ബൈബിൾവി​ദ്യാർഥി​കളെ പഠിപ്പി​ക്കാൻ വീഡി​യോ​കൾ ഉപയോ​ഗി​ക്കു​ക

ദൃശ്യാ​വി​ഷ്‌കാ​രം വ്യക്തി​ക​ളു​ടെ ശ്രദ്ധ ആകർഷി​ക്കു​ക​യും പഠിപ്പി​ക്കുന്ന കാര്യങ്ങൾ മനസ്സി​ലാ​ക്കാ​നും ഓർത്തി​രി​ക്കാ​നും സഹായി​ക്കു​ക​യും ചെയ്യും. പ്രധാ​ന​പ്പെട്ട കാര്യങ്ങൾ പഠിപ്പി​ക്കാൻ നമ്മുടെ മഹാനായ ഉപദേ​ഷ്ടാ​വായ യഹോവ അത്‌ ഉപയോ​ഗി​ച്ചി​ട്ടുണ്ട്‌. (ഉൽ 15:5; യിര 18:1-6) ദൃശ്യാ​വി​ഷ്‌കാ​രം മഹാനായ അധ്യാ​പ​ക​നായ യേശു​വും ഉപയോ​ഗി​ച്ചി​ട്ടുണ്ട്‌. (മത്ത 18:2-6; 22:19-21) അടുത്ത കാലത്ത്‌ ഏറ്റവും പ്രയോ​ജ​ന​പ്ര​ദ​മെന്നു കണ്ടെത്തി​യി​രി​ക്കുന്ന ദൃശ്യാ​വി​ഷ്‌കാ​ര​മാ​ണു വീഡി​യോ​കൾ. ബൈബിൾവി​ദ്യാർഥി​കളെ പഠിപ്പി​ക്കു​മ്പോൾ നിങ്ങൾ വീഡി​യോ​കൾ നന്നായി ഉപയോ​ഗി​ക്കു​ന്നു​ണ്ടോ?

ദൈവ​ത്തിൽനി​ന്നുള്ള സന്തോ​ഷ​വാർത്ത! എന്ന ലഘുപ​ത്രി​ക​യി​ലെ പാഠങ്ങൾ പഠിപ്പി​ക്കാൻ സഹായി​ക്കുന്ന പത്തു വീഡി​യോ​കൾ തയ്യാറാ​ക്കി​യി​ട്ടുണ്ട്‌. ലഘുപ​ത്രി​ക​യിൽ തടിച്ച അക്ഷരത്തിൽ കൊടു​ത്തി​രി​ക്കുന്ന ഒരു ചോദ്യ​ത്തിന്‌ ഏതാണ്ടു സമാന​മാ​ണു വീഡി​യോ​യു​ടെ പേര്‌. ലഘുപ​ത്രി​ക​യു​ടെ ഇലക്‌​ട്രോ​ണിക്‌ പതിപ്പിൽ, ഓരോ വീഡി​യോ​യും എപ്പോ​ഴാ​ണു കാണി​ക്കേ​ണ്ട​തെന്ന്‌ ഓർമി​പ്പി​ക്കാൻ ലിങ്കുകൾ കൊടു​ത്തി​ട്ടുണ്ട്‌. കൂടാതെ, പഠിപ്പി​ക്കാ​നുള്ള ഉപകര​ണങ്ങൾ എന്ന ഭാഗത്തെ മറ്റു പ്രസി​ദ്ധീ​ക​ര​ണ​ങ്ങ​ളിൽ കാണുന്ന വിവര​ങ്ങ​ളെ​ക്കു​റി​ച്ചുള്ള വീഡി​യോ​ക​ളു​മുണ്ട്‌.

നിങ്ങളു​ടെ വിദ്യാർഥി​ക്കു മനസ്സി​ലാ​ക്കാൻ വിഷമ​മുള്ള ഒരു ബൈബിൾഭാഗം അദ്ദേഹ​വു​മാ​യി ചർച്ച ചെയ്യു​ക​യാ​ണോ? അതോ നിങ്ങളു​ടെ വിദ്യാർഥി എന്തെങ്കി​ലും പ്രത്യേ​ക​പ​രി​ശോ​ധന നേരി​ടു​ന്നു​ണ്ടോ? ആ വിദ്യാർഥി​ക്കു പ്രയോ​ജനം ചെയ്യുന്ന വീഡി​യോ​കൾക്കാ​യി jw.org-ലും JW പ്രക്ഷേ​പ​ണ​ത്തി​ലും അന്വേ​ഷി​ക്കുക. ഒരുപക്ഷേ നിങ്ങൾക്കും വിദ്യാർഥി​ക്കും ഒരുമി​ച്ചി​രുന്ന്‌ ഏതെങ്കി​ലും ഒരു വീഡി​യോ കാണാ​നും അതെപ്പറ്റി ചർച്ച ചെയ്യാ​നും കഴി​ഞ്ഞേ​ക്കും.

ഓരോ മാസവും പുതി​യ​പു​തിയ വീഡി​യോ​കൾ പുറത്തി​റ​ക്കു​ന്നുണ്ട്‌. അവ കാണു​മ്പോൾ മറ്റുള്ള​വരെ പഠിപ്പി​ക്കാൻ അവ എങ്ങനെ ഉപയോ​ഗി​ക്കാ​മെന്നു ചിന്തി​ക്കുക.