേദനി​പ്പി​ച്ചു. നിങ്ങൾക്ക്‌ അതെക്കു​റിച്ച്‌ ഓർത്ത്‌ ഉറക്കം നഷ്ടപ്പെട്ടു. നിങ്ങൾ ഇങ്ങനെ​പോ​ലും ചിന്തി​ച്ചു​കാ​ണും: ‘ഈ സഹോ​ദ​രന്‌ ഇതു​പോ​ലെ​യൊ​ക്കെ ചെയ്യാൻ എങ്ങനെ സാധി​ക്കു​ന്നു? ശരിക്കും ഇതു ദൈവ​ത്തി​ന്റെ സംഘട​ന​ത​ന്നെ​യാ​ണോ?’ നമ്മൾ ആ രീതി​യിൽ ചിന്തി​ക്കാ​നാ​ണു വാസ്‌ത​വ​ത്തിൽ സാത്താൻ ആഗ്രഹി​ക്കു​ന്നത്‌. (2 കൊരി. 2:11) ഇത്തരത്തി​ലുള്ള തെറ്റായ ചിന്തകൾ നമ്മളെ യഹോ​വ​യിൽനി​ന്നും സംഘട​ന​യിൽനി​ന്നും അകറ്റി​ക്ക​ള​ഞ്ഞേ​ക്കാം. അതു​കൊണ്ട്‌ ഒരു സഹോ​ദ​ര​നോ സഹോ​ദ​രി​യോ നിങ്ങളെ ദ്രോ​ഹി​ച്ച​താ​യി എപ്പോ​ഴെ​ങ്കി​ലും തോന്നു​ന്നെ​ങ്കിൽ തെറ്റായ അത്തരം ചിന്തകൾ മനസ്സിൽനിന്ന്‌ കളഞ്ഞു​കൊണ്ട്‌ നിങ്ങൾക്ക്‌ എങ്ങനെ സുബോ​ധ​മു​ള്ള​വ​രാ​യി​രി​ക്കാ​നാ​കും?

4. (എ) ചേട്ടന്മാർ ദ്രോ​ഹി​ച്ച​പ്പോൾ യോ​സേഫ്‌ എങ്ങനെ സുബോ​ധ​മു​ള്ള​വ​നാ​ണെന്നു തെളി​യി​ച്ചു? (ബി) യോ​സേ​ഫി​ന്റെ മാതൃ​ക​യിൽനിന്ന്‌ നമുക്ക്‌ എന്തെല്ലാം പാഠങ്ങൾ പഠിക്കാം? (ഉൽപത്തി 50:19-21)

⁴ നീരസ​പ്പെ​ട​രുത്‌. യോ​സേ​ഫി​ന്റെ ദൃഷ്ടാന്തം നോക്കാം. യോ​സേഫ്‌ ചെറു​പ്പ​മാ​യി​രു​ന്ന​പ്പോൾ ചേട്ടന്മാർ അവനെ ഒരുപാ​ടു ദ്രോ​ഹി​ച്ചു. യോ​സേ​ഫി​നോട്‌ അവർക്കു വെറു​പ്പാ​യി, അവനെ കൊന്നു​ക​ള​ഞ്ഞേ​ക്കാ​മെ​ന്നു​പോ​ലും അവരിൽ ചിലർ ചിന്തിച്ചു. (ഉൽപ. 37:4, 18-22) അവസാനം അവനെ ഒരു അടിമ​യാ​യി വിറ്റു. തുടർന്ന്‌ ഏതാണ്ട്‌ 13 വർഷ​ത്തോ​ളം യോ​സേ​ഫിന്‌ ഒന്നിനു പുറകേ ഒന്നായി ഒരുപാ​ടു കഷ്ടങ്ങൾ സഹി​ക്കേ​ണ്ടി​വന്നു. യോ​സേ​ഫിന്‌ ആ സമയത്ത്‌ വേണ​മെ​ങ്കിൽ, ‘യഹോവ എന്നെ ശരിക്കും സ്‌നേ​ഹി​ക്കു​ന്നു​ണ്ടോ, എനിക്കു സഹായം ആവശ്യ​മുള്ള സമയത്ത്‌ എന്നെ ഉപേക്ഷി​ച്ചു​ക​ള​ഞ്ഞ​ല്ലോ’ എന്നൊക്കെ ചിന്തി​ക്കാ​മാ​യി​രു​ന്നു. എന്നാൽ അദ്ദേഹം അങ്ങനെ​യൊ​ന്നും ഓർത്ത്‌ നീരസ​പ്പെ​ട്ടില്ല. പകരം ശാന്തനാ​യി​രുന്ന്‌ സുബോ​ധ​ത്തോ​ടെ ചിന്തിച്ചു. പിന്നീട്‌, അദ്ദേഹ​ത്തി​നു വേണ​മെ​ങ്കിൽ ചേട്ടന്മാ​രോ​ടു പകരം​വീ​ട്ടാൻ അവസര​മു​ണ്ടാ​യി​രു​ന്നു. പക്ഷേ, അതിനു ശ്രമി​ക്കു​ന്ന​തി​നു പകരം അദ്ദേഹം അവരോ​ടു ക്ഷമിക്കു​ക​യും സ്‌നേഹം കാണി​ക്കു​ക​യും ചെയ്‌തു. (ഉൽപ. 45:4, 5) എങ്ങനെ​യാ​ണു യോ​സേ​ഫിന്‌ അതി​നൊ​ക്കെ കഴിഞ്ഞത്‌? അദ്ദേഹം കാര്യ​ങ്ങളെ ശരിയായ രീതി​യിൽ വിലയി​രു​ത്തി​യ​തു​കൊണ്ട്‌. തന്റെ പ്രശ്‌ന​ങ്ങ​ളെ​ക്കു​റിച്ച്‌ അധികം ചിന്തി​ക്കു​ന്ന​തി​നു പകരം യഹോ​വ​യു​ടെ ഇഷ്ടം എന്താ​ണെന്നു മനസ്സി​ലാ​ക്കാൻ അദ്ദേഹം ശ്രമിച്ചു. (ഉൽപത്തി 50:19-21 വായി​ക്കുക.) എന്താണു നമുക്കുള്ള പാഠം? ആരെങ്കി​ലും നമ്മളോ​ടു മോശ​മാ​യി പെരു​മാ​റു​മ്പോൾ യഹോ​വ​യോ​ടു നീരസം തോന്നു​ക​യോ യഹോവ നമ്മളെ ഉപേക്ഷി​ച്ചെന്നു ചിന്തി​ക്കു​ക​യോ അരുത്‌. പകരം, ഇത്തരം പ്രശ്‌ന​ങ്ങ​ളൊ​ക്കെ ഉള്ളപ്പോൾ സഹിച്ചു​നിൽക്കാൻ യഹോവ നമ്മളെ എങ്ങനെ സഹായി​ക്കു​ന്നു എന്നതി​നെ​ക്കു​റിച്ച്‌ ചിന്തി​ക്കുക. കൂടാതെ, മറ്റുള്ളവർ നമ്മളോ​ടു മോശ​മാ​യി പെരു​മാ​റു​മ്പോൾ സ്‌നേ​ഹം​കൊണ്ട്‌ അവരുടെ കുറവു​കളെ മറയ്‌ക്കാൻ ശ്രമി​ക്കുക.—1 പത്രോ. 4:8.

5. സഹോ​ദ​രങ്ങൾ തന്നെ ദ്രോ​ഹി​ച്ച​താ​യി തോന്നി​യ​പ്പോൾ മിഖേ​യസ്‌ സഹോ​ദരൻ എങ്ങനെ​യാ​ണു സുബോ​ധ​മു​ള്ള​വ​നാ​ണെന്നു തെളി​യി​ച്ചത്‌?

⁵ തെക്കേ അമേരി​ക്ക​യിൽനി​ന്നുള്ള മിഖേയസ്‌b സഹോ​ദ​രന്റെ അനുഭവം നോക്കാം. അദ്ദേഹം ഒരു മൂപ്പനാണ്‌. ഒരിക്കൽ ഉത്തരവാ​ദി​ത്വ​സ്ഥാ​ന​ത്തുള്ള സഹോ​ദ​രങ്ങൾ തന്നോടു വളരെ മോശ​മാ​യി പെരു​മാ​റി​യെന്ന്‌ അദ്ദേഹ​ത്തി​നു തോന്നി. അതെക്കു​റിച്ച്‌ അദ്ദേഹം പറയു​ന്നത്‌ ഇതാണ്‌: “എന്റെ ജീവി​ത​ത്തിൽ ഇതു​പോ​ലൊ​രു വിഷമം ഞാൻ അനുഭ​വി​ച്ചി​ട്ടില്ല. രാത്രി​യിൽ എനിക്ക്‌ ഉറങ്ങാൻപോ​ലും കഴിഞ്ഞില്ല. എന്തു ചെയ്യണ​മെന്ന്‌ അറിയാ​തെ ഞാൻ ഒരുപാ​ടു കരഞ്ഞു.” പക്ഷേ അപ്പോ​ഴും അദ്ദേഹം തന്റെ വികാ​ര​ങ്ങളെ നിയ​ന്ത്രി​ക്കാൻ പരമാ​വധി ശ്രമി​ക്കു​ക​യും സുബോ​ധ​മു​ള്ള​വ​നാ​യി​രി​ക്കു​ക​യും ചെയ്‌തു. സഹോ​ദരൻ കൂടെ​ക്കൂ​ടെ യഹോ​വ​യോ​ടു പ്രാർഥി​ച്ചു. സഹിച്ചു​നിൽക്കാ​നുള്ള ശക്തിക്കും പരിശു​ദ്ധാ​ത്മാ​വി​നും വേണ്ടി അപേക്ഷി​ച്ചു. കൂടാതെ, തന്നെ സഹായി​ക്കുന്ന വിവരങ്ങൾ നമ്മുടെ പ്രസി​ദ്ധീ​ക​ര​ണ​ങ്ങ​ളി​ലു​ണ്ടോ എന്നു നോക്കി. എന്താണ്‌ നമുക്കുള്ള പാഠം? സഹോ​ദ​ര​ങ്ങ​ളിൽ ആരെങ്കി​ലും നമ്മളെ ദ്രോ​ഹി​ച്ച​താ​യി തോന്നു​മ്പോൾ ശാന്തരാ​യി​രി​ക്കാൻ ശ്രമി​ക്കുക. അവരെ​ക്കു​റിച്ച്‌ മോശ​മാ​യി ചിന്തി​ക്കാ​തി​രി​ക്കുക. അങ്ങനെ പറയു​ക​യോ പ്രവർത്തി​ക്കു​ക​യോ ചെയ്‌ത​പ്പോ​ഴത്തെ അവരുടെ സാഹച​ര്യം എന്തായി​രു​ന്നെന്നു നമുക്ക്‌ അറിയി​ല്ല​ല്ലോ. അതു​കൊണ്ട്‌ ആ വ്യക്തി​യു​ടെ സ്ഥാനത്ത്‌ നിന്ന്‌ ചിന്തി​ക്കാൻ സഹായി​ക്കണേ എന്ന്‌ യഹോ​വ​യോ​ടു പ്രാർഥി​ക്കുക. അങ്ങനെ ചെയ്യു​ന്നെ​ങ്കിൽ അവർ മനഃപൂർവം നമ്മളെ ദ്രോ​ഹി​ക്കാൻ ശ്രമി​ച്ച​താ​ണെന്നു ചിന്തി​ക്കാ​തെ അവരോ​ടു ക്ഷമിക്കാൻ നമുക്കു പറ്റും. (സുഭാ. 19:11) നമുക്ക്‌ ഇക്കാര്യം മനസ്സിൽപ്പി​ടി​ക്കാം: നമ്മുടെ സാഹച​ര്യ​ങ്ങൾ യഹോവ ശരിക്കും മനസ്സി​ലാ​ക്കു​ന്നുണ്ട്‌. സഹിച്ചു​നിൽക്കാൻ ആവശ്യ​മായ ശക്തി ദൈവം നമുക്കു തരുക​യും ചെയ്യും.—2 ദിന. 16:9; സഭാ. 5:8.

നമുക്കു ശിക്ഷണം കിട്ടുമ്പോൾ

6. ശിക്ഷണം കിട്ടു​മ്പോൾ അതിനെ യഹോ​വ​യു​ടെ സ്‌നേ​ഹ​ത്തി​ന്റെ തെളി​വാ​യി കാണേ​ണ്ടത്‌ എന്തു​കൊണ്ട്‌? (എബ്രായർ 12:5, 6, 11)

⁶ ശിക്ഷണം ഒരുപക്ഷേ നമ്മളെ ഒരുപാ​ടു വേദനി​പ്പി​ച്ചേ​ക്കാം. എന്നാൽ നമുക്കു​ണ്ടായ വിഷമ​ത്തിൽ മാത്ര​മാ​ണു നമ്മൾ ശ്രദ്ധി​ക്കു​ന്ന​തെ​ങ്കിൽ ഇത്ര വലിയ ശിക്ഷണം കിട്ടാൻ മാത്രം വലിയ തെറ്റൊ​ന്നും ഞാൻ ചെയ്‌തി​ട്ടി​ല്ലെ​ന്നോ അതു തന്ന രീതി ഒട്ടും ശരിയാ​യി​ല്ലെ​ന്നോ ഒക്കെ ചിന്തിച്ച്‌ നമ്മൾ അതിനെ വിലകു​റച്ച്‌ കണ്ടേക്കാം. അങ്ങനെ​യൊ​ക്കെ ചിന്തി​ക്കു​ന്നെ​ങ്കിൽ വളരെ പ്രധാ​ന​പ്പെട്ട ഒരു കാര്യം നമ്മൾ തിരി​ച്ച​റി​യാ​തെ​പോ​കും, അതായത്‌, യഹോവ നമ്മളെ സ്‌നേ​ഹി​ക്കു​ന്നു, അതു​കൊ​ണ്ടാ​ണു നമ്മളെ തിരു​ത്തു​ന്നത്‌ എന്ന കാര്യം. (എബ്രായർ 12:5, 6, 11 വായി​ക്കുക.) ഒരു തിരുത്തൽ കിട്ടു​മ്പോൾ വികാ​ര​ങ്ങ​ളാ​ണു നമ്മളെ നിയ​ന്ത്രി​ക്കു​ന്ന​തെ​ങ്കിൽ സാത്താൻ അതു മുത​ലെ​ടു​ക്കാൻ ശ്രമി​ക്കും. കാരണം ലഭിക്കുന്ന ശിക്ഷണത്തെ നമ്മൾ തള്ളിക്ക​ള​യാ​നും അങ്ങനെ പതി​യെ​പ്പ​തി​യെ യഹോ​വ​യിൽനി​ന്നും സംഘട​ന​യിൽനി​ന്നും നമ്മൾ അകന്നു​പോ​കാ​നു​മാ​ണു സാത്താൻ ആഗ്രഹി​ക്കു​ന്നത്‌. അതു​കൊണ്ട്‌ ശിക്ഷണം കിട്ടു​മ്പോൾ നമ്മൾ സുബോ​ധ​മു​ള്ള​വ​രാ​യി​രി​ക്കണം. അതിന്‌ എന്തു ചെയ്യാം?

7. (എ) ചിത്ര​ത്തിൽ കാണു​ന്ന​തു​പോ​ലെ, ശിക്ഷണം സ്വീക​രി​ച്ച​തു​കൊണ്ട്‌ യഹോവ പത്രോ​സി​നെ എങ്ങനെ​യെ​ല്ലാം ഉപയോ​ഗി​ച്ചു? (ബി) പത്രോ​സി​ന്റെ മാതൃ​ക​യിൽനിന്ന്‌ നമുക്ക്‌ എന്തു പഠിക്കാം?

⁷ ശിക്ഷണം സ്വീക​രി​ക്കുക, വേണ്ട മാറ്റങ്ങൾ വരുത്തുക. അപ്പോ​സ്‌ത​ല​നായ പത്രോ​സി​ന്റെ കാര്യം​തന്നെ എടുക്കുക. മറ്റ്‌ അപ്പോ​സ്‌ത​ല​ന്മാ​രു​ടെ​യെ​ല്ലാം മുന്നിൽവെച്ച്‌ യേശു ഒന്നില​ധി​കം തവണ അദ്ദേഹത്തെ തിരുത്തി. (മർക്കോ. 8:33; ലൂക്കോ. 22:31-34) അദ്ദേഹ​ത്തി​നു ശരിക്കും വിഷമം തോന്നി​ക്കാ​ണും. എന്നാൽ പത്രോസ്‌ അപ്പോ​ഴും യേശു​വി​നോ​ടു വിശ്വ​സ്‌ത​നാ​യി തുടർന്നു. തനിക്കു കിട്ടിയ തിരുത്തൽ അദ്ദേഹം സ്വീക​രി​ക്കു​ക​യും തന്റെ തെറ്റിൽനിന്ന്‌ പാഠം ഉൾക്കൊ​ള്ളു​ക​യും ചെയ്‌തു. അതു​കൊണ്ട്‌ യഹോവ അദ്ദേഹ​ത്തി​ന്റെ വിശ്വ​സ്‌ത​ത​യ്‌ക്കു പ്രതി​ഫലം നൽകി. സഭയിൽ വലിയ​വ​ലിയ ഉത്തരവാ​ദി​ത്വ​ങ്ങൾ അദ്ദേഹത്തെ ഏൽപ്പിച്ചു. (യോഹ. 21:15-17; പ്രവൃ. 10:24-33; 1 പത്രോ. 1:1) എന്താണു നമുക്കുള്ള പാഠം? ഒരു ശിക്ഷണം കിട്ടു​മ്പോൾ നമുക്കു​ണ്ടാ​കുന്ന നാണ​ക്കേ​ടി​നെ​ക്കു​റിച്ച്‌ ചിന്തി​ക്കു​ന്ന​തി​നു പകരം ആ തിരുത്തൽ സ്വീക​രി​ക്കു​ക​യും വേണ്ട മാറ്റങ്ങൾ വരുത്തു​ക​യും ആണെങ്കിൽ അതു നമുക്കും മറ്റുള്ള​വർക്കും പ്രയോ​ജനം ചെയ്യും. കാരണം നമുക്ക്‌ അപ്പോൾ യഹോ​വ​യ്‌ക്കു​വേ​ണ്ടി​യും സഹോ​ദ​ര​ങ്ങൾക്കു​വേ​ണ്ടി​യും കൂടുതൽ കാര്യങ്ങൾ ചെയ്യാ​നാ​കും.

8-9. ഒരു ശിക്ഷണം കിട്ടി​യ​പ്പോൾ ബർണാർഡോ സഹോ​ദ​രന്‌ ആദ്യം എന്താണു തോന്നി​യത്‌, എന്നാൽ തന്റെ ചിന്തയെ തിരു​ത്താൻ അദ്ദേഹത്തെ സഹായി​ച്ചത്‌ എന്താണ്‌?

⁸ മൊസാ​മ്പി​ക്കിൽ താമസി​ക്കുന്ന ബർണാർഡോ സഹോ​ദ​രന്‌ എന്താണു സംഭവി​ച്ച​തെന്നു നോക്കാം. സഭയിൽ ഒരു മൂപ്പനാ​യി സേവി​ച്ചി​രുന്ന അദ്ദേഹ​ത്തിന്‌ ആ സേവന​പ​ദവി നഷ്ടപ്പെട്ടു. അതെക്കു​റിച്ച്‌ അദ്ദേഹ​ത്തിന്‌ ആദ്യം എന്താണു തോന്നി​യത്‌? സഹോ​ദരൻ പറയുന്നു: “ആ ശിക്ഷണം എനിക്കു തീരെ ഇഷ്ടപ്പെ​ട്ടില്ല. അതു​കൊണ്ട്‌ എനിക്കു നല്ല ദേഷ്യം തോന്നി.” സഭയി​ലുള്ള സഹോ​ദ​രങ്ങൾ തന്നെ എങ്ങനെ​യാ​യി​രി​ക്കും കാണുക എന്നായി​രു​ന്നു അദ്ദേഹ​ത്തി​ന്റെ ചിന്ത. സഹോ​ദരൻ പറയുന്നു: “കുറെ മാസങ്ങൾകൊ​ണ്ടാ​ണു കാര്യ​ങ്ങളെ ശരിയായ രീതി​യിൽ കാണാ​നും യഹോ​വ​യി​ലും സംഘട​ന​യി​ലും ഉള്ള വിശ്വാ​സം വീണ്ടെ​ടു​ക്കാ​നും എനിക്കു കഴിഞ്ഞത്‌.” തന്റെ ചിന്തയ്‌ക്കു മാറ്റം​വ​രു​ത്താൻ ബർണാർഡോ സഹോ​ദ​രനെ സഹായി​ച്ചത്‌ എന്താണ്‌?

⁹ അതെക്കു​റിച്ച്‌ അദ്ദേഹം പറയുന്നു: “ഞാൻ ഒരു മൂപ്പനാ​യി​രു​ന്ന​പ്പോൾ എബ്രായർ 12:7 സഹോ​ദ​ര​ങ്ങളെ വായി​ച്ചു​കേൾപ്പി​ച്ചി​ട്ടുണ്ട്‌. യഹോവ ഒരു ശിക്ഷണം തരു​മ്പോൾ നമ്മൾ എങ്ങനെ അതു സ്വീക​രി​ക്കണം എന്ന്‌ അവരോ​ടു പറഞ്ഞു​കൊ​ടു​ത്തി​ട്ടുണ്ട്‌. പക്ഷേ ഇപ്പോൾ എന്റെ കാര്യം വന്നപ്പോ​ഴോ? അതു​കൊണ്ട്‌ ഞാൻ ഇങ്ങനെ ചിന്തിച്ചു: ‘ശരിക്കും ഈ വാക്യം ആർക്കു​വേ​ണ്ടി​യു​ള്ള​താണ്‌?’ എനിക്കു മനസ്സി​ലാ​യി, ഞാൻ ഉൾപ്പെടെ യഹോ​വ​യു​ടെ എല്ലാ ദാസന്മാർക്കും​വേ​ണ്ടി​യു​ള്ളത്‌.” തുടർന്ന്‌ യഹോ​വ​യി​ലും സംഘട​ന​യി​ലും ഉള്ള തന്റെ വിശ്വാ​സം വർധി​പ്പി​ക്കു​ന്ന​തി​നു​വേണ്ടി അദ്ദേഹം മറ്റു ചില കാര്യ​ങ്ങ​ളും ചെയ്‌തു. അദ്ദേഹം തന്റെ ആത്മീയ​പ്ര​വർത്ത​നങ്ങൾ കൂടുതൽ നന്നായി ചെയ്യാൻതു​ടങ്ങി. പതിവാ​യി ബൈബിൾ വായി​ക്കു​ക​യും അതെക്കു​റിച്ച്‌ ആഴത്തിൽ ചിന്തി​ക്കു​ക​യും ചെയ്‌തു. സഭയിലെ സഹോ​ദ​രങ്ങൾ തന്നെ എങ്ങനെ​യാ​യി​രി​ക്കും കാണു​ന്നത്‌ എന്നതി​നെ​ക്കു​റിച്ച്‌ അദ്ദേഹ​ത്തിന്‌ അല്പം ചിന്തയു​ണ്ടാ​യി​രു​ന്നു. എങ്കിലും അദ്ദേഹം അവരു​ടെ​കൂ​ടെ വയൽസേ​വ​ന​ത്തി​നു പോയി. ഇനി, മീറ്റി​ങ്ങു​ക​ളിൽ പതിവാ​യി അഭി​പ്രാ​യങ്ങൾ പറഞ്ഞു. അങ്ങനെ കുറെ​ക്കാ​ല​ത്തി​നു ശേഷം അദ്ദേഹത്തെ വീണ്ടും ഒരു മൂപ്പനാ​യി നിയമി​ച്ചു. ബർണാർഡോ​യെ​പ്പോ​ലെ നിങ്ങൾക്കും യഹോ​വ​യിൽനി​ന്നുള്ള ഒരു ശിക്ഷണം കിട്ടു​ന്നെ​ങ്കിൽ അതിലൂ​ടെ​യു​ണ്ടാ​കുന്ന നാണ​ക്കേ​ടി​നെ​ക്കു​റിച്ച്‌ ചിന്തി​ക്കു​ന്ന​തി​നു പകരം കിട്ടുന്ന തിരുത്തൽ സ്വീക​രി​ക്കുക, വേണ്ട മാറ്റങ്ങൾ വരുത്തുക.c (സുഭാ. 8:33; 22:4) അങ്ങനെ ചെയ്‌താൽ തന്നോ​ടും സംഘട​ന​യോ​ടും വിശ്വ​സ്‌ത​രാ​യി തുടരു​ന്ന​തി​ന്റെ പേരിൽ യഹോവ നിങ്ങളെ അനു​ഗ്ര​ഹി​ക്കും.

സംഘട​ന​യിൽ ചില മാറ്റങ്ങൾ വരുമ്പോൾ

10. സംഘട​നാ​പ​ര​മായ ഏതു മാറ്റം ഒരുപക്ഷേ ചില ഇസ്രാ​യേ​ല്യ​രു​ടെ വിശ്വ​സ്‌ത​ത​യ്‌ക്ക്‌ ഒരു പരീക്ഷ​ണ​മാ​യി​ത്തീർന്നി​രി​ക്കാം?

¹⁰ സംഘട​നാ​പ​ര​മായ ചില മാറ്റങ്ങൾ നമ്മുടെ വിശ്വ​സ്‌ത​ത​യ്‌ക്ക്‌ ഒരു പരീക്ഷ​ണ​മാ​യേ​ക്കാം. സൂക്ഷി​ച്ചി​ല്ലെ​ങ്കിൽ അത്‌ യഹോ​വ​യിൽനിന്ന്‌ നമ്മളെ അകറ്റി​ക്ക​ള​യു​ക​പോ​ലും ചെയ്‌തേ​ക്കാം. ഉദാഹ​ര​ണ​ത്തിന്‌, ചില ഇസ്രാ​യേ​ല്യ​രു​ടെ കാര്യ​ത്തിൽ സംഭവി​ച്ചത്‌ എന്താ​ണെന്നു നമുക്കു നോക്കാം. യഹോവ അവർക്കു മോശ​യി​ലൂ​ടെ നിയമം നൽകു​ന്ന​തി​നു മുമ്പ്‌ കുടും​ബ​ത്ത​ല​വ​ന്മാ​രാ​ണു പുരോ​ഹി​തന്റെ ഉത്തരവാ​ദി​ത്വം ചെയ്‌തി​രു​ന്നത്‌. അവർ യാഗപീ​ഠങ്ങൾ പണിയു​ക​യും തങ്ങളുടെ കുടും​ബ​ത്തി​നു​വേണ്ടി യഹോ​വ​യ്‌ക്കു ബലി അർപ്പി​ക്കു​ക​യും ചെയ്‌തി​രു​ന്നു. (ഉൽപ. 8:20, 21; 12:7; 26:25; 35:1, 6, 7; ഇയ്യോ. 1:5) എന്നാൽ പിന്നീടു ദൈവം മോശ​യി​ലൂ​ടെ നിയമം നൽകി​യ​പ്പോൾ അവർക്ക്‌ ആ പദവി നഷ്ടപ്പെട്ടു. പകരം അഹരോ​ന്റെ കുടും​ബ​ത്തി​ലു​ള്ള​വ​രെ​യാണ്‌ യഹോവ യാഗം അർപ്പി​ക്കാൻ പുരോ​ഹി​ത​ന്മാ​രാ​യി നിയമി​ച്ചത്‌. ഇത്തരത്തിൽ ഒരു മാറ്റം വന്നതിനു ശേഷം അഹരോ​ന്റെ വംശത്തിൽപ്പെ​ടാത്ത ആരെങ്കി​ലും പുരോ​ഹി​തന്റെ ഉത്തരവാ​ദി​ത്വം ചെയ്യാൻ ശ്രമി​ച്ചി​രു​ന്നെ​ങ്കിൽ അദ്ദേഹത്തെ കൊന്നു​ക​ള​യു​മാ​യി​രു​ന്നു.d (ലേവ്യ 17:3-6, 8, 9) കോര​ഹും ദാഥാ​നും അബീരാ​മും 250 തലവന്മാ​രും മോശ​യു​ടെ​യും അഹരോ​ന്റെ​യും അധികാ​രത്തെ ചോദ്യം ചെയ്‌ത​തി​ന്റെ ഒരു കാരണം ഈ ഒരു മാറ്റമാ​യി​രി​ക്കു​മോ? (സംഖ്യ 16:1-3) ഒരുപക്ഷേ ആയിരി​ക്കാം, നമുക്ക്‌ അറിയില്ല. അത്‌ എന്തുത​ന്നെ​യാ​യാ​ലും കോര​ഹും കൂട്ടാ​ളി​ക​ളും യഹോ​വ​യോ​ടു വിശ്വ​സ്‌ത​രാ​യി തുടർന്നില്ല. ഇന്നും അതു​പോ​ലെ സംഘട​ന​യിൽ ചില മാറ്റങ്ങൾ വരു​മ്പോൾ അത്‌ അംഗീ​ക​രി​ക്കാൻ നമുക്കു ബുദ്ധി​മു​ട്ടു തോന്നി​യേ​ക്കാം. അപ്പോൾ നമുക്ക്‌ എന്തു ചെയ്യാം?

11. കൊഹാ​ത്യ​രിൽ ചിലരു​ടെ മാതൃ​ക​യിൽനിന്ന്‌ നമുക്ക്‌ എന്തു പഠിക്കാം?

¹¹ സംഘട​ന​യി​ലെ മാറ്റങ്ങളെ പൂർണ​മാ​യും പിന്തു​ണ​യ്‌ക്കുക. ഇസ്രാ​യേ​ല്യർ വിജന​ഭൂ​മി​യി​ലാ​യി​രുന്ന സമയത്ത്‌ കൊഹാ​ത്യർക്കു വലി​യൊ​രു ഉത്തരവാ​ദി​ത്വ​മു​ണ്ടാ​യി​രു​ന്നു. ഓരോ തവണ ജനം പുതി​യൊ​രു സ്ഥലത്തേക്കു മാറു​മ്പോ​ഴും കൊഹാ​ത്യ​രിൽ ചിലരാ​ണു ജനത്തിനു മുന്നിൽ ഉടമ്പടി​പ്പെ​ട്ട​ക​വു​മാ​യി നടന്നി​രു​ന്നത്‌. (സംഖ്യ 3:29, 31; 10:33; യോശു. 3:2-4) അവർക്കു​ണ്ടാ​യി​രുന്ന എത്ര വലി​യൊ​രു നിയമ​ന​മാണ്‌ അത്‌! എന്നാൽ ഇസ്രാ​യേൽ ജനം വാഗ്‌ദ​ത്ത​ദേ​ശത്ത്‌ താമസ​മാ​ക്കി​യ​തോ​ടെ അതി​നൊ​രു മാറ്റം വന്നു. ഉടമ്പടി​പ്പെ​ട്ടകം കൂടെ​ക്കൂ​ടെ എങ്ങോ​ട്ടും കൊണ്ടു​പോ​കേ​ണ്ട​തി​ല്ലാ​യി​രു​ന്നു. അതു​കൊണ്ട്‌ ശലോ​മോ​ന്റെ ഭരണകാ​ലത്ത്‌ കൊഹാ​ത്യ​രിൽ ചിലരെ ഗായക​രും കാവൽക്കാ​രും ഒക്കെയാ​യി നിയമി​ച്ചു. മറ്റു ചിലർ സംഭര​ണ​ശാ​ല​ക​ളിൽ ജോലി ചെയ്‌തു. (1 ദിന. 6:31-33; 26:1, 24) മുമ്പ്‌ വലി​യൊ​രു ഉത്തരവാ​ദി​ത്വം വഹിച്ചി​രു​ന്ന​തു​കൊണ്ട്‌ കുറെ​ക്കൂ​ടി നല്ലൊരു നിയമനം തങ്ങൾക്കു വേണ​മെന്ന്‌ അവർക്കു ചിന്തി​ക്കാ​മാ​യി​രു​ന്നു. എന്നാൽ കൊഹാ​ത്യ​രിൽ ആരെങ്കി​ലും അങ്ങനെ പരാതി പറഞ്ഞതാ​യി ബൈബി​ളിൽ എവി​ടെ​യും നമ്മൾ വായി​ക്കു​ന്നില്ല. എന്താണു നമുക്കുള്ള പാഠം? യഹോ​വ​യു​ടെ സംഘടന വരുത്തുന്ന ഏതൊരു മാറ്റ​ത്തോ​ടും പൂർണ​മാ​യി യോജി​ക്കുക, ഒരുപക്ഷേ അതു നമ്മു​ടെ​തന്നെ നിയമ​ന​ത്തിൽ വരുന്ന ഒരു മാറ്റമാ​ണെ​ങ്കിൽപ്പോ​ലും. നമുക്കു ലഭിക്കുന്ന നിയമ​ന​ത്തിൽ സന്തോഷം കണ്ടെത്തുക. നമ്മുടെ നിയമനം നോക്കി​യി​ട്ടല്ല നമ്മൾ വിലയു​ള്ള​വ​രാ​ണോ അല്ലയോ എന്ന്‌ യഹോവ തീരു​മാ​നി​ക്കു​ന്നത്‌. യഹോവ പ്രാധാ​ന്യം നൽകു​ന്നതു നമ്മുടെ അനുസ​ര​ണ​ത്തി​നാണ്‌.—1 ശമു. 15:22.

12. ഒരു നിയമ​ന​മാ​റ്റം കിട്ടി​യ​പ്പോൾ സൈന സഹോ​ദ​രിക്ക്‌ എന്തു തോന്നി?

¹² സൈന സഹോ​ദ​രി​യു​ടെ അനുഭവം നോക്കാം. സഹോ​ദരി 23 വർഷം ബഥേലിൽ സേവിച്ചു. അതിനു ശേഷം സഹോ​ദ​രി​യെ ഒരു പ്രത്യേക മുൻനി​ര​സേ​വി​ക​യാ​യി നിയമി​ച്ചു. ബഥേലിൽ ചെയ്‌തി​രുന്ന നിയമനം സഹോ​ദ​രിക്ക്‌ ഒരുപാട്‌ ഇഷ്ടമാ​യി​രു​ന്നു. സഹോ​ദരി പറയുന്നു: “എനിക്കു നിയമ​ന​ത്തിൽ ഇങ്ങനെ​യൊ​രു മാറ്റം കിട്ടി​യ​പ്പോൾ അത്‌ ഒട്ടും ഉൾക്കൊ​ള്ളാ​നാ​യില്ല. എന്നെ​ക്കൊണ്ട്‌ ഒരു പ്രയോ​ജ​ന​വു​മി​ല്ലെന്ന്‌ എനിക്കു തോന്നി​പ്പോ​യി. ‘ഞാൻ എന്തു തെറ്റു ചെയ്‌തി​ട്ടാണ്‌ എനിക്ക്‌ ഇങ്ങനെ​യൊ​രു മാറ്റം തന്നത്‌’ എന്നു ഞാൻ വീണ്ടും​വീ​ണ്ടും ചിന്തിച്ചു.” എന്നാൽ അതി​ലേറെ സഹോ​ദ​രി​യെ വിഷമി​പ്പി​ച്ചത്‌, സഭയിലെ ചില സഹോ​ദ​ര​ങ്ങ​ളു​ടെ വാക്കു​ക​ളാണ്‌. അവർ സഹോ​ദ​രി​യോ​ടു പറഞ്ഞു: “നന്നായി​ട്ടൊ​ക്കെ ജോലി ചെയ്യു​ക​യാ​യി​രു​ന്നെ​ങ്കിൽ ഇങ്ങനെ പറഞ്ഞു​വി​ടു​മാ​യി​രു​ന്നോ?” കുറെ​ക്കാ​ല​ത്തേക്കു സഹോ​ദരി അതോർത്ത്‌ എന്നും രാത്രി കരയു​മാ​യി​രു​ന്നു. എന്നാൽ സഹോ​ദരി പറയുന്നു: “യഹോ​വ​യ്‌ക്ക്‌ എന്നോടു സ്‌നേ​ഹ​മി​ല്ലെ​ന്നോ സംഘടന എടുത്ത തീരു​മാ​നം തെറ്റാ​യി​രു​ന്നെ​ന്നോ ഞാൻ ഒരിക്ക​ലും ചിന്തി​ച്ചില്ല.” സൈന സഹോ​ദ​രിക്ക്‌ എങ്ങനെ​യാ​ണു സുബോ​ധ​മു​ള്ള​വ​ളാ​യി തുടരാൻ കഴിഞ്ഞത്‌?

13. സൈന സഹോ​ദ​രിക്ക്‌ എങ്ങനെ​യാ​ണു തന്റെ ചിന്തയ്‌ക്കു മാറ്റം വരുത്താൻ കഴിഞ്ഞത്‌?

¹³ സൈന സഹോ​ദ​രിക്ക്‌ എങ്ങനെ​യാ​ണു തന്റെ ചിന്തയെ മാറ്റാൻ കഴിഞ്ഞത്‌? താൻ നേരി​ടു​ന്ന​തു​പോ​ലുള്ള പ്രശ്‌ന​ങ്ങ​ളെ​ക്കു​റിച്ച്‌ ചർച്ച ചെയ്യുന്ന നമ്മുടെ ചില പ്രസി​ദ്ധീ​ക​ര​ണങ്ങൾ സഹോ​ദരി വായിച്ചു. ഉദാഹ​ര​ണ​ത്തിന്‌, 2001 ഫെബ്രു​വരി 1 ലക്കം വീക്ഷാ​ഗോ​പു​ര​ത്തി​ലെ “നിങ്ങൾക്ക്‌ നിരു​ത്സാ​ഹത്തെ വിജയ​ക​ര​മാ​യി നേരി​ടാൻ കഴിയും!” എന്ന ലേഖനം സഹോ​ദ​രി​യെ ഒരുപാ​ടു സഹായി​ച്ചു. ആ ലേഖന​ത്തിൽ, ബൈബി​ളെ​ഴു​ത്തു​കാ​ര​നായ മർക്കോ​സി​നെ​ക്കു​റിച്ച്‌ പറയു​ന്നുണ്ട്‌. നിയമ​ന​ത്തിൽ മാറ്റം കിട്ടി​യ​പ്പോൾ അദ്ദേഹ​ത്തി​നും എത്രമാ​ത്രം വിഷമം തോന്നി​യി​രി​ക്കണം എന്ന്‌ അതിൽ പറഞ്ഞി​രു​ന്നു. അതെക്കു​റിച്ച്‌ സഹോ​ദരി പറയുന്നു: “മർക്കോ​സി​ന്റെ ആ അനുഭവം എന്റെ നിരു​ത്സാ​ഹത്തെ മറിക​ട​ക്കാ​നുള്ള ഒരു മറുമ​രു​ന്നാ​യി​രു​ന്നു.” സഹോ​ദരി ചെയ്‌ത മറ്റൊരു കാര്യം, ഒരിക്ക​ലും തന്നെത്തന്നെ ഒറ്റപ്പെ​ടു​ത്തി​യില്ല എന്നതാണ്‌. സഹോ​ദ​ര​ങ്ങ​ളോ​ടൊ​പ്പ​മാ​യി​രിക്കാ​നും അവരു​ടെ​കൂ​ടെ പ്രസം​ഗ​പ്ര​വർത്തനം ചെയ്യാ​നും സഹോ​ദരി തീരു​മാ​നി​ച്ചു. മാത്രമല്ല തനിക്കു കിട്ടിയ മാറ്റ​ത്തെ​ക്കു​റിച്ച്‌ ഓർത്ത്‌ പിന്നീട്‌ സങ്കട​പ്പെ​ട്ടി​രു​ന്നു​മില്ല. യഹോ​വ​യു​ടെ ആത്മാവാണ്‌ സംഘട​നയെ നയിക്കു​ന്ന​തെ​ന്നും നേതൃ​ത്വ​മെ​ടു​ക്കു​ന്നവർ തന്നെക്കു​റിച്ച്‌ ശരിക്കും ചിന്തയു​ള്ള​വ​രാ​ണെ​ന്നും സഹോ​ദരി ഓർത്തു. യഹോ​വ​യു​ടെ ഉദ്ദേശ്യം നടക്കു​ന്ന​തി​നു​വേണ്ടി എന്തു ചെയ്യണം എന്നതി​നാ​ണ​ല്ലോ സംഘടന കൂടുതൽ പ്രാധാ​ന്യം നൽകേ​ണ്ട​തെന്ന കാര്യം സഹോ​ദരി തിരി​ച്ച​റി​ഞ്ഞു.

14. സംഘട​ന​യിൽ വന്ന ഏതു മാറ്റ​ത്തോ​ടാ​ണു വ്ലാഡോ സഹോ​ദ​രനു പൊരു​ത്ത​പ്പെ​ടേ​ണ്ടി​വ​ന്നത്‌, അതിന്‌ അദ്ദേഹത്തെ സഹായി​ച്ചത്‌ എന്താണ്‌?

¹⁴ അടുത്ത​താ​യി, സ്ലോ​വേ​നി​യ​യിൽനി​ന്നുള്ള വ്ലാഡോ സഹോ​ദ​രന്റെ അനുഭവം നോക്കാം. 73 വയസ്സുള്ള അദ്ദേഹം ഒരു മൂപ്പനാണ്‌. അദ്ദേഹ​ത്തി​ന്റെ സഭ മറ്റൊരു സഭയു​മാ​യി ലയിപ്പി​ക്കു​ക​യും മീറ്റിങ്ങ്‌ കൂടി​യി​രുന്ന ഹാൾ അടച്ചു​പൂ​ട്ടു​ക​യും ചെയ്‌ത​പ്പോൾ സഹോ​ദ​രനു സങ്കടമാ​യി. അദ്ദേഹം പറയുന്നു: “ഇത്രയും മനോ​ഹ​ര​മാ​യൊ​രു രാജ്യ​ഹാൾ എന്തിനാണ്‌ അടച്ചു​പൂ​ട്ടി​യ​തെന്ന്‌ എനിക്കു മനസ്സി​ലാ​യില്ല. ഞങ്ങൾ അതിന്റെ അറ്റകു​റ്റ​പ്പ​ണി​ക​ളൊ​ക്കെ തീർത്തതേ ഉണ്ടായി​രു​ന്നു​ള്ളൂ. ഞാൻ ഒരു മരപ്പണി​ക്കാ​ര​നാണ്‌. അന്നു രാജ്യ​ഹാ​ളി​നു​വേ​ണ്ടി​യുള്ള പല സാധന​ങ്ങ​ളും ഞാൻ ഉണ്ടാക്കി​യി​രു​ന്നു. ഇനി, ഈ ഒരു മാറ്റം എന്നെ​പ്പോ​ലെ​യുള്ള പ്രായ​മായ പ്രചാ​ര​കർക്കു പല ബുദ്ധി​മു​ട്ടു​ക​ളു​മു​ണ്ടാ​ക്കി.” എന്നാൽ ഈ മാറ്റ​ത്തോ​ടു പൊരു​ത്ത​പ്പെ​ടാൻ വ്ലാഡോ സഹോ​ദ​രനെ സഹായി​ച്ചത്‌ എന്താണ്‌? അദ്ദേഹം പറയുന്നു: “യഹോ​വ​യു​ടെ സംഘടന എടുക്കുന്ന തീരു​മാ​ന​ത്തോ​ടു നമ്മൾ യോജി​ക്കു​ക​യാ​ണെ​ങ്കിൽ അതിന്‌ ഒരുപാട്‌ അനു​ഗ്ര​ഹ​ങ്ങ​ളുണ്ട്‌. ശരിക്കും പറഞ്ഞാൽ ഭാവി​യിൽ വലിയ മാറ്റങ്ങൾ വരു​മ്പോൾ അതി​നോ​ടു യോജി​ക്കാ​നുള്ള ഒരു പരിശീ​ല​ന​മാണ്‌ അത്‌.” നിങ്ങളു​ടെ സഭ മറ്റൊരു സഭയു​മാ​യി ലയിപ്പി​ച്ച​തു​കൊ​ണ്ടോ അല്ലെങ്കിൽ നിയമ​ന​ത്തിൽ ഒരു മാറ്റം കിട്ടി​യ​തു​കൊ​ണ്ടോ അതുമാ​യി പൊരു​ത്ത​പ്പെ​ടാൻ നിങ്ങൾക്കു ബുദ്ധി​മുട്ട്‌ തോന്നു​ന്നു​ണ്ടോ? ഒന്നോർക്കുക: നിങ്ങളു​ടെ വിഷമം യഹോ​വ​യ്‌ക്കു മനസ്സി​ലാ​കും. അത്തരം മാറ്റങ്ങ​ളൊ​ക്കെ വരു​മ്പോൾ അതിനെ പിന്തു​ണ​യ്‌ക്കു​ക​യും യഹോ​വ​യോ​ടും സംഘട​ന​യോ​ടും വിശ്വ​സ്‌ത​മാ​യി പറ്റിനിൽക്കു​ക​യും ആണെങ്കിൽ തീർച്ച​യാ​യും യഹോവ നിങ്ങളെ അനു​ഗ്ര​ഹി​ക്കും.—സങ്കീ. 18:25.

എല്ലാ കാര്യ​ങ്ങ​ളി​ലും സുബോധമുള്ളവരായിരിക്കുക

15. സഭയിൽനി​ന്നു​തന്നെ നമുക്കു ചില പ്രശ്‌ന​ങ്ങ​ളു​ണ്ടാ​യാൽ നമുക്ക്‌ എങ്ങനെ സുബോ​ധ​മു​ള്ള​വ​രാ​ണെന്നു തെളി​യി​ക്കാം?

¹⁵ ഈ വ്യവസ്ഥി​തി അതിന്റെ അവസാ​ന​ത്തോട്‌ അടുക്കു​ന്തോ​റും യഹോ​വ​യോ​ടും സംഘട​ന​യോ​ടും വിശ്വ​സ്‌ത​രാ​യി തുടരു​ന്നതു ബുദ്ധി​മു​ട്ടാ​ണെന്നു തോന്നി​പ്പി​ക്കുന്ന തരം ചില സാഹച​ര്യ​ങ്ങൾ സഭയി​ലു​ണ്ടാ​യേ​ക്കാം. നമ്മൾ യഹോ​വ​യോ​ടു വിശ്വ​സ്‌ത​രാ​യി​രി​ക്കു​മോ ഇല്ലയോ എന്നു തെളി​യി​ക്കാ​നുള്ള അവസര​ങ്ങ​ളാണ്‌ അവ. അതു​കൊണ്ട്‌ നമുക്കു സുബോ​ധ​മു​ള്ള​വ​രാ​യി​രി​ക്കാം. സഹോ​ദ​ര​ങ്ങ​ളിൽ ആരെങ്കി​ലും നമ്മളെ ദ്രോ​ഹി​ച്ച​താ​യി തോന്നു​ന്നെ​ങ്കിൽ ഒരിക്ക​ലും അവരോ​ടു നീരസ​പ്പെ​ട​രുത്‌. ഇനി, നമുക്ക്‌ ഒരു ശിക്ഷണം കിട്ടു​ന്നെ​ങ്കിൽ അതു​കൊണ്ട്‌ ഉണ്ടാകുന്ന നാണ​ക്കേ​ടി​നെ​ക്കു​റിച്ച്‌ ചിന്തി​ക്കു​ന്ന​തി​നു പകരം ആ തിരുത്തൽ സ്വീക​രി​ക്കുക, വേണ്ട മാറ്റങ്ങൾ വരുത്തുക. യഹോ​വ​യു​ടെ സംഘടന ചില മാറ്റങ്ങൾ വരുത്തു​മ്പോൾ അതിനെ പൂർണ​മാ​യി പിന്തു​ണ​യ്‌ക്കു​ക​യും നിർദേ​ശങ്ങൾ അനുസ​രി​ക്കു​ക​യും ചെയ്യുക.

16. നമുക്ക്‌ എങ്ങനെ യഹോ​വ​യോ​ടും ദൈവ​ത്തി​ന്റെ സംഘട​ന​യോ​ടും വിശ്വ​സ്‌ത​രാ​യി തുടരാ​നാ​കും?

¹⁶ പ്രശ്‌ന​ങ്ങ​ളൊ​ക്കെ ഉണ്ടാകു​മ്പോ​ഴും യഹോ​വ​യോ​ടും സംഘട​ന​യോ​ടും വിശ്വ​സ്‌ത​രാ​യി തുടരാൻ നമുക്കു കഴിയും. എന്നാൽ അതിനു നമ്മൾ സുബോ​ധ​മു​ള്ള​വ​രാ​യി​രി​ക്കണം. അതായത്‌, നമ്മൾ ശാന്തരാ​യി തുടരണം, കാര്യ​ങ്ങളെ ശരിയായ രീതി​യിൽ വിലയി​രു​ത്തണം, യഹോവ കാര്യങ്ങൾ കാണു​ന്ന​തു​പോ​ലെ കാണണം. മറ്റ്‌ എന്തെല്ലാം​കൂ​ടെ നമുക്കു ചെയ്യാം? നമുക്കു​ണ്ടാ​യ​തു​പോ​ലുള്ള പ്രശ്‌നങ്ങൾ വിജയ​ക​ര​മാ​യി നേരിട്ട ബൈബിൾ കഥാപാ​ത്ര​ങ്ങ​ളെ​ക്കു​റിച്ച്‌ പഠിക്കു​ക​യും അവരുടെ മാതൃ​ക​യെ​ക്കു​റിച്ച്‌ ആഴത്തിൽ ചിന്തി​ക്കു​ക​യും ചെയ്യാം. കൂടാതെ, സഹായ​ത്തി​നാ​യി യഹോ​വ​യോ​ടു പ്രാർഥി​ക്കാം. സഭയിൽനിന്ന്‌ ഒരിക്ക​ലും മാറി​നിൽക്കു​ക​യും അരുത്‌. അങ്ങനെ​യൊ​ക്കെ ചെയ്യു​ന്നെ​ങ്കിൽ എന്തുതന്നെ സംഭവി​ച്ചാ​ലും യഹോ​വ​യിൽനി​ന്നോ ദൈവ​ത്തി​ന്റെ സംഘട​ന​യിൽനി​ന്നോ നമ്മളെ അകറ്റാൻ സാത്താന്‌ ഒരിക്ക​ലും കഴിയില്ല.—യാക്കോ. 4:7.