ഡേറ്റിങ്ങ്‌ നിങ്ങളെ ശരിയായ തീരു​മാ​ന​ത്തി​ലേക്ക്‌ നയിക്കട്ടെ

1-2. ഡേറ്റി​ങ്ങി​നെ​ക്കു​റിച്ച്‌ ചിലർക്ക്‌ എന്താണു തോന്നു​ന്നത്‌?

സന്തോഷം സമ്മാനി​ക്കാൻ കഴിയുന്ന ഒരു സമയമാണ്‌ ഡേറ്റിങ്ങ്‌. നിങ്ങൾ ഇപ്പോൾ ഡേറ്റി​ങ്ങി​ലാ​ണെ​ങ്കിൽ തീർച്ച​യാ​യും ആ സമയം നന്നായി ആസ്വദി​ക്കാൻ നിങ്ങൾ ആഗ്രഹി​ക്കും. പലരു​ടെ​യും കാര്യ​ത്തിൽ അത്‌ അങ്ങനെ​ത​ന്നെ​യാണ്‌. ഇത്യോ​പ്യ​യി​ലുള്ള സിയാൻa സഹോ​ദരി പറയുന്നു: “വിവാ​ഹ​ത്തി​നു മുമ്പ്‌ ഞാനും ഭർത്താ​വും ഒരുമിച്ച്‌ ചെലവിട്ട നിമി​ഷ​ങ്ങ​ളാണ്‌ എന്റെ ജീവി​ത​ത്തി​ലെ ഏറ്റവും സന്തോ​ഷ​മുള്ള സമയങ്ങ​ളിൽ ഒന്ന്‌. ഞങ്ങൾ ഗൗരവ​മുള്ള പല വിഷയ​ങ്ങ​ളും ചർച്ച ചെയ്‌തു, അതോ​ടൊ​പ്പം തമാശ​ക​ളും പറഞ്ഞു. എന്നെ സ്‌നേ​ഹി​ക്കുന്ന, എനിക്കു സ്‌നേ​ഹി​ക്കാ​നാ​കുന്ന ഒരാളെ കണ്ടെത്താൻ കഴിഞ്ഞ​തിൽ ഒരുപാ​ടു സന്തോഷം തോന്നി.”

² നെതർലൻഡ്‌സിൽനി​ന്നുള്ള അലീഷോ സഹോ​ദരൻ പറയുന്നു: “ഡേറ്റി​ങ്ങി​ന്റെ സമയത്ത്‌ എനിക്ക്‌ അവളെ നല്ലതു​പോ​ലെ അടുത്ത​റി​യാ​നാ​യി. അതു നല്ല രസമുള്ള സമയമാ​യി​രു​ന്നു. പക്ഷേ, ഞങ്ങൾക്കു പല വെല്ലു​വി​ളി​ക​ളും നേരി​ടേ​ണ്ടി​വന്നു.” ഡേറ്റി​ങ്ങി​ന്റെ സമയത്ത്‌ ഉണ്ടാ​യേ​ക്കാ​വുന്ന ചില വെല്ലു​വി​ളി​ക​ളെ​ക്കു​റി​ച്ചും ആ സമയം നല്ല രീതി​യിൽ മുന്നോ​ട്ടു​കൊ​ണ്ടു​പോ​കാൻ സഹായി​ക്കുന്ന ചില ബൈബിൾ തത്ത്വങ്ങ​ളെ​ക്കു​റി​ച്ചും ഈ ലേഖന​ത്തിൽ നമ്മൾ ചർച്ച ചെയ്യും. ഡേറ്റി​ങ്ങി​ലേർപ്പെ​ടു​ന്ന​വരെ സഭയി​ലു​ള്ള​വർക്ക്‌ എങ്ങനെ പിന്തു​ണ​യ്‌ക്കാ​മെ​ന്നും ചിന്തി​ക്കും.

ഡേറ്റി​ങ്ങി​ന്റെ ഉദ്ദേശ്യം

3. ഡേറ്റി​ങ്ങി​ന്റെ ഉദ്ദേശ്യം എന്താണ്‌? (സുഭാ​ഷി​തങ്ങൾ 20:25)

³ ഡേറ്റിങ്ങ്‌ വളരെ സന്തോഷം തരുന്ന സമയമാണ്‌. എന്നാൽ അത്‌ വിവാ​ഹ​ത്തി​ലേക്കു നയി​ച്ചേ​ക്കാ​വു​ന്ന​തു​കൊണ്ട്‌ അവർ അതിനെ ഗൗരവ​ത്തോ​ടെ കാണേ​ണ്ട​തുണ്ട്‌. വിവാ​ഹ​ദി​വസം അവർ യഹോ​വ​യു​ടെ മുമ്പാകെ എടുക്കുന്ന പ്രതി​ജ്ഞ​യിൽ, ജീവി​ച്ചി​രി​ക്കു​ന്നി​ട​ത്തോ​ളം കാലം പരസ്‌പരം സ്‌നേ​ഹി​ക്കു​മെ​ന്നും ബഹുമാ​നി​ക്കു​മെ​ന്നും വാക്കു കൊടു​ക്കു​ന്നുണ്ട്‌. (സുഭാ​ഷി​തങ്ങൾ 20:25 വായി​ക്കുക.) ഏതൊരു പ്രതിജ്ഞ എടുക്കു​ന്ന​തി​നു മുമ്പും നമ്മൾ കാര്യങ്ങൾ നന്നായി വിലയി​രു​ത്തണം. വിവാ​ഹ​പ്ര​തി​ജ്ഞ​യു​ടെ കാര്യ​ത്തി​ലും അതു സത്യമാണ്‌. വിവാ​ഹ​ത്തി​നു മുമ്പ്‌ പരസ്‌പരം അടുത്ത​റി​യാ​നും ശരിയായ തീരു​മാ​ന​മെ​ടു​ക്കാ​നും ഡേറ്റിങ്ങ്‌ അവസരം നൽകുന്നു. ചില​പ്പോൾ വിവാഹം കഴിക്കാ​നാ​യി​രി​ക്കും തീരു​മാ​നി​ക്കു​ന്നത്‌ അല്ലെങ്കിൽ ഡേറ്റിങ്ങ്‌ അവസാ​നി​പ്പി​ക്കാ​നാ​യി​രി​ക്കും. വിവാഹം കഴി​ക്കേണ്ടാ എന്നാണ്‌ തീരു​മാ​ന​മെ​ങ്കിൽ അതിന്റെ അർഥം, അവരുടെ ഡേറ്റിങ്ങ്‌ ഒരു പരാജ​യ​മാ​യി​രു​ന്നു എന്നല്ല, പകരം ഡേറ്റി​ങ്ങി​ന്റെ ഉദ്ദേശ്യം നടന്നു എന്നാണ്‌. അതായത്‌ അവർക്ക്‌ ഒരു നല്ല തീരു​മാ​നം എടുക്കാ​നാ​യി.

4. ഡേറ്റി​ങ്ങി​നെ​ക്കു​റിച്ച്‌ നമുക്കു ശരിയായ കാഴ്‌ച​പ്പാട്‌ ഉണ്ടായി​രി​ക്കേ​ണ്ടത്‌ എന്തു​കൊണ്ട്‌?

⁴ ഏകാകി​കൾക്ക്‌ ഡേറ്റി​ങ്ങി​നെ​ക്കു​റിച്ച്‌ ശരിയായ കാഴ്‌ച​പ്പാട്‌ ഉണ്ടായി​രി​ക്കേ​ണ്ടത്‌ എന്തു​കൊ​ണ്ടാണ്‌? അങ്ങനെ​യാ​കു​മ്പോൾ, അവർ വിവാഹം കഴിക്കാ​നുള്ള ഉദ്ദേശ്യ​മി​ല്ലാ​തെ ഡേറ്റി​ങ്ങിൽ ഏർപ്പെ​ടില്ല. എന്നാൽ ഇക്കാര്യ​ത്തിൽ ഏകാകി​കൾക്കു മാത്രമല്ല ശരിയായ കാഴ്‌ച​പ്പാട്‌ ഉണ്ടായി​രി​ക്കേ​ണ്ടത്‌, എല്ലാവർക്കും വേണം. ഉദാഹ​ര​ണ​ത്തിന്‌, ഡേറ്റി​ങ്ങിൽ ഏർപ്പെ​ടുന്ന രണ്ടു പേർ തമ്മിൽ എന്തായാ​ലും വിവാഹം കഴിക്കണം എന്ന ചിന്ത ചിലർക്കുണ്ട്‌. ഈ മനോ​ഭാ​വം ഏകാകി​ക​ളായ ക്രിസ്‌ത്യാ​നി​കളെ എങ്ങനെ​യാണ്‌ ബാധി​ക്കു​ന്നത്‌? ഐക്യ​നാ​ടു​ക​ളിൽനി​ന്നുള്ള ഏകാകി​യായ മെലിസ സഹോ​ദരി പറയുന്നു: “ഒരു സഹോ​ദ​ര​നും സഹോ​ദ​രി​യും ഡേറ്റിങ്ങ്‌ ചെയ്യു​മ്പോൾ വിവാ​ഹി​ത​രാ​കാൻ സഹോ​ദ​ര​ങ്ങ​ളിൽനി​ന്നു​തന്നെ അവർക്കു വലിയ സമ്മർദ​മു​ണ്ടാ​കാ​റുണ്ട്‌. അതു​കൊണ്ട്‌ പരസ്‌പരം യോജി​ക്കി​ല്ലെന്നു തോന്നി​യാൽപ്പോ​ലും, വിവാഹം കഴിക്കാം എന്നു ചിലർ തീരു​മാ​നി​ക്കു​ന്നു. മറ്റു ചിലർ ഡേറ്റിങ്ങേ വേണ്ട എന്നു വെക്കുന്നു.”

പരസ്‌പരം അടുത്ത​റി​യു​ക

5-6. ഡേറ്റി​ങ്ങിൽ ഏർപ്പെ​ടു​ന്നവർ പരസ്‌പരം എന്തെല്ലാം കാര്യ​ങ്ങ​ളെ​ക്കു​റിച്ച്‌ അറിയാൻ ശ്രമി​ക്കണം? (1 പത്രോസ്‌ 3:4)

⁵ നിങ്ങൾ ആരെങ്കി​ലു​മാ​യി ഡേറ്റി​ങ്ങി​ലാ​ണെ​ങ്കിൽ വിവാഹം കഴിക്ക​ണോ വേണ്ടയോ എന്ന്‌ എങ്ങനെ തീരു​മാ​നി​ക്കാ​നാ​കും? പരസ്‌പരം നന്നായി അടുത്ത​റി​യാൻ ശ്രമി​ക്കുക. ഡേറ്റിങ്ങ്‌ തുടങ്ങു​ന്ന​തി​നു മുമ്പു​തന്നെ ആ വ്യക്തി​യെ​ക്കു​റിച്ച്‌ കുറെ കാര്യങ്ങൾ നിങ്ങൾ മനസ്സി​ലാ​ക്കി​യി​ട്ടു​ണ്ടാ​കും. എന്നാൽ ഇത്‌ ‘ആന്തരി​ക​മ​നു​ഷ്യ​നെ’ അഥവാ ഉള്ളിന്റെ ഉള്ളിലെ വ്യക്തിയെ അടുത്ത​റി​യാ​നുള്ള അവസര​മാണ്‌. (1 പത്രോസ്‌ 3:4 വായി​ക്കുക.) അതിൽ ആ വ്യക്തി​യു​ടെ ആത്മീയ​ത​യും വ്യക്തി​ത്വ​വും ചിന്താ​രീ​തി​യും ഒക്കെ നന്നായി മനസ്സി​ലാ​ക്കു​ന്നത്‌ ഉൾപ്പെ​ടു​ന്നു. ഈ ചോദ്യ​ങ്ങ​ളു​ടെ​യെ​ല്ലാം ഉത്തരം കണ്ടെത്താൻ നിങ്ങൾക്കു കഴിയണം: ‘ഈ വ്യക്തി എനിക്കു ചേരുന്ന ഒരു വിവാഹ പങ്കാളി ആയിരി​ക്കു​മോ?’ (സുഭാ. 31:26, 27, 30; എഫെ. 5:33; 1 തിമൊ. 5:8) ‘വിവാഹം കഴിഞ്ഞ്‌, പരസ്‌പരം വേണ്ട സ്‌നേ​ഹ​വും ശ്രദ്ധയും കൊടു​ക്കാൻ ഞങ്ങൾക്കു പറ്റുമോ? മറ്റേയാ​ളു​ടെ വ്യക്തി​ത്വ​ത്തി​ലെ പോരാ​യ്‌മകൾ എനിക്കു സഹിക്കാൻ പറ്റുന്ന​വ​യാ​ണോ?’b (റോമ. 3:23) അടുത്ത​റി​യാൻ ശ്രമി​ക്കു​മ്പോൾ ഒരു കാര്യം മനസ്സിൽ പിടി​ക്കണം: പരസ്‌പ​ര​യോ​ജിപ്പ്‌ എന്നത്‌, നിങ്ങൾ തമ്മിൽ എത്ര​ത്തോ​ളം സമാന​ത​ക​ളുണ്ട്‌ എന്നതിനെ ആശ്രയി​ച്ചല്ല. പകരം, നിങ്ങളു​ടെ സ്വഭാ​വ​ത്തി​ലെ വ്യത്യാ​സ​ങ്ങ​ളു​മാ​യി നിങ്ങൾക്ക്‌ എത്ര​ത്തോ​ളം പൊരു​ത്ത​പ്പെട്ടു പോകാൻ കഴിയും എന്നതിനെ ആശ്രയി​ച്ചാ​ണി​രി​ക്കു​ന്നത്‌.

⁶ ഡേറ്റി​ങ്ങി​ന്റെ സമയത്ത്‌ മറ്റേ ആളെക്കു​റിച്ച്‌ ഇനി എന്തൊക്കെ കാര്യങ്ങൾ നിങ്ങൾ അറിയണം? ആ വ്യക്തി​യു​മാ​യി ഒരുപാട്‌ അടുക്കു​ന്ന​തി​നു മുമ്പ്‌ അദ്ദേഹ​ത്തി​ന്റെ ലക്ഷ്യങ്ങൾ പോലുള്ള പ്രധാ​ന​പ്പെട്ട ചില വിഷയ​ങ്ങ​ളെ​ക്കു​റിച്ച്‌ ചർച്ച ചെയ്യാൻ നിങ്ങൾ ആഗ്രഹി​ച്ചേ​ക്കും. എന്നാൽ ആരോ​ഗ്യ​പ്ര​ശ്‌ന​ങ്ങ​ളോ സാമ്പത്തി​ക​പ്ര​ശ്‌ന​ങ്ങ​ളോ മുൻകാ​ല​ത്തു​ണ്ടായ ദുരനു​ഭ​വ​ങ്ങ​ളോ പോലുള്ള കൂടുതൽ വ്യക്തി​പ​ര​മായ കാര്യ​ങ്ങ​ളെ​ക്കു​റി​ച്ചോ? എല്ലാ കാര്യ​ങ്ങ​ളെ​ക്കു​റി​ച്ചും തുടക്ക​ത്തിൽത്തന്നെ പറയണ​മെ​ന്നില്ല. (യോഹ​ന്നാൻ 16:12 താരത​മ്യം ചെയ്യുക.) ചില ചോദ്യ​ങ്ങൾക്ക്‌ ഉത്തരം കൊടു​ക്കാ​നുള്ള സമയം ആയിട്ടില്ല എന്നു നിങ്ങൾക്കു തോന്നു​ന്നെ​ങ്കിൽ അത്‌ ആ വ്യക്തി​യോ​ടു പറയുക. എന്നാൽ കാര്യ​ങ്ങ​ളെ​ല്ലാം വിലയി​രു​ത്തി ഒരു തീരു​മാ​ന​മെ​ടു​ക്കാൻ കഴിയ​ണ​മെ​ങ്കിൽ, കുറച്ച്‌ കഴിയു​മ്പോൾ മറ്റേ വ്യക്തി അതെല്ലാം അറി​യേ​ണ്ട​തുണ്ട്‌. അതു​കൊണ്ട്‌ ഒരു ഘട്ടമെ​ത്തു​മ്പോൾ എന്തായാ​ലും നിങ്ങൾക്ക്‌ അതെക്കു​റി​ച്ചെ​ല്ലാം തുറന്ന്‌ സംസാ​രി​ക്കേ​ണ്ടി​വ​രും.

7. ഡേറ്റി​ങ്ങിൽ ഏർപ്പെ​ടുന്ന രണ്ടു പേർക്ക്‌ പരസ്‌പരം എങ്ങനെ അടുത്ത​റി​യാം? (“അകലെ​യുള്ള രണ്ടു പേർ തമ്മിൽ ഡേറ്റി​ങ്ങിൽ ഏർപ്പെ​ടു​മ്പോൾ” എന്ന ചതുര​വും കാണുക.) (ചിത്ര​ങ്ങ​ളും കാണുക.)

⁷ ഉള്ളിന്റെ ഉള്ളിൽ മറ്റേ വ്യക്തി എങ്ങനെ​യുള്ള ആളാ​ണെന്ന്‌ മനസ്സി​ലാ​ക്കാൻ നിങ്ങൾക്ക്‌ എന്ത്‌ ചെയ്യാം? സത്യസ​ന്ധ​മാ​യി തുറന്ന്‌ സംസാ​രി​ക്കു​ന്ന​തും ചോദ്യ​ങ്ങൾ ചോദി​ക്കു​ന്ന​തും നന്നായി ശ്രദ്ധി​ക്കു​ന്ന​തും ആണ്‌ അതിനുള്ള ഏറ്റവും നല്ലൊരു വഴി. (സുഭാ. 20:5; യാക്കോ. 1:19) ഒരുമിച്ച്‌ ഭക്ഷണം കഴിക്കു​ന്ന​തും പൊതു​സ്ഥ​ല​ങ്ങ​ളിൽ ഒരുമിച്ച്‌ നടക്കാൻ പോകു​ന്ന​തും ഒരുമിച്ച്‌ പ്രസം​ഗ​പ്ര​വർത്തനം ചെയ്യു​ന്ന​തും ഒക്കെ തുറന്ന്‌ സംസാ​രി​ക്കാ​നുള്ള അവസരങ്ങൾ നിങ്ങൾക്ക്‌ തരും. കൂട്ടു​കാ​രു​ടെ​യും കുടും​ബാം​ഗ​ങ്ങ​ളു​ടെ​യും കൂടെ ആയിരി​ക്കു​മ്പോ​ഴും നിങ്ങൾക്ക്‌ പരസ്‌പരം അടുത്ത​റി​യാ​നാ​കും. വ്യത്യസ്‌ത സാഹച​ര്യ​ങ്ങ​ളിൽ ആ വ്യക്തി എങ്ങനെ​യാണ്‌ ഇടപെ​ടു​ന്നത്‌, വ്യത്യസ്‌ത തരക്കാ​രായ ആളുക​ളോട്‌ എങ്ങനെ​യാണ്‌ പെരു​മാ​റു​ന്നത്‌, എന്നൊക്കെ മനസ്സി​ലാ​ക്കാൻ സഹായി​ക്കുന്ന പലപല കാര്യങ്ങൾ പ്ലാൻ ചെയ്യുക. നെതർലൻഡ്‌സിൽനി​ന്നുള്ള എഷ്‌വിൻ എന്താണ്‌ ചെയ്യാൻ ശ്രമി​ച്ച​തെന്നു നോക്കുക. അലീഷ്യ​യു​മാ​യുള്ള ഡേറ്റി​ങ്ങി​നെ​ക്കു​റിച്ച്‌ അദ്ദേഹം പറയുന്നു: “പരസ്‌പരം മനസ്സി​ലാ​ക്കാൻ സഹായി​ക്കുന്ന കാര്യങ്ങൾ ഒരുമിച്ച്‌ ചെയ്യാൻ ഞങ്ങൾ ശ്രമിച്ചു. അത്‌ മിക്കതും ചെറി​യ​ചെ​റിയ കാര്യങ്ങൾ ആയിരു​ന്നു. ഭക്ഷണം ഉണ്ടാക്കു​ന്ന​തും മറ്റു ജോലി​ക​ളും ഒക്കെ ഞങ്ങൾ ഒരുമിച്ച്‌ ചെയ്‌തു. അപ്പോൾ മറ്റേയാ​ളി​ന്റെ കഴിവു​ക​ളും പോരാ​യ്‌മ​ക​ളും ഒക്കെ മനസ്സി​ലാ​ക്കാ​നാ​യി.”

8. ഒരുമിച്ച്‌ പഠിക്കു​ന്നത്‌ ഡേറ്റിങ്ങ്‌ ചെയ്യു​ന്ന​വർക്ക്‌ എങ്ങനെ പ്രയോ​ജ​ന​പ്പെ​ട്ടേ​ക്കാം?

⁸ ഒന്നിച്ച്‌ ആത്മീയ​വി​ഷ​യ​ങ്ങളെ കുറിച്ച്‌ പഠിച്ചു​കൊ​ണ്ടും നിങ്ങൾക്ക്‌ പരസ്‌പരം അടുത്ത​റി​യാ​നാ​കും. വിവാഹം കഴിക്കു​ക​യാ​ണെ​ങ്കിൽ നിങ്ങൾ എന്തായാ​ലും കുടും​ബാ​രാ​ധ​ന​യ്‌ക്ക്‌ സമയം കണ്ടെത്തണം. (സഭാ. 4:12) കാരണം വിവാ​ഹ​ത്തിൽ യഹോ​വ​യ്‌ക്കാ​ണ​ല്ലോ മുഖ്യ​സ്ഥാ​നം. അതു​കൊണ്ട്‌ ഡേറ്റി​ങ്ങിന്‌ ഇടയിൽത്തന്നെ എന്തു​കൊണ്ട്‌ അതിനാ​യി സമയം മാറ്റി​വെ​ച്ചു​കൂ​ടാ? ശരിയാണ്‌, ഡേറ്റി​ങ്ങിൽ ഏർപ്പെ​ടു​ന്നവർ ഒരു കുടും​ബ​മാ​യി​ട്ടില്ല. മാത്രമല്ല, സഹോ​ദരൻ സഹോ​ദ​രി​യു​ടെ തലയും അല്ല. എങ്കിലും ഒരുമിച്ച്‌ പഠിക്കു​ന്ന​തി​ലൂ​ടെ രണ്ടു പേരു​ടെ​യും ആത്മീയ​ത​യെ​ക്കു​റിച്ച്‌ അവർക്ക്‌ പരസ്‌പരം മനസി​ലാ​ക്കാ​നാ​കും. ഐക്യ​നാ​ടു​ക​ളിൽനി​ന്നുള്ള മാക്‌സും ലിസയും ഇതിന്റെ മറ്റൊരു പ്രയോ​ജനം കണ്ടെത്തി. മാക്‌സ്‌ പറയുന്നു: “ഡേറ്റി​ങ്ങി​ന്റെ തുടക്ക​ത്തിൽതന്നെ ഡേറ്റിങ്ങ്‌, വിവാഹം, കുടും​ബ​ജീ​വി​തം തുടങ്ങിയ വിഷയ​ങ്ങ​ളെ​ക്കു​റിച്ച്‌ നമ്മുടെ പ്രസി​ദ്ധീ​ക​ര​ണ​ങ്ങ​ളിൽനിന്ന്‌ ഞങ്ങൾ പഠിക്കാൻ തുടങ്ങി. വെറുതെ സംസാ​രി​ക്കു​മ്പോൾ കടന്നു​വ​രാത്ത പല പ്രധാ​ന​പ്പെട്ട വിഷയ​ങ്ങ​ളെ​ക്കു​റി​ച്ചും ചർച്ച ചെയ്യാ​നുള്ള അവസരങ്ങൾ ഞങ്ങൾക്ക്‌ അതിലൂ​ടെ കിട്ടി.”

ചിന്തി​ക്കേണ്ട മറ്റു ഘടകങ്ങൾ

9. ഡേറ്റി​ങ്ങി​നെ​ക്കു​റിച്ച്‌ ആരോ​ടൊ​ക്കെ പറയണം എന്ന്‌ ചിന്തി​ക്കു​മ്പോൾ ഏത്‌ കാര്യങ്ങൾ ഓർക്കണം?

⁹ ഡേറ്റി​ങ്ങി​നെ​ക്കു​റിച്ച്‌ നിങ്ങൾ ആരോ​ടൊ​ക്കെ പറയണം? അത്‌ തീരു​മാ​നി​ക്കേ​ണ്ടത്‌ നിങ്ങളാണ്‌. തുടക്ക​ത്തിൽ ഇക്കാര്യം അധികം ആരോ​ടും പറയേ​ണ്ടെന്ന്‌ നിങ്ങൾ തീരു​മാ​നി​ച്ചേ​ക്കാം. (സുഭാ. 17:27) അങ്ങനെ​യാ​കു​മ്പോൾ അനാവ​ശ്യ​ചോ​ദ്യ​ങ്ങ​ളും സമ്മർദ​ങ്ങ​ളും നിങ്ങൾക്ക്‌ ഒഴിവാ​ക്കാൻ കഴിയും. എന്നാൽ ആരോ​ടും പറയാ​തി​രി​ക്കു​ന്ന​തും അപകട​മാണ്‌. കാരണം ആരെങ്കി​ലും കണ്ടുപി​ടി​ക്കു​മോ എന്നുള്ള പേടി കാരണം നിങ്ങൾ രണ്ടു പേരും ഒറ്റയ്‌ക്കാ​യി​പോ​കാ​നുള്ള സാധ്യ​ത​യുണ്ട്‌. അത്‌ അപകടം ചെയ്യും. അതു​കൊണ്ട്‌ നല്ല ഉപദേ​ശ​വും പ്രാ​യോ​ഗിക സഹായ​വും തരാൻ കഴിയുന്ന ചില​രോ​ടെ​ങ്കി​ലും പറയു​ന്നതു നല്ലതാണ്‌. (സുഭാ. 15:22) ഉദാഹ​ര​ണ​ത്തിന്‌, ചില കുടും​ബാം​ഗ​ങ്ങ​ളോ​ടോ പക്വത​യുള്ള സുഹൃ​ത്തു​ക്ക​ളോ​ടോ മൂപ്പന്മാ​രോ​ടോ ഒക്കെ അതെക്കു​റിച്ച്‌ പറയാം.

10. മാന്യ​മായ വിധത്തിൽ എങ്ങനെ ഡേറ്റിങ്ങ്‌ നടത്താം? (സുഭാ​ഷി​തങ്ങൾ 22:3)

¹⁰ മാന്യ​മായ വിധത്തിൽ എങ്ങനെ ഡേറ്റിങ്ങ്‌ നടത്താം? പരസ്‌പ​ര​മുള്ള ഇഷ്ടം കൂടു​ന്ന​ത​നു​സ​രിച്ച്‌ നിങ്ങൾ തമ്മിലുള്ള ശാരീ​രിക ആകർഷ​ണ​വും കൂടും. ധാർമി​ക​മാ​യി ശുദ്ധരാ​യി​രി​ക്കാൻ നിങ്ങളെ എന്തു സഹായി​ക്കും? (1 കൊരി. 6:18) അധാർമിക കാര്യ​ങ്ങ​ളെ​ക്കു​റി​ച്ചുള്ള സംസാരം, ഒറ്റയ്‌ക്ക്‌ ആയിരി​ക്കു​ന്നത്‌, അമിത മദ്യപാ​നം ഇതെല്ലാം ഒഴിവാ​ക്കുക. (എഫെ. 5:3) കാരണം ഈ കാര്യ​ങ്ങ​ളെ​ല്ലാം ലൈം​ഗിക ആഗ്രഹങ്ങൾ ഉണർത്തു​ക​യും ശരിയാ​യത്‌ ചെയ്യു​ന്നത്‌ കൂടുതൽ ബുദ്ധി​മു​ട്ടാ​ക്കു​ക​യും ചെയ്യും. അന്തസ്സും മാന്യ​ത​യും നഷ്ടപ്പെ​ടാത്ത വിധത്തിൽ എങ്ങനെ ഡേറ്റിങ്ങ്‌ മുന്നോ​ട്ടു കൊണ്ടു​പോ​കാം എന്ന്‌ ഇടയ്‌ക്കി​ടെ പരസ്‌പരം ചർച്ച ചെയ്യു​ന്നത്‌ നല്ലതാണ്‌. (സുഭാ​ഷി​തങ്ങൾ 22:3 വായി​ക്കുക.) ഇത്യോ​പ്യ​ക്കാ​രായ ഡാവി​റ്റി​നെ​യും അൽമാ​സി​നെ​യും എന്താണ്‌ സഹായി​ച്ച​തെന്നു നോക്കുക: “ചുറ്റും ഒരുപാട്‌ ആളുകൾ ഉള്ളപ്പോ​ഴോ കൂട്ടു​കാ​രു​ടെ ഒപ്പം ആയിരി​ക്കു​മ്പോ​ഴോ ഒക്കെയാണ്‌ ഞങ്ങളൊ​രു​മിച്ച്‌ സമയം ചെലവ​ഴി​ച്ചത്‌. ഒരു കാറി​ലോ വീട്ടി​ലോ ഒന്നും ഒറ്റയ്‌ക്കാ​യി പോകാ​തി​രി​ക്കാൻ ഞങ്ങൾ പ്രത്യേ​കം ശ്രദ്ധിച്ചു. അങ്ങനെ പ്രലോ​ഭനം തോന്നി​യേ​ക്കാ​വുന്ന സാഹച​ര്യ​ങ്ങൾ ഞങ്ങൾ ഒഴിവാ​ക്കി.”

11. സ്‌നേ​ഹ​പ്ര​ക​ട​നങ്ങൾ എത്ര​ത്തോ​ളം ആകാം എന്ന്‌ തീരു​മാ​നി​ക്കു​മ്പോൾ ഏതെല്ലാം കാര്യങ്ങൾ കണക്കി​ലെ​ടു​ക്കണം?

¹¹ സ്‌നേ​ഹ​പ്ര​ക​ട​ന​ങ്ങ​ളു​ടെ കാര്യ​മോ? നിങ്ങൾ തമ്മിലുള്ള ഇഷ്ടം കൂടു​ന്ന​ത​നു​സ​രിച്ച്‌ ഉചിത​മായ ചില വിധങ്ങ​ളിൽ സ്‌നേഹം പ്രകടി​പ്പി​ക്കാ​നും നിങ്ങൾ തീരു​മാ​നി​ച്ചേ​ക്കാം. എന്നാൽ ലൈം​ഗിക ആഗ്രഹങ്ങൾ ശക്തമാ​കാൻ ഇടയാ​യാൽ വികാ​രങ്ങൾ മാറ്റി​നിർത്തി ആ വ്യക്തിയെ ശരിയായ വിധത്തിൽ വിലയി​രു​ത്താൻ നിങ്ങൾക്ക്‌ കഴിയാ​തെ പോകും. (ഉത്ത. 1:2; 2:6) സ്‌നേ​ഹ​പ്ര​ക​ട​നങ്ങൾ ആത്മനി​യ​ന്ത്രണം നഷ്ടമാ​കു​ന്ന​തി​ലേ​ക്കും തെറ്റായ പ്രവൃ​ത്തി​യി​ലേ​ക്കും നയി​ച്ചേ​ക്കാം. (സുഭാ. 6:27) അതു​കൊണ്ട്‌ ഡേറ്റിങ്ങ്‌ തുടങ്ങു​മ്പോൾത്തന്നെ ഇക്കാര്യ​ത്തിൽ ബൈബിൾത​ത്ത്വ​ങ്ങൾക്ക്‌ ചേർച്ച​യിൽ എന്തെല്ലാം പരിധി​കൾ വെക്കാ​മെന്ന്‌ ചർച്ച ചെയ്യുക.c (1 തെസ്സ. 4:3-7) അതു​കൊണ്ട്‌ ഇങ്ങനെ ചോദി​ക്കുക: ‘ഞങ്ങൾ തമ്മിലുള്ള സ്‌നേ​ഹ​പ്ര​ക​ട​നങ്ങൾ കണ്ടാൽ ചുറ്റു​മുള്ള ആളുകൾക്ക്‌ എന്തു തോന്നും? അതിലൂ​ടെ ഞങ്ങളിൽ ആർക്കെ​ങ്കി​ലും ലൈം​ഗിക ആഗ്രഹം തോന്നാൻ ഇടയു​ണ്ടോ?’

12. ഡേറ്റി​ങ്ങി​നി​ടെ പ്രശ്‌ന​ങ്ങ​ളും അഭി​പ്രാ​യ​വ്യ​ത്യാ​സ​ങ്ങ​ളും ഉണ്ടാകു​ന്നെ​ങ്കിൽ നിങ്ങൾ എന്തു ചിന്തി​ക്കണം?

¹² പ്രശ്‌ന​ങ്ങ​ളും അഭി​പ്രാ​യ​വ്യ​ത്യാ​സ​ങ്ങ​ളും എങ്ങനെ കൈകാ​ര്യം ചെയ്യാം? നിങ്ങൾ തമ്മിൽ ഇടയ്‌ക്കി​ട​യ്‌ക്ക്‌ അഭി​പ്രാ​യ​വ്യ​ത്യാ​സങ്ങൾ ഉണ്ടാകു​ന്നെ​ങ്കി​ലോ? നിങ്ങളു​ടെ ബന്ധം ശരിയാ​കില്ല എന്നാണോ അതിനർഥം? അങ്ങനെ​യാ​ക​ണ​മെ​ന്നില്ല. എല്ലാ ദമ്പതി​കൾക്കി​ട​യി​ലും അഭി​പ്രാ​യ​വ്യ​ത്യാ​സങ്ങൾ ഉണ്ടാകും. മറ്റേയാ​ളു​ടെ താത്‌പ​ര്യ​ങ്ങ​ളു​മാ​യി പൊരു​ത്ത​പ്പെ​ടാ​നും പരസ്‌പരം ബഹുമാ​നി​ക്കാ​നും രണ്ടു​പേ​രും തയ്യാറാ​കു​ന്ന​താണ്‌ ശക്തമായ വിവാ​ഹ​ബ​ന്ധ​ത്തി​ന്റെ ഒരു രഹസ്യം. ഇപ്പോൾ പ്രശ്‌നങ്ങൾ എങ്ങനെ കൈകാ​ര്യം ചെയ്യുന്നു എന്നത്‌ നിങ്ങളു​ടെ വിവാ​ഹ​ബന്ധം വിജയി​ക്കു​മോ ഇല്ലയോ എന്ന്‌ സൂചി​പ്പി​ച്ചേ​ക്കാം. സ്വയം ചോദി​ക്കുക: ‘കാര്യങ്ങൾ ശാന്തമാ​യി, ആദര​വോ​ടെ ചർച്ച ചെയ്യാൻ ഞങ്ങൾക്ക്‌ കഴിയാ​റു​ണ്ടോ? തെറ്റുകൾ പറ്റു​മ്പോൾ അത്‌ മടികൂ​ടാ​തെ സമ്മതി​ക്കാ​നും മാറ്റം വരുത്താ​നും ഞങ്ങൾ മനസ്സു​ള്ള​വ​രാ​ണോ? വിട്ടു​വീഴ്‌ച ചെയ്യാ​നും ക്ഷമ ചോദി​ക്കാ​നും ക്ഷമിക്കാ​നും ഞങ്ങൾ പെട്ടെന്ന്‌ തയ്യാറാ​കു​ന്നു​ണ്ടോ?’ (എഫെ. 4:31, 32) എന്നാൽ ഡേറ്റി​ങ്ങി​നി​ടെ നിങ്ങൾക്കി​ട​യിൽ കൂടെ​ക്കൂ​ടെ അഭി​പ്രാ​യ​വ്യ​ത്യാ​സ​ങ്ങ​ളോ തർക്കങ്ങ​ളോ ഉണ്ടാകു​ന്നെ​ങ്കി​ലോ? വിവാഹം കഴിഞ്ഞും അതിനു വലിയ വ്യത്യാ​സ​മൊ​ന്നും വരാൻ സാധ്യ​ത​യില്ല. മറ്റേ വ്യക്തി നിങ്ങൾക്ക്‌ ചേരുന്ന ആളല്ല എന്ന്‌ മനസ്സി​ലാ​ക്കു​ന്നെ​ങ്കിൽ ഡേറ്റിങ്ങ്‌ അവസാ​നി​പ്പി​ക്കു​ന്ന​താ​യി​രി​ക്കും നിങ്ങൾക്ക്‌ രണ്ടു പേർക്കും ഏറ്റവും നല്ലത്‌.d

13. എത്ര കാലം ഡേറ്റിങ്ങ്‌ മുന്നോട്ട്‌ കൊണ്ടു​പോ​ക​ണ​മെന്നു തീരു​മാ​നി​ക്കാൻ ഏതു കാര്യങ്ങൾ നിങ്ങളെ സഹായി​ക്കും?

¹³ എത്ര നാൾ ഡേറ്റിങ്ങ്‌ ചെയ്യണം? എടുത്തു​ചാ​ടി​യുള്ള തീരു​മാ​ന​ങ്ങൾക്ക്‌ മിക്ക​പ്പോ​ഴും അതി​ന്റേ​തായ ചില ഭവിഷ്യ​ത്തു​ക​ളും ഉണ്ടാകാ​റുണ്ട്‌. (സുഭാ. 21:5) അതു​കൊണ്ട്‌, മറ്റേയാ​ളെ നന്നായി അടുത്ത​റി​യാൻ ആവശ്യ​മായ അത്രയും സമയം നിങ്ങൾ ചെലവി​ടണം. എന്നാൽ ഡേറ്റി​ങ്ങി​ന്റെ സമയം അനാവ​ശ്യ​മാ​യി വലിച്ചു​നീ​ട്ടു​ക​യു​മ​രുത്‌. “പ്രതീ​ക്ഷകൾ നിറ​വേ​റാൻ വൈകു​മ്പോൾ ഹൃദയം തകരുന്നു” എന്നു ബൈബിൾ പറയുന്നു. (സുഭാ. 13:12) മാത്രമല്ല, ഡേറ്റി​ങ്ങി​ന്റെ സമയം നീണ്ടു​പോ​കു​ന്ന​ത​നു​സ​രിച്ച്‌, ലൈം​ഗി​കാ​ഗ്ര​ഹ​ങ്ങളെ ചെറു​ക്കു​ന്നതു കൂടുതൽ ബുദ്ധി​മു​ട്ടാ​യേ​ക്കാം. (1 കൊരി. 7:9) ഡേറ്റിങ്ങ്‌ തുടങ്ങി​യിട്ട്‌ എത്ര നാളായി എന്നു ചിന്തി​ക്കു​ന്ന​തി​നു പകരം സ്വയം ചോദി​ക്കുക, ‘ഒരു തീരു​മാ​നം എടുക്കാൻ മറ്റേ വ്യക്തി​യെ​ക്കു​റിച്ച്‌ ഇനി ഞാൻ എന്താണ്‌ അറി​യേ​ണ്ടത്‌?’

മറ്റുള്ള​വർക്ക്‌ എങ്ങനെ സഹായി​ക്കാം?

14. ഡേറ്റി​ങ്ങിൽ ഏർപ്പെ​ടു​ന്ന​വരെ ഏതെല്ലാം വിധങ്ങ​ളിൽ നമുക്കു പിന്തു​ണ​യ്‌ക്കാം? (ചിത്ര​വും കാണുക.)

¹⁴ ഡേറ്റി​ങ്ങിൽ ഏർപ്പെ​ടുന്ന രണ്ടു പേരെ നമുക്ക്‌ എങ്ങനെ സഹായി​ക്കാം? ഭക്ഷണത്തി​നോ കുടും​ബാ​രാ​ധ​ന​യ്‌ക്കോ വിനോ​ദ​പ​രി​പാ​ടി​കൾക്കോ നമുക്ക്‌ അവരെ ക്ഷണിക്കാം. (റോമ. 12:13) അത്‌ അവർക്കു കുടുതൽ അടുത്ത​റി​യാ​നുള്ള അവസര​ങ്ങ​ളാ​യി​രി​ക്കും. അവർക്ക്‌ ഒരുമിച്ച്‌ പുറത്ത്‌ പോകാ​നോ, കാറിൽ യാത്ര ചെയ്യാ​നോ ഒരു കൂട്ട്‌ വേണോ? എങ്കിൽ അവരെ സഹായി​ക്കുക. (ഗലാ. 6:10) ഇനി, സംസാ​രി​ച്ചി​രി​ക്കാൻ ഒരു സ്ഥലമാണ്‌ വേണ്ട​തെ​ങ്കിൽ, അവരെ വീട്ടി​ലേക്കു ക്ഷണിക്കുക. മുമ്പ്‌ കണ്ട അലീഷ്യ​ക്കും എഷ്‌വി​നും കിട്ടിയ സഹായ​ത്തെ​ക്കു​റിച്ച്‌ അലീഷ്യ പറയുന്നു: “ഒറ്റയ്‌ക്കാ​യി​പോ​കാ​തെ ഒരുമിച്ച്‌ സമയം ചെലവ​ഴി​ക്കാൻ ഒരു സ്ഥലം വേണ​മെ​ങ്കിൽ വീട്ടി​ലേക്കു വരാൻ ചില സഹോ​ദ​രങ്ങൾ ഞങ്ങളോ​ടു പറഞ്ഞു. അതു ഞങ്ങൾക്കു വലിയ ആശ്വാ​സ​മാ​യി.” ഡേറ്റി​ങ്ങിൽ ഏർപ്പെ​ടുന്ന സഹോ​ദ​ര​നും സഹോ​ദ​രി​യും ഒരു കൂട്ട്‌ വരാമോ എന്നു ചോദി​ക്കു​മ്പോൾ അവരെ സഹായി​ക്കാ​നുള്ള വില​യേ​റിയ അവസര​മാ​യി നിങ്ങൾക്ക്‌ അതിനെ കാണാൻ കഴിയി​ല്ലേ? കൂട്ട്‌ പോകു​മ്പോൾ അവർ തീർത്തും തനിച്ചാ​യി​പോ​കാ​തി​രി​ക്കാൻ നിങ്ങൾ ശ്രദ്ധി​ക്കണം. അതേസ​മയം അവർക്കു മാത്ര​മാ​യി സംസാ​രി​ക്കാൻ കഴിയു​ന്നു​ണ്ടെ​ന്നും ഉറപ്പു​വ​രു​ത്തണം.—ഫിലി. 2:4.

15. ഡേറ്റി​ങ്ങിൽ ഏർപ്പെ​ട്ടി​രി​ക്കു​ന്ന​വരെ സഹായി​ക്കാൻ സുഹൃ​ത്തു​ക്കൾക്ക്‌ മറ്റ്‌ എന്തു ചെയ്യാം? (സുഭാ​ഷി​തങ്ങൾ 12:18)

¹⁵ നമ്മുടെ വാക്കു​കൾകൊ​ണ്ടും അവരെ പിന്തു​ണ​യ്‌ക്കാൻ കഴിയും. ചില​പ്പോൾ സ്വയം നിയ​ന്ത്രിച്ച്‌ ഒന്നും പറയാ​തി​രി​ക്കു​ന്ന​താ​യി​രി​ക്കും കൂടുതൽ നല്ലത്‌. (സുഭാ​ഷി​തങ്ങൾ 12:18 വായി​ക്കുക.) ഉദാഹ​ര​ണ​ത്തിന്‌, രണ്ടു പേർ തമ്മിൽ ഡേറ്റിങ്ങ്‌ തുടങ്ങി​യെന്ന കാര്യം മറ്റുള്ള​വ​രോ​ടു പറയാൻ നമുക്ക്‌ ആവേശം തോന്നി​യേ​ക്കാം. എന്നാൽ അത്‌ അവർതന്നെ മറ്റുള്ള​വ​രോ​ടു പറയു​ന്ന​താ​യി​രി​ക്കും അവർക്ക്‌ ഇഷ്ടം. അതു​പോ​ലെ നമ്മൾ ഡേറ്റി​ങ്ങിൽ ഏർപ്പെ​ട്ടി​രി​ക്കു​ന്ന​വ​രെ​ക്കു​റിച്ച്‌, അതുമി​തും പറഞ്ഞു​ന​ട​ക്കാ​നോ അവരുടെ വ്യക്തി​പ​ര​മായ കാര്യ​ങ്ങളെ വിമർശി​ക്കാ​നോ പാടില്ല. (സുഭാ. 20:19; റോമ. 14:10; 1 തെസ്സ. 4:11) കൂടാതെ കല്യാണം കഴിക്കാൻ സമ്മർദം തോന്നുന്ന വിധത്തി​ലുള്ള അഭി​പ്രാ​യങ്ങൾ പറയു​ന്ന​തും ചോദ്യ​ങ്ങൾ ചോദി​ക്കു​ന്ന​തും അവരെ ബുദ്ധി​മു​ട്ടി​ച്ചേ​ക്കാം. തങ്ങളുടെ ഡേറ്റി​ങ്ങി​ന്റെ സമയ​ത്തെ​ക്കു​റിച്ച്‌ എലീസ സഹോ​ദ​രി​യും ഭർത്താ​വും പറയു​ന്നത്‌ ഇങ്ങനെ​യാണ്‌: “വിവാ​ഹ​ത്തി​നുള്ള ഒരുക്ക​ങ്ങ​ളെ​ക്കു​റിച്ച്‌ മറ്റുള്ളവർ ചോദി​ച്ച​പ്പോൾ ഞങ്ങൾക്ക്‌ ആകെ ഒരു ബുദ്ധി​മു​ട്ടു തോന്നി. കാരണം അതെക്കു​റിച്ച്‌ ഞങ്ങൾ സംസാ​രി​ച്ചി​ട്ടു​പോ​ലു​മി​ല്ലാ​യി​രു​ന്നു.”

16. രണ്ടു പേർ ഡേറ്റിങ്ങ്‌ അവസാ​നി​പ്പി​ക്കാൻ തീരു​മാ​നി​ച്ചാൽ നമ്മൾ എങ്ങനെ പ്രതി​ക​രി​ക്കണം?

¹⁶ ഇനി, ഡേറ്റിങ്ങ്‌ അവസാ​നി​പ്പി​ക്കാ​നാണ്‌ രണ്ടു പേർ തീരു​മാ​നി​ക്കു​ന്ന​തെ​ങ്കി​ലോ? അതിന്റെ കാരണ​ത്തെ​ക്കു​റിച്ച്‌ കുത്തി​ക്കു​ത്തി ചോദി​ക്കു​ന്ന​തും ഒരാളു​ടെ പക്ഷം പിടി​ക്കു​ന്ന​തും നമ്മൾ ഒഴിവാ​ക്കണം. (1 പത്രോ. 4:15) ലിയ എന്ന സഹോ​ദരി പറയുന്നു: “ഞാനും ഒരു സഹോ​ദ​ര​നും തമ്മിലുള്ള ഡേറ്റിങ്ങ്‌ അവസാ​നി​പ്പി​ച്ച​പ്പോൾ അതിന്റെ കാരണ​ത്തെ​ക്കു​റിച്ച്‌ പലരും പല ഊഹാ​പോ​ഹ​ങ്ങ​ളും നടത്തി. അത്‌ എന്നെ ഒരുപാട്‌ വിഷമി​പ്പി​ച്ചു.” മുമ്പ്‌ പറഞ്ഞതു​പോ​ലെ, രണ്ടു പേർ തമ്മിൽ ഡേറ്റിങ്ങ്‌ അവസാ​നി​പ്പി​ച്ചാൽ അവർ പരാജ​യ​പ്പെട്ടു എന്നല്ല, പകരം മിക്ക​പ്പോ​ഴും അതിന്റെ അർഥം, ഡേറ്റി​ങ്ങി​ന്റെ ഉദ്ദേശ്യം നടന്നു, അവർക്കു ശരിയായ തീരു​മാ​നം എടുക്കാ​നാ​യി എന്നാണ്‌. എങ്കിലും ആ തീരു​മാ​നം അവരെ വേദനി​പ്പി​ച്ചേ​ക്കാം, ഒരു ഒറ്റപ്പെ​ട​ലും അവർക്കു തോന്നി​യേ​ക്കാം. അതു​കൊണ്ട്‌ നമുക്ക്‌ അവരെ പിന്തു​ണ​യ്‌ക്കാൻ ശ്രമി​ക്കാം.—സുഭാ. 17:17.

17. ഡേറ്റി​ങ്ങിൽ ഏർപ്പെ​ടു​ന്നവർ എന്തു ചെയ്യണം?

¹⁷ നമ്മൾ കണ്ടതു​പോ​ലെ, ഡേറ്റി​ങ്ങിന്‌ അതി​ന്റേ​തായ വെല്ലു​വി​ളി​ക​ളുണ്ട്‌. പക്ഷേ അതു വളരെ സന്തോ​ഷ​മുള്ള സമയവു​മാണ്‌. ജെസീക്ക പറയുന്നു: “ഡേറ്റി​ങ്ങി​നു​വേണ്ടി ഞങ്ങൾ ഒരുപാട്‌ സമയം ചെലവ​ഴി​ക്കു​ക​യും ശ്രമം ചെയ്യു​ക​യും ചെയ്‌തു. പക്ഷേ അതൊ​ന്നും ഒരു നഷ്ടമായി എനിക്കു തോന്നി​യതേ ഇല്ല.” ഡേറ്റി​ങ്ങിൽ ഏർപ്പെ​ടുന്ന രണ്ടു പേരാണ്‌ നിങ്ങ​ളെ​ങ്കിൽ, പരസ്‌പരം അടുത്ത​റി​യാൻ നല്ല ശ്രമം ചെയ്യുക. അങ്ങനെ ചെയ്യു​ന്നെ​ങ്കിൽ നിങ്ങളു​ടെ ഡേറ്റിങ്ങ്‌ വിജയി​ക്കും, നിങ്ങൾക്കു ശരിയായ തീരു​മാ​നം എടുക്കാ​നാ​കും.