പാപം ചെയ്‌ത​വരെ യഹോവ കാണു​ന്ന​തു​പോ​ലെ കാണുക

1. എല്ലാവ​രു​ടെ​യും കാര്യ​ത്തിൽ യഹോവ എന്താണ്‌ ആഗ്രഹി​ക്കു​ന്നത്‌?

സ്വന്തമാ​യി തിര​ഞ്ഞെ​ടു​പ്പു​കൾ നടത്താ​നുള്ള സ്വാത​ന്ത്ര്യ​ത്തോ​ടെ​യാണ്‌ യഹോവ മനുഷ്യ​നെ സൃഷ്ടി​ച്ചത്‌. തീരു​മാ​ന​ങ്ങ​ളെ​ടു​ക്കു​മ്പോൾ നിങ്ങൾ എപ്പോ​ഴും ആ കഴിവ്‌ ഉപയോ​ഗി​ക്കു​ന്നു​മുണ്ട്‌. ഒരു വ്യക്തിക്ക്‌ എടുക്കാൻ കഴിയുന്ന ഏറ്റവും പ്രധാ​ന​പ്പെട്ട തീരു​മാ​നം യഹോ​വ​യ്‌ക്കു തന്നെത്തന്നെ സമർപ്പി​ക്കു​ന്ന​തും യഹോ​വ​യു​ടെ ആരാധ​ക​രു​ടെ കുടും​ബ​ത്തി​ന്റെ ഭാഗമാ​കു​ന്ന​തും ആണ്‌. എല്ലാവ​രും അങ്ങനെ ചെയ്യണ​മെ​ന്നാണ്‌ യഹോവ ആഗ്രഹി​ക്കു​ന്നത്‌. എന്തു​കൊണ്ട്‌? കാരണം യഹോവ ആളുകളെ സ്‌നേ​ഹി​ക്കു​ന്നു. അവർക്ക്‌ ഏറ്റവും നല്ലതു വരാൻ ആഗ്രഹി​ക്കു​ന്നു. ആളുകൾ തന്റെ സുഹൃ​ത്തു​ക്ക​ളാ​യി​രി​ക്ക​ണ​മെ​ന്നും ഭൂമി​യിൽ എന്നും ജീവി​ച്ചി​രി​ക്ക​ണ​മെ​ന്നും ആണ്‌ യഹോ​വ​യു​ടെ ഇഷ്ടം.—ആവ. 30:19, 20; ഗലാ. 6:7, 8.

2. മാനസാ​ന്ത​ര​പ്പെ​ട്ടി​ട്ടി​ല്ലാത്ത ദുഷ്‌പ്ര​വൃ​ത്തി​ക്കാ​രെ​ക്കു​റി​ച്ചു​പോ​ലും യഹോവ എന്താണ്‌ ആഗ്രഹി​ക്കു​ന്നത്‌? (1 യോഹ​ന്നാൻ 2:1)

² എന്നാൽ തന്നെ സേവി​ക്കാൻ യഹോവ ആരെയും നിർബ​ന്ധി​ക്കു​ന്നില്ല. എന്തു ചെയ്യണ​മെന്നു തീരു​മാ​നി​ക്കാ​നുള്ള അവകാശം യഹോവ ഓരോ വ്യക്തി​ക്കും കൊടു​ത്തി​രി​ക്കു​ന്നു. അങ്ങനെ​യെ​ങ്കിൽ സ്‌നാ​ന​മേറ്റ ഒരു ക്രിസ്‌ത്യാ​നി ദൈവ​ത്തി​ന്റെ നിയമം ലംഘിച്ച്‌ ഗുരു​ത​ര​മായ ഒരു പാപം ചെയ്യു​ന്നെ​ങ്കി​ലോ? പശ്ചാത്ത​പി​ക്കു​ന്നി​ല്ലെ​ങ്കിൽ ആ വ്യക്തിയെ സഭയിൽനിന്ന്‌ നീക്കം ചെയ്യണം. (1 കൊരി. 5:13) അപ്പോൾപ്പോ​ലും തെറ്റു ചെയ്‌ത വ്യക്തി തന്നി​ലേക്കു മടങ്ങി​വ​ര​ണ​മെ​ന്നു​ത​ന്നെ​യാണ്‌ യഹോവ ആത്മാർഥ​മാ​യി ആഗ്രഹി​ക്കു​ന്നത്‌. ശരിക്കും പറഞ്ഞാൽ യഹോവ മോച​ന​വില ഏർപ്പെ​ടു​ത്തി​യ​തി​ന്റെ ഒരു പ്രധാ​ന​കാ​രണം പശ്ചാത്ത​പി​ക്കുന്ന പാപി​ക​ളോ​ടു ക്ഷമിക്കുക എന്നതാണ്‌. (1 യോഹ​ന്നാൻ 2:1 വായി​ക്കുക.) തെറ്റു ചെയ്‌ത വ്യക്തി​ക​ളോ​ടു നമ്മുടെ സ്‌നേ​ഹ​വാ​നായ ദൈവം പറയു​ന്നതു മാനസാ​ന്ത​ര​പ്പെട്ട്‌ തിരി​ഞ്ഞു​വ​രാ​നാണ്‌.—സെഖ. 1:3; റോമ. 2:4; യാക്കോ. 4:8.

3. ഈ ലേഖന​ത്തിൽ നമ്മൾ എന്താണു ചർച്ച ചെയ്യാൻ പോകു​ന്നത്‌?

³ തെറ്റി​നോ​ടും തെറ്റു ചെയ്‌ത​വ​രോ​ടും യഹോ​വ​യ്‌ക്കുള്ള അതേ മനോ​ഭാ​വം​തന്നെ നമുക്കും ഉണ്ടായി​രി​ക്കാ​നാണ്‌ യഹോവ ആഗ്രഹി​ക്കു​ന്നത്‌. അത്‌ എങ്ങനെ സാധി​ക്കു​മെന്ന്‌ ഈ ലേഖന​ത്തിൽ നമ്മൾ പഠിക്കും. ഈ ലേഖനം പഠിക്കു​മ്പോൾ പിൻവ​രുന്ന കാര്യങ്ങൾ നമ്മൾ മനസ്സി​ലാ​ക്കും: (1) ഒന്നാം നൂറ്റാ​ണ്ടി​ലെ കൊരി​ന്തു​സ​ഭ​യിൽ സംഭവിച്ച ഗുരു​ത​ര​മായ ഒരു തെറ്റ്‌ എങ്ങനെ​യാ​ണു കൈകാ​ര്യം ചെയ്‌തത്‌? (2) തെറ്റു ചെയ്‌ത വ്യക്തി മാനസാ​ന്ത​ര​പ്പെ​ട്ട​പ്പോൾ എന്തു ചെയ്യാ​നാണ്‌ അപ്പോ​സ്‌ത​ല​നായ പൗലോസ്‌ പറഞ്ഞത്‌? (3) ഗുരു​ത​ര​മായ തെറ്റു ചെയ്‌ത ക്രിസ്‌ത്യാ​നി​ക​ളോ​ടുള്ള യഹോ​വ​യു​ടെ മനോ​ഭാ​വ​ത്തെ​ക്കു​റിച്ച്‌ ഈ ബൈബിൾവി​വ​രണം നമ്മളെ എന്താണു പഠിപ്പി​ക്കു​ന്നത്‌?

ഒന്നാം നൂറ്റാ​ണ്ടിൽ ഗുരു​ത​ര​മായ ഒരു തെറ്റു കൈകാ​ര്യം ചെയ്‌തത്‌ എങ്ങനെ​യാണ്‌?

4. ഒന്നാം നൂറ്റാ​ണ്ടി​ലെ കൊരി​ന്തു​സ​ഭ​യിൽ എന്താണു സംഭവി​ച്ചത്‌? (1 കൊരി​ന്ത്യർ 5:1, 2)

⁴ 1 കൊരി​ന്ത്യർ 5:1, 2 വായി​ക്കുക. പൗലോസ്‌ തന്റെ മൂന്നാ​മത്തെ മിഷനറി യാത്ര​യ്‌ക്കി​ടെ കൊരി​ന്തിൽ പുതു​താ​യി രൂപം​കൊണ്ട സഭയെ​ക്കു​റിച്ച്‌ വേദനി​പ്പി​ക്കുന്ന ഒരു വാർത്ത കേട്ടു: ആ സഭയിലെ ഒരു സഹോ​ദരൻ തന്റെ രണ്ടാന​മ്മ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടു​ന്നു. തീർത്തും മോശ​മായ ഒരു പ്രവൃ​ത്തി​യാ​യി​രു​ന്നു അത്‌, ജനതക​ളു​ടെ ഇടയിൽപ്പോ​ലും ഇല്ലാത്ത തരം പാപം. അത്തരം പ്രവൃത്തി സഭ അനുവ​ദി​ച്ചു​കൊ​ടു​ത്തു; ആ വ്യക്തി സഭയിൽ തുടരു​ന്ന​തിന്‌ അവർക്ക്‌ ഒരു കുഴപ്പ​വും തോന്നി​യില്ല. ഒരുപക്ഷേ സഭയിലെ ചിലർ ചിന്തി​ച്ചതു തങ്ങൾ യഹോ​വ​യെ​പ്പോ​ലെ കരുണ കാണി​ക്കു​ക​യാ​ണെ​ന്നാണ്‌. പക്ഷേ തന്റെ ജനത്തി​നി​ട​യിൽ യഹോവ ഒരിക്ക​ലും ദുഷ്‌പ്ര​വൃ​ത്തി വെച്ചു​പൊ​റു​പ്പി​ക്കില്ല. ധിക്കാരം നിറഞ്ഞ ആ പ്രവൃ​ത്തി​യി​ലൂ​ടെ അയാൾ യഥാർഥ​ത്തിൽ സഭയുടെ സത്‌പേര്‌ കളഞ്ഞു​കു​ളി​ക്കു​ക​യാ​യി​രു​ന്നു. അയാൾ സഭയിൽ തുടർന്നി​രു​ന്നെ​ങ്കിൽ അയാളു​മാ​യുള്ള സഹവാസം മറ്റു ക്രിസ്‌ത്യാ​നി​കളെ സ്വാധീ​നി​ക്കു​ക​യും ചെയ്യു​മാ​യി​രു​ന്നു. അതു​കൊണ്ട്‌ ഇപ്പോൾ എന്തു ചെയ്യാ​നാ​ണു പൗലോസ്‌ സഭയോ​ടു പറയു​ന്നത്‌?

5. പൗലോസ്‌ സഭയോട്‌ എന്തു ചെയ്യാ​നാ​ണു പറഞ്ഞത്‌, പൗലോസ്‌ എന്താണ്‌ ഉദ്ദേശി​ച്ചത്‌? (1 കൊരി​ന്ത്യർ 5:13) (ചിത്ര​വും കാണുക.)

⁵ 1 കൊരി​ന്ത്യർ 5:13 വായി​ക്കുക. ദൈവ​ത്താൽ പ്രചോ​ദി​ത​നാ​യി പൗലോസ്‌ കൊരി​ന്തു​സ​ഭ​യ്‌ക്ക്‌ ഒരു കത്ത്‌ എഴുതി. ആ കത്തിൽ, മാനസാ​ന്ത​ര​മി​ല്ലാത്ത പാപിയെ സഭയിൽനിന്ന്‌ നീക്കി​ക്ക​ള​യാൻ പറഞ്ഞി​രു​ന്നു. വിശ്വ​സ്‌ത​രായ ക്രിസ്‌ത്യാ​നി​കൾ തുടർന്ന്‌ അയാ​ളോട്‌ എങ്ങനെ ഇടപെ​ട​ണ​മാ​യി​രു​ന്നു? അയാളു​മാ​യുള്ള ‘കൂട്ടു​കെട്ട്‌ ഉപേക്ഷി​ക്കാൻ’ പൗലോസ്‌ അവരോ​ടു പറഞ്ഞു. അതിലൂ​ടെ എന്താണ്‌ ഉദ്ദേശി​ച്ചത്‌? ‘അയാളു​ടെ​കൂ​ടെ ഭക്ഷണം കഴിക്കു​ന്ന​തു​പോ​ലും’ അതിൽ ഉൾപ്പെ​ടു​ന്നെന്നു പൗലോസ്‌ തുടർന്ന്‌ പറഞ്ഞു. (1 കൊരി. 5:11) ഒരു വ്യക്തി​യു​ടെ​കൂ​ടെ ഭക്ഷണത്തിന്‌ ഇരുന്നാൽ അയാളു​മാ​യി കൂടുതൽ സമയം ചെലവ​ഴി​ക്കാ​നും സംസാ​രി​ക്കാ​നും ഒക്കെ സാധ്യ​ത​യുണ്ട്‌. അതു​കൊണ്ട്‌ വ്യക്തമാ​യും പൗലോസ്‌ ഉദ്ദേശി​ച്ചതു സഭയിലെ സഹോ​ദ​രങ്ങൾ ആ വ്യക്തി​യു​മാ​യി ഇടപഴ​ക​രുത്‌ എന്നാണ്‌. അത്‌ അയാളു​ടെ ദുഷി​പ്പി​ക്കുന്ന സ്വാധീ​ന​ത്തിൽനിന്ന്‌ സഭയെ സംരക്ഷി​ക്കു​മാ​യി​രു​ന്നു. (1 കൊരി. 5:5-7) ഇനി, ആ വ്യക്തി​യു​മാ​യി ഇടപഴ​കാ​തി​രു​ന്നാൽ താൻ യഹോ​വ​യു​ടെ വഴിക​ളിൽനിന്ന്‌ എത്രമാ​ത്രം അകന്നു​പോ​യെന്ന്‌ അയാൾ തിരി​ച്ച​റി​ഞ്ഞേ​ക്കാം. അങ്ങനെ ആ വ്യക്തിക്കു ലജ്ജ തോന്നാ​നും പശ്ചാത്ത​പിച്ച്‌ തിരി​ച്ചു​വ​രാ​നും സാധ്യ​ത​യു​ണ്ടാ​യി​രു​ന്നു.

6. പൗലോ​സി​ന്റെ കത്ത്‌ സഭയെ​യും തെറ്റു ചെയ്‌ത വ്യക്തി​യെ​യും എങ്ങനെ സ്വാധീ​നി​ച്ചു?

⁶ കൊരി​ന്തി​ലെ ക്രിസ്‌ത്യാ​നി​കൾക്കു കത്ത്‌ അയച്ച​ശേഷം അവർ അതി​നോട്‌ എങ്ങനെ പ്രതി​ക​രി​ച്ചെന്ന്‌ അറിയാൻ പൗലോ​സിന്‌ ആകാം​ക്ഷ​യു​ണ്ടാ​യി​രു​ന്നു. കുറച്ച്‌ നാൾ കഴിഞ്ഞ്‌ തീത്തോസ്‌ നല്ല വാർത്ത​യു​മാ​യി പൗലോ​സി​ന്റെ അടു​ത്തെത്തി. പൗലോ​സി​ന്റെ കത്തിലെ നിർദേ​ശ​ങ്ങ​ള​നു​സ​രിച്ച്‌ അവർ തെറ്റു​കാ​രനെ സഭയിൽനിന്ന്‌ നീക്കം ചെയ്‌തി​രു​ന്നു. (2 കൊരി. 7:6, 7) അതു മാത്രമല്ല, പൗലോസ്‌ കത്ത്‌ അയച്ച്‌ കുറച്ച്‌ മാസങ്ങൾക്കു​ള്ളിൽ തെറ്റു​കാ​രനു തന്റെ തെറ്റി​നെ​ക്കു​റിച്ച്‌ ഓർത്ത്‌ പശ്ചാത്താ​പം തോന്നി. അദ്ദേഹം തന്റെ പ്രവൃ​ത്തി​കൾക്കും മനോ​ഭാ​വ​ത്തി​നും മാറ്റം വരുത്തു​ക​യും യഹോ​വ​യു​ടെ നീതി​യുള്ള നിലവാ​ര​ങ്ങൾക്കു ചേർച്ച​യിൽ ജീവി​ക്കാൻതു​ട​ങ്ങു​ക​യും ചെയ്‌തു. (2 കൊരി. 7:8-11) ഇപ്പോൾ പൗലോ​സി​നു സഭയോട്‌ എന്താണു പറയാ​നു​ള്ളത്‌?

മാനസാ​ന്ത​ര​പ്പെട്ട പാപി​യോ​ടു സഭ എങ്ങനെ​യാണ്‌ ഇടപെ​ടേ​ണ്ടി​യി​രു​ന്നത്‌?

7. തെറ്റു​കാ​രനെ സഭയിൽനിന്ന്‌ നീക്കം ചെയ്‌ത​തു​കൊണ്ട്‌ എന്തു നല്ല ഫലമു​ണ്ടാ​യി? (2 കൊരി​ന്ത്യർ 2:5-8)

⁷ 2 കൊരി​ന്ത്യർ 2:5-8 വായി​ക്കുക. “നിങ്ങളിൽ ഭൂരി​പക്ഷം പേരിൽനി​ന്നും കിട്ടിയ ശകാരം​തന്നെ അയാൾക്കു ധാരാളം” ആണെന്നു പൗലോസ്‌ എഴുതി. മറ്റു വാക്കു​ക​ളിൽ പറഞ്ഞാൽ, എന്തിനാ​ണോ അയാൾക്കു ശിക്ഷണം കൊടു​ത്തത്‌ ആ ഉദ്ദേശ്യം നടന്നു. എന്തായി​രു​ന്നു ഉദ്ദേശ്യം? അയാളെ മാനസാ​ന്ത​ര​ത്തി​ലേക്കു നയിക്കുക.—എബ്രാ. 12:11.

8. അടുത്ത​താ​യി എന്തു ചെയ്യാ​നാ​ണു പൗലോസ്‌ സഭയോ​ടു പറഞ്ഞത്‌?

⁸ അതു​കൊണ്ട്‌ പൗലോസ്‌ കൊരി​ന്തു​സ​ഭ​യോട്‌ ഇങ്ങനെ പറഞ്ഞു: “നിങ്ങൾ ദയയോ​ടെ അയാ​ളോ​ടു ക്ഷമിക്കു​ക​യും അയാളെ ആശ്വസി​പ്പി​ക്കു​ക​യും” ‘അയാ​ളോ​ടുള്ള നിങ്ങളു​ടെ സ്‌നേ​ഹ​ത്തിന്‌ ഉറപ്പു കൊടു​ക്കു​ക​യും വേണം.’ വീണ്ടും സഭയോ​ടൊത്ത്‌ സഹവസി​ക്കാൻ അയാൾക്ക്‌ അനുവാ​ദം കൊടു​ക്കുക മാത്ര​മാ​യി​രു​ന്നില്ല മൂപ്പന്മാർ ചെയ്യേ​ണ്ടി​യി​രു​ന്നത്‌. തങ്ങളുടെ വാക്കു​ക​ളി​ലൂ​ടെ​യും പെരു​മാ​റ്റ​ത്തി​ലൂ​ടെ​യും പ്രവൃ​ത്തി​ക​ളി​ലൂ​ടെ​യും അയാ​ളോ​ടു ശരിക്കും ക്ഷമി​ച്ചെ​ന്നും അയാളെ സ്‌നേ​ഹി​ക്കു​ന്നു​ണ്ടെ​ന്നും അവർ ഉറപ്പു കൊടു​ക്കു​ക​യും വേണമാ​യി​രു​ന്നു. അയാൾ സഭയി​ലേക്കു മടങ്ങി​വ​ന്ന​തിൽ തങ്ങൾക്കു സന്തോ​ഷ​മു​ണ്ടെന്ന്‌ അവർ അതിലൂ​ടെ കാണി​ക്കു​മാ​യി​രു​ന്നു.

9. മാനസാ​ന്ത​ര​പ്പെട്ട പാപി​യോ​ടു ക്ഷമിക്കാൻ സഭയി​ലുള്ള ചിലർ മടി കാണി​ച്ചി​രി​ക്കാ​വു​ന്നത്‌ എന്തു​കൊണ്ട്‌?

⁹ സഭയിലെ ചിലർക്കെ​ങ്കി​ലും മാനസാ​ന്ത​ര​പ്പെട്ട പാപിയെ സഭയി​ലേക്കു സന്തോ​ഷ​ത്തോ​ടെ തിരികെ സ്വാഗതം ചെയ്യാൻ ബുദ്ധി​മു​ട്ടു തോന്നി​ക്കാ​ണു​മോ? ബൈബിൾ അതെക്കു​റി​ച്ചൊ​ന്നും പറയു​ന്നി​ല്ലെ​ങ്കി​ലും അതിനു സാധ്യ​ത​യുണ്ട്‌. കാരണം അയാളു​ടെ പ്രവൃ​ത്തി​കൾ മൊത്ത​ത്തിൽ സഭയ്‌ക്കു ബുദ്ധി​മു​ട്ടു​ണ്ടാ​ക്കി. ഇനി, ചിലർക്ക്‌ അയാളു​ടെ തെറ്റു​കൊണ്ട്‌ നാണ​ക്കേ​ടും ഉണ്ടായി​ട്ടു​ണ്ടാ​കാം. വേറെ ചിലർ ഇങ്ങനെ ചിന്തി​ച്ചു​കാ​ണും: ‘ഞങ്ങളൊ​ക്കെ വളരെ​യ​ധി​കം ശ്രമം ചെയ്‌താ​ണു ധാർമി​ക​മാ​യി ശുദ്ധരാ​യി നിൽക്കു​ന്നത്‌. അങ്ങനെ​യു​ള്ള​പ്പോൾ ഇത്ര ഗുരു​ത​ര​മായ തെറ്റു ചെയ്‌ത ഒരാളെ വീണ്ടും സഭയുടെ ഭാഗമാ​കാൻ അനുവ​ദി​ക്കു​ന്നത്‌ ഒട്ടും ന്യായമല്ല.’ (ലൂക്കോസ്‌ 15:28-30 താരത​മ്യം ചെയ്യുക.) എങ്കിലും ആ സഹോ​ദ​ര​നോ​ടു സഭയി​ലു​ള്ളവർ ആത്മാർഥ​മായ സ്‌നേഹം കാണി​ക്കേ​ണ്ടതു പ്രധാ​ന​മാ​യി​രു​ന്നത്‌ എന്തു​കൊ​ണ്ടാണ്‌?

10-11. മാനസാ​ന്ത​ര​പ്പെ​ടുന്ന പാപി​യോ​ടു മൂപ്പന്മാർ ക്ഷമിച്ചി​ല്ലാ​യി​രു​ന്നെ​ങ്കിൽ എന്തു സംഭവി​ച്ചേനേ?

¹⁰ മാനസാ​ന്ത​ര​പ്പെ​ട്ടി​ട്ടും മൂപ്പന്മാർ ആ വ്യക്തിയെ സഭയി​ലേക്കു മടങ്ങി​വ​രാൻ അനുവ​ദി​ച്ചി​ല്ലാ​യി​രു​ന്നെന്നു വിചാ​രി​ക്കുക. അല്ലെങ്കിൽ അദ്ദേഹം മടങ്ങി​വ​ന്നി​ട്ടും സഹോ​ദ​രങ്ങൾ അദ്ദേഹ​ത്തോ​ടു സ്‌നേഹം കാണി​ച്ചി​ല്ലെന്നു കരുതുക. എന്തു സംഭവി​ക്കു​മാ​യി​രു​ന്നു? ‘അദ്ദേഹം കടുത്ത ദുഃഖ​ത്തിൽ ആണ്ടു​പോ​കാൻ ഇടയു​ണ്ടാ​യി​രു​ന്നു.’ തനിക്ക്‌ ഇനി പ്രതീ​ക്ഷ​യ്‌ക്ക്‌ യാതൊ​രു വകയു​മി​ല്ലെന്ന്‌ അദ്ദേഹ​ത്തി​നു തോന്നി​പ്പോ​യേനേ. യഹോ​വ​യു​മാ​യുള്ള ബന്ധം നേരെ​യാ​ക്കാൻ കഴിയി​ല്ലെന്നു ചിന്തിച്ച്‌ അതിനുള്ള ശ്രമങ്ങൾപോ​ലും അദ്ദേഹം നിറു​ത്തി​ക്ക​ള​യാൻ സാധ്യ​ത​യു​ണ്ടാ​യി​രു​ന്നു.

¹¹ ഇനി, മാനസാ​ന്ത​ര​പ്പെട്ട പാപി​യോ​ടു ക്ഷമിക്കാൻ സഹോ​ദ​രങ്ങൾ തയ്യാറാ​യി​ല്ലാ​യി​രു​ന്നെ​ങ്കിൽ, അവർ യഹോ​വ​യു​മാ​യുള്ള തങ്ങളു​ടെ​തന്നെ ബന്ധം അപകട​ത്തി​ലാ​ക്കി​യേനേ. കാരണം അങ്ങനെ ചെയ്യു​മ്പോൾ അവർ അനുക​രി​ക്കു​ന്നതു മാനസാ​ന്ത​ര​പ്പെട്ട പാപി​ക​ളോ​ടു ക്ഷമിക്കുന്ന യഹോ​വ​യെയല്ല, പകരം കരുണ​യി​ല്ലാത്ത സാത്താ​നെ​യാ​ണെന്നു വരുമാ​യി​രു​ന്നു. അവർ ശരിക്കും ആ മനുഷ്യ​നെ ആത്മീയ​മാ​യി തകർത്തു​ക​ള​യാ​നുള്ള സാത്താന്റെ കൈയി​ലെ ഉപകര​ണ​ങ്ങ​ളാ​യി പ്രവർത്തി​ക്കു​ക​യാ​യി​രു​ന്നേനേ.—2 കൊരി. 2:10, 11; എഫെ. 4:27.

12. കൊരി​ന്തി​ലെ സഭയി​ലു​ള്ള​വർക്ക്‌ എങ്ങനെ യഹോ​വയെ അനുക​രി​ക്കാ​നാ​കു​മാ​യി​രു​ന്നു?

¹² അങ്ങനെ​യെ​ങ്കിൽ കൊരി​ന്തി​ലെ സഹോ​ദ​ര​ങ്ങൾക്കു തങ്ങൾ സാത്താ​നെയല്ല യഹോ​വ​യെ​യാണ്‌ അനുക​രി​ക്കു​ന്ന​തെന്ന്‌ എങ്ങനെ കാണി​ക്കാ​മാ​യി​രു​ന്നു? മാനസാ​ന്ത​ര​പ്പെട്ട പാപി​ക​ളോട്‌ യഹോവ ഇടപെ​ടു​ന്ന​തു​പോ​ലെ ഇടപെ​ട്ടു​കൊണ്ട്‌. യഹോ​വ​യെ​ക്കു​റിച്ച്‌ ചില ബൈബിൾ എഴുത്തു​കാർ എന്താണു പറഞ്ഞ​തെന്നു നോക്കുക: ‘യഹോവ നല്ലവനും ക്ഷമിക്കാൻ സന്നദ്ധനും ആണ്‌’ എന്ന്‌ ദാവീദ്‌ പറഞ്ഞു. (സങ്കീ. 86:5) മീഖ എഴുതി: ‘അങ്ങയെ​പ്പോ​ലെ വേറൊ​രു ദൈവ​മു​ണ്ടോ? അങ്ങു തെറ്റുകൾ ക്ഷമിക്കു​ക​യും ലംഘനങ്ങൾ പൊറു​ക്കു​ക​യും ചെയ്യുന്നു.’ (മീഖ 7:18) ഇനി, യശയ്യയു​ടെ വാക്കുകൾ ശ്രദ്ധി​ക്കുക: “ദുഷ്ടൻ തന്റെ വഴി വിട്ടു​മാ​റട്ടെ. ദ്രോഹി തന്റെ ചിന്തകൾ ഉപേക്ഷി​ക്കട്ടെ. അവൻ യഹോ​വ​യി​ലേക്കു തിരികെ വരട്ടെ; ദൈവം അവനോ​ടു കരുണ കാണി​ക്കും, നമ്മുടെ ദൈവ​ത്തി​ലേക്കു മടങ്ങി​വ​രട്ടെ; ദൈവം അവനോട്‌ ഉദാര​മാ​യി ക്ഷമിക്കും.”—യശ. 55:7.

13. മാനസാ​ന്ത​ര​പ്പെട്ട പാപിയെ പുനഃ​സ്ഥി​തീ​ക​രി​ക്കുന്ന കാര്യം വൈകി​പ്പി​ക്കേ​ണ്ട​തി​ല്ലാ​യി​രു​ന്നത്‌ എന്തു​കൊണ്ട്‌? (“എപ്പോ​ഴാ​ണു കൊരി​ന്തി​ലെ ആ വ്യക്തി പുനഃ​സ്ഥി​തീ​ക​രി​ക്ക​പ്പെ​ട്ടത്‌?” എന്ന ചതുരം കാണുക.)

¹³ യഹോ​വയെ അനുക​രി​ക്കു​ന്ന​തി​നു കൊരി​ന്തു​സഭ മാനസാ​ന്ത​ര​പ്പെട്ട ആ വ്യക്തിയെ തിരികെ സ്വാഗതം ചെയ്യു​ക​യും തങ്ങൾ അദ്ദേഹത്തെ സ്‌നേ​ഹി​ക്കു​ന്നു​ണ്ടെന്ന്‌ ഉറപ്പു കൊടു​ക്കു​ക​യും വേണമാ​യി​രു​ന്നു. പൗലോസ്‌ പറഞ്ഞതു​പോ​ലെ മാനസാ​ന്ത​ര​പ്പെട്ട പാപിയെ സന്തോ​ഷ​ത്തോ​ടെ തിരികെ സ്വീക​രി​ക്കു​മ്പോൾ തങ്ങൾ ‘എല്ലാ കാര്യ​ത്തി​ലും അനുസ​ര​ണ​മു​ള്ള​വ​രാണ്‌’ എന്നു സഭ കാണി​ക്കു​ക​യാ​യി​രു​ന്നു. (2 കൊരി. 2:9) ആ വ്യക്തിയെ സഭയിൽനിന്ന്‌ നീക്കം ചെയ്‌തിട്ട്‌ ഏതാനും മാസങ്ങളേ ആയിരു​ന്നു​ള്ളൂ എന്നതു ശരിയാണ്‌. എങ്കിലും ശിക്ഷണം കൊടു​ത്ത​തി​ന്റെ ഉദ്ദേശ്യം നടന്നു. ശിക്ഷണം അദ്ദേഹത്തെ മാനസാ​ന്ത​ര​ത്തി​ലേക്കു നയിച്ചു. അതു​കൊണ്ട്‌ മൂപ്പന്മാർ അദ്ദേഹത്തെ പുനഃ​സ്ഥി​തീ​ക​രി​ക്കുന്ന കാര്യം ഇനിയും വൈകി​പ്പി​ക്കേ​ണ്ട​തി​ല്ലാ​യി​രു​ന്നു.

യഹോ​വ​യു​ടെ നീതി​യും കരുണ​യും അനുക​രി​ക്കു​ക

14-15. ഒന്നാം നൂറ്റാ​ണ്ടി​ലെ കൊരി​ന്തു​സ​ഭ​യിൽ ഉണ്ടായ ദുഷ്‌പ്ര​വൃ​ത്തി കൈകാ​ര്യം ചെയ്‌ത വിധത്തിൽനിന്ന്‌ നമുക്ക്‌ എന്തു പഠിക്കാം? (2 പത്രോസ്‌ 3:9) (ചിത്ര​വും കാണുക.)

¹⁴ കൊരി​ന്തി​ലെ ദുഷ്‌പ്ര​വൃ​ത്തി കൈകാ​ര്യം ചെയ്‌ത വിധം ബൈബി​ളിൽ ഉൾപ്പെ​ടു​ത്തി​യി​രി​ക്കു​ന്നതു ‘നമ്മളെ പഠിപ്പി​ക്കാ​നാണ്‌.’ (റോമ. 15:4) ആ വിവര​ണ​ത്തിൽനിന്ന്‌ നമുക്കു പഠിക്കാ​നാ​കുന്ന ഒരു കാര്യം ഇതാണ്‌: യഹോവ തന്റെ ജനത്തി​നി​ട​യിൽ ഗുരു​ത​ര​മായ തെറ്റുകൾ വെച്ചു​പൊ​റു​പ്പി​ക്കില്ല. ചിലർ ചിന്തി​ക്കു​ന്നത്‌ യഹോവ കരുണ​യു​ള്ള​വ​നാ​യ​തു​കൊണ്ട്‌ മാനസാ​ന്ത​ര​മി​ല്ലാത്ത പാപി​ക​ളെ​പ്പോ​ലും സഭയിൽ തുടരാൻ അനുവ​ദി​ക്കു​മെ​ന്നാണ്‌. യഹോവ കരുണ കാണി​ക്കു​ന്ന​വ​നാ​ണെന്ന കാര്യ​ത്തിൽ സംശയ​മില്ല. പക്ഷേ എന്തും അനുവ​ദി​ച്ചു​കൊ​ടു​ക്കുന്ന ദൈവമല്ല യഹോവ. തന്റെ നിലവാ​രങ്ങൾ യഹോവ ഒരിക്ക​ലും താഴ്‌ത്തില്ല. (യൂദ 4) മാനസാ​ന്ത​ര​പ്പെ​ടാത്ത തെറ്റു​കാ​രനെ സഭയിൽ തുടരാൻ അനുവ​ദി​ച്ചാൽ അതു സഭയി​ലുള്ള എല്ലാവ​രെ​യും അപകട​ത്തി​ലാ​ക്കും. അതിനെ ‘കരുണ’ എന്നു വിളി​ക്കാ​നാ​കില്ല.—സുഭാ. 13:20; 1 കൊരി. 15:33.

¹⁵ എന്നാൽ ആരും നശിച്ചു​പോ​ക​രുത്‌ എന്നാണ്‌ യഹോ​വ​യു​ടെ ആഗ്രഹ​മെന്നു നമുക്ക്‌ അറിയാം. കഴിയു​ന്നി​ട​ത്തോ​ളം ആളുകളെ രക്ഷിക്കാ​നാണ്‌ യഹോവ ആഗ്രഹി​ക്കു​ന്നത്‌. തങ്ങളുടെ ചിന്തകൾക്കും പ്രവർത്ത​ന​ങ്ങൾക്കും മാറ്റം വരുത്തി തന്നോട്‌ അടുക്കാൻ ആഗ്രഹി​ക്കു​ന്ന​വ​രോട്‌ യഹോവ കരുണ കാണി​ക്കും. (യഹ. 33:11; 2 പത്രോസ്‌ 3:9 വായി​ക്കുക.) അതു​കൊണ്ട്‌ കൊരി​ന്തി​ലെ ആ വ്യക്തി മാനസാ​ന്ത​ര​പ്പെ​ടു​ക​യും തന്റെ തെറ്റായ പ്രവൃ​ത്തി​കൾ ഉപേക്ഷി​ക്കു​ക​യും ചെയ്‌ത​പ്പോൾ ആ വ്യക്തി​യോ​ടു ക്ഷമിക്കാ​നും അദ്ദേഹത്തെ സഭയി​ലേക്കു തിരികെ സ്വാഗതം ചെയ്യാ​നും യഹോവ പൗലോ​സി​ലൂ​ടെ അവരോ​ടു പറഞ്ഞു.

16. കൊരി​ന്തി​ലെ കേസ്‌ കൈകാ​ര്യം ചെയ്‌ത വിധ​ത്തെ​ക്കു​റിച്ച്‌ ചിന്തി​ക്കു​മ്പോൾ നിങ്ങൾക്ക്‌ എന്തു തോന്നു​ന്നു?

¹⁶ കൊരി​ന്തു​സ​ഭ​യിൽ ഉണ്ടായ ആ കേസ്‌ കൈകാ​ര്യം ചെയ്‌ത വിധ​ത്തെ​ക്കു​റിച്ച്‌ ചിന്തി​ച്ചത്‌ യഹോ​വ​യു​ടെ സ്‌നേഹം, നീതി, ന്യായം പോലുള്ള ഗുണങ്ങൾ കാണാൻ നമ്മളെ സഹായി​ച്ചു. (സങ്കീ. 33:5) നമ്മുടെ ദൈവത്തെ കൂടു​ത​ലാ​യി സ്‌തു​തി​ക്കാൻ നിങ്ങൾക്ക്‌ ഇപ്പോൾ തോന്നു​ന്നി​ല്ലേ? നമ്മളെ​ല്ലാ​വ​രും പാപി​ക​ളാണ്‌. നമു​ക്കെ​ല്ലാം ദൈവ​ത്തി​ന്റെ ക്ഷമ ആവശ്യ​മാണ്‌. മോച​ന​വില നൽകി​യ​തി​നു നമുക്ക്‌ യഹോ​വ​യോ​ടു നന്ദിയു​ള്ള​വ​രാ​യി​രി​ക്കാം. നമ്മുടെ പാപങ്ങൾ ക്ഷമിക്കു​ന്ന​തി​നുള്ള അടിസ്ഥാ​നം ആ മോച​ന​വി​ല​യാണ്‌. യഹോവ തന്റെ ജനത്തെ സ്‌നേ​ഹി​ക്കു​ന്നെ​ന്നും അവർക്ക്‌ ഏറ്റവും നല്ലതു വരാൻ ആഗ്രഹി​ക്കു​ന്നെ​ന്നും ഓർക്കു​ന്നതു നമുക്ക്‌ എത്ര ആശ്വാസം പകരുന്നു!

17. അടുത്ത ലേഖന​ങ്ങ​ളിൽ നമ്മൾ എന്തു പഠിക്കും?

¹⁷ ഇന്ന്‌ എങ്ങനെ​യാ​ണു ഗുരു​ത​ര​മായ തെറ്റുകൾ കൈകാ​ര്യം ചെയ്യു​ന്നത്‌? തെറ്റു ചെയ്‌ത​യാ​ളെ മാനസാ​ന്ത​ര​ത്തി​ലേക്കു നയിക്കാ​നുള്ള യഹോ​വ​യു​ടെ ആഗ്രഹം മൂപ്പന്മാർക്ക്‌ എങ്ങനെ അനുക​രി​ക്കാം? ഒരാളെ സഭയിൽനിന്ന്‌ നീക്കം ചെയ്യാ​നോ പുനഃ​സ്ഥി​തീ​ക​രി​ക്കാ​നോ മൂപ്പന്മാർ തീരു​മാ​നി​ക്കു​മ്പോൾ അതിനെ സഭയി​ലു​ള്ളവർ എങ്ങനെ കാണണം? ഈ ചോദ്യ​ങ്ങൾക്കുള്ള ഉത്തരം നമ്മൾ അടുത്ത ലേഖന​ങ്ങ​ളിൽ പഠിക്കും.