ഈ വർഷത്തെ ഏറ്റവും പ്രധാ​ന​പ്പെട്ട ദിവസ​ത്തി​നാ​യി നിങ്ങൾ തയ്യാറാ​യോ?

1. സ്‌മാ​രകം വർഷത്തി​ലെ ഏറ്റവും പ്രധാ​ന​പ്പെട്ട ദിവസ​മാ​യി​രി​ക്കു​ന്നത്‌ എന്തു​കൊണ്ട്‌? (ലൂക്കോസ്‌ 22:19, 20)

യേശു​വി​ന്റെ മരണത്തി​ന്റെ ഓർമ ആചരി​ക്കുന്ന ദിവസം, വർഷത്തി​ലെ ഏറ്റവും പ്രധാ​ന​പ്പെട്ട ദിവസ​മാ​യി ദൈവ​ജനം കാണുന്നു. കാരണം തന്റെ അനുഗാ​മി​ക​ളോട്‌ യേശു ആചരി​ക്കാൻ പ്രത്യേ​കം എടുത്തു​പറഞ്ഞ ഒരേ​യൊ​രു കാര്യം ഇതു മാത്ര​മാണ്‌. (ലൂക്കോസ്‌ 22:19, 20 വായി​ക്കുക.) സ്‌മാ​ര​കാ​ച​ര​ണ​ത്തി​നാ​യി നമ്മൾ ഇത്ര ആകാം​ക്ഷ​യോ​ടെ നോക്കി​യി​രി​ക്കാൻ പല കാരണ​ങ്ങ​ളുണ്ട്‌. അവയിൽ ചിലതു നോക്കാം.

2. സ്‌മാ​ര​കാ​ച​ര​ണ​ത്തി​നാ​യി നമ്മൾ നോക്കി​യി​രി​ക്കു​ന്ന​തി​ന്റെ ചില കാരണങ്ങൾ എന്തൊ​ക്കെ​യാണ്‌?

² മോച​ന​വി​ല​യു​ടെ മൂല്യ​ത്തെ​ക്കു​റിച്ച്‌ ചിന്തി​ക്കാൻ സ്‌മാ​ര​കാ​ച​രണം നമ്മളെ സഹായി​ക്കു​ന്നു. യേശു​വി​ന്റെ ബലി​യോട്‌ എങ്ങനെ​യൊ​ക്കെ വിലമ​തി​പ്പു കാണി​ക്കാ​നാ​കു​മെന്ന്‌ അന്നു നമ്മൾ പഠിക്കും. (2 കൊരി. 5:14, 15) ആ ദിവസം സഹോ​ദ​ര​ങ്ങ​ളു​മൊത്ത്‌ കൂടി​വ​രു​മ്പോൾ ‘പരസ്‌പരം പ്രോ​ത്സാ​ഹി​പ്പി​ക്കാ​നുള്ള’ അവസര​വും അതു തരുന്നു. (റോമ. 1:12) ഓരോ വർഷവും നിഷ്‌ക്രി​യ​രായ ഒരുപാ​ടു പേർ സ്‌മാ​ര​ക​ത്തി​നു വരാറുണ്ട്‌. അവിടെ വരു​മ്പോൾ സഹോ​ദ​രങ്ങൾ അവരോ​ടു കാണി​ക്കുന്ന സ്‌നേഹം യഹോ​വ​യി​ലേക്കു തിരികെ വരാൻപോ​ലും ചിലരെ സഹായി​ച്ചി​രി​ക്കു​ന്നു. അതു​പോ​ലെ താത്‌പ​ര്യ​ക്കാ​രായ ആളുക​ളും വരാറുണ്ട്‌. അവിടെ കാണു​ക​യും കേൾക്കു​ക​യും ചെയ്യുന്ന കാര്യങ്ങൾ ജീവന്റെ വഴിയി​ലൂ​ടെ​യുള്ള യാത്ര ആരംഭി​ക്കാൻ പലരെ​യും പ്രചോ​ദി​പ്പി​ക്കു​ന്നു. ഇതു​കൊ​ണ്ടൊ​ക്കെ​യല്ലേ സ്‌മാ​ര​കാ​ച​രണം നമ്മുടെ ഹൃദയ​ത്തോ​ടു വളരെ ചേർന്നു​നിൽക്കു​ന്നത്‌?

3. സ്‌മാ​ര​ക​ദി​വസം ലോക​മെ​ങ്ങു​മുള്ള ദൈവ​ജനം ഐക്യ​ത്തോ​ടെ പ്രവർത്തി​ക്കു​ന്നത്‌ എങ്ങനെ​യാണ്‌? (ചിത്ര​വും കാണുക.)

³ ഇതെക്കു​റി​ച്ചും ചിന്തി​ക്കുക: ലോകത്ത്‌ എവി​ടെ​യാ​യാ​ലും യഹോ​വ​യു​ടെ ജനം സ്‌മാ​ര​ക​ദി​വസം ഐക്യ​ത്തോ​ടെ അതിനാ​യി പ്രവർത്തി​ക്കും. സൂര്യൻ അസ്‌ത​മി​ക്കു​ന്ന​ത​നു​സ​രിച്ച്‌ ഭൂമി​യു​ടെ പല ഭാഗങ്ങ​ളിൽ അവർ സ്‌മാ​ര​ക​ത്തി​നാ​യി ഒത്തുകൂ​ടും. മോച​ന​വി​ല​യു​ടെ പ്രാധാ​ന്യം എടുത്തു​പ​റ​യുന്ന ഒരു പ്രസംഗം നമ്മളെ​ല്ലാം കേൾക്കും. രണ്ടു സ്‌തു​തി​ഗീ​തങ്ങൾ പാടും. സ്‌മാ​ര​ക​ചി​ഹ്നങ്ങൾ കൈമാ​റും. നാലു പ്രാർഥ​ന​കൾക്ക്‌ ഏകസ്വ​ര​ത്തിൽ “ആമേൻ” പറയും. 24 മണിക്കൂ​റി​നു​ള്ളിൽ എല്ലാ സഭകളും ഇതേ രീതി​യിൽ സ്‌മാ​രകം ആചരി​ച്ചി​ട്ടു​ണ്ടാ​കും. ഇങ്ങനെ ദൈവ​ജനം ഐക്യ​ത്തോ​ടെ തങ്ങളെ ആദരി​ക്കു​ന്നത്‌ കാണു​മ്പോൾ യഹോ​വ​യ്‌ക്കും യേശു​വി​നും ഉണ്ടാകുന്ന സന്തോഷം നിങ്ങൾക്കു ഭാവന​യിൽ കാണാ​നാ​കു​ന്നു​ണ്ടോ?

4. ഈ ലേഖന​ത്തിൽ നമ്മൾ എന്തു ചർച്ച ചെയ്യും?

⁴ ഈ ലേഖന​ത്തിൽ നമ്മൾ ഈ ചോദ്യ​ങ്ങൾക്കുള്ള ഉത്തരം കണ്ടെത്തും: സ്‌മാ​ര​കാ​ച​ര​ണ​ത്തി​നാ​യി നമ്മുടെ ഹൃദയത്തെ എങ്ങനെ ഒരുക്കാം? അതിൽനിന്ന്‌ പ്രയോ​ജനം നേടാൻ താത്‌പ​ര്യ​ക്കാ​രെ നമുക്ക്‌ എങ്ങനെ സഹായി​ക്കാം? നിഷ്‌ക്രി​യ​രാ​യ​വരെ സഹായി​ക്കാൻ എന്തു ചെയ്യാം? ഇവയ്‌ക്കുള്ള ഉത്തരം കണ്ടെത്തു​ന്നത്‌ ആ സുപ്ര​ധാന ദിവസ​ത്തി​നാ​യി ഒരുങ്ങാൻ നിങ്ങളെ സഹായി​ക്കും.

സ്‌മാ​ര​ക​ത്തി​നാ​യി നമ്മുടെ ഹൃദയത്തെ എങ്ങനെ ഒരുക്കാം?

5. (എ) മോച​ന​വി​ല​യു​ടെ മൂല്യ​ത്തെ​ക്കു​റിച്ച്‌ നമ്മൾ ചിന്തി​ക്കേ​ണ്ടത്‌ എന്തു​കൊണ്ട്‌? (സങ്കീർത്തനം 49:7, 8) (ബി) യേശു മരിച്ചത്‌ എന്തിനാണ്‌? എന്ന വീഡി​യോ​യിൽനിന്ന്‌ നിങ്ങൾ എന്താണു പഠിച്ചത്‌?

⁵ ഹൃദയത്തെ ഒരുക്കാൻ നമുക്കു ചെയ്യാ​നാ​കുന്ന പ്രധാ​ന​പ്പെട്ട ഒരു കാര്യം യേശു​വി​ന്റെ മോച​ന​വി​ല​യു​ടെ മൂല്യ​ത്തെ​ക്കു​റിച്ച്‌ ചിന്തി​ക്കു​ന്ന​താണ്‌. നമുക്ക്‌ ഒരിക്ക​ലും തനിയെ പാപത്തിൽനി​ന്നും മരണത്തിൽനി​ന്നും മോചനം നേടാൻ കഴിയില്ല. (സങ്കീർത്തനം 49:7, 8 വായി​ക്കുക; യേശു മരിച്ചത്‌ എന്തിനാണ്‌? എന്ന വീഡി​യോ​യും കാണുക.)a അതു​കൊ​ണ്ടാണ്‌ യഹോവ നമ്മളെ രക്ഷിക്കാൻ തന്റെ പ്രിയ​മ​കനെ നൽകി​യത്‌. അതിനു​വേണ്ടി യഹോ​വ​യും യേശു​വും വലിയ വിലത​ന്നെ​യാണ്‌ കൊടു​ത്തത്‌. (റോമ. 6:23) അവർ ചെയ്‌ത ത്യാഗ​ങ്ങ​ളെ​ക്കു​റിച്ച്‌ എത്രയ​ധി​കം ചിന്തി​ക്കു​ന്നോ അത്രയ​ധി​കം മോച​ന​വി​ല​യോ​ടുള്ള നമ്മുടെ വിലമ​തി​പ്പു കൂടും. ഈ ലേഖന​ത്തിൽ, നമുക്കു​വേണ്ടി യഹോ​വ​യും യേശു​വും ചെയ്‌ത ചില ത്യാഗ​ങ്ങ​ളെ​ക്കു​റിച്ച്‌ നമ്മൾ പഠിക്കും. എന്നാൽ അതിനു മുമ്പ്‌ മോച​ന​വി​ല​യിൽ എന്താണ്‌ ഉൾപ്പെ​ട്ടി​രി​ക്കു​ന്ന​തെന്നു നോക്കാം.

6. മോച​ന​വി​ല​യിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌?

⁶ മോച​ന​വില എന്നാൽ എന്തെങ്കി​ലും തിരികെ വാങ്ങാൻ കൊടു​ക്കുന്ന വിലയാണ്‌. ആദ്യമ​നു​ഷ്യ​നായ ആദാമി​നെ യഹോവ സൃഷ്ടി​ച്ചതു പൂർണ​നാ​യി​ട്ടാണ്‌. എന്നാൽ പാപം ചെയ്‌തു​കൊണ്ട്‌ എന്നേക്കും ജീവി​ക്കാ​നുള്ള അവകാശം ആദാം നഷ്ടപ്പെ​ടു​ത്തി; തന്റെ മാത്രമല്ല തന്റെ മക്കളു​ടെ​യും. ആദാം നഷ്ടപ്പെ​ടു​ത്തിയ ഈ ജീവിതം തിരികെ വാങ്ങാ​നാ​ണു യേശു പൂർണ​ത​യുള്ള സ്വന്തം ജീവൻ ബലിയാ​യി നൽകി​യത്‌. യേശു ഭൂമി​യിൽ ആയിരു​ന്ന​പ്പോൾ “പാപം ചെയ്‌തില്ല; ക്രിസ്‌തു​വി​ന്റെ വായിൽ വഞ്ചന​യൊ​ന്നു​മു​ണ്ടാ​യി​രു​ന്ന​തു​മില്ല.” (1 പത്രോ. 2:22) അതു​കൊ​ണ്ടു​തന്നെ മരിക്കുന്ന സമയത്ത്‌ യേശു​വി​ന്റെ പൂർണ​ത​യുള്ള ജീവന്‌ ആദാം നഷ്ടപ്പെ​ടു​ത്തിയ ജീവന്റെ അതേ മൂല്യ​മു​ണ്ടാ​യി​രു​ന്നു.—1 കൊരി. 15:45; 1 തിമൊ. 2:6.

7. ഭൂമി​യിൽ ആയിരു​ന്ന​പ്പോൾ യേശു​വി​നു​ണ്ടായ ചില പരീക്ഷ​ണങ്ങൾ എന്തൊ​ക്കെ​യാണ്‌?

⁷ ഭൂമി​യി​ലാ​യി​രു​ന്ന​പ്പോൾ പല തരത്തി​ലുള്ള പരീക്ഷ​ണങ്ങൾ ഉണ്ടായി​ട്ടും യേശു തന്റെ സ്വർഗീ​യ​പി​താ​വി​നെ എല്ലായ്‌പോ​ഴും അനുസ​രി​ച്ചു. പൂർണ​നായ ഒരു കുട്ടി ആയിരു​ന്നെ​ങ്കി​ലും അപൂർണ​രായ തന്റെ മാതാ​പി​താ​ക്കൾക്കു യേശു മനസ്സോ​ടെ കീഴ്‌പെ​ടേ​ണ്ട​തു​ണ്ടാ​യി​രു​ന്നു. (ലൂക്കോ. 2:51) കൗമാ​ര​ത്തി​ലെ​ത്തി​യ​പ്പോൾ അനുസ​ര​ണ​ക്കേ​ടോ അവിശ്വ​സ്‌ത​ത​യോ കാണി​ക്കാ​നുള്ള പ്രലോ​ഭ​ന​ങ്ങളെ യേശു​വി​നു ചെറു​ക്കേ​ണ്ടി​വ​ന്നി​ട്ടു​ണ്ടാ​കും. ഇനി മുതിർന്ന​ശേഷം സാത്താ​നിൽനി​ന്നുള്ള പ്രലോ​ഭ​നങ്ങൾ യേശു​വി​നു നേരി​ടേ​ണ്ടി​വന്നു. യഹോ​വ​യോ​ടുള്ള വിശ്വ​സ്‌തത തകർക്കാൻ സാത്താന്റെ നേരി​ട്ടുള്ള ആക്രമ​ണ​ങ്ങൾപോ​ലും ഉണ്ടായി. (മത്താ. 4:1-11) യേശു​വി​നെ​ക്കൊണ്ട്‌ പാപം ചെയ്യി​ക്കാ​നും അങ്ങനെ മോച​ന​വി​ല​യെന്ന ക്രമീ​ക​രണം തകർത്തു​ക​ള​യാ​നും സാത്താൻ കിണഞ്ഞു​ശ്ര​മി​ച്ചു.

8. വേറെ ഏതെല്ലാം പരീക്ഷ​ണ​ങ്ങ​ളാ​ണു യേശു​വി​നു​ണ്ടാ​യത്‌?

⁸ ഭൂമി​യി​ലെ ശുശ്രൂ​ഷ​യു​ടെ സമയത്ത്‌ യേശു​വി​നു വേറെ​യും പരീക്ഷ​ണങ്ങൾ നേരിട്ടു. ശത്രുക്കൾ യേശു​വി​നെ ഉപദ്ര​വി​ക്കാ​നും കൊല്ലാ​നും നോക്കി. (ലൂക്കോ. 4:28, 29; 13:31) തന്റെ അനുഗാ​മി​ക​ളു​ടെ അപൂർണ​ത​ക​ളു​മാ​യി യേശു​വിന്‌ ഒത്തു​പോ​കേ​ണ്ടി​വന്നു. (മർക്കോ. 9:33, 34) വിചാ​ര​ണ​യു​ടെ സമയത്ത്‌ യേശു​വി​നെ അവർ ക്രൂര​മാ​യി ഉപദ്ര​വി​ക്കു​ക​യും പരിഹ​സി​ക്കു​ക​യും ചെയ്‌തു. ഇനി അങ്ങേയറ്റം വേദന സഹിച്ചാണ്‌ യേശു മരിച്ചത്‌; അതും ഒരു കുറ്റവാ​ളി​യെ​പ്പോ​ലെ. (എബ്രാ. 12:1-3) ദണ്ഡനസ്‌തം​ഭ​ത്തി​ലാ​യി​രു​ന്ന​പ്പോൾ, യഹോ​വ​യു​ടെ പ്രത്യേക സംരക്ഷ​ണ​മി​ല്ലാ​തി​രു​ന്ന​തു​കൊണ്ട്‌ യേശു​വിന്‌ ഒറ്റയ്‌ക്ക്‌ ഒരുപാട്‌ സഹി​ക്കേ​ണ്ടി​വന്നു.b—മത്താ. 27:46.

9. യേശു​വി​ന്റെ ബലി​യെ​ക്കു​റിച്ച്‌ ചിന്തി​ക്കു​മ്പോൾ നമുക്ക്‌ എന്താണു തോന്നു​ന്നത്‌? (1 പത്രോസ്‌ 1:8)

⁹ മോച​ന​വില നൽകു​ന്ന​തി​നു​വേണ്ടി യേശു എന്തെല്ലാ​മാ​ണു സഹിച്ചത്‌! യേശു മനസ്സോ​ടെ ചെയ്‌ത ആ ത്യാഗ​ങ്ങ​ളെ​ക്കു​റിച്ച്‌ ചിന്തി​ക്കു​മ്പോൾ നമ്മുടെ ഉള്ളിൽ സ്‌നേ​ഹ​വും വിലമ​തി​പ്പും നിറയു​ന്നി​ല്ലേ?—1 പത്രോസ്‌ 1:8 വായി​ക്കുക.

10. മോച​ന​വി​ല​യ്‌ക്കാ​യി യഹോവ എന്തു ത്യാഗ​മാ​ണു ചെയ്‌തത്‌?

¹⁰ യേശു​വി​ന്റെ മോച​ന​വി​ല​യോ​ടു ബന്ധപ്പെട്ട്‌ യഹോവ എന്തു ത്യാഗ​മാ​ണു ചെയ്‌തത്‌? ഏതൊരു അപ്പനും മകനും തമ്മിലുള്ള ബന്ധത്തെ​ക്കാ​ളും വളരെ ശക്തമായ ബന്ധം യഹോ​വ​യും യേശു​വും തമ്മിലുണ്ട്‌. (സുഭാ. 8:30) അങ്ങനെ​യെ​ങ്കിൽ തന്റെ പ്രിയ​മകൻ ഭൂമി​യിൽ ഇത്രയ​ധി​കം വേദന സഹിക്കു​ന്നതു കണ്ടപ്പോൾ യഹോ​വ​യ്‌ക്ക്‌ എന്തായി​രി​ക്കും തോന്നി​യത്‌ എന്നു ചിന്തി​ക്കുക. അവനെ ആളുകൾ ഉപദ്ര​വി​ക്കു​ന്നു, ക്രൂര​മാ​യി കൊല്ലു​ന്നു. യഹോ​വ​യു​ടെ മനസ്സിനെ അത്‌ എത്രമാ​ത്രം വേദനി​പ്പി​ച്ചു​കാ​ണു​മല്ലേ?

11. യേശു കൊല്ല​പ്പെ​ട്ട​പ്പോൾ യഹോ​വ​യ്‌ക്കു തോന്നിയ വേദന മനസ്സി​ലാ​ക്കാൻ സഹായി​ക്കുന്ന ഒരു ദൃഷ്ടാന്തം പറയുക.

¹¹ ഒരു മകനെ​യോ മകളെ​യോ മരണത്തിൽ നഷ്ടപ്പെട്ട മാതാ​പി​താ​ക്കൾക്ക്‌ ആ വേദന​യു​ടെ ആഴം മനസ്സി​ലാ​കും. കാര്യം നമുക്ക്‌ പുനരു​ത്ഥാ​ന​ത്തിൽ ശക്തമായ വിശ്വാ​സ​മു​ണ്ടെ​ങ്കി​ലും അതൊ​രി​ക്ക​ലും പ്രിയ​പ്പെ​ട്ട​വരെ നഷ്ടമാ​യ​തി​ന്റെ വേദന ഇല്ലാതാ​ക്കു​ന്നില്ല. ഇത്‌ യഹോ​വ​യു​ടെ സാഹച​ര്യം മനസ്സി​ലാ​ക്കാൻ നമ്മളെ സഹായി​ക്കും. തന്റെ മകനെ പുനരു​ത്ഥാ​ന​പ്പെ​ടു​ത്താ​നാ​കു​മെന്ന്‌ അറിയാ​മാ​യി​രു​ന്നെ​ങ്കി​ലും യേശു കഷ്ടത അനുഭ​വിച്ച്‌ മരിച്ച ആ നീസാൻ 14-ന്‌ യഹോവ കടന്നു​പോ​യത്‌ വലിയ വേദന​യി​ലൂ​ടെ​ത്ത​ന്നെ​യാണ്‌.c—മത്താ. 3:17.

12. സ്‌മാ​ര​കാ​ച​ര​ണ​ത്തി​നു മുമ്പുള്ള ദിവസ​ങ്ങ​ളിൽ നമുക്ക്‌ എന്തൊക്കെ ചെയ്യാൻ ശ്രമി​ക്കാം?

¹² സ്‌മാ​ര​കാ​ച​ര​ണ​ത്തി​നു മുമ്പുള്ള ഈ ദിവസ​ങ്ങ​ളിൽ മോച​ന​വി​ല​യെ​ക്കു​റിച്ച്‌ പഠിക്കാൻ ശ്രമി​ച്ചു​കൂ​ടേ? വ്യക്തി​പ​ര​മായ പഠനത്തി​ന്റെ​യോ കുടും​ബാ​രാ​ധ​ന​യു​ടെ​യോ ഭാഗമാ​യി നിങ്ങൾക്ക്‌ അതു ചെയ്യാൻ കഴിയും. ഈ വിഷയ​ത്തെ​ക്കു​റിച്ച്‌ ആഴത്തിൽ പഠിക്കാൻ യഹോ​വ​യു​ടെ സാക്ഷി​കൾക്കു​വേ​ണ്ടി​യുള്ള ഗവേഷ​ണ​സ​ഹാ​യി​യും മറ്റു പഠനോ​പ​ക​ര​ണ​ങ്ങ​ളും ഉപയോ​ഗി​ക്കാം.d ഇനി, നമ്മുടെ ക്രിസ്‌തീയ ജീവി​ത​വും സേവന​വും യോഗ​ത്തി​നുള്ള പഠനസ​ഹാ​യി​യിൽ സ്‌മാരക ബൈബിൾവാ​യനാ പട്ടിക​യുണ്ട്‌. ആ ഭാഗങ്ങൾ വായി​ക്കുക. സ്‌മാ​ര​ക​ദി​വ​സത്തെ പ്രത്യേക പ്രഭാ​താ​രാ​ധന കാണാ​നും മറന്നു​പോ​ക​രുത്‌. ആ ദിവസ​ത്തി​നാ​യി നമ്മൾ ഇങ്ങനെ​യെ​ല്ലാം ഹൃദയത്തെ ഒരുക്കു​ന്നെ​ങ്കിൽ അതിൽനിന്ന്‌ പ്രയോ​ജനം നേടാൻ നമുക്കു മറ്റുള്ള​വരെ സഹായി​ക്കാ​നു​മാ​കും.—എസ്ര 7:10.

താത്‌പ​ര്യ​ക്കാ​രെ സഹായി​ക്കു​ക

13. മറ്റുള്ള​വരെ സഹായി​ക്കു​ന്ന​തി​നുള്ള ആദ്യപടി എന്താണ്‌?

¹³ സ്‌മാ​ര​കാ​ച​ര​ണ​ത്തിൽനിന്ന്‌ പ്രയോ​ജനം നേടാൻ നമുക്ക്‌ എങ്ങനെ മറ്റുള്ള​വരെ സഹായി​ക്കാം? അതിനുള്ള ആദ്യപടി അവരെ സ്‌മാ​ര​ക​ത്തി​നു ക്ഷണിക്കുക എന്നതാണ്‌. ശുശ്രൂ​ഷ​യിൽ കണ്ടുമു​ട്ടിയ ആളുകളെ നമ്മൾ ക്ഷണിക്കും. എന്നാൽ അതോ​ടൊ​പ്പം നമ്മുടെ ബന്ധുക്ക​ളു​ടെ​യോ കൂടെ ജോലി ചെയ്യു​ന്ന​വ​രു​ടെ​യോ സഹപാ​ഠി​ക​ളു​ടെ​യോ മറ്റുള്ള​വ​രു​ടെ​യോ ഒക്കെ ഒരു ലിസ്റ്റ്‌ ഉണ്ടാക്കി അവരെ​യും ക്ഷണിക്കാം. നമ്മുടെ കൈയിൽ അച്ചടിച്ച ക്ഷണക്കത്തു​കൾ ആവശ്യ​ത്തിന്‌ ഇല്ലെങ്കിൽ ഇലക്‌​ട്രോ​ണിക്‌ പതിപ്പി​ന്റെ ഒരു ലിങ്ക്‌ അയച്ചു​കൊ​ടു​ക്കുക. നിങ്ങളെ അതിശ​യി​പ്പി​ച്ചു​കൊണ്ട്‌ പലരും അതി​നോ​ടു നന്നായി പ്രതി​ക​രി​ച്ചേ​ക്കാം!—സഭാ. 11:6.

14. വ്യക്തി​പ​ര​മാ​യി ക്ഷണിക്കു​ന്ന​തി​ന്റെ പ്രാധാ​ന്യം ഒരു ഉദാഹ​ര​ണ​ത്തി​ലൂ​ടെ പറയുക.

¹⁴ വ്യക്തി​പ​ര​മാ​യി ഒരാളെ ക്ഷണിച്ചാൽ അതിനു വലിയ ഫലമു​ണ്ടാ​യേ​ക്കാം. ഒരു അനുഭവം നോക്കാം. ഒരു സഹോ​ദ​രി​യു​ടെ ഭർത്താവ്‌ അവിശ്വാ​സി​യാണ്‌. സഹോ​ദരി പല തവണ അദ്ദേഹത്തെ സ്‌മാ​ര​ക​ത്തി​നു വിളി​ച്ചി​ട്ടുണ്ട്‌. പക്ഷേ അപ്പോ​ഴൊ​ന്നും വന്നിട്ടില്ല. എന്നാൽ ഒരു പ്രാവ​ശ്യം അദ്ദേഹം സഹോ​ദ​രി​യോട്‌, താൻ സ്‌മാ​ര​ക​ത്തി​നു വരുന്നു​ണ്ടെന്നു പറഞ്ഞു. എന്തായി​രു​ന്നു കാരണം? അദ്ദേഹം സഹോ​ദ​രി​യോ​ടു പറഞ്ഞു: “എന്നെ ഒരാൾ നേരിട്ട്‌ ക്ഷണിച്ചി​ട്ടുണ്ട്‌.” അദ്ദേഹ​ത്തി​നു പരിച​യ​മുള്ള ഒരു മൂപ്പൻ അദ്ദേഹത്തെ പരിപാ​ടി​ക്കു ക്ഷണിച്ചി​രു​ന്നു. ആ വർഷവും പിന്നീ​ടുള്ള വർഷങ്ങ​ളി​ലും ആ ഭർത്താവ്‌ സ്‌മാ​ര​ക​ത്തി​നു ഹാജരാ​യി.

15. ആളുകളെ സ്‌മാ​ര​ക​ത്തി​നു ക്ഷണിക്കു​മ്പോൾ നമ്മൾ ഏതു കാര്യം മനസ്സിൽപ്പി​ടി​ക്കണം?

¹⁵ നമ്മൾ ക്ഷണിക്കുന്ന പലരും ആദ്യമാ​യി​ട്ടാ​യി​രി​ക്കും നമ്മുടെ ഒരു പരിപാ​ടി​ക്കു വരുന്നത്‌. അതു​കൊ​ണ്ടു​തന്നെ അവരുടെ മനസ്സിൽ പല ചോദ്യ​ങ്ങ​ളു​ണ്ടാ​കും. അത്‌ എന്തൊ​ക്കെ​യാ​യി​രി​ക്കു​മെന്നു ചിന്തിച്ച്‌ അതിന്‌ ഉത്തരം കൊടു​ക്കാൻ തയ്യാറാ​യി​രി​ക്കുക. (കൊലോ. 4:6) ഉദാഹ​ര​ണ​ത്തിന്‌, ചിലർ ഇങ്ങനെ ചിന്തി​ച്ചേ​ക്കാം: ‘അവിടെ എന്താണു നടക്കു​ന്നത്‌?’ ‘അത്‌ എത്ര നേരമു​ണ്ടാ​കും?’ ‘ഏതെങ്കി​ലും പ്രത്യേ​ക​തരം വസ്‌ത്രം ധരിക്ക​ണോ?’ ‘പ്രവേ​ശ​ന​ഫീസ്‌ ഉണ്ടോ?’ ‘പണപ്പി​രിവ്‌ ഉണ്ടായി​രി​ക്കു​മോ?’ ഒരാളെ സ്‌മാ​ര​ക​ത്തി​നു ക്ഷണിക്കു​മ്പോൾ “നിങ്ങൾക്ക്‌ എന്തെങ്കി​ലും ചോദ്യ​ങ്ങ​ളു​ണ്ടോ” എന്ന്‌ അവരോ​ടു നേരിട്ട്‌ ചോദി​ക്കാം. ആ ചോദ്യ​ങ്ങൾക്ക്‌ ഉത്തരം കൊടു​ക്കു​മ്പോൾ യേശു​വി​ന്റെ മരണം ഓർമി​ക്കുക, രാജ്യ​ഹാ​ളിൽ എന്താണ്‌ നടക്കു​ന്നത്‌? എന്നീ വീഡി​യോ​കൾ ഉപയോ​ഗി​ക്കാം. അത്‌ നമ്മുടെ മീറ്റി​ങ്ങു​ക​ളെ​ക്കു​റിച്ച്‌ മനസ്സി​ലാ​ക്കാൻ അവരെ സഹായി​ക്കും. ഇനി, ജീവിതം ആസ്വദി​ക്കാം പുസ്‌ത​ക​ത്തി​ന്റെ 28-ാം പാഠത്തിൽ നമുക്ക്‌ അവരോ​ടു പറയാൻ പറ്റുന്ന കുറെ നല്ല ആശയങ്ങ​ളുണ്ട്‌.

16. സ്‌മാ​ര​കാ​ച​ര​ണ​ത്തി​നു വന്നവരു​ടെ മനസ്സിൽ മറ്റ്‌ ഏതൊക്കെ ചോദ്യ​ങ്ങൾ ഉണ്ടാകാം?

¹⁶ സ്‌മാ​ര​ക​ത്തിൽ പങ്കെടു​ത്തു​ക​ഴി​ഞ്ഞും താത്‌പ​ര്യ​ക്കാ​രു​ടെ മനസ്സിൽ പല ചോദ്യ​ങ്ങ​ളു​ണ്ടാ​കും. എന്തു​കൊ​ണ്ടാണ്‌ തീരെ കുറച്ചു​പേർ മാത്രം അപ്പവും വീഞ്ഞും കഴിച്ചത്‌, അല്ലെങ്കിൽ എന്തു​കൊ​ണ്ടാണ്‌ ആരും​തന്നെ കഴിക്കാ​തി​രു​ന്നത്‌ എന്ന്‌ അവർ ചിന്തി​ച്ചേ​ക്കാം. എത്ര കൂടെ​ക്കൂ​ടെ ഈ സ്‌മാ​രകം ആചരി​ക്കാ​റുണ്ട്‌, യഹോ​വ​യു​ടെ സാക്ഷി​ക​ളു​ടെ എല്ലാ മീറ്റി​ങ്ങു​ക​ളും ഈ രീതി​യിൽത്ത​ന്നെ​യാ​ണോ എന്നൊക്കെ അവർ ചോദി​ച്ചേ​ക്കാം. സ്‌മാ​ര​ക​ദി​വ​സത്തെ പ്രസം​ഗ​ത്തിൽ ഇതിലെ പല ചോദ്യ​ങ്ങൾക്കും ഉത്തരം പറയു​ന്നു​ണ്ടെ​ങ്കി​ലും പുതി​യ​വ​രായ ആളുകൾക്ക്‌ കുറച്ചു​കൂ​ടി വിശദീ​ക​രിച്ച്‌ കൊടുക്കേണ്ടിവന്നേക്കാം. JW.ORG-ലെ “യഹോ​വ​യു​ടെ സാക്ഷികൾ മറ്റ്‌ മതങ്ങളിൽനിന്ന്‌ വ്യത്യ​സ്‌ത​മാ​യി കർത്താ​വി​ന്റെ അത്താഴം ആചരി​ക്കു​ന്നത്‌ എന്തു​കൊണ്ട്‌?” എന്ന ലേഖനം അതിനു നിങ്ങളെ സഹായി​ക്കും. അതു​കൊണ്ട്‌ സ്‌മാ​ര​കാ​ച​ര​ണ​ത്തിൽനിന്ന്‌ പ്രയോ​ജനം നേടാൻ ‘നിത്യ​ജീ​വനു യോഗ്യ​രാ​ക്കുന്ന തരം മനോ​ഭാ​വ​മു​ള്ള​വരെ’ നമുക്കു പരമാ​വധി സഹായി​ക്കാം. അതിനാ​യി സ്‌മാ​ര​കാ​ച​ര​ണ​ത്തി​നു മുമ്പും ആചരണ​ത്തി​ന്റെ സമയത്തും അതിനു ശേഷവും നമുക്ക്‌ ഉത്സാഹ​ത്തോ​ടെ പ്രവർത്തി​ക്കാം.—പ്രവൃ. 13:48

നിഷ്‌ക്രി​യ​രാ​യ​വരെ സഹായി​ക്കു​ക

17. നിഷ്‌ക്രി​യ​രാ​യ​വരെ മൂപ്പന്മാർക്ക്‌ എങ്ങനെ സഹായി​ക്കാം? (യഹസ്‌കേൽ 34:12, 16)

¹⁷ നിഷ്‌ക്രി​യ​രാ​യ​വരെ സ്‌മാ​ര​ക​കാ​ലത്ത്‌ മൂപ്പന്മാർക്ക്‌ എങ്ങനെ സഹായി​ക്കാം? അവർക്കു പ്രത്യേ​ക​ശ്രദ്ധ കൊടു​ത്തു​കൊണ്ട്‌. (യഹസ്‌കേൽ 34:12, 16 വായി​ക്കുക.) സ്‌മാ​ര​ക​ത്തി​നു മുമ്പ്‌ കഴിയു​ന്നത്ര നിഷ്‌ക്രി​യരെ ബന്ധപ്പെ​ടാൻ ശ്രമി​ക്കുക. അവർ നിങ്ങൾക്കു പ്രിയ​പ്പെ​ട്ട​വ​രാ​ണെ​ന്നും അവരെ പരമാ​വധി സഹായി​ക്കാൻ ആഗ്രഹി​ക്കു​ന്നു​ണ്ടെ​ന്നും ഉറപ്പു​കൊ​ടു​ക്കുക. എന്നിട്ട്‌ സ്‌മാ​ര​ക​ത്തി​നു ക്ഷണിക്കുക. അവർ സ്‌മാ​ര​ക​ത്തി​നു വന്നാൽ അവരെ ഹൃദ്യ​മാ​യി സ്വാഗതം ചെയ്യണം. സ്‌മാ​രകം കഴിഞ്ഞാ​ലും നമ്മുടെ ഈ പ്രിയ​സ​ഹോ​ദ​ര​ങ്ങളെ മറന്നു​ക​ള​യ​രുത്‌. യഹോ​വ​യി​ലേക്കു തിരി​കെ​വ​രാൻ അവർക്ക്‌ ആവശ്യ​മായ ആത്മീയ​സ​ഹാ​യം കൊടു​ക്കുക.—1 പത്രോ. 2:25.

18. നിഷ്‌ക്രി​യ​രാ​യ​വരെ സഹായി​ക്കാൻ നമു​ക്കെ​ല്ലാം എന്തു ചെയ്യാം? (റോമർ 12:10)

¹⁸ സഭയി​ലുള്ള മറ്റുള്ള​വർക്കും സ്‌മാ​ര​ക​ത്തി​നു വരുന്ന നിഷ്‌ക്രി​യരെ സഹായി​ക്കാ​നാ​കും. എങ്ങനെ? അവരോ​ടു സ്‌നേ​ഹ​ത്തോ​ടെ​യും ദയയോ​ടെ​യും ആദര​വോ​ടെ​യും ഇടപെ​ട്ടു​കൊണ്ട്‌. (റോമർ 12:10 വായി​ക്കുക.) നമ്മുടെ പ്രിയ​പ്പെട്ട ഈ സഹോ​ദ​ര​ങ്ങൾക്കു വീണ്ടും മീറ്റി​ങ്ങി​നു വരാൻ മടി തോന്നി​യേ​ക്കാം. തങ്ങളോ​ടു സഹോ​ദ​രങ്ങൾ എങ്ങനെ ഇടപെ​ടും എന്ന പേടി​യോ​ടെ ആയിരി​ക്കും അവർ സ്‌മാ​ര​ക​ത്തി​നു വരുന്ന​തു​തന്നെ.e അതു​കൊണ്ട്‌ അവർക്കു ബുദ്ധി​മു​ട്ടോ വേദന​യോ ഉണ്ടാക്കുന്ന എന്തെങ്കി​ലും ചോദി​ക്കു​ക​യോ പറയു​ക​യോ ചെയ്യരുത്‌. (1 തെസ്സ. 5:11) യഹോ​വ​യു​ടെ ആട്ടിൻകൂ​ട്ട​ത്തി​ലെ ഈ പ്രിയ​സ​ഹോ​ദ​രങ്ങൾ നമ്മുടെ സഹവി​ശ്വാ​സി​ക​ളാണ്‌. അവരോ​ടൊ​പ്പം വീണ്ടും യഹോ​വയെ ആരാധി​ക്കു​ന്നത്‌ എത്ര സന്തോഷം തരുമല്ലേ!—സങ്കീ. 119:176; പ്രവൃ. 20:35.

19. യേശു​വി​ന്റെ മരണം ഓർമി​ക്കു​ന്ന​തു​കൊ​ണ്ടുള്ള പ്രയോ​ജ​നങ്ങൾ എന്തൊ​ക്കെ​യാണ്‌?

¹⁹ എല്ലാ വർഷവും തന്റെ മരണത്തി​ന്റെ ഓർമ ആചരി​ക്കാൻ യേശു പറഞ്ഞത്‌ ഒരു അനു​ഗ്ര​ഹ​മാ​ണെന്നു നിങ്ങൾക്ക്‌ ഇപ്പോൾ തോന്നു​ന്നി​ല്ലേ? നമ്മൾ സ്‌മാ​രകം ആചരി​ക്കു​മ്പോൾ നമുക്കു​ത​ന്നെ​യും മറ്റുള്ള​വർക്കും പല പ്രയോ​ജ​ന​ങ്ങ​ളും കിട്ടുന്നു. (യശ. 48:17, 18) യഹോ​വ​യോ​ടും യേശു​വി​നോ​ടും ഉള്ള നമ്മുടെ സ്‌നേഹം കൂടുന്നു. അവർ നമുക്കു​വേണ്ടി ചെയ്‌ത ത്യാഗ​ങ്ങ​ളോ​ടുള്ള വിലമ​തി​പ്പു നമുക്കു കാണി​ക്കാ​നാ​കു​ന്നു. ഇനി, സഹവി​ശ്വാ​സി​ക​ളു​മാ​യുള്ള ബന്ധം ശക്തമാ​കു​ന്നു. മോച​ന​വി​ല​യി​ലൂ​ടെ സാധ്യ​മാ​കുന്ന അനു​ഗ്ര​ഹങ്ങൾ നേടാൻ മറ്റുള്ള​വരെ സഹായി​ക്കാ​നു​മാ​കു​ന്നു. അതു​കൊണ്ട്‌ പ്രിയ​സ​ഹോ​ദ​ര​ങ്ങളേ, നമുക്ക്‌ ഒരുങ്ങി​യി​രി​ക്കാം—ഈ വർഷത്തെ ഏറ്റവും പ്രധാ​ന​പ്പെട്ട ആ ദിവസ​ത്തി​നാ​യി!