അനീതി സഹിക്കു​ന്നു

ഉൽപത്തി 37:23-28; 39:17-23 വായി​ക്കുക. യോ​സേഫ്‌ അനീതി സഹിച്ചു​നി​ന്ന​തി​നെ​ക്കു​റിച്ച്‌ മനസ്സി​ലാ​ക്കുക.

സന്ദർഭം മനസ്സി​ലാ​ക്കുക. എന്തു​കൊ​ണ്ടാണ്‌ മറ്റുള്ളവർ യോ​സേ​ഫി​നോ​ടു മോശ​മാ​യി പെരു​മാ​റി​യത്‌? (ഉൽപ. 37:3-11; 39:1, 6-10) എത്ര കാലം യോ​സേ​ഫിന്‌ അനീതി സഹിച്ചു​നിൽക്കേ​ണ്ടി​വന്നു? (ഉൽപ. 37:2; 41:46) ആ സമയത്ത്‌ യഹോവ യോ​സേ​ഫി​നു​വേണ്ടി എന്തു ചെയ്‌തു, എന്നാൽ യഹോവ എന്തു ചെയ്‌തില്ല?—ഉൽപ. 37:2, 21; w23.01 17 ¶13.

ആഴത്തിൽ പഠിക്കുക. പോത്തി​ഫ​റി​ന്റെ ഭാര്യ നടത്തിയ ആരോ​പ​ണങ്ങൾ വ്യാജ​മാ​ണെന്നു തെളി​യി​ക്കാൻ യോ​സേഫ്‌ ശ്രമി​ച്ച​താ​യി ബൈബിൾ പറയു​ന്നില്ല. നിശ്ശബ്ദ​നാ​യി​രി​ക്കാൻ യോ​സേഫ്‌ തീരു​മാ​നി​ച്ചത്‌ എന്തു​കൊ​ണ്ടാ​യി​രി​ക്കാ​മെ​ന്നും എല്ലാ വിശദാം​ശ​ങ്ങ​ളും ബൈബി​ളിൽ വെളി​പ്പെ​ടു​ത്തു​മെന്ന്‌ നമ്മൾ പ്രതീ​ക്ഷി​ക്ക​രു​താ​ത്തത്‌ എന്തു​കൊ​ണ്ടാ​ണെ​ന്നും മനസ്സി​ലാ​ക്കാൻ, കൊടു​ത്തി​രി​ക്കുന്ന തിരു​വെ​ഴു​ത്തു​കൾ നമ്മളെ എങ്ങനെ​യാ​ണു സഹായി​ക്കു​ന്നത്‌? (സുഭാ. 20:2; യോഹ. 21:25; പ്രവൃ. 21:37) അനീതി സഹിച്ചു​നിൽക്കാൻ എന്തെല്ലാം ഗുണങ്ങ​ളാ​യി​രി​ക്കാം യോ​സേ​ഫി​നെ സഹായി​ച്ചത്‌?—മീഖ 7:7; ലൂക്കോ. 14:11; യാക്കോ. 1:2, 3.

നമുക്കുള്ള പാഠങ്ങൾ വേർതി​രി​ച്ചെ​ടു​ക്കുക. സ്വയം ചോദി​ക്കുക:

• ‘യേശു​വി​ന്റെ ഒരു ശിഷ്യ​നാ​യ​തു​കൊണ്ട്‌ ഏതെല്ലാം തരത്തി​ലുള്ള അനീതി ഞാൻ പ്രതീ​ക്ഷി​ക്കണം?’ (ലൂക്കോ. 21:12, 16, 17; എബ്രാ. 10:33, 34)

• ‘ഭാവി​യിൽ വന്നേക്കാ​വുന്ന അനീതി സഹിച്ചു​നിൽക്കാൻ എനിക്ക്‌ ഇപ്പോൾത്തന്നെ എങ്ങനെ ഒരുങ്ങാം?’ (സങ്കീ. 62:7, 8; 105:17-19; w19.07 2-7)