പാപം ചെയ്‌ത​വ​രോട്‌ എങ്ങനെ സ്‌നേ​ഹ​വും കരുണ​യും കാണി​ക്കാം?

1. ഗുരു​ത​ര​മായ പാപം ചെയ്‌ത ചിലരു​ടെ കാര്യ​ത്തിൽ എന്തെങ്കി​ലും പ്രതീ​ക്ഷ​യ്‌ക്കു വകയു​ണ്ടോ?

കൊരി​ന്തു​സ​ഭ​യിൽ ഗുരു​ത​ര​മായ തെറ്റു ചെയ്‌ത ഒരാളു​ടെ കേസ്‌ അപ്പോ​സ്‌ത​ല​നായ പൗലോസ്‌ കൈകാ​ര്യം ചെയ്‌തത്‌ എങ്ങനെ​യാ​ണെന്നു കഴിഞ്ഞ ലേഖന​ത്തിൽ നമ്മൾ കണ്ടു. മാനസാ​ന്ത​ര​മി​ല്ലാത്ത ആ പാപിയെ സഭയിൽനിന്ന്‌ നീക്കം ചെയ്യേ​ണ്ടി​വന്നു. എന്നാൽ ആധാര​വാ​ക്യം പറയു​ന്ന​തു​പോ​ലെ ഗുരു​ത​ര​മായ തെറ്റു ചെയ്‌ത ചിലരെ മാനസാ​ന്ത​ര​ത്തി​ലേക്കു നയിക്കാ​നാ​യേ​ക്കും. (റോമ. 2:4) മാനസാ​ന്ത​ര​പ്പെ​ടാൻ മൂപ്പന്മാർക്ക്‌ അവരെ എങ്ങനെ സഹായി​ക്കാം?

2-3. ഒരു സഹവി​ശ്വാ​സി ഗുരു​ത​ര​മായ തെറ്റു ചെയ്‌തി​ട്ടു​ണ്ടെന്ന്‌ അറിഞ്ഞാൽ നമ്മൾ എന്തു ചെയ്യണം, എന്തു​കൊണ്ട്‌?

² ഒരു വ്യക്തി തെറ്റു ചെയ്‌തെന്ന്‌ അറിഞ്ഞാൽ മാത്രമേ മൂപ്പന്മാർക്ക്‌ അയാളെ സഹായി​ക്കാൻ കഴിയൂ. അതു​കൊണ്ട്‌ നമ്മുടെ ഒരു സഹവി​ശ്വാ​സി സഭയിൽനിന്ന്‌ നീക്കം ചെയ്യ​പ്പെ​ടാൻ സാധ്യ​ത​യുള്ള ഗുരു​ത​ര​മായ ഒരു തെറ്റു ചെയ്‌തി​ട്ടു​ണ്ടെന്ന്‌ അറിഞ്ഞാൽ നമ്മൾ എന്തു ചെയ്യണം? മൂപ്പന്മാ​രു​ടെ സഹായം തേടാൻ ആ വ്യക്തിയെ പ്രോ​ത്സാ​ഹി​പ്പി​ക്കണം.—യശ. 1:18; പ്രവൃ. 20:28; 1 പത്രോ. 5:2.

³ എന്നാൽ, നമ്മൾ പറഞ്ഞി​ട്ടും ആ വ്യക്തി മൂപ്പന്മാ​രോ​ടു സംസാ​രി​ക്കു​ന്നി​ല്ലെ​ങ്കി​ലോ? അപ്പോൾ ആ വ്യക്തിക്കു വേണ്ട സഹായം ലഭിക്കു​ന്നു​ണ്ടെന്ന്‌ ഉറപ്പു​വ​രു​ത്താൻ നമ്മൾതന്നെ മൂപ്പന്മാ​രോ​ടു കാര്യങ്ങൾ പറയും. അതാണു സ്‌നേഹം. കാരണം, നമ്മുടെ ഒരു സഹോ​ദ​ര​നെ​യോ സഹോ​ദ​രി​യെ​യോ നഷ്ടപ്പെ​ടാൻ നമ്മൾ ഒരിക്ക​ലും ആഗ്രഹി​ക്കു​ന്നില്ല. ആ വ്യക്തി തന്റെ തെറ്റായ പ്രവൃ​ത്തി​യിൽ തുടരു​ക​യാ​ണെ​ങ്കിൽ യഹോ​വ​യു​മാ​യുള്ള അയാളു​ടെ ബന്ധം കൂടുതൽ വഷളാ​കും. സഭയുടെ സത്‌പേ​രി​നെ​യും അതു ബാധി​ച്ചേ​ക്കാം. അതു​കൊണ്ട്‌ ധൈര്യ​ത്തോ​ടെ നമ്മൾ മൂപ്പന്മാ​രോ​ടു കാര്യങ്ങൾ പറയും. അതിനു നമ്മളെ പ്രേരി​പ്പി​ക്കു​ന്നത്‌ യഹോ​വ​യോ​ടും ആ തെറ്റു​കാ​ര​നോ​ടും ഉള്ള സ്‌നേ​ഹ​മാണ്‌.—സങ്കീ. 27:14.

ഗുരു​ത​ര​മായ തെറ്റു ചെയ്യു​ന്ന​വരെ മൂപ്പന്മാർ എങ്ങനെ​യാ​ണു സഹായി​ക്കു​ന്നത്‌?

4. ഗുരു​ത​ര​മായ തെറ്റു ചെയ്‌ത ഒരാളു​മാ​യി കൂടി​ക്കാ​ണു​മ്പോൾ മൂപ്പന്മാ​രു​ടെ ലക്ഷ്യം എന്താണ്‌?

⁴ സഭയിലെ ഒരാൾ ഗുരു​ത​ര​മായ ഒരു തെറ്റു ചെയ്‌താൽ മൂപ്പന്മാ​രു​ടെ സംഘം തങ്ങൾക്കി​ട​യിൽനിന്ന്‌ യോഗ്യ​ത​യുള്ള മൂന്നു സഹോ​ദ​ര​ന്മാ​രെ തിര​ഞ്ഞെ​ടു​ക്കും. അവർ ഒരു കമ്മിറ്റി​യാ​യി സേവി​ക്കും.a ഈ സഹോ​ദ​ര​ന്മാർ എളിമ​യും താഴ്‌മ​യും ഉള്ളവരാ​യി​രി​ക്കണം. തെറ്റു​കാ​രനെ മാനസാ​ന്ത​ര​ത്തി​ലേക്കു നയിക്കാൻ അവർ ശ്രമി​ക്കു​മെ​ങ്കി​ലും മാറ്റം വരുത്താൻ ആരെയും നിർബ​ന്ധി​ക്കാൻ കഴിയി​ല്ലെന്ന്‌ അവർ മനസ്സി​ലാ​ക്കു​ന്നു. (ആവ. 30:19) തങ്ങൾ സഹായി​ക്കാൻ ശ്രമി​ക്കു​മ്പോൾ എല്ലാവ​രും ദാവീദ്‌ രാജാ​വി​നെ​പ്പോ​ലെ പശ്ചാത്ത​പി​ക്കി​ല്ലെന്നു മൂപ്പന്മാർക്ക്‌ അറിയാം. (2 ശമു. 12:13) ചിലർ യഹോ​വ​യു​ടെ ഉപദേശം മനഃപൂർവം തള്ളിക്ക​ള​യാൻ തീരു​മാ​നി​ച്ചേ​ക്കാം. (ഉൽപ. 4:6-8) എങ്കിലും കഴിയു​ന്നി​ട​ത്തോ​ളം മൂപ്പന്മാ​രു​ടെ ലക്ഷ്യം, തെറ്റു​കാ​രനെ മാനസാ​ന്ത​ര​ത്തി​ലേക്കു നയിക്കുക എന്നതാണ്‌. തെറ്റു​കാ​ര​നു​മാ​യി കൂടി​ക്കാ​ണു​മ്പോൾ മൂപ്പന്മാർ ഏതെല്ലാം തത്ത്വങ്ങ​ളാ​ണു മനസ്സിൽപ്പി​ടി​ക്കേ​ണ്ടത്‌?

5. തെറ്റു ചെയ്‌ത​യാ​ളു​മാ​യി കൂടി​ക്കാ​ണു​മ്പോൾ മൂപ്പന്മാർ എങ്ങനെ​യാ​യി​രി​ക്കണം ഇടപെ​ടേ​ണ്ടത്‌? (2 തിമൊ​ഥെ​യൊസ്‌ 2:24-26) (ചിത്ര​വും കാണുക.)

⁵ തെറ്റു ചെയ്‌ത വ്യക്തിയെ മൂപ്പന്മാർ വീക്ഷി​ക്കു​ന്നതു വില​യേ​റിയ, കാണാ​തെ​പോയ ഒരു ആടായി​ട്ടാണ്‌. (ലൂക്കോ. 15:4, 6) അതു​കൊണ്ട്‌ മൂപ്പന്മാർ ആ വ്യക്തി​യു​മാ​യി കൂടി​ക്കാ​ണു​മ്പോൾ അദ്ദേഹ​ത്തോ​ടു ദയയി​ല്ലാ​തെ സംസാ​രി​ക്കു​ക​യോ പെരു​മാ​റു​ക​യോ ഇല്ല. അതു​പോ​ലെ ചില നടപടി​ക്ര​മങ്ങൾ പൂർത്തി​യാ​ക്കാ​നുള്ള ഒരു ചടങ്ങാ​യി​ട്ടും അവർ ആ കൂടി​വ​ര​വി​നെ കാണില്ല. പകരം, 2 തിമൊ​ഥെ​യൊസ്‌ 2:24-26-ൽ (വായി​ക്കുക.) പറയുന്ന ഗുണങ്ങൾ അവർ കാണി​ക്കും. എപ്പോ​ഴും ശാന്തത​യോ​ടെ​യും സൗമ്യ​ത​യോ​ടെ​യും ദയയോ​ടെ​യും ഇടപെ​ട്ടു​കൊണ്ട്‌ തെറ്റു​കാ​രന്റെ ഹൃദയ​ത്തിൽ എത്തി​ച്ചേ​രാൻ അവർ നല്ല ശ്രമം ചെയ്യും.

6. തെറ്റു ചെയ്‌ത വ്യക്തി​യു​മാ​യി കൂടി​ക്കാ​ണു​ന്ന​തി​നു മുമ്പ്‌ മൂപ്പന്മാർക്ക്‌ എങ്ങനെ തങ്ങളുടെ ഹൃദയത്തെ ഒരുക്കാം? (റോമർ 2:4)

⁶ മൂപ്പന്മാർ തങ്ങളുടെ ഹൃദയത്തെ ഒരുക്കും. പൗലോ​സി​ന്റെ ഈ വാക്കുകൾ അവർ മനസ്സിൽപ്പി​ടി​ക്കും: ‘ദൈവം കനിവ്‌ കാണി​ക്കു​ന്നതു നിന്നെ മാനസാ​ന്ത​ര​ത്തി​ലേക്കു നയിക്കാ​നാണ്‌.’ തെറ്റു ചെയ്‌ത വ്യക്തി​ക​ളോട്‌ യഹോവ എങ്ങനെ​യാ​ണോ ഇടപെ​ടു​ന്നത്‌ അതേ വിധത്തിൽത്തന്നെ ഇടപെ​ടാ​നാ​യി​രി​ക്കും മൂപ്പന്മാ​രും ശ്രമി​ക്കുക. (റോമർ 2:4 വായി​ക്കുക.) തങ്ങൾ ഇടയന്മാ​രാ​ണെ​ന്നും സഭയെ പരിപാ​ലി​ക്കു​മ്പോൾ ക്രിസ്‌തു​വി​ന്റെ നിർദേ​ശങ്ങൾ അനുസ​രി​ക്കു​ക​യും ക്രിസ്‌തു​വി​നെ അനുക​രി​ക്കു​ക​യും വേണ​മെ​ന്നും മൂപ്പന്മാർ ഓർക്കണം. (യശ. 11:3, 4; മത്താ. 18:18-20) തെറ്റു ചെയ്‌ത​യാ​ളു​മാ​യി കൂടി​വ​രു​ന്ന​തി​നു മുമ്പ്‌ കമ്മിറ്റി​യി​ലെ മൂപ്പന്മാർ തങ്ങളുടെ ലക്ഷ്യ​ത്തെ​ക്കു​റിച്ച്‌ പ്രാർഥ​നാ​പൂർവം ചിന്തി​ക്കും. എന്താണ്‌ ആ ലക്ഷ്യം? തെറ്റു​കാ​രനെ മാനസാ​ന്ത​ര​ത്തി​ലേക്കു നയിക്കുക. യഹോ​വ​യു​ടെ കാഴ്‌ച​പ്പാട്‌ എന്താ​ണെന്നു മനസ്സി​ലാ​ക്കാൻ അവർ തിരു​വെ​ഴു​ത്തു​ക​ളി​ലും പ്രസി​ദ്ധീ​ക​ര​ണ​ങ്ങ​ളി​ലും ഗവേഷണം ചെയ്യും. ആ വ്യക്തി​യെ​യും ആ സാഹച​ര്യ​ത്തെ​യും നന്നായി മനസ്സി​ലാ​ക്കാ​നും വിവേ​ചി​ക്കാ​നും ഉള്ള സഹായ​ത്തി​നാ​യി മൂപ്പന്മാർ യഹോ​വ​യോ​ടു പ്രാർഥി​ക്കും. ഒരു വ്യക്തിയെ തെറ്റായ ചിന്തക​ളി​ലേ​ക്കും പ്രവർത്ത​ന​ങ്ങ​ളി​ലേ​ക്കും നയിച്ച​തിൽ അദ്ദേഹ​ത്തി​ന്റെ പശ്ചാത്ത​ല​വും ജീവി​ത​സാ​ഹ​ച​ര്യ​ങ്ങ​ളും ഒരു പങ്കുവ​ഹി​ച്ചി​രി​ക്കാം. അതി​നെ​ക്കു​റിച്ച്‌ തങ്ങൾക്ക്‌ ഇപ്പോൾത്തന്നെ എന്തൊക്കെ അറിയാ​മെ​ന്നും ഇനി എന്തൊക്കെ ചോദി​ച്ച​റി​യ​ണ​മെ​ന്നും മൂപ്പന്മാർ ചിന്തി​ക്കും.—സുഭാ. 20:5.

7-8. തെറ്റു ചെയ്‌ത ഒരു വ്യക്തി​യു​മാ​യി കൂടി​വ​രു​മ്പോൾ മൂപ്പന്മാർക്ക്‌ എങ്ങനെ യഹോ​വ​യു​ടെ ക്ഷമ അനുക​രി​ക്കാം?

⁷ മൂപ്പന്മാർ യഹോ​വ​യു​ടെ ക്ഷമ അനുക​രി​ക്കു​ന്നു. തെറ്റു ചെയ്‌ത വ്യക്തി​ക​ളോട്‌ യഹോവ എങ്ങനെ​യാ​ണു മുൻകാ​ല​ങ്ങ​ളിൽ ഇടപെ​ട്ട​തെന്ന്‌ അവർ ഓർക്കും. ഉദാഹ​ര​ണ​ത്തിന്‌, യഹോവ കയീ​നോ​ടു ക്ഷമയോ​ടെ ഇടപെട്ടു. മാറ്റം വരുത്തി​യി​ല്ലെ​ങ്കിൽ എന്തു സംഭവി​ക്കു​മെ​ന്നും അനുസ​രി​ച്ചാൽ എന്ത്‌ അനു​ഗ്രഹം ലഭിക്കു​മെ​ന്നും യഹോവ കയീ​നോ​ടു പറഞ്ഞു. (ഉൽപ. 4:6, 7) ഇനി, ദാവീ​ദി​നു വേണ്ട ഉപദേശം നൽകാൻ യഹോവ നാഥാൻ പ്രവാ​ച​കനെ അയച്ചു. ദാവീ​ദി​നെ പശ്ചാത്താ​പ​ത്തി​ലേക്കു നയിക്കാ​നാ​യി നാഥാൻ ദാവീ​ദി​ന്റെ ഹൃദയത്തെ തൊടുന്ന ഒരു ദൃഷ്ടാന്തം ഉപയോ​ഗി​ച്ചു. (2 ശമു. 12:1-7) അതു​പോ​ലെ ഇസ്രാ​യേൽ ജനത അനുസ​ര​ണ​ക്കേടു കാണി​ച്ച​പ്പോൾ, യഹോവ “മുടങ്ങാ​തെ” തന്റെ പ്രവാ​ച​ക​ന്മാ​രെ അവരുടെ “അടു​ത്തേക്ക്‌ അയച്ചു​കൊ​ണ്ടി​രു​ന്നു.” (യിരെ. 7:24, 25) തന്റെ ജനത്തെ സഹായി​ക്കാ​നാ​യി അവർ മാനസാ​ന്ത​ര​പ്പെ​ടു​ന്ന​തു​വരെ യഹോവ കാത്തി​രു​ന്നില്ല. പകരം, മാനസാ​ന്ത​ര​പ്പെ​ടാൻ അവരോ​ടു വീണ്ടും​വീ​ണ്ടും ആവശ്യ​പ്പെ​ട്ടു​കൊണ്ട്‌ യഹോ​വ​തന്നെ മുൻ​കൈ​യെ​ടു​ത്തു.

⁸ ഗുരു​ത​ര​മായ തെറ്റു ചെയ്‌ത ഒരാളെ സഹായി​ക്കാൻ ശ്രമി​ക്കു​മ്പോൾ മൂപ്പന്മാർ യഹോ​വ​യു​ടെ ഈ മാതൃക അനുക​രി​ക്കു​ന്നു. 2 തിമൊ​ഥെ​യൊസ്‌ 4:2 പറയു​ന്ന​തു​പോ​ലെ മൂപ്പന്മാർ “അങ്ങേയറ്റം ക്ഷമയോ​ടെ” ആ വ്യക്തി​യു​മാ​യി സംസാ​രി​ക്കു​ക​യും ആ വ്യക്തിയെ ചിന്തി​ക്കാൻ സഹായി​ക്കു​ക​യും ചെയ്യും. അങ്ങനെ​യുള്ള ഒരു മൂപ്പൻ തെറ്റു​കാ​രന്റെ ഉള്ളിൽ ശരിയാ​യതു ചെയ്യാ​നുള്ള ആഗ്രഹം നട്ടുവ​ളർത്താൻ സഹായി​ക്കു​ന്ന​തി​നു ശാന്തത​യോ​ടെ​യും ക്ഷമയോ​ടെ​യും ഇടപെ​ടും. എന്നാൽ മൂപ്പൻ ദേഷ്യ​പ്പെ​ടു​ക​യോ അസ്വസ്ഥ​നാ​കു​ക​യോ ചെയ്‌താൽ ആ വ്യക്തി​യു​ടെ ഉള്ളിൽ ഒരു അകൽച്ച വന്നേക്കാം, അദ്ദേഹം മാനസാ​ന്ത​ര​ത്തി​ലേക്കു വരാതി​രു​ന്നേ​ക്കാം.

9-10. തെറ്റി​ലേക്കു വീണു​പോ​യത്‌ എങ്ങനെ​യെന്നു മനസ്സി​ലാ​ക്കാൻ ഒരു വ്യക്തിയെ മൂപ്പന്മാർക്ക്‌ എങ്ങനെ സഹായി​ക്കാ​നാ​കും?

⁹ തെറ്റി​ലേക്കു നയിച്ച സാഹച​ര്യ​ങ്ങൾ എന്തൊ​ക്കെ​യാ​ണെന്നു മനസ്സി​ലാ​ക്കാൻ മൂപ്പന്മാർ ശ്രമി​ക്കും. ഉദാഹ​ര​ണ​ത്തിന്‌, വ്യക്തി​പ​ര​മായ പഠനവും ശുശ്രൂ​ഷ​യും അവഗണി​ച്ച​തു​കൊണ്ട്‌ ആ വ്യക്തി പതി​യെ​പ്പ​തി​യെ ആത്മീയ​മാ​യി ദുർബ​ല​നാ​യി​പ്പോ​യ​താ​ണോ? അദ്ദേഹ​ത്തി​ന്റെ പ്രാർഥ​നകൾ കൂടെ​ക്കൂ​ടെ മുടങ്ങി​പ്പോ​കാ​റു​ണ്ടാ​യി​രു​ന്നോ? അല്ലെങ്കിൽ ഒരു ചടങ്ങു​പോ​ലെ​യാ​ണോ പ്രാർഥി​ച്ചി​രു​ന്നത്‌? തെറ്റായ മോഹങ്ങൾ വന്നപ്പോൾ അതു ചെറു​ക്കു​ന്ന​തി​നു പകരം അവയെ​ക്കു​റിച്ച്‌ ചിന്തി​ച്ചു​കൊ​ണ്ടി​രു​ന്ന​താ​ണോ തെറ്റി​ലേക്കു നയിച്ചത്‌? സുഹൃ​ത്തു​ക്ക​ളു​ടെ​യും വിനോ​ദ​ത്തി​ന്റെ​യും കാര്യ​ത്തിൽ അദ്ദേഹം എടുത്ത തീരു​മാ​നങ്ങൾ തെറ്റാ​യി​രു​ന്നോ? ആ തിര​ഞ്ഞെ​ടു​പ്പു​കൾ അദ്ദേഹ​ത്തി​ന്റെ ചിന്തകളെ എങ്ങനെ​യാ​ണു സ്വാധീ​നി​ച്ചത്‌? തന്റെ തീരു​മാ​ന​ങ്ങ​ളും പ്രവൃ​ത്തി​ക​ളും പിതാ​വായ യഹോ​വയെ എങ്ങനെ​യാ​ണു ബാധി​ച്ച​തെന്ന്‌ അദ്ദേഹ​ത്തി​നു മനസ്സി​ലാ​കു​ന്നു​ണ്ടോ?

¹⁰ എങ്ങനെ​യാണ്‌ ആത്മീയ​മാ​യി ദുർബ​ല​നാ​യി​ത്തീർന്ന്‌ തെറ്റി​ലേക്കു വീണ​തെന്നു മനസ്സി​ലാ​ക്കാൻ ആ വ്യക്തിയെ സഹായി​ക്കുന്ന ചോദ്യ​ങ്ങൾ ചോദി​ക്കുക. (സുഭാ. 20:5) എന്നാൽ തെറ്റു ചെയ്‌ത​യാ​ളു​ടെ വ്യക്തി​പ​ര​മായ കാര്യ​ങ്ങ​ളി​ലേക്ക്‌ ഒരുപാ​ടു ചുഴി​ഞ്ഞി​റ​ങ്ങുന്ന തരത്തി​ലുള്ള ചോദ്യ​ങ്ങൾ മൂപ്പന്മാർക്ക്‌ ഒഴിവാ​ക്കാം. നാഥാൻ പ്രവാ​ചകൻ ദാവീ​ദി​നെ സഹായി​ക്കാ​നാ​യി ഒരു ദൃഷ്ടാന്തം ഉപയോ​ഗി​ച്ചു. അതു​പോ​ലെ തന്റെ പ്രവൃ​ത്തി​ക​ളെ​ക്കു​റിച്ച്‌ ചിന്തി​ക്കാ​നും താൻ ചെയ്‌ത തെറ്റ്‌ എന്താ​ണെന്നു മനസ്സി​ലാ​ക്കാ​നും തെറ്റു​കാ​രനെ സഹായി​ക്കുന്ന രീതി​യി​ലുള്ള ദൃഷ്ടാ​ന്തങ്ങൾ മൂപ്പന്മാർക്ക്‌ ഉപയോ​ഗി​ക്കാ​നാ​കും. കമ്മിറ്റി ആദ്യം അദ്ദേഹ​വു​മാ​യി കൂടി​ക്കാ​ണുന്ന സമയത്തു​തന്നെ, ചെയ്‌ത തെറ്റി​നെ​ക്കു​റിച്ച്‌ ഒരുപക്ഷേ അദ്ദേഹ​ത്തി​നു ദുഃഖം തോന്നി​ത്തു​ട​ങ്ങി​യേ​ക്കാം. ചില​പ്പോൾ അദ്ദേഹം മാനസാ​ന്ത​ര​ത്തി​ലേക്കു വരുക​പോ​ലും ചെയ്‌തേ​ക്കാം.

11. യേശു എങ്ങനെ​യാ​ണു പാപി​ക​ളോട്‌ ഇടപെ​ട്ടത്‌?

¹¹ യേശു​വി​നെ അനുക​രി​ക്കാൻ മൂപ്പന്മാർ നല്ല ശ്രമം ചെയ്യുന്നു. പുനരു​ത്ഥാ​ന​പ്പെട്ട യേശു തർസൊ​സി​ലെ ശൗലി​നോ​ടു സംസാ​രി​ച്ച​പ്പോൾ ചിന്തി​പ്പി​ക്കുന്ന ഒരു ചോദ്യം ചോദി​ച്ചു: “ശൗലേ, ശൗലേ, നീ എന്തിനാണ്‌ എന്നെ ഉപദ്ര​വി​ക്കു​ന്നത്‌?” ശൗലിന്റെ തെറ്റ്‌ എന്താ​ണെന്നു മനസ്സി​ലാ​ക്കാൻ യേശു അതുവഴി അദ്ദേഹത്തെ സഹായി​ച്ചു. (പ്രവൃ. 9:3-6) ‘ഇസബേൽ എന്ന സ്‌ത്രീ​യു​ടെ’ കാര്യ​ത്തിൽ യേശു പറഞ്ഞു: “ഞാൻ അവൾക്കു പശ്ചാത്ത​പി​ക്കാൻ സമയം കൊടു​ത്തു.”—വെളി. 2:20, 21.

12-13. മാനസാ​ന്ത​ര​പ്പെ​ടാൻ തെറ്റു​കാ​രനു സമയം കിട്ടു​ന്ന​തി​നു മൂപ്പന്മാർ എന്തു ചെയ്‌തേ​ക്കാം? (ചിത്ര​വും കാണുക.)

¹² തെറ്റു ചെയ്‌ത വ്യക്തി മാനസാ​ന്ത​ര​പ്പെ​ടി​ല്ലെന്നു മൂപ്പന്മാർ പെട്ടെന്നു നിഗമനം ചെയ്യില്ല. പകരം അവർ യേശു​വി​നെ അനുക​രി​ക്കു​ന്നു. കമ്മിറ്റി​യു​മാ​യി ആദ്യം കൂടി​വ​രു​മ്പോൾത്തന്നെ ചിലയാ​ളു​കൾ മാനസാ​ന്ത​ര​ത്തി​ലേക്കു വന്നേക്കാം. എന്നാൽ മറ്റു ചിലർക്കു കൂടുതൽ സമയം ആവശ്യ​മാ​യി​വ​രും. അതു​കൊണ്ട്‌ അത്തരം സാഹച​ര്യ​ങ്ങ​ളിൽ തെറ്റു ചെയ്‌ത വ്യക്തി​യു​മാ​യി ഒന്നില​ധി​കം തവണ കൂടി​വ​രാൻ മൂപ്പന്മാർ ക്രമീ​ക​രണം ചെയ്‌തേ​ക്കാം. ചില​പ്പോൾ ആദ്യത്തെ കൂടി​വ​ര​വി​നു ശേഷം കമ്മിറ്റി​യി​ലെ മൂപ്പന്മാർ തന്നോടു പറഞ്ഞ കാര്യ​ങ്ങ​ളെ​ക്കു​റിച്ച്‌ തെറ്റു ചെയ്‌ത വ്യക്തി ഗൗരവ​മാ​യി ചിന്തി​ക്കാ​നി​ട​യുണ്ട്‌. തന്റെ തെറ്റു​ക​ളു​ടെ ക്ഷമയ്‌ക്കാ​യി അദ്ദേഹം യഹോ​വ​യോ​ടു യാചി​ച്ചേ​ക്കാം. (സങ്കീ. 32:5; 38:18) അതു​കൊണ്ട്‌ തുടർന്നു​വ​രുന്ന ഏതെങ്കി​ലും ഒരു കൂടി​വ​ര​വിൽ തെറ്റു ചെയ്‌ത വ്യക്തി, ആദ്യത്തെ കൂടി​വ​ര​വിൽ കാണി​ച്ച​തിൽനിന്ന്‌ വ്യത്യ​സ്‌ത​മായ ഒരു മനോ​ഭാ​വം കാണി​ച്ചേ​ക്കാം.

¹³ തെറ്റു​കാ​രനെ മാനസാ​ന്ത​ര​ത്തി​ലേക്കു നയിക്കു​ന്ന​തി​നു മൂപ്പന്മാർ സഹാനു​ഭൂ​തി​യും ദയയും കാണി​ക്കും. തങ്ങളുടെ ശ്രമങ്ങളെ അനു​ഗ്ര​ഹി​ക്ക​ണ​മെന്ന്‌ അവർ യഹോ​വ​യോ​ടു പ്രാർഥി​ക്കും. വഴി​തെ​റ്റി​പ്പോയ ക്രിസ്‌ത്യാ​നി സുബോ​ധ​ത്തി​ലേക്കു വരണ​മെ​ന്നും മാനസാ​ന്ത​ര​പ്പെ​ട​ണ​മെ​ന്നും തന്നെയാ​ണു മൂപ്പന്മാ​രു​ടെ ആഗ്രഹം.—2 തിമൊ. 2:25, 26.

14. ഒരു പാപി മാനസാ​ന്ത​ര​പ്പെ​ടു​മ്പോൾ അതിനുള്ള ബഹുമതി ആർക്കാണ്‌, എന്തു​കൊണ്ട്‌?

¹⁴ ഒരു പാപി മാനസാ​ന്ത​ര​പ്പെ​ടു​മ്പോൾ അതു വലിയ സന്തോ​ഷ​ത്തി​നുള്ള കാരണ​മാണ്‌! (ലൂക്കോ. 15:7, 10) അതിന്റെ ബഹുമതി ആർക്കു​ള്ള​താണ്‌? മൂപ്പന്മാർക്കാ​ണോ? തെറ്റു ചെയ്യു​ന്ന​വ​രെ​ക്കു​റിച്ച്‌ പൗലോസ്‌ എന്താണു പറഞ്ഞ​തെന്ന്‌ ഓർക്കുക: “ഒരുപക്ഷേ ദൈവം അവർക്കു മാനസാ​ന്തരം നൽകി​യെന്നു വരാം.” (2 തിമൊ. 2:25) ആ വാക്യ​ത്തി​ന്റെ ഒരു പഠനക്കു​റിപ്പ്‌ (ഇംഗ്ലീഷ്‌) പറയു​ന്നത്‌ ഇങ്ങനെ​യാണ്‌: “അത്തരത്തിൽ ചിന്താ​ഗ​തി​യി​ലോ മനോ​ഭാ​വ​ത്തി​ലോ ഉണ്ടായ മാറ്റത്തി​ന്റെ ബഹുമതി ഏതെങ്കി​ലും മനുഷ്യ​നല്ല, പകരം വഴി​തെ​റ്റിയ ക്രിസ്‌ത്യാ​നി​യെ ഈ ജീവത്‌പ്ര​ധാ​ന​മായ മാറ്റം വരുത്താൻ സഹായിച്ച യഹോ​വ​യ്‌ക്കു​ള്ള​താണ്‌. അത്തരം മാനസാ​ന്ത​ര​ത്തി​ന്റെ മനോ​ഹ​ര​മായ ചില ഫലങ്ങ​ളെ​ക്കു​റിച്ച്‌ പൗലോസ്‌ തുടർന്നു പറയു​ന്നുണ്ട്‌. അത്‌ ആ പാപിയെ സത്യത്തി​ന്റെ കൂടുതൽ സൂക്ഷ്‌മ​മായ അറിവി​ലേക്കു നയിക്കു​ന്നു. സുബോ​ധ​ത്തി​ലേക്കു തിരി​കെ​വ​രാൻ സഹായി​ക്കു​ന്നു. സാത്താന്റെ കെണി​ക​ളിൽനിന്ന്‌ രക്ഷപ്പെ​ടാ​നും സഹായി​ക്കു​ന്നു.—2 തിമൊ. 2:26.”

15. മാനസാ​ന്ത​ര​പ്പെട്ട തെറ്റു​കാ​രനെ തുടർന്നും സഹായി​ക്കാൻ മൂപ്പന്മാർക്ക്‌ എന്തു ചെയ്യാം?

¹⁵ തെറ്റു ചെയ്‌ത ഒരാൾ മാനസാ​ന്ത​ര​പ്പെ​ടു​മ്പോൾ അദ്ദേഹ​ത്തിന്‌ ഇടയസ​ന്ദർശ​നങ്ങൾ നടത്താൻ കമ്മിറ്റി ക്രമീ​ക​രണം ചെയ്യും. സാത്താന്റെ കെണി​കൾക്കെ​തി​രെ പോരാ​ടാ​നും തന്റെ പാദങ്ങൾക്കു നേരായ പാത ഒരുക്കാ​നും തെറ്റു​കാ​രനെ തുടർന്നും സഹായി​ക്കു​ന്ന​തി​നാണ്‌ അങ്ങനെ ചെയ്യു​ന്നത്‌. (എബ്രാ. 12:12, 13) മൂപ്പന്മാ​രു​ടെ സംഘം ഒരിക്ക​ലും ആ വ്യക്തി ചെയ്‌ത തെറ്റി​നെ​ക്കു​റി​ച്ചുള്ള വിവരങ്ങൾ ആരോ​ടും പറയില്ല. എന്നാൽ സഭ എന്തി​നെ​ക്കു​റിച്ച്‌ അറി​യേ​ണ്ട​തു​ണ്ടാ​യി​രി​ക്കാം?

“എല്ലാവ​രു​ടെ​യും മുന്നിൽവെച്ച്‌ ശാസി​ക്കുക”

16. 1 തിമൊ​ഥെ​യൊസ്‌ 5:20-ൽ പൗലോസ്‌ ‘എല്ലാവ​രും’ എന്ന്‌ പറഞ്ഞ​പ്പോൾ ആരെയാണ്‌ ഉദ്ദേശി​ച്ചത്‌?

¹⁶ 1 തിമൊ​ഥെ​യൊസ്‌ 5:20 വായി​ക്കുക. ‘പാപത്തിൽ നടക്കു​ന്ന​വ​രു​ടെ’ കാര്യ​ത്തിൽ എന്തു ചെയ്യണ​മെന്നു പറയാൻ പൗലോസ്‌ തന്റെ സഹമൂ​പ്പ​നായ തിമൊ​ഥെ​യൊ​സിന്‌ എഴുതിയ വാക്കു​ക​ളാണ്‌ ഇത്‌. അതിലൂ​ടെ പൗലോസ്‌ എന്താണ്‌ ഉദ്ദേശി​ച്ചത്‌? ‘എല്ലാവ​രു​ടെ​യും മുന്നിൽവെച്ച്‌ ശാസി​ക്കണം’ എന്നു പറഞ്ഞ​പ്പോൾ മുഴു​സ​ഭ​യു​ടെ​യും മുമ്പാകെ തെറ്റു​കാ​രനെ ശാസി​ക്ക​ണ​മെ​ന്നാ​ണോ? എല്ലായ്‌പോ​ഴും അങ്ങനെ​യാ​യി​രി​ക്ക​ണ​മെ​ന്നില്ല. ആ തെറ്റി​നെ​ക്കു​റിച്ച്‌ അറിയാ​വുന്ന ആളുക​ളെ​യാ​ണു പൗലോസ്‌ ഇവിടെ ഉദ്ദേശി​ച്ചത്‌. അതു ചില​പ്പോൾ സംഭവം നേരിൽ കണ്ടവരാ​കാം. അല്ലെങ്കിൽ തെറ്റു​കാ​രൻ തന്റെ പാപ​ത്തെ​ക്കു​റിച്ച്‌ വെളി​പ്പെ​ടു​ത്തിയ ആളുക​ളാ​കാം. ഇങ്ങനെ തെറ്റി​നെ​ക്കു​റിച്ച്‌ ചുരുക്കം ചിലർ മാത്രം അറിഞ്ഞ സാഹച​ര്യ​ങ്ങ​ളിൽ, തങ്ങൾ ആ കേസ്‌ കൈകാ​ര്യം ചെയ്‌തി​ട്ടു​ണ്ടെ​ന്നും തെറ്റു​കാ​രനു വേണ്ട തിരുത്തൽ കൊടു​ത്തി​ട്ടു​ണ്ടെ​ന്നും മൂപ്പന്മാർ അവരെ മാത്രം അറിയി​ക്കും.

17. ഗുരു​ത​ര​മായ ഒരു തെറ്റി​നെ​ക്കു​റിച്ച്‌ സഭയിൽ പരക്കെ അറിഞ്ഞി​ട്ടു​ണ്ടെ​ങ്കിൽ അല്ലെങ്കിൽ അറിയാൻ സാധ്യ​ത​യു​ണ്ടെ​ങ്കിൽ എന്ത്‌ അറിയിപ്പ്‌ നടത്തും, എന്തു​കൊണ്ട്‌?

¹⁷ ചില സാഹച​ര്യ​ങ്ങ​ളിൽ തെറ്റി​നെ​ക്കു​റിച്ച്‌ സഭയിൽ പരക്കെ അറിഞ്ഞി​ട്ടു​ണ്ടാ​കും. അല്ലെങ്കിൽ പിന്നീട്‌ അറിയാൻ സാധ്യ​ത​യു​ണ്ടാ​യി​രി​ക്കും. അത്തര​മൊ​രു സാഹച​ര്യ​ത്തിൽ ‘എല്ലാവ​രും’ എന്നതു​കൊണ്ട്‌ ഉദ്ദേശി​ക്കു​ന്നതു മുഴു​സ​ഭ​യെ​യു​മാണ്‌. അപ്പോൾ ആ സഹോ​ദ​രനെ അല്ലെങ്കിൽ സഹോ​ദ​രി​യെ ശാസി​ച്ചി​രി​ക്കു​ന്ന​താ​യി ഒരു മൂപ്പൻ സഭയിൽ അറിയി​പ്പു നടത്തും. എന്തിന്‌? പൗലോസ്‌ പറയുന്നു: ‘മറ്റുള്ള​വർക്ക്‌ ഒരു പാഠമാ​കാൻ,’ അവരും പാപത്തി​ലേക്കു വീഴാ​തി​രി​ക്കാൻ.

18. ഗുരു​ത​ര​മായ തെറ്റു ചെയ്‌തത്‌ പ്രായ​പൂർത്തി​യാ​കാത്ത, സ്‌നാ​ന​മേറ്റ ഒരു കുട്ടി​യാ​ണെ​ങ്കിൽ മൂപ്പന്മാർ എന്തു ചെയ്യും? (ചിത്ര​വും കാണുക.)

¹⁸ ഗുരു​ത​ര​മായ പാപം ചെയ്‌തി​രി​ക്കു​ന്നത്‌ പ്രായ​പൂർത്തി​യാ​കാത്ത, സ്‌നാ​ന​മേറ്റ ഒരാളാ​ണെ​ങ്കി​ലോ? അങ്ങനെ ഒരു സാഹച​ര്യ​ത്തിൽ മൂപ്പന്മാ​രു​ടെ സംഘം രണ്ടു മൂപ്പന്മാ​രെ നിയമി​ക്കും. അവർ ആ കുട്ടി​യു​ടെ ക്രിസ്‌തീയ മാതാപിതാക്കളോടൊപ്പംb ആ കുട്ടി​യു​മാ​യി കൂടി​വ​രും. കുട്ടിയെ മാനസാ​ന്ത​ര​ത്തി​ലേക്കു നയിക്കാൻ മാതാ​പി​താ​ക്കൾ ഇതി​നോ​ടകം എന്തെല്ലാം ചെയ്‌തി​ട്ടു​ണ്ടെന്നു മൂപ്പന്മാർ ചോദി​ച്ച​റി​യും. മാതാ​പി​താ​ക്കൾ കൊടു​ക്കുന്ന സഹായം സ്വീക​രി​ച്ചു​കൊണ്ട്‌ ചിന്തയി​ലും പെരു​മാ​റ്റ​ത്തി​ലും വേണ്ട മാറ്റങ്ങൾ വരുത്താൻ അവൻ തയ്യാറാ​കു​ന്നെ​ങ്കിൽ ഒരു കമ്മിറ്റി രൂപീ​ക​രി​ക്കേ​ണ്ട​തി​ല്ലെന്ന്‌ ആ രണ്ടു മൂപ്പന്മാർ തീരു​മാ​നി​ച്ചേ​ക്കാം. മക്കൾക്കു സ്‌നേ​ഹ​ത്തോ​ടെ തിരുത്തൽ നൽകാ​നുള്ള ഉത്തരവാ​ദി​ത്വം ദൈവം നൽകി​യി​രി​ക്കു​ന്നതു മാതാ​പി​താ​ക്കൾക്കാ​ണ​ല്ലോ. (ആവ. 6:6, 7; സുഭാ. 6:20; 22:6; എഫെ. 6:2-4) കുട്ടിക്ക്‌ ആവശ്യ​മായ സഹായം കിട്ടു​ന്നു​ണ്ടെന്ന്‌ ഉറപ്പു​വ​രു​ത്താൻ മൂപ്പന്മാർ ഇടയ്‌ക്കി​ടെ മാതാ​പി​താ​ക്ക​ളോ​ടു സംസാ​രി​ക്കും. എന്നാൽ സ്‌നാ​ന​മേറ്റ, പ്രായ​പൂർത്തി​യാ​കാത്ത ഒരു കുട്ടി, മാനസാ​ന്ത​ര​മി​ല്ലാ​തെ തെറ്റായ കാര്യങ്ങൾ ചെയ്യു​ന്ന​തിൽ തുടരു​ന്നെ​ങ്കി​ലോ? അപ്പോൾ മൂപ്പന്മാ​രു​ടെ ഒരു കമ്മിറ്റി ക്രിസ്‌തീയ മാതാ​പി​താ​ക്ക​ളു​ടെ സാന്നി​ധ്യ​ത്തിൽ അവനു​മാ​യി കൂടി​ക്കാ​ണും.

“യഹോവ വാത്സല്യ​വും കരുണ​യും നിറഞ്ഞ ദൈവം”

19. തെറ്റു ചെയ്‌ത​വ​രു​മാ​യി ഇടപെ​ടു​മ്പോൾ മൂപ്പന്മാർക്ക്‌ എങ്ങനെ യഹോ​വയെ അനുക​രി​ക്കാം?

¹⁹ കമ്മിറ്റി​ക​ളിൽ സേവി​ക്കുന്ന മൂപ്പന്മാർക്കു സഭയെ ശുദ്ധമാ​യി സൂക്ഷി​ക്കാ​നുള്ള ഒരു ഉത്തരവാ​ദി​ത്വം ദൈവ​മു​മ്പാ​കെ​യുണ്ട്‌. (1 കൊരി. 5:7) അതേസ​മയം കഴിയു​മെ​ങ്കിൽ, തെറ്റു ചെയ്‌ത​വരെ മാനസാ​ന്ത​ര​ത്തി​ലേക്കു നയിക്കാ​നും അവർ ആഗ്രഹി​ക്കു​ന്നു. അതു​കൊണ്ട്‌ ആ വ്യക്തിയെ സഹായി​ക്കാൻ ശ്രമി​ക്കു​മ്പോൾ അദ്ദേഹം മാറ്റങ്ങൾ വരുത്തു​മെന്ന പ്രതീ​ക്ഷ​യോ​ടെ​ത​ന്നെ​യാ​ണു മൂപ്പന്മാർ അതു ചെയ്യു​ന്നത്‌. ‘വാത്സല്യ​വും കരുണ​യും നിറഞ്ഞ ദൈവ​മായ’ യഹോ​വയെ അനുക​രി​ക്കാ​നാണ്‌ അവർ ആഗ്രഹി​ക്കു​ന്നത്‌. (യാക്കോ. 5:11) അപ്പോ​സ്‌ത​ല​നായ യോഹ​ന്നാൻ അത്തര​മൊ​രു മനോ​ഭാ​വ​മാ​ണു കാണി​ച്ചത്‌. അദ്ദേഹം എഴുതി: “എന്റെ കുഞ്ഞു​ങ്ങളേ, നിങ്ങൾ പാപം ചെയ്യാ​തി​രി​ക്കാ​നാ​ണു ഞാൻ ഇക്കാര്യ​ങ്ങൾ നിങ്ങൾക്ക്‌ എഴുതു​ന്നത്‌. എന്നാൽ ആരെങ്കി​ലും ഒരു പാപം ചെയ്‌തു​പോ​യാൽ പിതാ​വി​ന്റെ അടുത്ത്‌ നമു​ക്കൊ​രു സഹായി​യുണ്ട്‌, നീതി​മാ​നായ യേശു​ക്രി​സ്‌തു.”—1 യോഹ. 2:1.

20. ഈ പരമ്പര​യി​ലെ അവസാ​ന​ലേ​ഖ​ന​ത്തിൽ നമ്മൾ എന്താണു പഠിക്കാൻപോ​കു​ന്നത്‌?

²⁰ എന്നാൽ ഒരു ക്രിസ്‌ത്യാ​നി മാനസാ​ന്ത​ര​പ്പെ​ടാൻ തയ്യാറാ​കു​ന്നി​ല്ലെ​ങ്കി​ലോ? അയാളെ സഭയിൽനിന്ന്‌ നീക്കം ചെയ്യണം. അത്തരം സാഹച​ര്യ​ങ്ങൾ മൂപ്പന്മാർ എങ്ങനെ കൈകാ​ര്യം ചെയ്യും? ഈ പരമ്പര​യി​ലെ അവസാ​ന​ലേ​ഖ​ന​ത്തിൽ നമ്മൾ അതു പഠിക്കും.