എപ്പോ​ഴും ജാഗ്ര​ത​യോ​ടി​രു​ന്നാൽ പാപത്തിൽനിന്ന്‌ അകന്നു​നിൽക്കാം

1-2. (എ) യേശു ശിഷ്യ​ന്മാർക്ക്‌ എന്തു മുന്നറി​യി​പ്പാ​ണു കൊടു​ത്തത്‌? (ബി) ശിഷ്യ​ന്മാർ യേശു​വി​നെ ഉപേക്ഷി​ച്ചു​പോ​യത്‌ എന്തു​കൊ​ണ്ടാണ്‌? (ചിത്ര​ങ്ങ​ളും കാണുക.)

“ആത്മാവ്‌ തയ്യാറാ​ണെ​ങ്കി​ലും ശരീരം ബലഹീ​ന​മാണ്‌.”a (മത്താ. 26:41ബി) നമ്മൾ അപൂർണ​രാ​ണെ​ന്നും നമുക്ക്‌ തെറ്റു​ക​ളൊ​ക്കെ പറ്റു​മെ​ന്നും യേശു​വിന്‌ അറിയാ​മെ​ന്നാണ്‌ ഈ വാക്കുകൾ കാണി​ക്കു​ന്നത്‌. എന്നാൽ അതിൽ ഒരു മുന്നറി​യി​പ്പും കൂടെ​യുണ്ട്‌: നമ്മൾ അമിത ആത്മവി​ശ്വാ​സം കാണി​ക്ക​രുത്‌. യേശു ഈ വാക്കുകൾ പറയു​ന്ന​തിന്‌ ഏതാനും മണിക്കൂർ മുമ്പാണ്‌ ശിഷ്യ​ന്മാർ തങ്ങളുടെ ഗുരു​വി​നെ ഒരിക്ക​ലും ഉപേക്ഷി​ക്കില്ല എന്ന്‌ ഉറപ്പി​ച്ചു​പ​റ​ഞ്ഞത്‌. (മത്താ. 26:35) അവരുടെ ആഗ്രഹം നല്ലതാ​യി​രു​ന്നു. എന്നാൽ ബുദ്ധി​മു​ട്ടുള്ള ഒരു സാഹച​ര്യം ഉണ്ടായാൽ പെട്ടെന്ന്‌ അതിൽ വീണു​പോ​കാൻ സാധ്യ​ത​യു​ണ്ടെന്ന്‌ അവർ ഓർത്തില്ല. അതു​കൊ​ണ്ടാണ്‌ യേശു അവർക്ക്‌ ഈ മുന്നറി​യി​പ്പു കൊടു​ത്തത്‌: “പ്രലോ​ഭ​ന​ത്തിൽ അകപ്പെ​ടാ​തി​രി​ക്കാൻ എപ്പോ​ഴും ഉണർന്നി​രുന്ന്‌ പ്രാർഥി​ക്കണം.”—മത്താ. 26:41എ.

² എന്നാൽ യേശു​വി​നെ അറസ്റ്റ്‌ ചെയ്‌ത​പ്പോൾ ശിഷ്യ​ന്മാർ എന്താണു ചെയ്‌തത്‌? അവർ യേശു​വി​ന്റെ കൂടെ നിന്നോ? അതോ പേടിച്ച്‌ ഓടി​പ്പോ​യോ? അവർ യേശു പറഞ്ഞതു​പോ​ലെ ഉണർന്നി​രി​ക്കാൻ അഥവാ ജാഗ്ര​ത​യോ​ടി​രി​ക്കാൻ പരാജ​യ​പ്പെട്ടു. അതു​കൊണ്ട്‌ തങ്ങൾ ഒരിക്ക​ലും ചെയ്യി​ല്ലെന്നു പറഞ്ഞ കാര്യം​തന്നെ ശിഷ്യ​ന്മാർ ചെയ്‌തു; യേശു​വി​നെ ഉപേക്ഷി​ച്ചു​പോ​യി.—മത്താ. 26:56.

3. (എ) യഹോ​വ​യോ​ടു വിശ്വ​സ്‌ത​രാ​യി തുടരാൻ അമിത ആത്മവി​ശ്വാ​സം ഒഴിവാ​ക്കേ​ണ്ടത്‌ എന്തു​കൊണ്ട്‌? (ബി) ഈ ലേഖന​ത്തിൽ നമ്മൾ എന്തെല്ലാം പഠിക്കും?

³ ‘ഞാൻ എപ്പോ​ഴും ശരിയേ ചെയ്യൂ’ എന്നൊരു അമിത ആത്മവി​ശ്വാ​സം നമുക്കു​ണ്ടാ​ക​രുത്‌. ഒരിക്ക​ലും യഹോ​വയെ വിഷമി​പ്പി​ക്കുന്ന ഒന്നും ചെയ്യരുത്‌ എന്നാണ്‌ നമ്മുടെ തീരു​മാ​ന​മെ​ങ്കി​ലും, നമ്മൾ അപൂർണ​രും തെറ്റി​ലേക്കു ചായ്‌വു​ള്ള​വ​രും ആണ്‌. (റോമ. 5:12; 7:21-23) പ്രതീ​ക്ഷി​ക്കാ​തെ ആയിരി​ക്കാം തെറ്റായ ഒരു കാര്യം ചെയ്യാ​നുള്ള പ്രലോ​ഭനം നമ്മുടെ മുന്നി​ലേക്കു വരുന്നത്‌. അപ്പോൾ യഹോ​വ​യോ​ടും യേശു​വി​നോ​ടും വിശ്വ​സ്‌ത​രാ​യി​രി​ക്കാൻ നമ്മൾ എന്തു ചെയ്യണം? പ്രലോ​ഭ​ന​ത്തിൽ വീണു​പോ​കാ​തി​രി​ക്കാൻ എപ്പോ​ഴും ജാഗ്ര​ത​യോ​ടി​രി​ക്ക​ണ​മെന്ന യേശു​വി​ന്റെ നിർദേശം നമ്മൾ അനുസ​രി​ക്കണം. ഈ ലേഖനം അതിനു നമ്മളെ സഹായി​ക്കും. ആദ്യം, ഏതു മേഖല​ക​ളിൽ നമ്മൾ പ്രത്യേ​കം ജാഗ്രത കാണി​ക്ക​ണ​മെന്നു ചിന്തി​ക്കും. തുടർന്ന്‌, എങ്ങനെ ജാഗ്രത കാണി​ക്കാ​മെന്നു പഠിക്കും. അവസാനം, ജാഗ്രത കാണി​ക്കു​ന്ന​തിൽ തുടരാൻ എങ്ങനെ പറ്റു​മെ​ന്നും നോക്കും.

ദൗർബ​ല്യ​ങ്ങൾ തിരി​ച്ച​റി​യുക, ജാഗ്രത കാണി​ക്കു​ക

4-5. ചെറിയ തെറ്റുകൾ ചെയ്യു​ന്ന​തു​പോ​ലും നമ്മൾ ഒഴിവാ​ക്കേ​ണ്ടത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌?

⁴ ചില തെറ്റുകൾ മറ്റുള്ള​വയെ അപേക്ഷിച്ച്‌ ഗൗരവം കുറഞ്ഞ​താ​യി​രി​ക്കാം. പക്ഷേ അതു​പോ​ലും യഹോ​വ​യു​മാ​യുള്ള നമ്മുടെ ബന്ധം ദുർബ​ല​മാ​ക്കും. മാത്രമല്ല, ഗുരു​ത​ര​മായ തെറ്റു ചെയ്യു​ന്ന​തി​ലേക്ക്‌ അതു നമ്മളെ കൊ​ണ്ടെ​ത്തി​ച്ചേ​ക്കാം.

⁵ നമു​ക്കെ​ല്ലാം തെറ്റു ചെയ്യാ​നുള്ള പ്രലോ​ഭനം നേരി​ടും. എന്നാൽ ഓരോ​രു​ത്ത​രു​ടെ​യും ദൗർബ​ല്യ​ങ്ങൾ വ്യത്യ​സ്‌ത​മാണ്‌. അതു​കൊണ്ട്‌ ചിലർക്കു ചില പ്രലോ​ഭ​നങ്ങൾ കൂടുതൽ ശക്തമാ​യി​രു​ന്നേ​ക്കാം. ഉദാഹ​ര​ണ​ത്തിന്‌, ഒരു വ്യക്തിക്കു ലൈം​ഗിക അധാർമി​കത പോലുള്ള ഗുരു​ത​ര​മായ ഒരു തെറ്റു ചെയ്യാൻ ശക്തമായ പ്രലോ​ഭനം തോന്നി​യേ​ക്കാം. മറ്റൊ​രാൾക്കു സ്വയം​ഭോ​ഗ​മോ അശ്ലീലം കാണു​ന്ന​തോ പോലുള്ള അശുദ്ധ​മായ ശീലങ്ങ​ളോ​ടാ​യി​രി​ക്കാം പോരാ​ടേ​ണ്ടി​വ​രു​ന്നത്‌. ഇനി, വേറെ ചിലർക്ക്‌ മനുഷ്യ​രോ​ടുള്ള പേടി​യോ അഹങ്കാ​ര​മോ പെട്ടെന്നു ദേഷ്യം വരുന്ന​തോ ഒക്കെയാ​യി​രി​ക്കാം ഒരു പ്രശ്‌നം. യാക്കോബ്‌ പറഞ്ഞതു​പോ​ലെ “സ്വന്തം മോഹ​ങ്ങ​ളാണ്‌ ഓരോ​രു​ത്ത​രെ​യും ആകർഷിച്ച്‌ മയക്കി പരീക്ഷ​ണ​ങ്ങ​ളിൽ അകപ്പെ​ടു​ത്തു​ന്നത്‌.”—യാക്കോ. 1:14.

6. നമ്മൾ ഏതു കാര്യ​ത്തിൽ സത്യസ​ന്ധ​രാ​യി​രി​ക്കണം?

⁶ ഏതുതരം പ്രലോ​ഭ​ന​ത്തി​ലാണ്‌ നിങ്ങൾ എളുപ്പം വീണു​പോ​കാൻ സാധ്യ​ത​യു​ള്ളത്‌ എന്നു നിങ്ങൾക്ക്‌ അറിയാ​മോ? നമ്മുടെ ദൗർബ​ല്യ​ങ്ങൾ അവഗണി​ച്ചു​കൊണ്ട്‌ ‘എനിക്കു തെറ്റൊ​ന്നും പറ്റില്ല’ എന്നു ചിന്തി​ക്കു​ന്നത്‌ മണ്ടത്തര​മാണ്‌. (1 യോഹ. 1:8) ജാഗ്രത കൈവി​ട്ടാൽ ‘ആത്മീയ​യോ​ഗ്യ​ത​യു​ള്ളവർ’ പോലും തെറ്റിൽ വീണു​പോ​കാൻ സാധ്യ​ത​യുണ്ട്‌ എന്നു പൗലോസ്‌ മുന്നറി​യി​പ്പു നൽകി. (ഗലാ. 6:1) നമ്മൾ സത്യസ​ന്ധ​മാ​യി സ്വയം വിലയി​രു​ത്തു​ക​യും ഏതു കാര്യ​ങ്ങ​ളി​ലാ​ണു നമുക്കു ദൗർബ​ല്യം ഉള്ളതെന്നു തിരി​ച്ച​റി​യു​ക​യും വേണം.—2 കൊരി. 13:5.

7. ഏതു കാര്യ​ത്തി​നു നമ്മൾ പ്രത്യേ​കം ശ്രദ്ധ​കൊ​ടു​ക്കണം? ഒരു ഉദാഹ​രണം പറയുക.

⁷ നമുക്ക്‌ ഏറ്റവും കൂടുതൽ പ്രലോ​ഭനം തോന്നു​ന്നത്‌ ഏതു കാര്യ​ത്തി​ലാണ്‌ എന്നു മനസ്സി​ലാ​ക്കി​യാൽ, പിന്നെ നമ്മൾ എന്തു ചെയ്യണം? പ്രതി​രോ​ധം ശക്തമാ​ക്കണം. ഉദാഹ​ര​ണ​ത്തിന്‌, ബൈബിൾക്കാ​ല​ങ്ങ​ളി​ലെ ഒരു നഗരമ​തി​ലി​ന്റെ കാര്യ​മെ​ടു​ത്താൽ അതിന്റെ ഏറ്റവും ദുർബ​ല​മായ ഭാഗം കവാട​ങ്ങ​ളാ​യി​രു​ന്നു. കാരണം, അതിലൂ​ടെ ശത്രു​ക്കൾക്ക്‌ എളുപ്പം അകത്തു​ക​ട​ക്കാൻ പറ്റും. അതു​കൊ​ണ്ടു​തന്നെ ഏറ്റവും കൂടുതൽ കാവൽക്കാർ നിന്നി​രു​ന്ന​തും കവാട​ങ്ങ​ളി​ലാണ്‌. അതു​പോ​ലെ നമ്മളും, നമുക്ക്‌ ഏറ്റവും ദൗർബ​ല്യ​മു​ണ്ടെന്നു തോന്നുന്ന കാര്യ​ങ്ങൾക്കു പ്രത്യേ​കം ശ്രദ്ധ​കൊ​ടു​ക്കേ​ണ്ടതു പ്രധാ​ന​മാണ്‌.—1 കൊരി. 9:27.

എങ്ങനെ ജാഗ്രത കാണി​ക്കാം?

8-9. സുഭാ​ഷി​തങ്ങൾ 7-ാം അധ്യാ​യ​ത്തിൽ പറഞ്ഞി​രി​ക്കുന്ന ചെറു​പ്പ​ക്കാ​രനു ഗുരു​ത​ര​മായ ഒരു തെറ്റു ചെയ്യു​ന്നത്‌ എങ്ങനെ ഒഴിവാ​ക്കാ​മാ​യി​രു​ന്നു? (സുഭാ​ഷി​തങ്ങൾ 7:8, 9, 13, 14, 21)

⁸ നമുക്ക്‌ എങ്ങനെ നമ്മളെ​ത്തന്നെ സംരക്ഷി​ക്കാം? സുഭാ​ഷി​തങ്ങൾ 7-ാം അധ്യാ​യ​ത്തിൽ പറഞ്ഞി​രി​ക്കുന്ന ചെറു​പ്പ​ക്കാ​ര​നിൽനിന്ന്‌ എന്തു പഠിക്കാ​മെന്നു നോക്കാം. അവൻ അസാന്മാർഗി​യായ ഒരു സ്‌ത്രീ​യു​മാ​യി ലൈം​ഗിക അധാർമി​ക​ത​യിൽ ഏർപ്പെട്ടു. 22-ാം വാക്യം പറയു​ന്നത്‌, അവളുടെ പുറകേ ആ ചെറു​പ്പ​ക്കാ​രൻ “പെട്ടെന്ന്‌” പോയി എന്നാണ്‌. എന്നാൽ പെട്ടെന്നല്ല, പല പടിക​ളും കടന്ന്‌ പതി​യെ​യാണ്‌ അവൻ ആ തെറ്റി​ലേക്കു വീണ​തെന്നു തൊട്ടു​മു​മ്പുള്ള വാക്യ​ങ്ങ​ളിൽനിന്ന്‌ മനസ്സി​ലാ​ക്കാം.

⁹ ഈ തെറ്റി​ലേക്കു നയിച്ചത്‌ എന്താണ്‌? ആദ്യം അവൻ, വൈകു​ന്നേരം ആയപ്പോൾ തെരു​വി​ലൂ​ടെ നടന്ന്‌ “അവളുടെ വീടിന്‌ അരികി​ലെ കവലയിൽ എത്തി.” എന്നിട്ട്‌ അവളുടെ വീടിനു നേർക്കു നടന്നു. (സുഭാ​ഷി​തങ്ങൾ 7:8, 9 വായി​ക്കുക.) ആ സ്‌ത്രീ​യെ കണ്ടിട്ടും അവൻ തിരി​ഞ്ഞു​ന​ട​ന്നില്ല. പകരം അവൾ തന്നെ ചുംബി​ക്കാൻ അവൻ അനുവ​ദി​ച്ചു. ഇനി, ഒരുപക്ഷേ താൻ അത്ര മോശം സ്‌ത്രീ​യല്ല എന്നു കാണി​ക്കാ​നാ​യി​രി​ക്കാം സഹഭോ​ജ​ന​ബ​ലി​കൾ അർപ്പി​ച്ച​തി​നെ​ക്കു​റി​ച്ചൊ​ക്കെ അവൾ പറഞ്ഞത്‌. അതും അവൻ കേട്ടു​കൊ​ണ്ടു​നി​ന്നു. (സുഭാ​ഷി​തങ്ങൾ 7:13, 14, 21 വായി​ക്കുക.) തെറ്റി​ലേക്കു നയിച്ച ഈ കാര്യ​ങ്ങ​ളൊ​ക്കെ ആ ചെറു​പ്പ​ക്കാ​രൻ ഒഴിവാ​ക്കി​യി​രു​ന്നെ​ങ്കിൽ അവനു തെറ്റു ചെയ്യാ​നുള്ള പ്രലോ​ഭനം തോന്നി​ല്ലാ​യി​രു​ന്നു, അവൻ തെറ്റി​ലേക്കു വീഴു​ക​യു​മി​ല്ലാ​യി​രു​ന്നു.

10. സുഭാ​ഷി​ത​ങ്ങ​ളി​ലെ ചെറു​പ്പ​ക്കാ​രനു സംഭവി​ച്ച​തു​പോ​ലെ ഇന്നും ഒരാൾ തെറ്റി​ലേക്ക്‌ എങ്ങനെ വീണേ​ക്കാം?

¹⁰ ശലോ​മോൻ എഴുതിയ ഈ ദൃഷ്ടാ​ന്ത​ത്തിൽനിന്ന്‌, യഹോ​വ​യു​ടെ ആരാധ​ക​നായ ഒരാൾക്ക്‌ എന്തു സംഭവി​ക്കാൻ സാധ്യ​ത​യു​ണ്ടെന്നു നമുക്കു മനസ്സി​ലാ​ക്കാം. ഒരാൾ ഗുരു​ത​ര​മായ ഒരു തെറ്റു ചെയ്‌തിട്ട്‌ ‘അറിയാ​തെ പെട്ടെന്നു പറ്റി​പ്പോ​യ​താണ്‌’ എന്നു ചില​പ്പോൾ പറയാ​നി​ട​യുണ്ട്‌. എന്നാൽ ഒന്നു ചിന്തി​ച്ചാൽ, ബുദ്ധി​ശൂ​ന്യ​മായ പല പടിക​ളും കടന്നാണു താൻ ഈ തെറ്റി​ലേക്ക്‌ എത്തിയ​തെന്ന്‌ ഒരുപക്ഷേ അദ്ദേഹ​ത്തി​നു മനസ്സി​ലാ​കും. ആ പടിക​ളിൽ എന്തൊക്കെ ഉൾപ്പെട്ട്‌ കാണും? അദ്ദേഹ​ത്തി​ന്റെ കൂട്ടു​കാ​രോ അദ്ദേഹം തിര​ഞ്ഞെ​ടുത്ത വിനോ​ദ​ങ്ങ​ളോ സന്ദർശിച്ച വെബ്‌​സൈ​റ്റു​ക​ളോ പോയ ഇടങ്ങളോ ഒന്നും അത്ര നല്ലതാ​യി​രി​ക്കില്ല. ഇനി അദ്ദേഹം, പ്രാർഥി​ക്കു​ന്ന​തും ബൈബിൾ വായി​ക്കു​ന്ന​തും മീറ്റി​ങ്ങു​കൾക്കു പോകു​ന്ന​തും ശുശ്രൂ​ഷ​യിൽ ഏർപ്പെ​ടു​ന്ന​തും ഒക്കെ നിറു​ത്തി​യി​ട്ടു​മു​ണ്ടാ​കും. അതു​കൊണ്ട്‌ സുഭാ​ഷി​ത​ങ്ങ​ളി​ലെ ആ ചെറു​പ്പ​ക്കാ​രന്റെ കാര്യ​ത്തി​ലെ​പ്പോ​ലെ, അദ്ദേഹം ചെയ്‌ത തെറ്റും “പെട്ടെന്ന്‌” സംഭവിച്ച ഒന്നായി​രി​ക്കില്ല.

11. തെറ്റി​ലേക്കു വീഴാ​തി​രി​ക്കാൻ നമ്മൾ എന്ത്‌ ഒഴിവാ​ക്കണം?

¹¹ നമുക്കുള്ള പാഠം എന്താണ്‌? തെറ്റു ചെയ്യു​ന്നതു മാത്രമല്ല, അതി​ലേക്കു നയിക്കുന്ന ബുദ്ധി​ശൂ​ന്യ​മായ പടിക​ളും നമ്മൾ ഒഴിവാ​ക്കണം. അതുത​ന്നെ​യാ​ണു ചെറു​പ്പ​ക്കാ​ര​നെ​യും സ്‌ത്രീ​യെ​യും കുറി​ച്ചുള്ള വിവര​ണ​ത്തി​നു ശേഷം ശലോ​മോൻ പറഞ്ഞത്‌: “അറിയാ​തെ​പോ​ലും അവളുടെ പാതക​ളിൽ കടക്കരുത്‌.” (സുഭാ. 7:25) അദ്ദേഹം ഇങ്ങനെ​യും പറഞ്ഞി​ട്ടുണ്ട്‌: “അവളിൽനിന്ന്‌ അകന്നു​നിൽക്കുക; അവളുടെ വീട്ടു​വാ​തി​ലിന്‌ അരികി​ലേക്കു ചെല്ലരുത്‌.” (സുഭാ. 5:3, 8) അതു​കൊണ്ട്‌ തെറ്റി​ലേക്കു നയിക്കുന്ന സാഹച​ര്യ​ങ്ങ​ളിൽനിന്ന്‌ അകന്നു​നി​ന്നു​കൊണ്ട്‌ നമുക്കു ജാഗ്രത കാണി​ക്കാം.b ഒരു ക്രിസ്‌ത്യാ​നി ചെയ്യു​ന്ന​തിൽ തെറ്റി​ല്ലാത്ത ചില കാര്യ​ങ്ങൾപോ​ലും നമ്മുടെ കാര്യ​ത്തിൽ ഒരു പ്രലോ​ഭ​ന​മാ​കാൻ സാധ്യ​ത​യുണ്ട്‌ എന്നു തോന്നു​ന്നെ​ങ്കിൽ നമ്മൾ അതു വേണ്ടെ​ന്നു​വെ​ക്കും.—മത്താ. 5:29, 30.

12. ഇയ്യോബ്‌ എന്ത്‌ ഉറച്ച തീരു​മാ​ന​മെ​ടു​ത്തു, പ്രലോ​ഭ​ന​ത്തിന്‌ എതിരെ ജാഗ്ര​ത​യോ​ടി​രി​ക്കാൻ അത്‌ അദ്ദേഹത്തെ എങ്ങനെ സഹായി​ക്കു​മാ​യി​രു​ന്നു? (ഇയ്യോബ്‌ 31:1)

¹² തെറ്റി​ലേക്കു നയിക്കുന്ന ഒരു സാഹച​ര്യം ഒഴിവാ​ക്ക​ണ​മെ​ങ്കിൽ നമ്മൾ ഉറച്ച തീരു​മാ​ന​മെ​ടു​ക്കണം. ഇയ്യോബ്‌ അങ്ങനെ ചെയ്‌തു. ഭാര്യയെ അല്ലാതെ ലൈം​ഗിക ആഗ്രഹ​ത്തോ​ടെ മറ്റൊരു സ്‌ത്രീ​യെ നോക്കി​ല്ലെന്ന്‌ ഇയ്യോബ്‌ തന്റെ ‘കണ്ണുമാ​യി ഒരു ഉടമ്പടി ചെയ്‌തു.’ (ഇയ്യോബ്‌ 31:1 വായി​ക്കുക.) ആ ഒരു തീരു​മാ​ന​ത്തിൽ ഉറച്ചു​നിൽക്കു​ന്നതു വ്യഭി​ചാ​രം എന്ന തെറ്റിൽനിന്ന്‌ എപ്പോ​ഴും അകന്നു​നിൽക്കാൻ അദ്ദേഹത്തെ സഹായി​ക്കു​മാ​യി​രു​ന്നു. അതു​കൊണ്ട്‌ ഒരു പ്രലോ​ഭ​ന​ത്തി​ലേക്കു നയിക്കുന്ന ഏതൊരു കാര്യ​വും ഒഴിവാ​ക്കു​മെന്ന്‌ നമുക്കും ഉറച്ച തീരു​മാ​ന​മെ​ടു​ക്കാം.

13. നമ്മൾ എന്തു ചിന്തി​ക്കു​ന്നു എന്ന കാര്യ​ത്തിൽ ജാഗ്രത കാണി​ക്കേ​ണ്ടത്‌ എന്തു​കൊണ്ട്‌? (ചിത്ര​ങ്ങ​ളും കാണുക.)

¹³ നമ്മൾ എന്തു ചിന്തി​ക്കു​ന്നു എന്ന കാര്യ​ത്തി​ലും ജാഗ്രത വേണം. (പുറ. 20:17) ‘മോശ​മായ കാര്യങ്ങൾ ഭാവന​യിൽ കാണു​ന്ന​തിൽ തെറ്റൊ​ന്നും ഇല്ല, അതു ചെയ്യാ​തി​രു​ന്നാൽ മതി’ എന്നാണു ചിലർ വിശ്വ​സി​ക്കു​ന്നത്‌. എന്നാൽ അങ്ങനെ ചിന്തി​ക്കു​ന്നതു തെറ്റാണ്‌. തെറ്റായ ഒരു കാര്യ​ത്തെ​ക്കു​റിച്ച്‌ ചിന്തി​ച്ചു​കൊ​ണ്ടേ​യി​രി​ക്കുന്ന ഒരാൾ അതു ചെയ്യാ​നുള്ള ആഗ്രഹത്തെ ആളിക്ക​ത്തി​ക്കു​ക​യാണ്‌. അങ്ങനെ ചെയ്യുന്ന ഒരാൾ സ്വയം ഒരു കുഴി കുഴി​ക്കു​ക​യാ​ണെന്നു പറയാം. ഇനിയി​പ്പോൾ അതിൽ വീഴാ​തി​രി​ക്കാൻ അയാൾ ശരിക്കും കഷ്ടപ്പെ​ടേ​ണ്ടി​വ​രും! ശരിയാണ്‌, ചില​പ്പോൾ തെറ്റായ ചിന്തകൾ നമ്മുടെ മനസ്സി​ലേ​ക്കു​വ​ന്നേ​ക്കാം. എന്നാൽ അപ്പോൾത്തന്നെ ആ ചിന്തകൾ മാറ്റി​യിട്ട്‌ നല്ല ചിന്തകൾകൊണ്ട്‌ മനസ്സു നിറയ്‌ക്കണം. അങ്ങനെ ചെയ്യു​മ്പോൾ തെറ്റായ ചിന്തകൾ ശക്തമായ ഒരു ആഗ്രഹ​മാ​യി വളരു​ന്നതു നമുക്കു തടയാ​നാ​കും. അതു വളരെ പ്രധാ​ന​മാണ്‌. കാരണം ഒരു കാര്യം ശക്തമായ ആഗ്രഹ​മാ​യി​ത്തീർന്നാൽ അതിന്‌ എതിരെ പോരാ​ടാൻ ബുദ്ധി​മു​ട്ടാ​യി​രി​ക്കും. അതു നമ്മളെ ഗുരു​ത​ര​മായ ഒരു തെറ്റി​ലേക്കു കൊ​ണ്ടെ​ത്തി​ക്കു​ക​യും ചെയ്‌തേ​ക്കാം.—ഫിലി. 4:8; കൊലോ. 3:2; യാക്കോ. 1:13-15.

14. പ്രലോ​ഭ​ന​ത്തിന്‌ എതിരെ ജാഗ്രത കാണി​ക്കാൻ നമ്മളെ വേറെ എന്തു സഹായി​ക്കും?

¹⁴ പ്രലോ​ഭ​ന​ത്തിന്‌ എതിരെ ജാഗ്രത കാണി​ക്കാൻ നമ്മളെ മറ്റ്‌ എന്തു സഹായി​ക്കും? യഹോ​വ​യു​ടെ നിയമങ്ങൾ അനുസ​രി​ക്കു​ന്ന​തു​കൊണ്ട്‌ പ്രയോ​ജ​ന​ങ്ങളേ ഉള്ളൂ എന്ന ഉറച്ച ബോധ്യം ഉണ്ടായി​രി​ക്കു​ന്നതു നമ്മളെ സഹായി​ക്കും. നമ്മുടെ ചിന്തക​ളും ആഗ്രഹ​ങ്ങ​ളും ഒക്കെ യഹോ​വ​യ്‌ക്ക്‌ ഇഷ്ടപ്പെ​ടുന്ന രീതി​യിൽ കൊണ്ടു​വ​രു​ന്നത്‌ എപ്പോ​ഴും അത്ര എളുപ്പമല്ല. എന്നാൽ അങ്ങനെ ചെയ്യാൻ കഠിന​ശ്രമം ചെയ്യു​മ്പോൾ നമുക്കു കിട്ടുന്ന സന്തോഷം വലുതാ​യി​രി​ക്കും.

15. ശരിയായ ആഗ്രഹങ്ങൾ വളർത്തി​യെ​ടു​ക്കു​ന്നതു പ്രലോ​ഭ​ന​ത്തിന്‌ എതിരെ ജാഗ്ര​ത​യു​ള്ള​വ​രാ​യി​രി​ക്കാൻ നമ്മളെ സഹായി​ക്കു​ന്നത്‌ എങ്ങനെ?

¹⁵ നമ്മൾ ശരിയായ ആഗ്രഹങ്ങൾ വളർത്തി​യെ​ടു​ക്കേ​ണ്ട​തു​മുണ്ട്‌. ‘മോശ​മാ​യ​തി​നെ വെറുത്ത്‌ നല്ലതിനെ സ്‌നേ​ഹി​ക്കാൻ’ പഠിച്ചാൽ ശരിയാ​യതു ചെയ്യാ​നും തെറ്റി​ലേക്കു നയിക്കുന്ന സാഹച​ര്യ​ങ്ങൾ ഒഴിവാ​ക്കാ​നും ഉള്ള നമ്മുടെ തീരു​മാ​നം ശക്തമാ​കും. (ആമോ. 5:15) നമ്മുടെ ഉള്ളിൽ ശരിയായ ആഗ്രഹ​ങ്ങ​ളാണ്‌ ഉള്ളതെ​ങ്കിൽ പെട്ടെന്ന്‌ ഒരു പ്രലോ​ഭനം വരു​മ്പോ​ഴും, ഇനി പ്രലോ​ഭ​ന​മു​ണ്ടാ​കു​മെന്ന്‌ അറിയാ​വുന്ന ഒരു സാഹച​ര്യം ഒഴിവാ​ക്കാൻ പറ്റാതെ വരു​മ്പോ​ഴും നമുക്കു ചെറു​ത്തു​നിൽക്കാൻ എളുപ്പ​മാ​യി​രി​ക്കും.

16. ജാഗ്ര​ത​യു​ള്ള​വ​രാ​യി​രി​ക്കാൻ ആത്മീയ പ്രവർത്ത​നങ്ങൾ നമ്മളെ സഹായി​ക്കു​ന്നത്‌ എങ്ങനെ? (ചിത്ര​ങ്ങ​ളും കാണുക.)

¹⁶ ശരിയാ​യതു ചെയ്യാ​നുള്ള ആഗ്രഹം നമുക്ക്‌ എങ്ങനെ വളർത്തി​യെ​ടു​ക്കാം? അതിന്‌ ആത്മീയ​കാ​ര്യ​ങ്ങ​ളിൽ കഴിയു​ന്നത്ര ഉൾപ്പെ​ടാൻ ശ്രമി​ക്കുക. ക്രിസ്‌തീയ യോഗ​ങ്ങ​ളി​ലും ശുശ്രൂ​ഷ​യി​ലും ആയിരി​ക്കു​മ്പോൾ തെറ്റു ചെയ്യാ​നുള്ള പ്രലോ​ഭ​നങ്ങൾ നമുക്ക്‌ അധികം നേരി​ടില്ല. മാത്രമല്ല, നമ്മൾ അവിടെ ആയിരി​ക്കു​മ്പോൾ യഹോ​വയെ സന്തോ​ഷി​പ്പി​ക്കാ​നുള്ള ആഗ്രഹം ശക്തമാ​ക്കു​ക​യു​മാണ്‌. (മത്താ. 28:19, 20; എബ്രാ. 10:24, 25) ദൈവ​വ​ചനം വായി​ക്കു​ക​യും പഠിക്കു​ക​യും അതി​നെ​ക്കു​റിച്ച്‌ ആഴത്തിൽ ചിന്തി​ക്കു​ക​യും ചെയ്യു​ന്നതു ശരിയാ​യ​തി​നോ​ടുള്ള നമ്മുടെ സ്‌നേ​ഹ​വും മോശ​മാ​യ​തി​നോ​ടുള്ള വെറു​പ്പും കൂട്ടും. (യോശു. 1:8; സങ്കീ. 1:2, 3; 119:97, 101) ഇനി, യേശു ശിഷ്യ​ന്മാ​രോ​ടു പറഞ്ഞതും ഓർക്കാം: “പ്രലോ​ഭ​ന​ത്തിൽ അകപ്പെ​ടാ​തി​രി​ക്കാൻ എപ്പോ​ഴും ഉണർന്നി​രുന്ന്‌ പ്രാർഥി​ക്കണം.” (മത്താ. 26:41) പ്രാർഥി​ച്ചു​കൊണ്ട്‌ നമ്മുടെ സ്വർഗീ​യ​പി​താ​വു​മാ​യി സമയം ചെലവ​ഴി​ക്കു​മ്പോൾ യഹോ​വയെ സന്തോ​ഷി​പ്പി​ക്കാ​നുള്ള നമ്മുടെ തീരു​മാ​നം ശക്തമാ​കും, യഹോവ നമ്മളെ സഹായി​ക്കു​ക​യും ചെയ്യും.—യാക്കോ. 4:8.

ജാഗ്രത കാണി​ക്കു​ന്ന​തിൽ തുടരുക

17. ഏതു ദൗർബ​ല്യ​ത്തെ പത്രോ​സി​നു വീണ്ടും​വീ​ണ്ടും നേരി​ടേ​ണ്ടി​വന്നു?

¹⁷ നമ്മുടെ ചില ദൗർബ​ല്യ​ങ്ങളെ നമുക്കു പൂർണ​മാ​യി കീഴട​ക്കാൻ പറ്റി​യേ​ക്കും. എന്നാൽ വേറെ ചിലതിന്‌ എതിരെ നമ്മൾ ഒരുപാ​ടു കാലം പോരാ​ടേ​ണ്ടി​വ​രും. അപ്പോ​സ്‌ത​ല​നായ പത്രോ​സി​നെ​ക്കു​റിച്ച്‌ ചിന്തി​ക്കുക. മനുഷ്യ​രോ​ടുള്ള ഭയം കാരണം അദ്ദേഹം യേശു​വി​നെ മൂന്നു​വട്ടം തള്ളിപ്പ​റഞ്ഞു. (മത്താ. 26:69-75) എന്നാൽ കുറച്ച്‌ നാളു​കൾക്കു ശേഷം സൻഹെ​ദ്രി​നു മുമ്പാകെ അദ്ദേഹം ധൈര്യ​ത്തോ​ടെ ഒരു സാക്ഷ്യം നൽകി. ഈ സംഭവ​ത്തെ​ക്കു​റിച്ച്‌ കേൾക്കു​മ്പോൾ അദ്ദേഹ​ത്തി​നു തന്റെ ദൗർബ​ല്യ​ത്തെ പൂർണ​മാ​യി മറിക​ട​ക്കാ​നാ​യി എന്നു നമ്മൾ ചിന്തി​ച്ചേ​ക്കാം. (പ്രവൃ. 5:27-29) പക്ഷേ കുറച്ച്‌ വർഷങ്ങൾക്കു ശേഷം “പരി​ച്ഛേ​ദ​ന​യേ​റ്റ​വരെ ഭയന്ന്‌” ജനതക​ളിൽപ്പെ​ട്ട​വ​രോ​ടൊ​പ്പം ഭക്ഷണം കഴിക്കു​ന്നതു പത്രോസ്‌ നിറുത്തി. (ഗലാ. 2:11, 12) മറിക​ട​ന്നു​വെന്ന്‌ ഓർത്ത അദ്ദേഹ​ത്തി​ന്റെ പ്രശ്‌നം വീണ്ടും തിരി​ച്ചു​വന്നു. മനുഷ്യ​രോ​ടുള്ള പേടി പത്രോ​സിന്‌ ഒരിക്ക​ലും പൂർണ​മാ​യും മറിക​ട​ക്കാ​നാ​യില്ല എന്നു തോന്നു​ന്നു.

18. ചില ദൗർബ​ല്യ​ങ്ങ​ളു​ടെ കാര്യ​ത്തിൽ എന്തു സംഭവി​ച്ചേ​ക്കാം?

¹⁸ പത്രോ​സി​നു സംഭവി​ച്ചതു ചില​പ്പോൾ നമുക്കും സംഭവി​ച്ചേ​ക്കാം. എങ്ങനെ? നമ്മൾ മറിക​ടന്നു എന്നു ചിന്തിച്ച ഒരു ദൗർബ​ല്യം ചില​പ്പോൾ വീണ്ടും പൊങ്ങി​വ​ന്നേ​ക്കാം. ഉദാഹ​ര​ണ​ത്തിന്‌ ഒരു സഹോ​ദരൻ പറയു​ന്നതു ശ്രദ്ധി​ക്കുക: “ഞാൻ അശ്ലീലം കാണു​ന്നതു നിറു​ത്തി​യിട്ട്‌ പത്തു വർഷം ആയിരു​ന്നു. ഇനി ഒരിക്ക​ലും ആ പ്രശ്‌നം ഉണ്ടാകില്ല എന്നാണു ഞാൻ ചിന്തി​ച്ചത്‌. എന്നാൽ തക്കം കിട്ടി​യാൽ തലപൊ​ക്കാൻ കാത്തി​രി​ക്കുന്ന ഒരു ഭീകര​ജീ​വി​യെ​പ്പോ​ലെ അശ്ലീല​ത്തോ​ടുള്ള ആഗ്രഹം എന്റെ ഉള്ളിൽ ഉറങ്ങി​ക്കി​ട​പ്പു​ണ്ടാ​യി​രു​ന്നു.” പക്ഷേ സഹോ​ദരൻ വിട്ടു​കൊ​ടു​ത്തില്ല. അതിന്‌ എതിരെ പോരാ​ടാൻ ഓരോ ദിവസ​വും ശ്രമി​ക്ക​ണ​മെ​ന്നും ഒരുപക്ഷേ ഈ ദുഷ്ട​ലോ​ക​ത്തി​ലെ തന്റെ ജീവി​താ​വ​സാ​നം​വരെ അതിനു ശ്രമി​ക്കേ​ണ്ടി​വ​രു​മെ​ന്നും സഹോ​ദരൻ തിരി​ച്ച​റി​ഞ്ഞു. ഭാര്യ​യു​ടെ​യും സഭയിലെ മൂപ്പന്മാ​രു​ടെ​യും സഹായ​ത്തോ​ടെ അശ്ലീലത്തെ ചെറു​ത്തു​നിൽക്കാ​നുള്ള ശക്തമായ പടികൾ അദ്ദേഹം സ്വീക​രി​ച്ചു.

19. കാലങ്ങ​ളാ​യി അലട്ടി​ക്കൊ​ണ്ടി​രി​ക്കുന്ന ദൗർബ​ല്യ​ത്തിന്‌ എതിരെ എങ്ങനെ പോരാ​ടാം?

¹⁹ നമ്മളെ കാലങ്ങ​ളാ​യി അലട്ടി​ക്കൊ​ണ്ടി​രി​ക്കുന്ന ഒരു ദൗർബ​ല്യ​ത്തിന്‌ എതിരെ നമുക്ക്‌ എങ്ങനെ പോരാ​ടാം? പ്രലോ​ഭ​ന​ങ്ങ​ളോ​ടുള്ള ബന്ധത്തിൽ യേശു പറഞ്ഞതു നമുക്ക്‌ അനുസ​രി​ക്കാം: “ഉണർന്നി​രി​ക്കുക.” എന്തുവ​ന്നാ​ലും പിടി​ച്ചു​നിൽക്കും എന്നൊരു തോന്നൽ ഉള്ള സമയങ്ങ​ളിൽപ്പോ​ലും തെറ്റി​ലേക്കു നയി​ച്ചേ​ക്കാ​വുന്ന സാഹച​ര്യ​ങ്ങൾ ഒഴിവാ​ക്കുക. (1 കൊരി. 10:12) ആ ദൗർബ​ല്യ​ത്തെ നേരി​ടാൻ നിങ്ങളെ ഇതുവരെ സഹായിച്ച കാര്യങ്ങൾ തുടർന്നും ചെയ്യുക. സുഭാ​ഷി​തങ്ങൾ 28:14 പറയുന്നു: “എപ്പോ​ഴും ജാഗ്രത കാണി​ക്കുന്ന മനുഷ്യൻ സന്തുഷ്ടൻ.”—2 പത്രോ. 3:14.

ജാഗ്ര​ത​യോ​ടി​രി​ക്കു​ന്ന​തി​ന്റെ പ്രയോ​ജ​ന​ങ്ങൾ

20-21. (എ) പ്രലോ​ഭ​ന​ങ്ങൾക്ക്‌ എതിരെ ജാഗ്ര​ത​യോ​ടി​രു​ന്നാൽ നമുക്ക്‌ എന്തെല്ലാം പ്രയോ​ജ​നങ്ങൾ കിട്ടും? (ബി) നമ്മുടെ ഭാഗം നമ്മൾ ചെയ്‌താൽ യഹോവ നമുക്കു​വേണ്ടി എന്തു ചെയ്യും? (2 കൊരി​ന്ത്യർ 4:7)

²⁰ എപ്പോ​ഴും ജാഗ്ര​ത​യോ​ടി​രി​ക്കു​ന്നതു നമുക്ക്‌ ഒരുപാ​ടു പ്രയോ​ജ​നങ്ങൾ നേടി​ത്ത​രും. പാപം ചെയ്യു​മ്പോൾ കിട്ടുന്ന ‘താത്‌കാ​ലിക സുഖ​ത്തെ​ക്കാൾ’ വളരെ വലുതാണ്‌ യഹോ​വ​യു​ടെ നിലവാ​ര​ങ്ങൾക്ക്‌ അനുസ​രിച്ച്‌ ജീവി​ക്കു​മ്പോൾ കിട്ടുന്ന സന്തോഷം. (എബ്രാ. 11:25; സങ്കീ. 19:8) കാരണം യഹോ​വ​യു​ടെ വഴികൾക്ക്‌ അനുസ​രിച്ച്‌ ജീവി​ക്കാ​നാണ്‌ യഹോവ നമ്മളെ സൃഷ്ടി​ച്ചി​രി​ക്കു​ന്നത്‌. (ഉൽപ. 1:27) അങ്ങനെ ചെയ്യു​മ്പോൾ നമുക്കു ശുദ്ധമായ ഒരു മനസ്സാക്ഷി ഉണ്ടായി​രി​ക്കും; നിത്യ​ജീ​വൻ നേടാ​നു​മാ​കും.—1 തിമൊ. 6:12; 2 തിമൊ. 1:3; യൂദ 20, 21.

²¹ നമ്മുടെ “ശരീരം ബലഹീ​ന​മാണ്‌” എന്നതു ശരിയാണ്‌. പക്ഷേ അതിന്റെ അർഥം നമുക്ക്‌ ഒന്നും ചെയ്യാൻ പറ്റില്ല എന്നല്ല. നമുക്ക്‌ ആവശ്യ​മായ ശക്തി തരാൻ യഹോവ തയ്യാറാണ്‌. (2 കൊരി​ന്ത്യർ 4:7 വായി​ക്കുക.) എന്നാൽ യഹോവ നമുക്കു തരുന്നതു സാധാരണ ശക്തി അല്ല, അസാധാ​രണ ശക്തി ആണ്‌. അപ്പോൾ സാധാരണ ശക്തി എന്താണ്‌? പ്രലോ​ഭ​നങ്ങൾ നേരി​ടാൻ നമ്മൾ ഓരോ ദിവസ​വും ചെയ്യുന്ന ശ്രമങ്ങ​ളാണ്‌ അത്‌. ആ ശക്തി ഉപയോ​ഗി​ക്കേ​ണ്ടത്‌ നമ്മുടെ ഉത്തരവാ​ദി​ത്വ​മാണ്‌. അങ്ങനെ നമ്മൾ ചെയ്യു​മ്പോൾ പ്രലോ​ഭ​നങ്ങൾ നേരി​ടാൻ നമുക്ക്‌ എപ്പോ​ഴാ​ണോ കൂടു​ത​ലായ ശക്തി വേണ്ടി​വ​രു​ന്നത്‌ അപ്പോൾ അതു തന്നു​കൊണ്ട്‌ യഹോവ നമ്മുടെ പ്രാർഥ​ന​കൾക്ക്‌ ഉത്തരം തരും. (1 കൊരി. 10:13) അതെ, യഹോ​വ​യു​ടെ സഹായ​ത്താൽ പ്രലോ​ഭ​ന​ങ്ങൾക്ക്‌ എതിരെ എപ്പോ​ഴും ജാഗ്ര​ത​യോ​ടി​രി​ക്കാൻ നമുക്കാ​കും.