നിങ്ങൾക്ക്‌ യോജിച്ച വിവാഹ ഇണയെ എങ്ങനെ കണ്ടെത്താം?

1-2. (എ) ഡേറ്റി​ങ്ങി​ലേക്കു വരുന്ന​തി​നു മുമ്പ്‌ ഏകാകി​ക​ളായ ക്രിസ്‌ത്യാ​നി​കൾ ചിന്തി​ക്കേണ്ട ചില കാര്യങ്ങൾ എന്തൊ​ക്കെ​യാണ്‌? (ബി) “ഡേറ്റിങ്ങ്‌” എന്നതിന്റെ അർഥം എന്താണ്‌? (“പദപ്ര​യോ​ഗ​ത്തി​ന്റെ വിശദീ​ക​രണം” കാണുക.)

നിങ്ങൾ വിവാഹം കഴിക്കാൻ ആഗ്രഹി​ക്കുന്ന ഒരാളാ​ണോ? സന്തോ​ഷ​ത്തി​ന്റെ അടിസ്ഥാ​നം വിവാഹം അല്ലെങ്കി​ലും ചെറു​പ്പ​ക്കാ​രോ പ്രായ​മാ​യ​വ​രോ ആയ ഏകാകി​ക​ളായ പല ക്രിസ്‌ത്യാ​നി​ക​ളും ഒരു വിവാഹ ഇണയെ കണ്ടെത്താൻ ആഗ്രഹി​ക്കു​ന്നു. വിവാഹം കഴിക്കുക എന്ന ഉദ്ദേശ്യ​ത്തിൽ ഒരാളു​മാ​യി അടുപ്പ​ത്തി​ലേക്കു വരുന്ന​തി​നു മുമ്പു​തന്നെ സാമ്പത്തി​ക​മാ​യും ആത്മീയ​മാ​യും വൈകാ​രി​ക​മാ​യും നിങ്ങൾ തയ്യാറാ​യി​രി​ക്കണം.a (1 കൊരി. 7:36) അങ്ങനെ​യാ​കു​മ്പോൾ നിങ്ങളു​ടെ വിവാ​ഹ​ജീ​വി​തം വിജയി​ക്കാ​നുള്ള സാധ്യത കൂടു​ത​ലാ​യി​രി​ക്കും.

² എങ്കിലും യോജിച്ച ഒരു വിവാഹ ഇണയെ കണ്ടെത്തു​ന്നത്‌ എപ്പോ​ഴും അത്ര എളുപ്പമല്ല. (സുഭാ. 31:10) ഇനി, നിങ്ങൾക്ക്‌ ഒരാളെ ഇഷ്ടമായി, അയാളെ അടുത്ത​റി​യാൻ നിങ്ങൾ ആഗ്രഹി​ക്കു​ന്നു; എന്നാലും ഡേറ്റിങ്ങ്‌b തുടങ്ങു​ന്നത്‌ അത്ര എളുപ്പ​മാ​യി​രി​ക്കില്ല. തനിക്ക്‌ യോജി​ച്ചേ​ക്കാ​വുന്ന ഒരാളെ കണ്ടെത്തി ഡേറ്റിങ്ങ്‌ തുടങ്ങാൻ ഏകാകി​ക​ളായ ക്രിസ്‌ത്യാ​നി​കളെ സഹായി​ക്കുന്ന വിവര​ങ്ങ​ളാണ്‌ ഈ ലേഖന​ത്തിൽ ചർച്ച ചെയ്യു​ന്നത്‌. വിവാഹം കഴിക്കാൻ ആഗ്രഹി​ക്കു​ന്ന​വരെ സഭയി​ലുള്ള മറ്റുള്ള​വർക്ക്‌ എങ്ങനെ സഹായി​ക്കാ​മെ​ന്നും നമ്മൾ പഠിക്കും.

യോജിച്ച ഒരാളെ കണ്ടെത്തുക

3. ഒരു വിവാഹ ഇണയ്‌ക്കാ​യി അന്വേ​ഷി​ക്കുന്ന ഏകാകി​യായ ഒരു ക്രിസ്‌ത്യാ​നി എന്തൊക്കെ കാര്യങ്ങൾ കണക്കി​ലെ​ടു​ക്കണം?

³ വിവാഹം കഴിക്കാൻ ആഗ്രഹി​ക്കു​ന്നു​ണ്ടെ​ങ്കിൽ ഒരാളു​മാ​യി അടുപ്പ​ത്തി​ലേക്കു വരുന്ന​തി​നു മുമ്പു​തന്നെ ഇണയ്‌ക്ക്‌ എന്തൊക്കെ ഗുണങ്ങൾ ഉണ്ടായി​രി​ക്കാ​നാണ്‌ നിങ്ങൾ ആഗ്രഹി​ക്കു​ന്ന​തെന്നു വ്യക്തമായ ധാരണ ഉണ്ടായി​രി​ക്കണം.c ഇല്ലെങ്കിൽ യോജി​ച്ചേ​ക്കാ​വുന്ന ഒരാൾ നിങ്ങളു​ടെ കണ്ണിൽപ്പെ​ടാ​തെ പോ​യേ​ക്കാം, അല്ലെങ്കിൽ ചേരാത്ത ഒരു വ്യക്തി​യു​മാ​യി നിങ്ങൾ അടുപ്പ​ത്തി​ലേക്കു വന്നേക്കാം. ഒരു കാര്യ​ത്തിൽ സംശയ​മില്ല, നിങ്ങൾ ആലോ​ചി​ക്കുന്ന വ്യക്തി സ്‌നാ​ന​മേറ്റ ഒരു ക്രിസ്‌ത്യാ​നി​യാ​യി​രി​ക്കണം. (1 കൊരി. 7:39) പക്ഷേ സ്‌നാ​ന​മേറ്റ ഏതൊ​രാ​ളും നിങ്ങൾക്കു യോജിച്ച ഒരു ഇണയാ​യി​രി​ക്കണം എന്നില്ല. അതു​കൊണ്ട്‌ സ്വയം ചോദി​ക്കുക: ‘ജീവി​ത​ത്തിൽ എന്റെ ലക്ഷ്യങ്ങൾ എന്തൊ​ക്കെ​യാണ്‌? വിവാഹ ഇണയ്‌ക്ക്‌ പ്രധാ​ന​മാ​യും ഏതൊക്കെ ഗുണങ്ങൾ വേണ​മെ​ന്നാണ്‌ ഞാൻ ആഗ്രഹി​ക്കു​ന്നത്‌? എന്റെ പ്രതീ​ക്ഷകൾ ന്യായ​മാ​ണോ?’

4. ചിലർ പ്രാർഥ​ന​യിൽ എന്തെല്ലാം കാര്യങ്ങൾ ഉൾപ്പെ​ടു​ത്തു​ന്നു?

⁴ വിവാഹം കഴിക്കാൻ ആഗ്രഹി​ക്കു​ന്നു​ണ്ടെ​ങ്കിൽ നിങ്ങൾ തീർച്ച​യാ​യും അതെക്കു​റിച്ച്‌ പ്രാർഥി​ച്ചി​ട്ടു​ണ്ടാ​കും. (ഫിലി. 4:6) തന്റെ എല്ലാ ദാസർക്കും ഒരു വിവാഹ ഇണയെ കിട്ടു​മെന്ന്‌ യഹോവ വാക്കു നൽകി​യി​ട്ടില്ല എന്നതു ശരിയാണ്‌. എങ്കിലും യഹോവ നമ്മുടെ ആവശ്യ​ങ്ങ​ളും വികാ​ര​ങ്ങ​ളും അറിയു​ന്നുണ്ട്‌ എന്ന്‌ ഉറപ്പു​ണ്ടാ​യി​രി​ക്കുക. ഒരു ഇണയെ കണ്ടെത്താൻ ശ്രമി​ക്കു​മ്പോൾ നമ്മളെ സഹായി​ക്കാൻ യഹോ​വ​യ്‌ക്കാ​കും. അതു​കൊണ്ട്‌ നിങ്ങളു​ടെ ആഗ്രഹ​ങ്ങ​ളും വികാ​ര​ങ്ങ​ളും തുടർന്നും യഹോ​വ​യോ​ടു പറയുക. (സങ്കീ. 62:8) ക്ഷമയ്‌ക്കും ജ്ഞാനത്തി​നും വേണ്ടി പ്രാർഥി​ക്കുക. (യാക്കോ. 1:5) ഐക്യ​നാ​ടു​ക​ളിൽനി​ന്നുള്ള ഏകാകി​യായ ജോൺd എന്ന സഹോ​ദരൻ, താൻ പ്രാർഥ​ന​യിൽ ഉൾപ്പെ​ടു​ത്തുന്ന കാര്യ​ങ്ങ​ളെ​ക്കു​റിച്ച്‌ ഇങ്ങനെ പറയുന്നു: “ഇണയിൽ ഞാൻ നോക്കുന്ന ഗുണങ്ങ​ളെ​ക്കു​റിച്ച്‌ ഞാൻ യഹോ​വ​യോ​ടു പറയും. യോജിച്ച ഒരാളെ കണ്ടുമു​ട്ടാ​നുള്ള അവസരങ്ങൾ തരണേ എന്നും പ്രാർഥി​ക്കും. അതോ​ടൊ​പ്പം നല്ലൊരു ഭർത്താ​വാ​യി​രി​ക്കാൻ വേണ്ട ഗുണങ്ങൾ വളർത്തി​യെ​ടു​ക്കാൻ എന്നെ സഹായി​ക്കണേ എന്നും ഞാൻ പ്രാർഥി​ക്കും.” ശ്രീല​ങ്ക​യിൽനി​ന്നുള്ള റ്റാനിയ സഹോ​ദരി പറയുന്നു: “ഒരു ഇണയെ കണ്ടെത്താ​നാ​യി കാത്തി​രി​ക്കേ​ണ്ടി​വ​രു​മ്പോ​ഴും യഹോ​വ​യോ​ടു വിശ്വ​സ്‌ത​യാ​യി​രി​ക്കാ​നും സന്തോഷം നിലനി​റു​ത്താ​നും നല്ല മനോ​ഭാ​വം ഉണ്ടായി​രി​ക്കാ​നും സഹായി​ക്കണേ എന്നു ഞാൻ പ്രാർഥി​ക്കും.” പെട്ടെ​ന്നു​തന്നെ യോജിച്ച ഒരു ഇണയെ കണ്ടെത്താൻ കഴിയു​ന്നി​ല്ലെ​ങ്കി​ലും, നിങ്ങൾക്കു​വേണ്ടി കരുതു​മെ​ന്നും സ്‌നേ​ഹ​വും പിന്തു​ണ​യും നൽകു​മെ​ന്നും യഹോവ ഉറപ്പു​ത​രു​ന്നു.—സങ്കീ. 55:22.

5. യഹോ​വയെ സ്‌നേ​ഹി​ക്കുന്ന ഏകാകി​ക​ളായ ക്രിസ്‌ത്യാ​നി​കളെ പരിച​യ​പ്പെ​ടാൻ എപ്പോൾ അവസരം കിട്ടും? (1 കൊരി​ന്ത്യർ 15:58) (ചിത്ര​വും കാണുക.)

⁵ ‘കർത്താ​വി​ന്റെ വേലയിൽ തിരക്കു​ള്ള​വ​രാ​യി​രി​ക്കാൻ’ ബൈബിൾ നമ്മളെ പ്രോ​ത്സാ​ഹി​പ്പി​ക്കു​ന്നു. (1 കൊരി​ന്ത്യർ 15:58 വായി​ക്കുക.) യഹോ​വ​യു​ടെ സേവന​ത്തിൽ തിരക്കു​ള്ളവർ ആയിരി​ക്കു​മ്പോൾ വ്യത്യസ്‌ത സഹോ​ദ​ര​ങ്ങ​ളു​മാ​യി സമയം ചെലവ​ഴി​ക്കാൻ നിങ്ങൾക്ക്‌ അവസരം കിട്ടും. അപ്പോൾ നിങ്ങൾക്കു നല്ല സഹവാസം ആസ്വദി​ക്കാ​നാ​കു​മെന്നു മാത്രമല്ല, നിങ്ങളു​ടെ അതേ ആത്മീയ​ല​ക്ഷ്യ​ങ്ങൾ ഉള്ള ഏകാകി​ക​ളായ സഹോ​ദ​ര​ങ്ങളെ പരിച​യ​പ്പെ​ടാ​നും കഴിയും. അതു​പോ​ലെ യഹോ​വയെ സന്തോ​ഷി​പ്പി​ക്കാൻ കഴിവി​ന്റെ പരമാ​വധി ശ്രമി​ക്കു​മ്പോൾ യഥാർഥ​സ​ന്തോ​ഷ​വും നിങ്ങൾക്ക്‌ ലഭിക്കും.

6. ഒരു ഇണയ്‌ക്കാ​യി അന്വേ​ഷി​ക്കു​മ്പോൾ ഏകാകി​ക​ളായ ക്രിസ്‌ത്യാ​നി​കൾ എന്ത്‌ ഓർക്കണം?

⁶ എന്നാൽ ശ്രദ്ധി​ക്കേണ്ട ഒരു കാര്യം ഇതാണ്‌: ഒരു ഇണയെ കണ്ടെത്തുക എന്നതാണ്‌ ജീവി​ത​ത്തി​ലെ ഏറ്റവും പ്രധാ​ന​പ്പെട്ട കാര്യ​മെന്ന്‌ ഒരിക്ക​ലും ചിന്തി​ക്ക​രുത്‌. (ഫിലി. 1:10) യഥാർഥ​സ​ന്തോ​ഷം യഹോ​വ​യു​മാ​യുള്ള നിങ്ങളു​ടെ ബന്ധത്തെ ആശ്രയി​ച്ചാ​ണി​രി​ക്കു​ന്നത്‌, അല്ലാതെ നിങ്ങൾ വിവാഹം കഴിച്ച ഒരാളാ​ണോ അല്ലയോ എന്നതിനെ ആശ്രയി​ച്ചല്ല. (മത്താ. 5:3) മാത്രമല്ല ഏകാകി​യാ​യി​രി​ക്കു​മ്പോൾ ശുശ്രൂ​ഷ​യിൽ കൂടുതൽ ചെയ്യാൻ നിങ്ങൾക്കു കഴി​ഞ്ഞേ​ക്കും. (1 കൊരി. 7:32, 33) ആ അവസരം പരമാ​വധി പ്രയോ​ജ​ന​പ്പെ​ടു​ത്തുക. ഐക്യ​നാ​ടു​ക​ളിൽനി​ന്നുള്ള ജെസീക്ക സഹോ​ദരി വിവാ​ഹി​ത​യാ​യത്‌ 40-നോട​ടുത്ത്‌ പ്രായ​മു​ള്ള​പ്പോ​ഴാണ്‌. സഹോ​ദരി പറയുന്നു: “ഒരു വിവാഹ ഇണയ്‌ക്കാ​യി നോക്കി​ക്കൊ​ണ്ടി​രു​ന്ന​പ്പോ​ഴും ശുശ്രൂ​ഷ​യിൽ തിര​ക്കോ​ടെ ഏർപ്പെ​ട്ടത്‌, സംതൃ​പ്‌തി​യോ​ടെ​യി​രി​ക്കാൻ എന്നെ സഹായി​ച്ചു.”

നിരീ​ക്ഷി​ക്കാൻ സമയ​മെ​ടു​ക്കു​ക

7. ഒരാ​ളോ​ടു താത്‌പ​ര്യ​മുണ്ട്‌ എന്നു പറയു​ന്ന​തി​നു മുമ്പ്‌ അയാളെ നിരീ​ക്ഷി​ക്കേ​ണ്ടത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? (സുഭാ​ഷി​തങ്ങൾ 13:16)

⁷ ‘ആ വ്യക്തി എനിക്ക്‌ ചേരുന്ന ഒരാളാ​യി​രി​ക്കും’ എന്നു നിങ്ങൾക്കു തോന്നു​ന്നെ​ങ്കി​ലോ? പെട്ടെ​ന്നു​തന്നെ ആ വ്യക്തി​യോട്‌ കാര്യം പറയു​മോ? ജ്ഞാനി​യായ ഒരാൾ, ഒരു കാര്യം ചെയ്യു​ന്ന​തി​നു മുമ്പ്‌ അതെക്കു​റിച്ച്‌ വേണ്ടത്ര അറിവ്‌ നേടും എന്നു ബൈബിൾ പറയുന്നു. (സുഭാ​ഷി​തങ്ങൾ 13:16 വായി​ക്കുക.) അതു​കൊണ്ട്‌ നിങ്ങളു​ടെ താത്‌പ​ര്യ​ത്തെ​ക്കു​റിച്ച്‌ നേരിട്ട്‌ സംസാ​രി​ക്കു​ന്ന​തി​നു മുമ്പ്‌ കുറച്ച്‌ സമയം ആ വ്യക്തിയെ നിരീ​ക്ഷി​ക്കു​ന്നത്‌ നല്ലതാ​യി​രി​ക്കും. നെതർലൻഡ്‌സിൽനി​ന്നുള്ള എഷ്‌വിൻ പറയുന്നു: “വികാ​രങ്ങൾ നിമി​ഷ​ങ്ങൾകൊണ്ട്‌ വളർന്നു​വ​ന്നേ​ക്കാം. പക്ഷേ അതേ വേഗത്തിൽതന്നെ അതു മാഞ്ഞു​പോ​കു​ക​യും ചെയ്‌തേ​ക്കാം.” അതു​കൊണ്ട്‌ നിരീ​ക്ഷി​ക്കാൻ അല്പം സമയം എടുക്കു​ന്നെ​ങ്കിൽ പെട്ടെ​ന്നുള്ള വികാ​ര​ത്തി​ന്റെ പുറത്ത്‌ ഒരാളു​മാ​യി ഡേറ്റി​ങ്ങിൽ ഏർപ്പെ​ടാൻ നിങ്ങൾ മുതി​രില്ല. മാത്രമല്ല കുറ​ച്ചൊ​ന്നു നിരീ​ക്ഷി​ച്ചു കഴിയു​മ്പോൾ ആ വ്യക്തി നിങ്ങൾക്ക്‌ യോജിച്ച ഒരാളല്ല എന്നു ചില​പ്പോൾ നിങ്ങൾക്കു തോന്നി​യേ​ക്കും.

8. ഒരു വ്യക്തി നിങ്ങൾക്കു യോജി​ച്ചേ​ക്കു​മോ എന്ന്‌ നിങ്ങൾക്ക്‌ എങ്ങനെ നിരീ​ക്ഷി​ക്കാം?(ചിത്ര​വും കാണുക.)

⁸ വിവേ​ക​ത്തോ​ടെ നിങ്ങൾക്ക്‌ എങ്ങനെ മറ്റേ വ്യക്തിയെ നിരീ​ക്ഷി​ക്കാം? മീറ്റി​ങ്ങു​ക​ളിൽവെ​ച്ചോ മറ്റു കൂടി​വ​ര​വു​ക​ളു​ടെ സമയത്തോ നിങ്ങൾക്ക്‌ അവരുടെ ആത്മീയ​ത​യും വ്യക്തി​ത്വ​വും പെരു​മാ​റ്റ​വും ഒക്കെ നിരീ​ക്ഷി​ക്കാൻ കഴി​ഞ്ഞേ​ക്കും. അദ്ദേഹ​ത്തി​ന്റെ സുഹൃ​ത്തു​ക്കൾ ആരൊ​ക്കെ​യാണ്‌? എന്തി​നെ​ക്കു​റി​ച്ചൊ​ക്കെ​യാണ്‌ അദ്ദേഹം സംസാ​രി​ക്കു​ന്നത്‌? (ലൂക്കോ. 6:45) അദ്ദേഹ​ത്തി​ന്റെ ലക്ഷ്യങ്ങൾ നിങ്ങളു​ടെ ലക്ഷ്യങ്ങ​ളോ​ടു യോജി​ക്കു​ന്ന​താ​ണോ? ആ വ്യക്തിയെ നന്നായി അറിയാ​വുന്ന മൂപ്പന്മാ​രോ​ടോ പക്വത​യുള്ള ക്രിസ്‌ത്യാ​നി​ക​ളോ​ടോ നിങ്ങൾക്ക്‌ അദ്ദേഹ​ത്തെ​ക്കു​റിച്ച്‌ ചോദി​ക്കാ​നാ​കും. (സുഭാ. 20:18) ഉദാഹ​ര​ണ​ത്തിന്‌, മറ്റുള്ള​വ​രു​ടെ ഇടയിൽ അദ്ദേഹ​ത്തിന്‌ എങ്ങനെ​യു​ള്ളൊ​രു പേരാ​ണു​ള്ളത്‌, അദ്ദേഹ​ത്തി​ന്റെ സ്വഭാവം എങ്ങനെ​യാണ്‌ എന്നൊക്കെ. (രൂത്ത്‌ 2:11) ഇങ്ങനെ നിരീ​ക്ഷി​ക്കു​മ്പോൾ അത്‌ മറ്റേ വ്യക്തിക്ക്‌ അസ്വസ്ഥത തോന്നാൻ ഇടയാ​കുന്ന വിധത്തിൽ ആകരുത്‌. ആ വ്യക്തി​യു​ടെ വികാ​ര​ങ്ങ​ളും സ്വകാ​ര്യ​ത​യും മാനി​ക്കു​ന്നു​ണ്ടെന്ന്‌ നിങ്ങൾ ഉറപ്പു​വ​രു​ത്തണം.

9. ഏതു കാര്യ​ങ്ങ​ളിൽ ഉറപ്പി​ല്ലെ​ങ്കിൽ നിങ്ങളു​ടെ താത്‌പ​ര്യ​ത്തെ​ക്കു​റിച്ച്‌ ഒരാ​ളോ​ടു നേരിട്ട്‌ സംസാ​രി​ക്ക​രുത്‌?

⁹ താത്‌പ​ര്യ​മു​ണ്ടെന്നു പറയു​ന്ന​തി​നു മുമ്പ്‌ നിങ്ങൾ എത്ര കാലം ആ വ്യക്തിയെ നിരീ​ക്ഷി​ക്കണം? അത്‌ വളരെ പെട്ടെ​ന്നു​തന്നെ പറഞ്ഞാൽ, വേണ്ടത്ര ചിന്തി​ക്കാ​തെ തീരു​മാ​ന​മെ​ടു​ക്കുന്ന ഒരാളാണ്‌ നിങ്ങ​ളെന്ന്‌ ആ വ്യക്തിക്കു തോന്നി​യേ​ക്കാം. (സുഭാ. 29:20) നേരെ​മ​റിച്ച്‌ സംസാ​രി​ക്കാൻ ഒരുപാ​ടു താമസി​ക്കു​ക​യാ​ണെ​ങ്കിൽ, നിങ്ങൾ തീരു​മാ​ന​ശേഷി കുറഞ്ഞ ആളാ​ണെന്ന്‌ ആ വ്യക്തി ചിന്തി​ച്ചേ​ക്കാം; പ്രത്യേ​കി​ച്ചും നിങ്ങളു​ടെ താത്‌പ​ര്യ​ത്തെ​ക്കു​റിച്ച്‌ ആ വ്യക്തി മനസ്സി​ലാ​ക്കി​യി​ട്ടു​ണ്ടെ​ങ്കിൽ. (സഭാ. 11:4) ഓർക്കുക: ആ വ്യക്തിയെ വിവാഹം കഴിക്കു​മെന്ന്‌ മനസ്സിൽ ഉറച്ച തീരു​മാ​ന​മെ​ടുത്ത ശേഷമേ ആ വ്യക്തി​യോട്‌ നിങ്ങളു​ടെ താത്‌പ​ര്യ​ത്തെ​ക്കു​റിച്ച്‌ പറയാവൂ എന്ന്‌ ചിന്തി​ക്കേണ്ട ആവശ്യ​മില്ല. പക്ഷേ ആ വ്യക്തി നിങ്ങൾക്ക്‌ യോജിച്ച ഒരു ഇണ ആയേക്കാ​മെന്ന്‌ ഒട്ടും തോന്നു​ന്നി​ല്ലെ​ങ്കി​ലോ നിങ്ങൾതന്നെ വിവാ​ഹ​ത്തിന്‌ ഒട്ടും ഒരുങ്ങി​യി​ട്ടി​ല്ലെ​ങ്കി​ലോ നിങ്ങൾക്ക്‌ ആ വ്യക്തി​യോട്‌ താത്‌പ​ര്യ​മു​ണ്ടെന്നു പറയരുത്‌.

10. ഒരാൾക്കു നിങ്ങ​ളോ​ടു താത്‌പ​ര്യം ഉണ്ടെന്നു മനസ്സി​ലാ​കു​ക​യും എന്നാൽ നിങ്ങൾക്ക്‌ തിരിച്ച്‌ താത്‌പ​ര്യം ഇല്ലാതി​രി​ക്കു​ക​യും ചെയ്യു​ന്നെ​ങ്കിൽ എന്തു ചെയ്യണം?

¹⁰ നിങ്ങ​ളോട്‌ ഒരാൾക്കു താത്‌പ​ര്യം ഉണ്ടെന്ന്‌ നിങ്ങൾക്കു തോന്നു​ന്നെ​ങ്കി​ലോ? നിങ്ങൾക്ക്‌ ആ വ്യക്തി​യോ​ടു താത്‌പ​ര്യം ഇല്ലെങ്കിൽ അതു പെരു​മാ​റ്റ​ത്തി​ലൂ​ടെ വ്യക്തമാ​ക്കണം. നിങ്ങൾക്ക്‌ ആഗ്രഹ​മി​ല്ലാത്ത സ്ഥിതിക്ക്‌ ആ വ്യക്തി​യിൽ താത്‌പ​ര്യം ഉണ്ടെന്ന്‌ തോന്നി​പ്പി​ക്കുന്ന വിധത്തിൽ ഇടപെ​ടു​ന്നത്‌ ദയയാ​യി​രി​ക്കില്ല.—1 കൊരി. 10:24; എഫെ. 4:25.

11. മറ്റൊ​രാൾക്കു​വേണ്ടി ഒരു വിവാഹ ഇണയെ കണ്ടെത്തി​ക്കൊ​ടു​ക്കാ​നോ അല്ലെങ്കിൽ ഒരാളെ പരിച​യ​പ്പെ​ടു​ത്തി​ക്കൊ​ടു​ക്കാ​നോ ആരെങ്കി​ലും ആവശ്യ​പ്പെ​ടു​ക​യാ​ണെ​ങ്കിൽ, നിങ്ങൾ ഏതൊക്കെ കാര്യങ്ങൾ മനസ്സിൽപ്പി​ടി​ക്കണം?

¹¹ ചില നാടു​ക​ളിൽ മാതാ​പി​താ​ക്ക​ളോ മുതിർന്ന ബന്ധുക്ക​ളോ ഏകാകി​കൾക്കു​വേണ്ടി ഒരു വിവാഹ ഇണയെ തീരു​മാ​നി​ക്കുന്ന രീതി​യാ​ണു​ള്ളത്‌. എന്നാൽ, മറ്റു ചിലയി​ട​ങ്ങ​ളിൽ കുടും​ബാം​ഗ​ങ്ങ​ളോ സുഹൃ​ത്തു​ക്ക​ളോ യോജി​ച്ചേ​ക്കാ​വുന്ന ഒരാളെ പരിച​യ​പ്പെ​ടു​ത്തി​ക്കൊ​ടു​ക്കും; എന്നിട്ട്‌ ഡേറ്റിങ്ങ്‌ തുടങ്ങ​ണോ എന്ന തീരു​മാ​നം ചെറു​ക്ക​നും പെണ്ണി​നും വിടും. ആരെങ്കി​ലും നിങ്ങ​ളോട്‌, ഒരു വിവാഹ ഇണയെ കണ്ടെത്തി​ക്കൊ​ടു​ക്കാ​നോ അല്ലെങ്കിൽ ഒരാളെ പരിച​യ​പ്പെ​ടു​ത്തി​ക്കൊ​ടു​ക്കാ​നോ ആവശ്യ​പ്പെ​ടു​ക​യാ​ണെ​ങ്കിൽ ചെറു​ക്ക​ന്റെ​യും പെണ്ണി​ന്റെ​യും ആവശ്യ​ങ്ങ​ളും മുൻഗ​ണ​ന​ക​ളും മനസ്സി​ലാ​ക്കുക. നിങ്ങളു​ടെ സുഹൃ​ത്തി​നോ ബന്ധുവി​നോ പറ്റിയ ഒരാളെ കണ്ടെത്തി​യ​താ​യി നിങ്ങൾക്കു തോന്നു​ക​യാ​ണെ​ങ്കിൽ അവരുടെ വ്യക്തി​ത്വ​വും ഗുണങ്ങ​ളും ഏറ്റവും പ്രധാ​ന​മാ​യി, ആത്മീയ​ത​യും എങ്ങനെ​യു​ണ്ടെന്നു മനസ്സി​ലാ​ക്കാൻ നല്ല ശ്രമം ചെയ്യുക. പണം, വിദ്യാ​ഭ്യാ​സം, സാമൂ​ഹി​ക​നില, കുടും​ബ​പ​ശ്ചാ​ത്തലം ഇവയെ​ക്കാ​ളൊ​ക്കെ പ്രധാനം യഹോ​വ​യു​മാ​യുള്ള ബന്ധമാണ്‌. എന്തായാ​ലും ഒരു കാര്യം ഓർക്കുക: ഏകാകി​യായ സഹോ​ദ​ര​നും സഹോ​ദ​രി​യും ആയിരി​ക്കണം, ആരെ വിവാഹം കഴിക്കണം എന്ന കാര്യ​ത്തിൽ അന്തിമ​തീ​രു​മാ​നം എടുക്കു​ന്നത്‌.—ഗലാ. 6:5.

എങ്ങനെ ഡേറ്റിങ്ങ്‌ തുടങ്ങാം?

12. ഒരാളു​മാ​യി ഡേറ്റി​ങ്ങിൽ ഏർപ്പെ​ടാൻ താത്‌പ​ര്യ​പ്പെ​ടു​ന്നെ​ങ്കിൽ നിങ്ങൾക്ക്‌ അത്‌ എങ്ങനെ ആ വ്യക്തി​യോ​ടു പറയാം?

¹² ഒരാളെ അടുത്ത്‌ പരിച​യ​പ്പെ​ടാൻ താത്‌പ​ര്യ​പ്പെ​ടു​ന്നെ​ങ്കിൽ നിങ്ങൾക്ക്‌ അത്‌ എങ്ങനെ ആ വ്യക്തി​യോ​ടു പറയാം?e ഒരു പൊതു​സ്ഥ​ല​ത്തു​വെ​ച്ചോ ഫോണി​ലൂ​ടെ​യോ സംസാ​രി​ക്കാൻ നിങ്ങൾക്കു ക്രമീ​ക​രണം ചെയ്യാ​നാ​കും. നിങ്ങൾക്ക്‌ അയാളെ ഇഷ്ടമാ​ണെ​ന്നും കൂടുതൽ അടുത്ത​റി​യാൻ ആഗ്രഹ​മു​ണ്ടെ​ന്നും വ്യക്തമാ​യി പറയുക. (1 കൊരി. 14:9) എന്തു മറുപടി പറയണ​മെന്നു ചിന്തി​ക്കാൻ, ആവശ്യ​മെ​ങ്കിൽ മറ്റേയാൾക്കു സമയം കൊടു​ക്കുക. (സുഭാ. 15:28) താത്‌പ​ര്യം ഇല്ല എന്നാണു പറയു​ന്ന​തെ​ങ്കിൽ ആ വ്യക്തി​യു​ടെ വികാ​ര​ങ്ങളെ മാനി​ക്കുക.

13. നിങ്ങ​ളോട്‌ താത്‌പ​ര്യം ഉണ്ടെന്ന്‌ ഒരാൾ പറയു​ന്നെ​ങ്കിൽ നിങ്ങൾക്ക്‌ എന്തു ചെയ്യാം? (കൊ​ലോ​സ്യർ 4:6)

¹³ ഇനി നിങ്ങളെ അടുത്ത്‌ പരിച​യ​പ്പെ​ടാൻ താത്‌പ​ര്യ​മുണ്ട്‌ എന്ന്‌ ഒരാൾ പറയു​ന്നെ​ങ്കി​ലോ? അതു പറയാൻ ആ വ്യക്തിക്ക്‌ ഒട്ടും എളുപ്പ​മാ​യി​രി​ക്കില്ല എന്ന്‌ ഓർക്കുക. അതു​കൊണ്ട്‌ ദയയോ​ടെ​യും ആദര​വോ​ടെ​യും ഇടപെ​ടുക. (കൊ​ലോ​സ്യർ 4:6 വായി​ക്കുക.) ഒരു തീരു​മാ​ന​മെ​ടു​ക്കു​ന്ന​തിന്‌ സമയം ആവശ്യ​മാ​ണെ​ങ്കിൽ അതു പറയാം. എങ്കിലും വെച്ചു​താ​മ​സി​പ്പി​ക്കാ​തെ കഴിയു​ന്നത്ര വേഗത്തിൽ ഒരു മറുപടി കൊടു​ക്കുക. (സുഭാ. 13:12) നിങ്ങൾക്കു താത്‌പ​ര്യ​മി​ല്ലെ​ങ്കിൽ ആ കാര്യം ദയയോ​ടെ, വ്യക്തമാ​യി പറയണം. ഓസ്‌​ട്രേ​ലി​യ​യി​ലെ ഹാൻസ്‌ എന്ന ഒരു സഹോ​ദരൻ ഒരു സഹോ​ദ​രി​യോട്‌ എങ്ങനെ​യാ​ണു മറുപടി പറഞ്ഞത്‌ എന്ന്‌ നോക്കുക: “അവൾക്കു പ്രതീ​ക്ഷ​യൊ​ന്നും കൊടു​ക്കാൻ ഞാൻ ആഗ്രഹി​ച്ചില്ല. അതു​കൊണ്ട്‌ ഡേറ്റി​ങ്ങിന്‌ താത്‌പ​ര്യ​മി​ല്ലെന്ന്‌ ഞാൻ അപ്പോൾത്തന്നെ ദയയോ​ടെ, വ്യക്തമാ​യി പറഞ്ഞു. പിന്നീട്‌ അവളോ​ടുള്ള എന്റെ പെരു​മാ​റ്റ​വും ഞാൻ ശ്രദ്ധിച്ചു. കാരണം എന്റെ തീരു​മാ​ന​ത്തിന്‌ മാറ്റം വന്നു എന്ന്‌ അവൾ ചിന്തി​ക്കാൻ ഞാൻ ആഗ്രഹി​ച്ചില്ല.” എന്നാൽ നിങ്ങൾക്കു താത്‌പ​ര്യം ഉണ്ടെങ്കിൽ അക്കാര്യം പറയുക. ഒപ്പം ഡേറ്റി​ങ്ങി​ന്റെ സമയം എങ്ങനെ ഉപയോ​ഗി​ക്കാ​നാണ്‌ ആഗ്രഹി​ക്കു​ന്ന​തെ​ന്നും പറയുക. സംസ്‌കാ​ര​മോ മറ്റു ഘടകങ്ങ​ളോ കാരണം ഇക്കാര്യ​ത്തിൽ ഓരോ​രു​ത്ത​രു​ടെ​യും ചിന്ത വ്യത്യ​സ്‌ത​മാ​യി​രു​ന്നേ​ക്കാം.

ഏകാകി​ക​ളായ ക്രിസ്‌ത്യാ​നി​കളെ മറ്റുള്ള​വർക്ക്‌ എങ്ങനെ പിന്തു​ണ​യ്‌ക്കാം?

14. നമ്മുടെ വാക്കു​ക​ളി​ലൂ​ടെ ഏകാകി​ക​ളായ ക്രിസ്‌ത്യാ​നി​കളെ നമുക്ക്‌ എങ്ങനെ പിന്തു​ണ​യ്‌ക്കാം?

¹⁴ വിവാഹം കഴിക്കാൻ ആഗ്രഹി​ക്കുന്ന ഏകാകി​ക​ളായ ക്രിസ്‌ത്യാ​നി​കളെ മറ്റുള്ള​വർക്ക്‌ എങ്ങനെ പിന്തു​ണ​യ്‌ക്കാൻ കഴിയും? അതിനുള്ള ഒരു വിധം അവരോ​ടു പറയുന്ന വാക്കുകൾ ശ്രദ്ധി​ക്കുക എന്നതാണ്‌. (എഫെ. 4:29) സ്വയം ചോദി​ക്കുക: ‘വിവാഹം കഴിക്കാൻ ആഗ്രഹി​ക്കുന്ന ആളുകളെ ഞാൻ കളിയാ​ക്കാ​റു​ണ്ടോ? ഏകാകി​യായ ഒരു സഹോ​ദ​ര​നും സഹോ​ദ​രി​യും സംസാ​രി​ക്കു​ന്നതു കാണു​മ്പോൾ അവർ തമ്മിൽ “എന്തോ ഉണ്ട്‌” എന്നു ഞാൻ ചിന്തി​ക്കാ​റു​ണ്ടോ?’ (1 തിമൊ. 5:13) കൂടാതെ വിവാഹം കഴിക്കാ​ത്തത്‌ ഒരു കുറവാ​ണെന്നു തോന്നി​പ്പി​ക്കുന്ന വിധത്തിൽ അവരോട്‌ ഇടപെ​ടു​ക​യു​മ​രുത്‌. മുമ്പു കണ്ട ഹാൻസ്‌ പറയുന്നു: “ചില സഹോ​ദ​രങ്ങൾ ചോദി​ക്കും: ‘എന്താ കല്യാണം കഴിക്കാ​ത്തത്‌, പ്രായം എത്ര ആയെന്നാ വിചാരം?’ അങ്ങനെ​യൊ​ക്കെ ചോദി​ച്ചാൽ തങ്ങൾ വിലയി​ല്ലാ​ത്ത​വ​രാ​ണെന്ന്‌ ഏകാകി​കൾക്കു തോന്നാൻ ഇടയാ​യേ​ക്കാം. മാത്രമല്ല, അത്‌ എങ്ങനെ​യും കല്യാണം കഴിക്കാ​നുള്ള സമ്മർദം കൂട്ടു​കയേ ഉള്ളൂ.” അതി​നെ​ക്കാൾ എത്രയോ നല്ലതാണ്‌ ഏകാകി​ക​ളായ ക്രിസ്‌ത്യാ​നി​കളെ അഭിന​ന്ദി​ക്കാ​നുള്ള അവസര​ങ്ങൾക്കാ​യി നോക്കു​ന്നത്‌.—1 തെസ്സ. 5:11.

15. (എ) റോമർ 15:2-ലെ തത്ത്വം അനുസ​രിച്ച്‌ മറ്റൊ​രാൾക്കു​വേണ്ടി ഒരു ഇണയെ കണ്ടെത്തി​ക്കൊ​ടു​ക്കാൻ സഹായി​ക്കു​ന്ന​തി​നു മുമ്പ്‌ നമ്മൾ എന്തു കാര്യം ഓർക്കണം? (ചിത്ര​വും കാണുക.) (ബി) വീഡി​യോ​യിൽനിന്ന്‌ എന്തെല്ലാം പ്രധാ​ന​പ്പെട്ട പാഠങ്ങ​ളാ​ണു നിങ്ങൾ പഠിച്ചത്‌? (അടിക്കു​റി​പ്പും കാണുക.)

¹⁵ ഏകാകി​യായ ഒരു സഹോ​ദ​ര​നെ​യും സഹോ​ദ​രി​യെ​യും കുറിച്ച്‌, അവർ തമ്മിൽ കല്യാണം കഴിച്ചാൽ നല്ലതാ​യി​രി​ക്കു​മെന്ന്‌ നമുക്കു തോന്നു​ന്നെ​ങ്കി​ലോ? മറ്റുള്ള​വ​രു​ടെ വികാ​രങ്ങൾ പരിഗ​ണി​ക്ക​ണ​മെ​ന്നാണ്‌ ബൈബിൾ നമ്മളോ​ടു പറയു​ന്നത്‌. (റോമർ 15:2 വായി​ക്കുക.) മറ്റൊ​രാൾ തങ്ങൾക്കു​വേണ്ടി ഒരു ഇണയെ അന്വേ​ഷി​ക്കാൻ ഏകാകി​ക​ളായ പലരും ആഗ്രഹി​ക്കു​ന്നില്ല. അവരുടെ ചിന്തയെ നമ്മൾ മാനി​ക്കണം. (2 തെസ്സ. 3:11) ചിലർ നമ്മുടെ സഹായം പ്രതീ​ക്ഷി​ച്ചേ​ക്കാം. പക്ഷേ അവർ ആവശ്യ​പ്പെ​ടാ​തെ നമ്മൾ അങ്ങനെ ചെയ്യരുത്‌.f (സുഭാ. 3:27) ഇനി, ഏകാകി​ക​ളായ മറ്റു ചിലർ നേരി​ട്ട​ല്ലാത്ത സഹായ​ങ്ങ​ളാ​യി​രി​ക്കും പ്രതീ​ക്ഷി​ക്കു​ന്നത്‌. ജർമനി​യിൽനി​ന്നുള്ള ഏകാകി​യായ ലിഡിയ എന്ന സഹോ​ദരി പറയുന്നു: “ഒരു വലിയ കൂട്ടത്തി​ന്റെ കൂടെ ആ സഹോ​ദ​ര​നെ​യും സഹോ​ദ​രി​യെ​യും നമുക്ക്‌ ഉൾപ്പെ​ടു​ത്താം. അങ്ങനെ അവർക്കു തമ്മിൽ പരിച​യ​പ്പെ​ടാ​നുള്ള ഒരു അവസരം ഒരുക്കി​ക്കൊ​ടു​ത്താൽ മതിയാ​കും. ബാക്കി അവർ തീരു​മാ​നി​ക്കട്ടെ.”

16. ഏകാകി​ക​ളായ ക്രിസ്‌ത്യാ​നി​കൾ എന്ത്‌ ഓർക്കണം?

¹⁶ നമുക്ക്‌ എല്ലാവർക്കും, ഏകാകി​ക​ളാ​ണെ​ങ്കി​ലും വിവാ​ഹി​ത​രാ​ണെ​ങ്കി​ലും, സന്തോ​ഷ​ത്തോ​ടെ​യും സംതൃ​പ്‌തി​യോ​ടെ​യും ജീവി​ക്കാ​നാ​കും. (സങ്കീ. 128:1) അതു​കൊണ്ട്‌ വിവാഹം കഴിക്കാൻ ആഗ്രഹി​ച്ചി​ട്ടും പറ്റിയ ഒരാളെ കണ്ടെത്താൻ കഴിയു​ന്നി​ല്ലെ​ങ്കിൽ തുടർന്നും യഹോ​വ​യു​ടെ സേവന​ത്തിൽത്തന്നെ ശ്രദ്ധ കേന്ദ്രീ​ക​രി​ക്കുക. മക്കാ​വോ​യിൽനി​ന്നുള്ള സിൻ-യീ സഹോ​ദരി പറയുന്നു: “ഇണയോ​ടൊ​പ്പം പറുദീ​സ​യിൽ ചെലവ​ഴി​ച്ചേ​ക്കാ​വുന്ന സമയം​വെച്ച്‌ നോക്കു​മ്പോൾ, ഇപ്പോൾ ഏകാകി​യാ​യി​രി​ക്കുന്ന സമയം വളരെ കുറവാണ്‌. ഈ സമയം നന്നായി ആസ്വദി​ക്കുക, നന്നായി പ്രയോ​ജ​ന​പ്പെ​ടു​ത്തുക.” എന്നാൽ നിങ്ങൾ ഒരാളെ കണ്ടെത്തി ഡേറ്റിങ്ങ്‌ തുടങ്ങി​യി​ട്ടു​ണ്ടെ​ങ്കി​ലോ? ശരിയായ തീരു​മാ​ന​മെ​ടു​ക്കാൻ സഹായി​ക്കുന്ന വിധത്തിൽ എങ്ങനെ ഡേറ്റിങ്ങ്‌ നടത്താ​മെന്ന്‌ അടുത്ത ലേഖന​ത്തിൽ ചർച്ച ചെയ്യും.