കൂടുതൽ പഠിക്കാ​നാ​യി . . .

കുട്ടി​ക​ളെ പഠിപ്പി​ക്കാ​നുള്ള ഉപകര​ണ​ങ്ങൾ

യഹോ​വ​യെ​ക്കു​റിച്ച്‌ മക്കളെ പഠിപ്പി​ക്കാ​നുള്ള വലി​യൊ​രു ഉത്തരവാ​ദി​ത്വം മാതാ​പി​താ​ക്കൾക്കുണ്ട്‌. (എഫെ. 6:4) അതിനു മാതാ​പി​താ​ക്കളെ സഹായി​ക്കാൻ യഹോ​വ​യു​ടെ സംഘടന ധാരാളം ലേഖന​ങ്ങ​ളും വീഡി​യോ​ക​ളും പാട്ടു​ക​ളും പുറത്തി​റ​ക്കി​യി​രി​ക്കു​ന്നു. മക്കളെ പഠിപ്പി​ക്കാ​നാ​യി നിങ്ങൾക്ക്‌ എങ്ങനെ അവയെ​ല്ലാം ഉപയോ​ഗി​ക്കാ​നാ​കും?

• JW.ORG വെബ്‌​സൈ​റ്റി​ലേക്കു പോകുക. അതിൽ എഴുതി​യും വരച്ചും പഠിക്കാൻ കുട്ടി​കളെ സഹായി​ക്കുന്ന അഭ്യാ​സ​ങ്ങ​ളും അവർക്കു​വേണ്ടി തയ്യാറാ​ക്കി​യി​ട്ടുള്ള വീഡി​യോ​ക​ളും ഉൾപ്പെ​ടു​ത്തി​യി​ട്ടുണ്ട്‌.a അവ കണ്ടെത്താൻ ബൈബിൾപ​ഠി​പ്പി​ക്ക​ലു​കൾ എന്നതിനു കീഴിൽ “കുട്ടികൾ” എന്നതോ “കൗമാ​ര​ക്കാർ” എന്നതോ നോക്കുക.

• പറ്റിയ വിവരം തിര​ഞ്ഞെ​ടു​ക്കുക. “കുട്ടികൾ” എന്നതിനു കീഴിൽ കൊടു​ത്തി​രി​ക്കുന്ന വീഡി​യോ​ക​ളിൽനി​ന്നും പാട്ടു​ക​ളിൽനി​ന്നും അഭ്യാ​സ​ങ്ങ​ളിൽനി​ന്നും നിങ്ങളു​ടെ കുട്ടിക്ക്‌ ഏറ്റവും യോജി​ച്ചവ തിര​ഞ്ഞെ​ടു​ക്കാം. ചില ഉദാഹ​ര​ണ​ങ്ങൾക്കാ​യി, തിരയാ​നുള്ള ഭാഗത്ത്‌ “കുടും​ബാ​രാ​ധന രസകര​മാ​ക്കാം” എന്നു ടൈപ്പ്‌ ചെയ്യുക.

• കൂടെ​യി​രുന്ന്‌ ചർച്ച ചെയ്യുക. മക്കളെ അടക്കി​യി​രു​ത്താ​നുള്ള മാർഗ​മാ​യി മാത്രം നമ്മുടെ വീഡി​യോ​കളെ കാണരുത്‌. പകരം, അവരുടെ കൂടെ​യി​രുന്ന്‌ അതിലെ വിവരങ്ങൾ ചർച്ച ചെയ്യുക. അങ്ങനെ യഹോ​വ​യു​ടെ കൂട്ടു​കാ​രാ​കാൻ മക്കളെ സഹായി​ക്കുക.